galpikaప్రపంచ మేటి నగరాలలో మొదటి ర్యాంకు తెచ్చుకున్న అమరావతి నగరం. కరకట్ట మీదగల హైటెక్‌రత్న సీఎం చంద్రబాబు క్యాంప్‌ కార్యాలయం. చంద్రబాబు, లోకేష్‌, బాలకృష్ణ, భువనేశ్వరి, బ్రాహ్మణి, వసుంధర, నారా దేవాన్ష్‌లు అక్కడ హాల్‌లో కూర్చుని టీవీలో 'పెళ్లాం కొడితే పడాలి' సీరియల్‌ చూస్తున్నారు. అంతలో అక్కడకు వెయిట్‌ లాస్‌ ప్రోగ్రామ్‌ మాస్టర్‌, ఎంపీ మురళీ మోహన్‌, జేసీ దివాకర్‌రెడ్డి, మంత్రులు పి.నారాయణ, దేవినేని ఉమామహేశ్వర రావు, పత్తిపాటి పుల్లారావులు వచ్చారు. నారాయణ వుండి... ఆ దిక్కుమాలిన సీరియల్స్‌ ఏం చూస్తారుగాని ముందు ఎన్‌టివి పెట్టండి అని చెప్పాడు. బాలకృష్ణ రిమోట్‌ తీసుకుని 'ఎన్‌' టివి పెట్టాడు. టీవీ స్క్రీన్‌పై వైసిపి అధినేత వై.యస్‌. జగన్మోహన్‌రెడ్డి బంగీజంప్‌ దృశ్యాలు వస్తున్నాయి. జగన్‌ సాహసం అద్భుతం... ఏ నాయకుడూ చేయని సాహసాన్ని జగన్‌ చేసాడు. ఆయన ఫీట్‌కు ప్రజలు ఫిదా అవుతున్నారు అని న్యూస్‌రీడర్‌ చెబు తోంది. ఆ సీన్‌లు చూసి చంద్రబాబుకు అరికాల్లో మండసాగింది. ఈ ఫీట్లు చేస్తే జనాలు ఓట్లేస్తారా? అని ఆవేశంగా చంద్రబాబు అడిగాడు. దానికి నారాయణ... ఇప్పుడు యూత్‌ ఇలాంటి సాహసాలు చేసే వాళ్ళనే అభిమానిస్తు న్నారు సార్‌. ముఖ్యంగా అమ్మాయిలు. మన లోకేష్‌ చేత కూడా ఇలాంటి ఫీట్లు ఏవన్నా చేయిస్తే బాగుంటుందని సలహా ఇచ్చాడు. అక్కడే వున్న మురళీమోహన్‌... ఇలాంటి ఫీట్లు చేస్తే బరువు తగ్గుతా రనుకుంటే నేను చేయడానికి రెడీ అన్నాడు. అక్కడేవున్న దివాకర్‌రెడ్డి... బోచేసావ్‌లేవయ్యా ఆ ఫీట్లు... ఆ పిల్లోడంటే గట్టి గుండెకాయ వున్నోడు. మనమంతా ఆ ఫీట్లు చేస్తే గుండెకాయ జారి గొంతులోకి రాదూ అంటూ వారి ఉత్సాహంపై నీళ్ళు చల్లాడు. అంతా విన్న లోకేష్‌... జగన్‌ చేసింది కూడా ఒక ఫీటేనా... దాని అబ్బ లాంటి ఫీట్‌ చేస్తాను... మీ అందరూ ముక్కున వేలేసు కునేలా చేస్తాను... ఇదీ నా ఛాలెంజ్‌ అంటూ లేచాడు. లోకేష్‌ మాటలతో చంద్రబాబు ఖంగుతిని... నాయనా, లోకేసా అధికారం ఇప్పుడు కాకపోతే ఇంకోసారి వస్తుంది, మనకెందుకొచ్చిన తలనొప్పి చెప్పు అని నచ్చచెప్పబోయాడు. అందుకు లోకేష్‌... నేను ఒక్కసారి కమిట్‌ అయ్యానంటే నా మాట నేనే కాదు, నా భార్య మాట కూడా వినను. జై రాజమౌళి అంటూ లేచి వెళ్ళిపోయ్యాడు. లోకేష్‌ ఏం చేస్తాడో, ఏమో అనుకుంటూ అందరూ టెన్షన్‌ పడసాగారు!

----

పక్కరోజు తెల్లారింది. చంద్రబాబు లేచి హాల్‌లోకి వచ్చాడు. అప్పుడే వచ్చిన చంద్రజ్యోతి పత్రికను తీసుకున్నాడు. మొదటిపేజీలోనే బ్యానర్‌లో... ఐటి మంత్రి నారా లోకేష్‌ అద్భుత సాహసాలు ఈరోజు ఉదయం 9గంటలకు మీ సిబిఎన్‌ ఛానెల్‌లో ''ఉద్యోగులు, వ్యాపా రులు, విద్యార్థులు... అందరూ ఆఫీసులు, స్కూళ్ళు, దుకాణాలు, కాలేజీలు ఎగ్గొట్టి ఇళ్ళలోనే కూర్చుని చూడండి...'' అని వుంది. అది చదివి చంద్రబాబు ఇంట్లో వున్న భువనేశ్వరి, బ్రాహ్మణి, బాల కృష్ణలను పిలిచి ఆ వార్త చూపించాడు. అందరూ ఆశ్చర్యంతో... లోకేష్‌ ఏం చేసాడబ్బా అని ఆలోచనలో పడిపో యారు. చంద్రజ్యోతిలో ఈ వార్త చదివిన తెలుగుదేశం ఎంపీలు, మంత్రులు, ఎమ్మెల్యేలందరూ చంద్రబాబు ఇంటి వద్దకు వచ్చేసారు, ఆయనతో కలిసి టీవీలో లోకేష్‌ సాహస విన్యాసాలు చూడాలని... ఆ ఆనందాన్ని ఆయన కళ్ళల్లో చూస్తూ తరించాలని. అప్పుడే లోకేష్‌ అక్కడకు వచ్చాడు. అందరూ లోకేష్‌ను చుట్టుముట్టి... ఏం ఫీట్‌ చేసారు బాబూ... మాకు టెన్షన్‌గా వుంది... చెప్పరా అని అడగసాగారు. దానికి లోకేష్‌... తినబోతూ రుచి అడగడం ఎందుకు? ఇంకో పదిహేను నిముషాలలో మీరే చూస్తారుగా అని చెప్పాడు. అక్కడ నాయకులతో పాటు కార్యకర్తలు కూడా పెద్దసంఖ్యలో పోగవడంతో టీవీ అయితే అందరికీ కనిపించదని చెప్పి అప్పటి కప్పుడు భారీస్క్రీన్‌ను ఏర్పాటు చేశారు. వరల్డ్‌కప్‌ క్రికెట్‌ ఫైనల్‌ మ్యాచ్‌ జరుగుతున్నట్లుగా వుంది అక్కడి వాతా వరణం. అప్పుడే 9గంటలయ్యింది. సిబిఎన్‌ ఛానెల్‌లో న్యూస్‌ మొదల య్యాయి. హెడ్‌లైన్స్‌లో ఒళ్ళు గగుర్పాటు చెందే సాహసవిన్యాసాలు.. బీపీ వుండే వాళ్ళు మాత్రలు వేసుకుని చూడాల్సిన దృశ్యాలు... లోకేష్‌ సాహసాలు... అంటూ న్యూస్‌రీడర్‌ చెప్పింది. వెంటనే స్క్రీన్‌పై బ్యాక్‌గ్రౌండ్‌లో బాహుబలి-1 సినిమాలోని 'ధీవరా ప్రసర సౌర్య భార... ఉత్సర స్థిర గంభీర...' అనే సాంగ్‌ వస్తుండగా ఎత్తైన కొండలు... వాటి మీద నుండి ఉధృతంగా కిందకు జారుతున్న జలపాతాలు... ఆ సీన్‌లోనే లోకేష్‌ బాహుబలిలో ప్రభాస్‌ గెటప్‌లో ఒక కొండ మీద నుండి ఇంకో కొండ మీదకు జంప్‌ చేయడం... అవతల కొండను పట్టుకోలేక పట్టుతప్పి 5వేల అడుగుల ఎత్తున్న కొండ మీద నుండి పడిపో తుండడం... (ఈ సీన్‌ చూసేటప్పుడు చంద్రబాబుతో సహా అందరి రోమాలు నిక్కబొడుచుకున్నాయి. భువనేశ్వరి, బ్రాహ్మణిలలో అయితే టెన్షన్‌ తారా స్థాయికి చేరగా దేవాన్ష్‌ మాత్రం భలే భలే చేసావు నాన్న అంటూ చిట్టి చేతు లతో చప్పట్లు కొడుతున్నాడు) దాదాపు సగం భాగం క్రిందకు వచ్చిన సమ యంలో లోకేష్‌ టక్కున కొండపై నుండి పక్కకు వంగివున్న చెట్టు ఊడలను పట్టుకున్నాడు. ఆ ఊడలు పట్టుకునే వేలాడుతూ తన అమ్ముల పొదిలోవున్న ఒక బాణానికి మర్రిచెట్టు ఊడను బలంగా బిగించాడు. తర్వాత భుజానికి తగిలించుకుని వున్న విల్లును తీసి బాణాన్ని కొండ శిఖరం పైనవున్న చెట్టుకు గురిచూసి వదిలాడు. షార్‌ నుండి వదిలిన రాకెట్‌లా ఆ బాణం రివ్వున దూసుకుపోసాగింది. బాహుబలి పార్ట్‌ 1 చూసిన వాళ్ళందరూ... ఆ బాణం కొండ శిఖరానవున్న చెట్టులో గుచ్చుకుంటుం దని అనుకోసాగారు. కాని అక్కడ అలా జరగలేదు. లోకేష్‌ వదిలిన ఆ బాణం చెట్టును దాటిపోయి ఆకాశంలోకి దూసుకుపోసాగింది. అలా వెళ్ళి వెళ్ళి హైదరాబాద్‌ నుండి గన్నవరం పోతున్న ఓ విమానం టైరుకు తగులుతుంది. యాహూ అంటూ లోకేష్‌ ఆ ఊడలను పట్టుకుని పైకి ఎగబాకసాగాడు. విమానం వెయ్యి కిలోమీటర్ల వేగంతో పోతుంది. లోకేష్‌ అంతే వేగంతో ఎగ బాకాడు. విమానం అమరావతి ఏరియా లోకి రాగానే లోకేష్‌ అమాంతం 10వేల అడుగుల ఎత్తునుండి దూకేసాడు. ఆ ఫీట్‌ చూసి అందరికీ గుండెలు జారాయి. ప్రాణాలు ఉగ్గబట్టి చూస్తున్నారు. భూమికి వెయ్యి అడుగుల ఎత్తులో వున్నాడనగా లోకేష్‌ తన జేబులో నుండి ఒక బటన్‌ తీసి నొక్కాడు. అంతే ఆయన రెండు భుజాలకు తగిలించుకుని వున్న స్కూల్‌ బ్యాగ్‌ పారాచూట్‌లా మారింది. లోకేష్‌ పారాచూట్‌ సాయంతో ఉండవల్లిలోని సీఎం క్యాంప్‌ కార్యాలయం భవనం పైనే సురక్షితంగా దిగాడు. అప్పటిదాకా ఆ దృశ్యాలను ఉగ్గబట్టి చూస్తున్న వాళ్ళంతా లోకేష్‌ సురక్షితంగా దిగగానే పెద్దపెట్టున చప్పట్లు కొడుతూ లోకేష్‌కు అభినంద నలు తెలపసాగారు. టీవీ స్క్రీన్‌ మీద లోకేష్‌ సాహస విన్యాసాల దృశ్యాలు ముగియగానే పబ్లిక్‌ పోల్‌ ప్రశ్న ఒకటి ఇచ్చారు. ఇప్పటివరకు మీరు చూసిన లోకేష్‌ సాహసాలు నిజమేనని భావి స్తున్నారా? అవును అయితే 'ఎస్‌' అని, కాదు అయితే 'నో' అని మాకు టైప్‌ చేసి పంపండి అని ఇచ్చారు. ఓ ఐదు నిము షాల తర్వాత 99శాతం మంది 'ఎస్‌' అని టైపు చేసారని రిజల్ట్‌ కూడా ఇచ్చారు. అంతా అయ్యాక చంద్రబాబు లోకేష్‌తో... ఇంత సాహసం ఎలా చేయ గలిగావని అడిగాడు. దానికి, లోకేష్‌... మావయ్య బాలకృష్ణ స్ఫూర్తి... దర్శకుడు ఎస్‌ఎస్‌ రాజమౌళి సహకారంతోనే ఇదంతా చేసా... రాజమౌళి అండ వుంటే ఈ ఫీట్లేం ఖర్మ, ప్రపంచాన్ని జయించే ఫీట్లే చేయగలను... అంతా గ్రాఫిక్స్‌ మహిమ అంటూ లేచాడు.

kattiఏదైతే తరతరాలుగా వస్తున్నఓ విష సంస్కృతిని అంతం చేయాలనుకుంటున్నామో, ఏ సంస్కృతి వల్ల అయితే సమాజంలో భిన్న వర్గాల మధ్య వైషమ్యాలు తలెత్తుతున్నాయో, ఏ అనాగరిక చర్యల వల్ల అయితే కొన్ని వర్గాలవాళ్ళు సమాజంలో కలిసిపోలేక విదేశీ సంస్కృతుల వైపు ఆకర్షితులవుతున్నారో... ఏ దురహంకారం వల్ల ఈ మతం నాది కాదని విద్వేషం పెంచుకుంటున్నారో... అదే సంస్కృతి, అదే అనాగరిక చర్య, అదే అగ్రవర్ణ అహంకార ధోరణి 'కత్తి మహేష్‌' అనే

సినీ క్రిటిక్‌ విషయంలోనూ పునరావృతమైంది. ఈ చర్య సమాజంలో అంటరానితనాన్ని రూపుమాపేదిగా వుండకపోగా అలనాటి అగ్రవర్ణ దురహంకార ఛాయలకు అద్దంపడుతోంది.

''కత్తి మహేష్‌''... గత కొన్నిరోజులుగా తెలంగాణలో కేసీఆర్‌, రేవంత్‌రెడ్డిల కన్నా, ఏపిలో జగన్‌, పవన్‌ల కన్నా పాపులర్‌గా వినపడుతున్న పేరు. అయితే ఈయనగారు ఒలం పిక్స్‌లో దేశానికి గోల్డ్‌మెడల్‌ సాధించడం ద్వారానో, ప్రపం చంలోని ఎత్తైన పర్వతాలన్నిం టిని అధిరోహించడం ద్వారానో, సరిహద్దులో పాతికమంది

ఉగ్రవాదులను మట్టుబెట్టడం ద్వారానో పాపులర్‌ కాలేదు.

ఒక మనిషి సమాజంలో ఫోకస్‌ కావాలంటే రెండు మార్గాలుంటాయి. మొదటిది ఏ రంగంలోనైనా రాణించి కీర్తిప్రతిష్టలు పొందడం. ఈ విధంగా రాణించాలంటే కఠోర సాధన, నిరంతరం పోరాటం చేయాలి. దీనికి చాలాకాలం పడుతుంది! అలాకాకుండా తొందరగా ఫోకస్‌ కావడానికి అడ్డదారులుంటాయి. ఈ రెండో మార్గంలో సమాజంలో అలజడి సృష్టించే పనులు చేస్తే చాలు... త్వరగా ఆయన పేరు ఫోకస్‌లోకి వస్తుంది. ఇలాంటి అడ్డదారిని ఎంచుకున్న వ్యక్తే కత్తి మహేష్‌!

గతంలో టివి9 న్యూస్‌ ఛానెల్‌ వేదికగా సినీహీరో పవన్‌కళ్యాణ్‌ వ్యక్తిగత జీవితాన్ని గెలికి చాలారోజులు మీడియాకు 24గంటలూ పనిపెట్టాడు. అది పాతబడిపోయిందనుకున్న తరుణంలో ఈసారి ఏకంగా కోట్లాది హిందువుల ఆరాధ్యదైవం శ్రీరామచంద్రుడికే విమర్శల బాణం ఎక్కుపెట్టాడు. రాముడిలో రామాయణంలో అతనికి ఏవన్నా లోపాలు కనిపిస్తే వాటిపై చర్చిస్తే సరే... ఏకంగా రాముడిని తూలనాడాడు. సీతమ్మను అవమానకర రీతిలో మాట్లాడాడు. సీతా రాములను దైవంగా కొలిచే కోట్లాదిమంది హిందువుల మనోభావాలను కత్తి వ్యాఖ్యలు తీవ్రంగా బాధించాయి. కత్తి మహేష్‌పై హిందూ సంఘాలు తీవ్రస్థాయిలో ధ్వజ మెత్తడం, ఆందోళనలు నిర్వహించడం జరిగింది. హిందువుల ఓట్లతో పదవులు అనుభవిస్తున్న నాయకులు, హిందువుల డబ్బుతో సినిమాల్లో రాణిస్తున్న సినీనటులు ఈ విషయంలో పెద్దగా స్పందించలేదుగాని సాధారణ హిందువులు, స్వామీజీల నుండి తీవ్ర ప్రతిఘటన రావడంతో ఉభయ తెలుగు రాష్ట్రాలలోనూ ఉద్రిక్త పరిస్థితులు నెలకొన్నాయి. ఈ దశలో తెలంగాణ ప్రభుత్వం జోక్యం చేసుకుంది. కత్తి మహేష్‌ను హైదరాబాద్‌ నగరం నుండి బహిష్కరిస్తున్నట్లు తెలంగాణ డిజిపి మహేంద్రరెడ్డి ప్రకటించారు.

ఈ నగర బహిష్కరణే... అర్ధంకాని విషయం. ఇక్కడ మళ్ళీ దళిత కార్డును లోడే పరిస్థితి వచ్చింది. చరిత్రను తిరగేస్తే దళితులను ఊరికి దూరంగా వుంచడం, కొన్ని సందర్భాల్లో దళితులను వూరి నుండి వెలివేయడం వంటి సంఘటనలే అంటరానితనానికి ఆజ్యం పోసాయి. ఇక్కడా అదే సీన్‌ రిపీట్‌ అయ్యింది. కత్తి మహేష్‌ను హైదరాబాద్‌ నుండి బహిష్కరిస్తే దేశం వదిలిపోడు కదా! ఈ దేశంలోనే ఇంకో చోట వుంటాడు. అక్కడైనా అతనితో అదే సమస్య. అప్పుడే దళిత సంఘాల నాయకులు చరిత్ర మారలేదంటూ విమర్శలు చేస్తున్నారు. ఇక్కడ కత్తి మహేష్‌ అనే వ్యక్తిని దళితుడిగా కాకుండా ఒక మనిషిగా, ప్రజల మనోభావాలను దెబ్బతీస్తున్న వ్యక్తిగా చూస్తే ఏ సమస్యా లేదు. కాని మళ్ళీ అతని తరపున దళిత కార్డును వాడుతున్నారు. దీంతో సమస్య పరిష్కారం కాకపోగా మరింత జఠిలమవుతుంది.

కత్తి మహేష్‌పై నగర బహిష్కరణ విధించబట్టే కులం కార్డు మళ్ళీ తెరమీద కొచ్చింది. దానిబదులు చట్టపరిధిలోనే కేసులు నమోదు చేసి కోర్టుకు లాగివుంటే రాజ్యాంగ పరిధిలోనే అతని తప్పుకు తగిన శిక్ష పడేది.

ప్రధానంగా మీడియా పోటీ తత్వంతో పనికిమాలిన చర్చా వేదికలు పెడుతుండడం వల్లే మెదడు నిండా బూజుపట్టిన వాళ్ళంతా వచ్చి ఏదేదో వాగడం, సంఘర్షణ తలెత్తడం జరుగుతోంది. అసలు మత, కుల సంబంధ విషయాలపై టీవీలలో చర్చలు లేకుండా నిషేధం విధించాలి.

azizఅసెంబ్లీలోకి అడుగుపెట్టి 'సముద్రం' సినిమాలో తనికెళ్ళ భరణిలాగా 'అధ్యక్షా' అనాలనే కోరిక చాలామంది రాజకీయ నాయకులకుంటుంది. దానిని నెరవేర్చుకోగలిగిన వాళ్ళు

కొందరే! అలాంటి కోరిక బలంగా వున్నోళ్ళలో మన మేయర్‌ అబ్దుల్‌ అజీజ్‌ ఒకడు.

ప్రజారాజ్యం పార్టీ ద్వారా రాజకీయాలలోకి వచ్చిన అజీజ్‌, ఆ తర్వాత కాలంలో వైసిపిలో చేరడం తెలిసిందే! వైసిపిలో వున్నప్పుడు మేకపాటి రాజమోహన్‌రెడ్డి ముఖ్యఅనుచరుడిగా వుంటూ మైనార్టీల కోటాలో నెల్లూరు నగరం సీటు కోసం తీవ్రంగా ప్రయత్నించాడు. అయితే అప్పటికే నగర వైసిపి ఇన్‌ఛార్జ్‌గా పి.అనిల్‌కుమార్‌యాదవ్‌ ప్రజల్లోకి వెళ్ళిపోయి వుండడం, ఆయనకే గెలుపు అవకాశాలున్నాయనే సమాచారంతో అజీజ్‌ను అసెంబ్లీ కంటే ముందే వచ్చిన కార్పొరేషన్‌ ఎన్నికల్లో మేయర్‌ అభ్యర్థిగా ప్రకటించడం జరిగింది. నెల్లూరులో వైసిపి పట్ల వున్న ప్రజాదరణతో మేయర్‌గా ఎన్నికైన అజీజ్‌, రాష్ట్రంలోనే అందరికంటే ముందుగా పార్టీ ఫిరాయించి తెలుగుదేశంలో చేరడం తెలిసిందే!

మైనార్టీల కోటాలో నెల్లూరు నగరం టిక్కెట్‌ కోసం ఆయన తీవ్రంగా ప్రయత్నిస్తున్నట్లు తెలుస్తోంది. నెల్లూరు నగరం టీడీపీ టిక్కెట్‌ విషయంలో మంత్రి పి.నారాయణతో పాటు నగర ఇన్‌ఛార్జ్‌ ముంగమూరు శ్రీధరకృష్ణారెడ్డి, నుడా ఛైర్మెన్‌ కోటంరెడ్డి శ్రీనివాసులురెడ్డి, మహిళా కోటాలో తాళ్ళపాక అనూరాధల పేర్లు కూడా ప్రచారంలో వున్నాయి. జిల్లా తెలుగుదేశంలో నెల్లూరు సిటీ సీటుకున్నంత పోటీ ఇంకే సీటుకు లేకపోవడం గమనార్హం. ఇక్కడ కాంపిటీషన్‌ ఎక్కువుగా వుండడంతో తనకు సీటు రాకపోతే ఏం చేయాలనేదానిపై మేయర్‌ అజీజ్‌ దూరదృష్టితో ఆలోచించినట్లు తెలుస్తోంది. టీడీపీ సీటు రాకుంటే జనసేన నుండైనా సీటు తెచ్చుకుని పోటీ చేసేందుకు ఆయన సన్నద్ధమవుతున్నట్లు సమాచారం. ఈమేరకు 'జనసేన' వారిని సంప్రదించినట్లు తెలుస్తోంది. జనసేన నుండి అయితే ముస్లిం ఓట్లన్నీ గంపగుత్తగా తనకే పడతాయని, ఇక పవన్‌కళ్యాణ్‌ అభిమానులు, కాపుల ఓట్లు కలిస్తే తనకు గెలుపు అవకాశాలుంటాయని ఆయన నమ్మకం. దాంతో ఆ దిశగానే ఆయన ప్రయత్నాలు సాగిస్తున్నట్లు వినికిడి.

ramanaమాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది.

ఆనం పార్టీలోకి వస్తే వర్గ విభేదాలొస్తాయని, ఆయన రావడం మేకపాటి వర్గీయులకు ఇష్టం లేదని రకరకాల ప్రచారం పుట్టిస్తున్నారు. ఆయన రాకూడదు, ఈయనను పార్టీలోకి తీసుకోకూడదు అన్న మూర్ఖత్వపు విధానాలవల్లే 2014లో వైసిపి అధికారంలోకి రాలేకపోయింది. ఇప్పుడు కూడా అలాంటి మూర్ఖత్వపు చేష్టలు చేస్తే చేజేతులా పార్టీకి చేటు చేసినవాళ్ళే అవుతారు. ఎవరిని పార్టీలోకి తీసుకోవాలి, ఎవరికి సీట్లివ్వాలి అన్నది పూర్తిగా పార్టీ అధినేతగా వై.యస్‌.జగన్మోహన్‌రెడ్డి ఇష్టం.

ఇక ఆనం రామనారాయణరెడ్డిని పార్టీలోకి తీసుకోవడం వల్ల జిల్లాలో వైసిపికి అదనపు బలమేకాని వచ్చే నష్టం ఏమీ లేదు. ముందు టీడీపీకి ఒక బలమైన అభ్యర్థిని లేకుండా చేసినట్లవుతుంది. ఆనం టీడీపీలో వుండి ఆత్మకూరు నుండే పోటీ చేస్తే వైసిపి అభ్యర్థి గెలుపు ఫిఫ్టీ-ఫిఫ్టీ ఛాన్స్‌లో వుంటుంది. అదే ఆనం వైసిపిలోకి వస్తే ఆత్మకూరులో వైసిపి అభ్యర్థి ఎవరైనా గెలుపు శాతం చాలా పెరుగుతుంది. ఆనంకు ఆత్మకూరు సీటిస్తారా లేక వెంకటగిరి సీటిస్తారా ఏదీ కాకుంటే సర్వేపల్లికి పంపిస్తారా అన్నది జగన్‌ ఇష్టం. అభ్యర్థుల ఎంపికలో తేలే విషయం.

కాని ఆనం పార్టీలో చేరడం వల్ల వైసిపికి ఒక్క ఆత్మకూరు నియోజకవర్గంలోనే కాదు, వెంకటగిరి, సర్వేపల్లి, ఉదయగిరి, నెల్లూరునగరం, రూరల్‌ నియోజకవర్గాలలోనూ ఎంతోకొంత అదనపు బలం చేకూరుతుంది. కాబట్టి వైసిపిలోకి ఆనం రామనారాయణ రెడ్డిని తీసుకోవడాన్ని ఎవరూ ఆక్షేపించాల్సిన అవసరం లేదు. బలమైన నాయకులను ప్రత్యర్థులుగా వుంచుకోవడం కంటే మన అనుచరులుగా, అభ్యర్థులుగా మార్చుకోవడం నేటి రాజకీయ వాతావరణంలో అనుసరిం చాల్సిన ప్రధాన సూత్రం. జగన్‌ ఇప్పుడు ఆ బాటలో నడుస్తున్నాడని చెప్పొచ్చు.

kak mutపొలిటికల్‌ గేమ్‌లో అధికారులు అప్పుడప్పుడూ పావులుగా మారుతుంటారు. 'కరవమంటే కప్పకు కోపం... విడవమంటే పాముకు కోపం' అనే సామెతకు అధికారులు అద్దినట్లు సరిపోతుంటారు. అధికారంలో వున్న నాయకుల మాటలు వింటే ప్రతిపక్ష నాయకులు తూర్పారబడతారు, వినకపోతే అధికారపార్టీ నాయకులు కక్షగట్టి అప్రాధాన్యత ప్రాంతాలకు బదిలీలు చేయడం వంటివి చేస్తుంటారు. రాష్ట్ర రాజకీయాలలో అధికారుల పరిస్థితి ఎప్పుడు కూడా అడకత్తెరలో పోకచెక్క మాదిరిగానే ఉంటుంది. ప్రస్తుతం నెల్లూరుజిల్లాలో సర్వేపల్లి ఎమ్మెల్యే కాకాణి గోవర్ధన్‌ రెడ్డి వర్సెస్‌ కలెక్టర్‌ల మధ్య జరుగుతున్న పోరును చూస్తున్నాం. జిల్లా కలెక్టర్‌ ముత్యాలరాజుపై ఎమ్మెల్యే కాకాణి తీవ్రస్థాయిలో విమర్శలు చేసాడు. కలెక్టర్‌ను పచ్చచొక్కా వేసుకున్న తెలుగుదేశం కార్యకర్తగా అభివర్ణించాడు. కలెక్టర్‌ ప్రోటోకాల్‌ పాటించడం లేదు, తెలుగుదేశం తొత్తుగా మారాడు. మంత్రి సోమిరెడ్డి చంద్ర మోహన్‌రెడ్డి అడుగులకు మడుగులొత్తుతున్నాడు. వెంకటాచలంలో రూర్బన్‌ క్రింద జరుగుతున్న పనులు ఘోరంగా వుంటే కలెక్టర్‌ పట్టించుకోడం లేదు. మంత్రి సోమిరెడ్డి చంద్రమోహన్‌రెడ్డి కొడుకు రాజగోపాలరెడ్డిని ఏ హోదాలో అధికారిక సమావేశా లలో వేదికలపై కూర్చోబెడుతున్నారు. సర్వేపల్లి నియోజక వర్గంలో నిర్వహించే అధికారిక కార్యక్రమాలకు ఎమ్మెల్యేగా నన్ను పిలవకుండా మంత్రి కొడుకును ఎందుకు పిలుస్తున్నారు. పంచాయితీలలో అక్రమాలు జరిగాయని ఆరోపణలు వస్తే ఒక్క వైసిపి సర్పంచ్‌లపై మాత్రం వెంటనే చర్యలు తీసుకున్నారు. ఇలా ఎన్నో ఆరోపణలతో కాకాణి కలెక్టర్‌పై విరుచుకుపడడమే కాక ఇవిగో ఆధారాలంటూ 9వ తేదీ నెల్లూరు కలెక్టరేట్‌లో జేసీ-2 కమలకుమారిని కలిసి కొన్ని పత్రాలు అందజేశారు. కలెక్టర్‌పైనే కాకాణి పదునైన విమర్శలతో దాడి చేయడంతో ఉద్యోగ సంఘాలు రియాక్టయ్యాయి. కలెక్టర్‌పై కాకాణి వ్యాఖ్యలు దారుణమంటూ రెవెన్యూ సంఘాలు మండిపడుతున్నాయి. బి.సి ఉద్యోగులు నెల్లూరులో కాకాణికి వ్యతిరేకంగా ధర్నా చేసారు. ఇక జిల్లా అభివృద్ధి కోసం శక్తివంచన లేకుండా కృషి చేస్తున్న కలెక్టర్‌ను తిడతారా... కలెక్టర్‌కు మేం అండగా వున్నాం అంటూ తెలుగుదేశం నాయకులు, కార్యకర్తలతో సోమవారం వెంకటా చలంలో భారీ ర్యాలీ చేసారు. అయితే తనపై ఇంత దాడి జరుగుతున్నా కలెక్టర్‌ ముత్యాలరాజు ఎక్కడా నోరు మెదపకుండా తన పని తాను చేసుకుపోతున్నాడు. ఈ వివాదం చిలికిచిలికి ఎక్కడికి దారి తీస్తుందో చూడాలి! జిల్లాలో ప్రజాప్రతినిధులకు అధికారులకు మధ్య విభేదాలు, వాగ్యుద్దాలు కొత్తేం కాదు, కాని గతంలో అధికారపార్టీ నాయకు లతో అధికారులకు వైరం ఏర్పడేది. గతంలో కొమ్మి లక్ష్మయ్య నాయుడు, కలెక్టర్‌ శ్రీలక్ష్మిల మధ్య గొడవ చూసాం. కురుగొండ్ల రామకృష్ణ, కలెక్టర్‌ ఎన్‌.శ్రీకాంత్‌ల వివాదం చూసాం. గతంలో ప్రతిపక్ష నేతలు కూడా కలెక్టర్‌, ఎస్పీ వంటి అధికారులపై తీవ్ర స్థాయిలో విమర్శలు చేసిన సందర్భాలున్నాయి. అంతెందుకు ఇటీవలే రూరల్‌ ఎమ్మెల్యే కోటంరెడ్డి శ్రీధర్‌రెడ్డి జిల్లా ఎస్పీపై తీవ్రస్థాయిలో విరుచుకుపడడం చూసాం. ఇప్పుడు కాకాణి, కలెక్టర్‌ గొడవ... చిలికి చిలికి గాలి వానగా మారకముందే సమిసిపోతే మంచిది!

దురదృష్టం వెంటాడుతున్నప్పుడు..కర్ర కూడా పామై కరుస్తుందని సామెత. ఒక్కోసారి అంతే. సరదాగా ఏ సాహసమో చేయాలని ప్రయత్నిస్తే చివరికది ప్రాణాలమీదికి వస్తుంటుంది. అదృష్టం బావుంటే బతికి బట్టకడతాం.. లేకుంటే లేదు. ఇలాంటి ఘటనలు ఒక్క ఇండియాలోనే కాదు, ప్రపంచవ్యాప్తంగా నిత్యం బోలెడు జరుగుతూనేవుంటాయి.

అయితే, థాయ్‌లో ఇటీవల జరిగిన ఘటన మాత్రం వళ్ళు గగుర్పొడిచేంత ఆందోళన కలిగించేదే! అయితే, సహాయకుల సాహసంతో కథ సుఖాంతమైంది. ప్రపంచవ్యాప్తంగా సంచలనం సృష్టించిన ఈ ఘటన థాయ్‌లాండ్‌లో జరిగింది. థాయ్‌లో ఒక పెద్ద గుహ వుంది. దాని పేరు తామ్‌ లువాంగ్‌ గుహ. అది సుమారు పదికిలోమీటర్ల పొడవుంటుంది. లోపలంతా చీకటిగా..వంకరటింకరగా ఏదో మాయాగుహలా ఉంటుందది. లోపలికి వెళ్తే.. ఇక తిరిగివస్తామన్న నమ్మకం కూడా లేదు. అంత భయంకరమైన గుహను సరదాగా చూసొద్దామని కొంతమంది పిల్లలు ముచ్చట పడ్డారు. వారంతా 11 నుంచి 16 ఏళ్ళ వయసున్న బాలలే. వీరంతా ఫుట్‌బాల్‌ ప్లేయర్లు కావడం విశేషం. ఫుట్‌బాల్‌ మ్యాచ్‌ చూడడానికి వచ్చి పనిలోపనిగా ఆ గుహను కూడా చూడాలని అనుకోవడం, అందుకు వారి కోచ్‌ నేను ఆ గుహను చూపిస్తానంటూ తీసుకు వెళ్ళడంతో కథ ప్రారంభమైంది. మొత్తం 12 మంది పిల్లలు, ఒక కోచ్‌. ఈయనకు పాతికేళ్ళ వయసు. అందరూ కలసి ఆ కొండ గుహలోకి వెళ్ళారు. అలా చూస్తూ చూస్తూ..రెండు కిలోమీటర్ల దూరం లోపలకి వెళ్ళిపోయారు. ఇంతలో దురదృష్టం వర్షం రూపంలో వారిని వెంటాడింది. వారు లోపలికి వెళ్ళిన కొద్దిసేపటికే బయట హోరుమంటూ కుంభవృష్టి కురవడంతో వారు వెళ్ళిన దారంతా రాళ్లూరప్పలూ, బురద, వరద నీటితో నిండిపోయాయి. అంతే, దారులన్నీ ఎక్కడికక్కడ మూసుకుపోవడంతో వారి పరిస్థితి సంకటంగా మారింది. వెనుదిరిగి రావడానికి దారి లేకపోవడంతో ఆ గుహ లోపలెక్కడో వారంతా చిక్కుకుపోయారు. అసలే, కటికచీకటి..పైగా ఎటుచూసినా వరదనీరు..బురదనీటి ప్రవాహమే. ఈత కొడుతూ వచ్చేయవచ్చు కదా అనుకుంటే, అందులో ఏ ఒక్కరికి కూడా ఈత రాదు. జూన్‌ 23వ తేదీన జరిగిందిది. వారు లోపలకి వెళ్లాక భారీ వర్షం కురవడంతో వరదనీరు లోపలికి ముంచెత్తింది. గుహను తొలిచి బాలలను పైకి తీసుకువద్దామంటే, గుహ పైభాగమంతా దట్టమైన అడవి. ఆ కొండలోపలున్న గుహలో వారు సరిగ్గా ఎక్కడున్నారో తెలిసే పరిస్థితే కనిపించలేదు. అప్పటికీ అక్కడక్కడా ఆ గుహకు సుమారు వంద రంధ్రాలు వేసినా, వారి ఆచూకీ తెలియలేదు. మరోవైపు, బాలలు అక్కడే ఉంటే గాలి వెలుతురు లేక, ఊపిరాడక మరణించే ప్రమాదం ఎంతైనా వుంది. అలా ఆక్సిజన్‌ సిలిండర్లు అమర్చే ప్రయత్నంలోనే గజ ఈతగాడు, థాయిలాండ్‌కు చెందిన నావికాదళం మాజీ సీల్‌ సమన్‌ గునన్‌ ప్రాణాలు కోల్పోయాడు కూడా. ఈ సంఘటనతో అటు గుహ లోపలున్న బాధితులకు, ఇటు గుహ వెలుపల వున్న సహాయక సిబ్బందికి, ఇవన్నీ ఎప్పటికప్పుడు గమనిస్తున్న ప్రపంచప్రజలకు తీరని ఆందోళన కలిగించాయి. చకచకా రోజులు గడుస్తుంటే.. బాలలు ఇప్పుడు ఏ దశలో ఉన్నారో అంటూ ప్రతిరోజూ అందరికీ ఆందోళనే. ఒక దశలో ఇక ఆ బాలల్ని రక్షించడం సాధ్యం కాదనే అందరూ అనుకున్నారు కూడా. అయితే, 8వ తేదీన గజ ఈతగాళ్ళు ఎంతో సాహసంతో గుహ లోపలకు వెళ్ళి ఆరుగురు బాలలను క్షేమంగా బయటకు తీసుకురావడంతో అందరిలోనూ ఆశలు వెల్లివిరిశాయి. ఏరోజు కారోజు సరికొత్త ఆలోచనలతో సహాయక సిబ్బంది, అన్ని రకాల యంత్రాలు, పరికరాలు, పలుదేశాల యంత్రాంగం అంతా శరవేగంగా కదిలారు. ఒక్కక్షణం కూడా ఆగకుండా అన్ని చర్యలను చకచకా తీసుకున్నారు. 9వ తేది నాటికి మరో నలుగురు బాలలను సురక్షితంగా గుహ వెలుపలకి తీసుకువచ్చారు. వాతావరణం అనుకూలించకపోయినా, పరిస్థితులు పూర్తిగా దిగజారిపోతున్నా సహాయక యంత్రాంగం, నిపుణులు నిరాశచెందక అహరహం తమ కృషిని కొనసాగించారు. తమ విజ్ఞానాన్నంతా రంగరించి.. తమ అత్యద్భుతమైన ఆలోచనలతో.. సాంకేతిక పరిజ్ఞానాన్నంతా కుమ్మరించారు. ఎట్ట కేలకు... ఈ బృహత్‌యత్నంలో అందరూ కలసి ఘనవిజయం సాధించారు. మృత్యువు కబళించేస్తుం దనుకున్న ఆ బాలలందరినీ, కోచ్‌తో సహా అందరినీ జులై 10వ తేదీ నాటికి ఆ మృత్యుగుహ నుంచి మిగిలినవారందరినీ వెలుపలికి సురక్షితంగా తీసుకు వచ్చి బాధితుల కుటుంబాల కన్నీరు తుడిచారు. ప్రపంచవ్యాప్తంగా ప్రజల అభినందనలు అందు కున్నారు. ఈ 18 రోజులూ ఒక్క క్షణం కూడా వృధా చేయకుండా వారి ప్రాణాలు కాపాడిన సహాయక సిబ్బంది, ఎందరో నిపుణులు..అందరూ మహానుభావులే!.. ఈ సందర్భంలో, బాలల్ని కాపాడేందుకు స్పేస్‌ ఎక్స్‌ అధినేత ఎలాన్‌మస్క్‌ ఒక చిన్న జలాంతర్గామిని కూడా అప్పటికప్పుడు తయారుచేయించడం విశేషం. ఈ ఘటనలో, బాలలను కాపాడంలో భారతీయ కంపెనీ అయిన కిర్లోస్కర్‌ కంపెనీవారి సాంకేతిక పరిజ్ఞానం కూడా చక్కగా ఉపయోగపడడం అభినందనీయం!.. ఏదేమైనా టెక్నాలజీ ఒక అద్భుతం!... బోరుబావుల్లో పడిన చిన్నారులను వెలికితీయడం వంటి సందర్భాల్లో ఇలాంటి అధునాతన సాంకేతిక పరిజ్ఞానం అందరికీ అందుబాటులో ఉండేవిధంగా చూసుకోవడం అన్ని దేశాలకూ మంచిదే!.. కాగా, అన్నిరోజుల పాటు కేవలం వాననీటినే తాగి ప్రాణాలు నిలబెట్టుకున్న ఆ బాలల ఆత్మవిశ్వాసం కూడా అద్భుతమైనదే. ఆ చిమ్మచీకట్లో.. కేవలం టార్చ్‌ వెలుతురులోనే డైవింగ్‌ చేస్తూ గుహ వెలుపలికి రావడం ఆ బాలల మనోధైర్యానికి ప్రతీక. ముఖ్యంగా, సాంకేతిక పరిజ్ఞానం శరవేగంగా విస్తరిస్తున్న నేటి అధునాతన కాలంలో ఎన్నెన్నో ప్రమాదాల నుంచి కాపాడుతున్న టెక్నాలజీకి ఈ సందర్భంగా..ధన్యవాదాలు. ఏదేమైనా, ఎంతో సాహసోపేతంగా 12 మంది బాలలను, వారి కోచ్‌నూ ఆ మృత్యుగుహ నుంచి కాపాడి, ప్రపంచ ప్రజల అభినందనలందుకున్న సహాయసిబ్బందికీ, నిపుణులకీ...అధికార యంత్రాంగానికి.. అభి నందనలు!.. అన్నిటికీమించి బాధితులందరినీ రక్షించిన సహాయక సిబ్బంది ధైర్యసాహసాలకి జేజేలు!.....

vprఇది అపురూప ఘట్టం. అరుదైన సన్నివేశం, అపూర్వమైన దృశ్యం, నెల్లూరు జిల్లాలోనే కాకుండా, దేశంలో పలుచోట్ల తన సేవా పరిమళాలను వెదజల్లుతున్న ప్రముఖ దాత, రాజ్యసభ సభ్యుడు, విపిఆర్‌ ఫౌండేషన్‌ ఛైర్మెన్‌, విపిఆర్‌ సంస్థల అధినేత వేమిరెడ్డి ప్రభాకర్‌రెడ్డి అమెరికాలోని ఫిలడెల్ఫియాలో జరిగిన ''నాటా'' నాల్గవ ద్వైవార్షిక వేడుకలలో ''జీవిత సాఫల్య పురస్కారాన్ని'' అందుకున్న ఆనందకర సంఘటన.

నిత్యం సేవ కోసం తపిస్తూ, ఆథ్యాత్మి కతతో తపిస్తూ సమాజసేవలో తరిస్తున్న వేమిరెడ్డి ప్రభాకర్‌రెడ్డి, ఆయన శ్రీమతి వేమిరెడ్డి ప్రశాంతిరెడ్డిలను ''నాటా'' గ్రాండ్‌ ఈవెంట్‌లో ఈ ఘనమైన పురస్కారంతో సత్కరించారు. జూలై 6వ తేదీ నుండి 8వ తేదీ వరకూ 3రోజుల పాటు జరిగిన ''నాటా'' సంబరాలలో చివరిరోజైన జూలై 8వ తేదీ జరిగిన ముగింపు సభలో అనేక సాహిత్య సాంస్కృతిక కార్యక్రమాలు అక్క డకు వచ్చిన వేలాదిమంది తెలుగువారిని అబ్బురపరచాయి. సాంస్కృతిక సంబరా లతో పాటు ప్రతియేటా అందించే నాటా ప్రతిష్టాత్మక ''లైఫ్‌ టైమ్‌ అచీవ్‌మెంట్‌ అవార్డు'' ఈ వేడుకలలో ప్రదానం చేయడం ఆనవాయితీ.

నాటా అడ్వయిజరి కౌన్సిల్‌ ఛైర్మెన్‌ డా|| ప్రేమ్‌రెడ్డి, నాటా ప్రస్తుత అధ్యక్షుడు గంగసాని రాజేశ్వరరెడ్డి, ఒంగోలు మాజీ పార్లమెంటు సభ్యుడు వై.వి.సుబ్బారెడ్డి, రాజంపేట మాజీ పార్లమెంటుసభ్యుడు మిధున్‌రెడ్డి, శ్రీసిటి మేనేజింగ్‌ డైరెక్టర్‌ రవీంద్ర సన్నారెడ్డి, నాటా భవిష్యత్‌ అధ్య క్షుడు గోశాల రాఘవరెడ్డి, కార్యనిర్వా హక ఉపాధ్యక్షులు కోర్శపాటి శ్రీధర్‌రెడ్డి, నాటా సలహామండలి సభ్యులు ఎ.వి.యన్‌. రెడ్డి, ఆదిశేషారెడ్డి, జితేందర్‌రెడ్డి, డా|| స్టాన్లిరెడ్డి, తుంగా శివప్రభాత్‌రెడ్డిల సమ క్షంలో వేమిరెడ్డి ప్రభాకర్‌రెడ్డి, ప్రశాంతి రెడ్డిలను డా|| ప్రేమ్‌రెడ్డి, గంగసాని రాజేశ్వరరెడ్డిలు ''జీవిత సాఫల్య పుర స్కారం''తో సత్కరించారు. డా|| ప్రేమ్‌రెడ్డి తదితరులు విపిఆర్‌ దంపతులను అభి నందించారు.

ఈ సందర్భంగా సేవాతత్పరుడు వేమిరెడ్డి ప్రభాకర్‌రెడ్డి సామాజిక, ఆథ్యా త్మిక సేవలను ప్రతిభింబిస్తూ ప్రత్యేకంగా రూపొందించిన లఘుచిత్రాన్ని ప్రదర్శిం చారు. ప్రఖ్యాత గాయకుడు యస్‌.పి.బాల సుబ్రహ్మణ్యం వ్యాఖ్యానంతో, ఆయన గాన మాధుర్యంతో 6నిమిషాల పాటు ప్రదర్శిత మైన ఈ లఘుచిత్రం అందరినీ ఆకట్టుకుంది.

ఎంతో ప్రతిష్టాత్మకమైన ఈ పురస్కార ప్రదానోత్సవంలో కోర్శపాటి మాట్లాడుతూ డా|| వై.యస్‌.రాజశేఖరరెడ్డి జన్మదినమైన జూలై 8న ఓ మహా సేవకుడిని సత్కరించు కునే అవకాశం నాటాకి దక్కడం అదృష్ట మని అన్నారు.

అనంతరం వేమిరెడ్డి ప్రభాకర్‌రెడ్డి మాట్లాడుతూ ''నాటా'' లాంటి అంతర్జా తీయ సేవా సంస్థ నుండి అవార్డు అందు కోవడం ఆనందంగా వుందని, భారత దేశంలో నాటా చేపట్టే సేవా కార్యక్రమా లలో తమ విపిఆర్‌ ఫౌండేషన్‌ కూడా భాగస్వామ్యమౌతుందని హామీ ఇచ్చారు. తమ ఫౌండేషన్‌ ద్వారా ఇప్పటికే తామం దిస్తున్న ఉచిత విద్య, ఉచిత వైద్యం, అమృతధార పథకాల ద్వారా తాను సంతృప్తి చెందుతున్నానని, నాటా ద్వారా తన సేవలను ఇంకా విస్తరించడానికి తానెప్పుడూ సిద్ధంగా ఉంటానని చెప్పారు. ఇక ప్రతి ద్వైవార్షిక సభకూ తాను హాజరవు తానని, నాటా చేస్తున్న కార్యక్రమాలు తనను ఎంతో ఆకట్టుకున్నాయని అన్నారు. తనను ఈ అవార్డుకు ఎంపిక చేసిన డా|| ప్రేమ్‌ రెడ్డికి ఇతర కమిటి సభ్యులకు కృతజ్ఞతలు తెలిపారు. తనను రాజ్యసభకు ఎంపిక చేసిన వై.యస్‌.జగన్మోహన్‌రెడ్డికి కృతజ్ఞతలు తెలుపుకుంటూ ఆయన త్వరలోనే ముఖ్య మంత్రి కావాలని కోరుకుంటున్నానని అన్నారు. అక్కడున్న వేలాదిమంది తెలుగు వాళ్ళు వందలాదిమంది నెల్లూరీయులు తమ హర్షధ్వానాలతో విపిఆర్‌ దంపతు లకు అభినందనలు తెలియజేశారు.

ఇంతై, అంతై, అంతంతై... అన్నట్లుగా తన సేవా కార్యక్రమాల ద్వారా అత్యున్నత స్థాయికి ఎదుగుతున్న వేమిరెడ్డి ప్రభాకర్‌ రెడ్డికి, ఆయనకు స్ఫూర్తిదాతగా నిలుస్తూ సహకరిస్తున్న ఆయన ధర్మపత్ని ప్రశాంతి రెడ్డికి అభినందనలు తెలుపుతోంది 'లాయర్‌'.

<p><span style="line-height: 17.6px;">

</span></p>

policeచంద్రబాబు ఈ రాష్ట్రంలో అందరితో ఆటాడుకుంటున్నాడు. రాజధాని పేరుతో రైతు లతో, ఋణమాఫీ పేరుతో మహిళళతో, రిజర్వేషన్ల పేరుతో కాపులు, బీసీలు, ఎస్టీలతో, ఇంటికో ఉద్యోగం అంటూ నిరుద్యోగులతో, వీడియో కాన్ఫరెన్స్‌ లంటూ అధికారులతో... ఇలా ఆయన ఆడుకోనివారంటూ ఎవరూలేరు. తాజాగా పోలీసులతోనూ ఆట మొదలుపెట్టాడు.

రాష్ట్ర డిజిపిగా ఎవరిని నియమించాలనే విషయంలో చంద్రబాబు అనుసరించిన వైఖరి పోలీసు ఉన్నతాధికారుల మధ్య మనస్పర్ధలకు దారితీసింది. జూన్‌ 30వ తేదీన డిజిపిగా మాలకొండయ్య పదవీ విరమణ చేసారు. కొత్త డిజిపిని ప్రభుత్వమే నేరుగా నియమించే అవకాశం ఉన్నప్పటికీ దీనికోసం ఐదుగురు సీనియర్‌ ఐపిఎస్‌ అధికారుల పేర్లతో ఒక ప్యానెల్‌ను రూపొందించారు. ప్యానెల్‌లో ఐదుగురి పేర్లున్నప్పటికీ విజయవాడ కమిషనర్‌గా వున్న గౌతం సవాంగ్‌కే డిజిపిగై అవకాశాలున్నాయంటూ ప్రభుత్వం నుండే సంకేతాలు వెళ్ళాయి. దీంతో చాలామంది పోలీసుఅధికారులు మాలకొండయ్య పదవీ విరమణ చేయకమునుపే గౌతమ్‌ సవాంగ్‌ను కలిసి అభినందనలు తెలిపారు. గౌతమ్‌సవాంగ్‌ కూడా డిజిపి మూడ్‌లోకి వెళ్ళిపోయాడు. చంద్రబాబు నుండి కూడా అలాంటి సంకేతాలు అందబట్టే ఆయన అంత నమ్మకంతో వుండిపోయాడు. అయితే చివరి నిముషంలో సీన్‌ మారి డిజిపిగా ఆర్‌పి ఠాగూర్‌ను తెరమీదకు తెచ్చారు. ఢిల్లీ నుండి వచ్చిన ఒత్తిడి ఫలితంగానే డిజిపిగా గౌతమ్‌సవాంగ్‌ బదులు ఠాగూర్‌ వచ్చాడని తెలుస్తోంది. దీంతో మనస్తాపానికి గురైన సవాంగ్‌ కేంద్ర సర్వీసులోకి పోవడానికి సిద్ధమైనాడని సమాచారం.

modiప్రధానమంత్రి నరేంద్ర మోడీ ఈ నెల 22వ తేదీన జిల్లాలోని శ్రీహరికోట షార్‌ సెంటర్‌కు రానున్నట్లు తెలు స్తోంది. భారీ రాకెట్‌ ప్రయోగాలకు అనువుగా, అత్యాధునిక సాంకేతిక పరిజ్ఞానంతో 630కోట్ల వ్యయంతో షార్‌లో నిర్మించిన రెండో వాహన అనుసంధాన భవనాన్ని(సెకండ్‌ వెహికల్‌ అసెంబ్లీ బిల్డింగ్‌)ను ఆయన ప్రారంభించనున్నారు. భవిష్యత్‌లో ప్రతి ఏటా 12రాకెట్‌ ప్రయోగాలు జరపాలని ఇస్రో నిర్ణయించింది. దీనికి అనుగుణంగానే రెండో వాహన అనుసంధాన భవనాన్ని నిర్మించారు. ప్రధాని పర్యటనకు సంబంధించి ఇంకా పూర్తి వివరాలు వెల్లడికావాల్సి వుంది.

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…

Newsletter