19 August 2017 Written by 

ఆటోలకు ఆంక్షలు

autosనెల్లూరు నగరంలో ప్రజలకు సమస్యగా, పోలీసులకు సవాల్‌గా వుండేది ట్రాఫిక్‌. భారత్‌కు చైనాతో డోక్లామ్‌ సరిహద్దు వివాదమన్నా పరిష్కారమవుతుందేమోగాని, ఈ ట్రాఫిక్‌ సమస్యకు పరిష్కారం అంత సులభంగా లభించదు.

నెల్లూరు నగరంలో 70శాతం ట్రాఫిక్‌ అయ్యప్పగుడి, ఆత్మకూరు బస్టాండ్‌ల మధ్య వున్న ట్రంకురోడ్డు పైనే నడుస్తుంది. ఇటీవలకాలంలో మినీబైపాస్‌ రోడ్డు మీదకు ట్రాఫిక్‌ డైవర్ట్‌ కాబట్టి ట్రంకురోడ్డుపై కొంత ఒత్తిడి తగ్గింది. లేకుంటే ట్రంకురోడ్డులో ట్రాఫిక్‌ ఇంకా నరకంగా వుండేది. నెల్లూరులో ట్రాఫిక్‌కు ప్రధాన కారణం ఆటోలు. గతంలో దాదాపు 200 టౌన్‌బాస్సులుండేవి. ఆటోలు పెరిగి అవి తగ్గిపోయాయి. ఇప్పుడు నెల్లూరులో వున్నన్ని ఆటోలు మెట్రోసిటీలో కూడా వుండవేమోననిపిస్తుంది. ట్రంకురోడ్డులో ఎప్పుడు చూసినా ఆటోల ర్యాలీ జరుగుతున్నట్లుగా వుంటుంది. ట్రాఫిక్‌ను సరిదిద్దడంలో భాగంగా జిల్లా ఎస్పీ ఆటోలపై దృష్టిపెట్టారు. ఆటోలకు కొన్ని ఆంక్షలు విధించారు. ఆటోలకు పోలీసుస్టేషన్‌ల వారీగా నెంబర్లు ఇస్తారు. ప్రయాణీకులను పరిమితికి మించి ఎక్కించుకుంటే ఇక భారీ జరిమానాలు కట్టాల్సిందే! ఆటో కెపాసిటి ముగ్గురు ప్రయాణీకులు మాత్రమే. కాని, ఏ ఆటోలోనూ ఐదారు మందికి తక్కువ వుండరు. ఇక నిర్మాణ పనులకు కూలీలను తీసుకెళ్లే ఆటోలలో అయితే పదిమందికి తక్కువ వుండరు. దీనిపై పోలీ సులు ఇక గట్టిగా వుంటారు. పరిమితికి మించి ఎక్కిస్తే కేసులే! నగరంలో ఆటోలకు ఒక పద్ధతి పాడూ లేకుండా నడుస్తుంటాయి. ప్రయాణీకుడు చెయ్యెత్తితే నడిరోడ్డు మీద కూడా ఆటోలను ఆపేసి ఎక్కించుకుంటుంటారు. దీనివల్ల వెనుకవైపు ఎంతో ట్రాఫిక్‌ ఆగిపోతుంది. ఇకనుండి నిర్ణీత స్టాపింగ్‌లలో మాత్రమే ఆటోలను నిలిపి ప్రయాణీకులను ఎక్కించుకోవాల్సి వుంటుంది. ఆటో యజమానులు తమ ఆటోలను లైసెన్స్‌ లేని వారికి ఇచ్చినా, మైనర్లకు ఇచ్చినా యజమానులపై కేసులు నమోదు చేస్తారు. అలాగే నెల్లూరు చుట్టుపక్కల ప్రాంతాలైన ముత్తుకూరు, టి.పి.గూడూరు, ఇందుకూరుపేట, కొడవలూరు, విడవలూరు, కోవూరు, బుచ్చి, నెల్లూరురూరల్‌ మండలం, వెంకటాచలం, పొదల కూరు మండలాలలోని పలు గ్రామాల నుండి ప్రతిరోజూ వేలసంఖ్యలో ఆటోలు ప్రయాణీకులతో నెల్లూరు నగరంలోకి ప్రవేశిస్తుంటాయి. నగరంలోని ట్రాఫిక్‌పై ఇవి అదనపు భారం. ఈ ప్రాంతాల ఆటోలపై కూడా పోలీసులు ఆంక్షలు విధించారు. ఆయా మండలాల వైపు నుండి వచ్చే ఆటోలను నగర శివార్లలోని ప్రాంతాల వరకే అనుమతిస్తారు. పరిధి దాటి లోపలకు వస్తే చర్యలు తీసుకుంటారు. దీనివల్ల ట్రంకురోడ్డుపై కొంతవరకన్నా ఆటోలు తగ్గుతాయి. ఈ నిబంధ నలను ఖచ్చితంగా అమలు చేస్తే కొంతవరకన్నా నగరంలో ట్రాఫిక్‌ సమస్య తగ్గుతుంది.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…

Newsletter