rasi 15

1Ariesమేషం

ఉద్యోగులు తమ బాధ్యతలను జాగ్రత్తగా నిర్వహిం చండి. అనవసర సంఘర్షణలు వద్దు. విలువైన వస్తు వులను సమకూర్చుకొంటారు. ఉద్యోగార్ధులకు అవకా శాలు రావడం ప్రారంభమవుతుంది. కోర్టు వ్యవహారాలు అనుకూలం కాగలవు. ఆరోగ్యం జాగ్రత్త. వృత్తి పరమైన ఆటంకాలు తొలగడం వ్యాపారాలు ప్రోత్సాహకరంగా సాగడం, ఆదాయం వృద్ధి బాగుండటం జరుగుతుంది.

 

2Taurusవృషభం

ఉద్యోగ బాధ్యతలు సమర్ధవంతంగా నిర్వహిస్తారు. క్రయవిక్రయాలు లాభిస్తాయి. కోర్టు వ్యవహారాలు, బాకీల సమస్యలు కొంతవరకు పరిష్కారం కాగలవు. విద్యా ప్రగతి బాగుంటుంది. ఉరోగ్య విషయంలో జాగ్రత్త అవసరం. ఆదాయం ఆశించినంత ఉండదు. ఖర్చులు ఎక్కువుగా ఉంటాయి. చిన్న వ్యాపారులకు ఆశాజన కంగా ఉంటుంది.

 

3Geminiమిధునం

కుటుంబసౌఖ్యం బాగుంటుంది. ఉద్యోగులు తమ పైఅధికారులతోను పబ్లిక్‌తోను జాగ్రత్తగా మెలగండి. అనుకోని ప్రయాణాలుంటాయి. శరీరానికి గాయాలు తగలవచ్చును. ఉద్యోగార్ధులకు అవకాశాలు దొరక గలవు. సంప్రదింపులు, అగ్రిమెంటు వ్యవహారాలలో జాగ్రత్తగా ఉండండి. పెద్దమొత్తాలలో పెట్టుబడులు గాని, భాగస్వామ్య వ్యాపారాలు గాని చేయవద్దు.

 

4Cancerకర్కాటకం

నిర్మాణాలు, కార్మిక కాంట్రాక్టుదారులు వర్క్‌లతో ఇబ్బందిపడతారు. ఉద్యోగులకు అధికారులతో సత్సం బంధాలు నెలకొంటాయి. ఉద్యోగార్ధులకు అవకాశాలు లభించగలవు. గృహ వస్తు వాహన రిపేర్లుంటాయి. బంధువులతో, సోదరులతో సమస్యలు సర్ధుబాటు చేసి కొంటారు. ఆరోగ్యం బాగుంటుంది. వ్యాపారంలో ప్రోత్సాహకర పరిస్థితులుంటాయి.

 

5Leoసింహం

వ్యవసాయ, పారిశ్రామిక యజమానులకు పరిస్థి తులు ప్రోత్సాహకరంగా ఉంటాయి. ఉద్యోగులకు పబ్లిక్‌తోను అధికారులతో సన్నిహితత్వం ఏర్పడుతుంది. స్థిరాస్తుల లావాదేవీలు ప్రస్తుతం చేయవద్దు. ఉద్యోగ ప్రయత్నాలలో అనుకూలత ఉంటుంది. వస్తు, వాహన రిపేర్లుంటాయి. షేర్లు నిరుత్సాహం కలిగిస్తాయి. కోర్టు వ్యవహారాలు వాయిదా పడతాయి.

 

6Virgoకన్య

ప్రభుత్వ అనుమతులు, బ్యాంకు ఋణాలు మంజూరు కాగలవు. ఉద్యోగ బాధ్యతలను మంచి సామర్ధ్యంతో నిర్వహిస్తారు. దూర ప్రయాణాలుంటాయి. శుభకార్యాల ప్రయత్నాలలో అనుకూలత ఉంటుంది. రావలసిన బాకీలు కొంత లభించడం, మంచివార్తను వినడం జరుగుతుంది. కుటుంబ సౌఖ్యముంటుంది. ఆదాయ వ్యయాలు సంతృప్తికరంగా ఉంటాయి.

 

7Libraతుల

దూరప్రయాణాలు తప్పనిసరిగా ఉంటాయి. కొత్త వస్తువులు, విలువైన వస్తువులు సమకూర్చుకొంటారు. స్థిరాస్తుల లావాదేవీలందు అనుకూల పరిస్థితులుంటాయి. బంధుముఖ్యులు, ప్రముఖులను కలుసుకొంటారు. విద్యా వృద్ధి, ఆరోగ్యం బాగుంటుంది. పట్టుదలతో చేపట్టిన పనులను జరుపుతారు. అవసరాలకు రావలసిన డబ్బు లందుతాయి. వ్యాపారాలలో రాబడి ఉంటుంది.

 

8Scorpioవృశ్చికం

ముఖ్యవిషయాలలో పెద్దల సలహాలను స్వీకరిస్తే మేలు జరుగుతుంది. రావలసిన బాకీలు పరిష్కారం కావడం, కోర్టు కేసులందు అనుకూలత ఉంటుంది. ఆరోగ్యం ఫరవాలేదు. ఉద్యోగార్థులకు ఆహ్వానాలు లభిస్తాయి. ఆర్ధిక ప్రణాళికలు పథకాలతో వ్యాపార పరిశ్రమ రంగాలను వృద్ధి చేస్తారు. ఆదాయం పెరుగు తుంది. చేపట్టిన పనులు సానుకూలం కాగలవు.

 

9Sagittariusధనుస్సు

సభలు సమావేశాలలో పాల్గొంటారు. పెట్టుబడు లకు మంచి అవకాశాలు లభిస్తాయి. షేర్‌ మార్కెట్‌ ప్రోత్సాహకరంగా ఉంటుంది. ఆరోగ్య ఆహార విషయా లలో జాగ్రత్త అవసరం. అనుకోని ఆదాయం కొంత లభిస్తుంది. కుటుంబ వ్యవహారాలలో అనుకూలత తక్కు వుగా వుంటుంది. స్వయంగా వ్యవహారాలను చూచు కొనండి. ఆర్ధికస్థితి బాగుండి ఆదాయం పెరుగుతుంది.

 

10Capricornమకరం

వస్తు వాహన రిపేర్లుండగలవు. షేర్లు నిరుత్సాహ పరుస్తాయి. ప్రభుత్వ అనుమతులు ఆలస్యం కాగలవు. అనుకున్న పనులు జరుగుతున్నా టెన్షన్‌ పడుతుంటారు. ఉద్యోగులు తమ అధికారులతోను పబ్లిక్‌తోను జాగ్రత్తగా మెలగండి. ఆరోగ్యం బాగుంటుంది. ఉద్యోగ ప్రయత్నా లలో అనుకూలత బాగుంటుంది. కొత్త వస్తువులు సమ కూర్చుకొంటారు. అనుకోని అదనపు ఖర్చులుంటాయి.

 

11Aquariusకుంభం

కుటుంబసభ్యులతో అనుకూలత సరిగా ఉండదు. అనుకున్న పనులు కార్యక్రమాలు తొందర తొందరగా పూర్తి చేయగలరు. ఉద్యోగులకు పనిభారం, శ్రమ పెరుగుతుంది. అనవసర వ్యవహారాలలో తల దూర్చ కండి. ఆరోగ్య విషయంలో జాగ్రత్త అవసరం. ఆర్ధిక పరమైన ఇబ్బందులుంటాయి. అవసరాలకు ఋణం చేయవలసి రావచ్చును.

 

12Piscesమీనం

అనుకోని ప్రయాణాలుంటాయి. సభలు సమావే శాలలో ప్రముఖ పాత్ర నిర్వహిస్తారు. పనులు సక్రమంగా జరుగుతున్నా టెన్షన్‌ పడుతుంటారు. ఆరోగ్యం బాగుం టుంది. స్థిరాస్తుల మీద కొంత ఆదాయం లభిస్తుంది. విద్యా ప్రగతి బాగుంటుంది. వృత్తి వ్యవహారాలలో లాభ సాటిగా ఉండి అభివృద్ధి బాగుంటుంది. నూతన పెట్టు బడులకు, భాగస్వామ్య వ్యాపారాలకు అవకాశాలుంటాయి.

galpikaఉండవల్లిలోని హైటెక్‌ రత్న చంద్రబాబు నివాసం. రాజమౌళిని తీసుకుని అమరావతి పరిసరాలన్నీ చూపించి, ఎక్కడ కోటలు రావాలి, ఎక్కడ కందకాలు తవ్వాలి, ఎక్కడ అశ్వదళాలు, గజదళాల శాలలు నిర్మించాలన్న దానిపై ఆయనకు సూచనలిచ్చి చంద్రబాబు అప్పుడే వచ్చాడు. హాల్‌లో కూర్చుని టీవీ ఆన్‌ చేసాడు. ఆ క్షణంలో ఆయనకు మనిషన్నాక కూసంత కళాపోషణ వుండాలి, లేకుంటే మనిషికి గొడ్డుకు తేడా ఏటుంటాది అనే ముత్యాలముగ్గు సినిమాలోని రావుగోపాలరావు డైలాగ్‌ గుర్తుకొచ్చింది. బాడీలో ఏబిసిడి విట మిన్‌లు లోపించినట్లే ఎంటర్‌టైన్‌మెంట్‌ అనే విటమిన్‌ లోపించినా కూడా ఆరోగ్యానికి మంచిది కాదని భావించిన చంద్రబాబు ఏదన్నా సినిమా చూసి తరిద్దామని 'మా' టీవీ ఛానెల్‌ పెట్టాడు. అల్లరి నరేష్‌ హీరోగా నటించిన 'సీమటపాకాయ్‌' సినిమా వస్తుంది. అందులో ఓ సన్నివేశం... అమెరికా నుండి బ్రహ్మానందం తన భార్య, కూతురును వెంటబెట్టుకుని పెద్ద కోటీశ్వరుడైన తన బావ షియాజీషిండే ఇంటికి వస్తాడు. అల్లరి నరేష్‌ అతని కొడుకే! ఆ పెద్ద భవంతిలో షియాజీషిండే, అతని భార్య సుధ, కొడుకు అల్లరి నరేష్‌, మిగతా కుటుంబసభ్యులు పనిమనుషుల్లాగా వుంటారు. పని మనుషులుగా వుండే ఎల్‌.బి.శ్రీరాం, గీతా సింగ్‌లు ఓనర్లుగా కనిపిస్తారు. ఏమైందిరా, ఇంత బికారులు ఎలా అయ్యారురా అని బ్రహ్మానందం అడుగుతాడు. అందుకు అల్లరి నరేష్‌... రాత్రి డ్రైవర్‌తో నాన్న పేకాట ఆడాడు. జోకర్‌ అతనికి పడింది, ఆస్తి మొత్తం అతనికే పోయింది అని చెబుతాడు. ఈ సీన్‌ చూసిన చంద్రబాబు పకపక నవ్వుతూ... నిజజీవితంలో ఇలాంటి వాళ్ళు కూడా ఉంటారేమోననుకుని, ఈరోజు విశేషా లేంటో చూద్దామని ఏబిఎఫ్‌ న్యూస్‌ ఛానెల్‌ పెట్టాడు. స్క్రీన్‌పై ఐ.టి మంత్రి లోకేష్‌ కనిపించేసరికి చంద్రబాబు ఆసక్తిగా ఆందోళనగా చూడసాగాడు. వీడేం మాట్లాడి ఏం నెత్తి మీదకు తెస్తాడోనని ఆయన బిత్తరబిత్తరగా వున్నాడు.

లోకేష్‌ ప్రెస్‌మీట్‌... ప్రతి ఏడాది ప్రకటించినట్లే ఈ ఏడాది కూడా ఆస్తులు ప్రకటించడానికే మీడియాను పిలిచాను. మాది చాలా పేదకుటుంబం... నేను పాలు అమ్ముకుంటే, మా నాన్న జున్ను, లస్సీ, మజ్జిగ అమ్ముతున్నారు. మా అమ్మ తోటకూర, పాలకూర కట్టలు, నా భార్య కూరగాయలు అమ్మగా వచ్చిన డబ్బులతోనే మేం బ్రతుకుబండిని నెట్టుకొస్తున్నాం. పాలు అమ్మగా వచ్చిన ఆదాయంతోనే దేవాన్ష్‌కు పాల డబ్బాలు కొంటున్నాం. ప్రతి నెల రేషన్‌షాపులో రెండు రూపాయల బియ్యం కొంటూ నాలుగు మెతుకులు తినగలుగుతున్నాం. ప్రతి ఏటా చంద్రన్న కానుక ఇస్తుండబట్టి సంక్రాంతి పండక్కి అరిసెలు చేసుకోగలుగుతున్నాం. ఏదో రూపాయి రూపాయి కూడబెట్టి జూబ్లీహిల్స్‌లో నాలుగు ఫ్లాట్లు, ఒక ఇల్లు, హెరిటేజ్‌ ఫ్యాక్టరీ కట్టుకున్నాం. అన్నీ అమ్ముకోగా, తెచ్చిన అప్పులు పోగా నా ఆస్తి 13కోట్లు అని చెప్పాడు.

అది వినగానే చంద్రబాబు షాక్‌ తిన్నాడు. వెంటనే భువ నేశ్వరి, బ్రాహ్మణి అంటూ కేకేసాడు. ఏమైందండి అంటూ భువ నేశ్వరి, మామగారు అంటూ బ్రాహ్మణి పరుగెత్తుకుంటూ వచ్చారు. చంద్రబాబు వారితో... ఏం చేస్తున్నాడు వాడు, పేకాట ఆడుతు న్నాడా, ఇంకేమైనా చేస్తున్నాడా... తెలివైన వాడని లోకేష్‌కు బాధ్యతలు అప్పగిస్తే ఆస్తులను కర్పూరంలా కరిగించేస్తాడా... అని ఆవేశపడసాగాడు. అసలు ఏం జరిగిందండి అని భువనేశ్వరి అడిగింది. ఎమ్మెల్సీ ఎన్నికప్పుడు 300 కోట్లు వున్న ఆస్తులను ఇప్పుడు 13కోట్లకు తెచ్చాడు. ఎక్కడ పేకాట ఆడి ఈ ఆస్తులన్నీ పోగొట్టుకున్నాడో... వచ్చాక నిలదీసి అడగండి అని బాధ్యతగల తండ్రిగా చెప్పాడు. అప్పుడే నైట్‌రైడర్‌, ముదురుదోమల శాఖ మంత్రి పి.నారాయణ అక్కడకు పరుగెత్తుకుంటూ వచ్చాడు. సార్‌, వరల్డ్‌ రిచ్చెస్ట్‌ పర్సన్స్‌ అందరూ మన లోకేష్‌ను ఆదర్శంగా తీసుకుని ఆస్తులు ప్రకటిస్తున్నారు. ఒక్కసారి 'టైమ్స్‌ నౌ' ఇంగ్లీష్‌ ఛానెల్‌ పెట్టండి అని అడిగాడు. ప్రపంచ కుబేరులందరూ లోకేష్‌ను ఐకాన్‌గా తీసుకోవడమేంటనుకుంటూ చంద్రబాబు ఆ ఛానెల్‌ పెట్టాడు.

ప్రపంచంలో మేటి కోటీశ్వరుడు బ్రూనైసుల్తాన్‌ ఆస్తుల ప్రకటన... పాడుబడిన కోట పాతిక లక్షలు, తుప్పు పట్టిన విమానాలు నాలుగు 10లక్షలు, పది హెలికాఫ్టర్‌లు, నాలుగు వేల ఎకరాల భూములు, వెయ్యి కిలోల బంగారం... అంతా కలిపి నా ఆస్థి విలువ నాలుగు కోట్లు...

ప్రపంచ పారిశ్రామిక దిగ్గజం ఆలీబాబా...

చిరిగిన చొక్కాలు పది, కుట్లు పిగిలిన ఫ్యాంట్లు పాతిక, 30 దేశాలలో ఇండస్ట్రీస్‌, 300 బ్యాంకులలో అకౌంట్లు, నాలుగు టన్నుల గోల్డ్‌, 10వేల ఎకరాల పొలాలు, మొత్తం ఆస్థి విలువ 4.15 కోట్లు...

ఐ.టి దిగ్గజం బిల్‌గేట్స్‌...

రంగులు వెలసిన ఇల్లు, అన్ని దేశాలలోనూ సాఫ్ట్‌వేర్‌ కంపెనీలు, పది జతల బట్టలు, నాలుగు జతల బూట్లు, ఒక పెంపుడు కుక్క... మొత్తం ఆస్థి విలువ 10.24 కోట్లు.

రిలయన్స్‌ అధినేత ముఖేష్‌ అంబాని...

రెండు విమానాలు, నాలుగు హెలికాఫ్టర్‌లు, రెండు రాష్ట్రాలలో చమురు కంపెనీలు, నాలుగు రాష్ట్రాలలో విద్యుత్‌ ప్రాజెక్టులు, 29 రాష్ట్రాలలో మాల్స్‌, ముంబైలో 30 అంతస్థుల భవనం... అన్నీ కలిపి ఆస్థి విలువ 7.24కోట్లు.

టీవీలో ఇక్కడితో ఆస్తుల ప్రకటనలు ముగిసాయి. న్యూస్‌ రీడర్‌ మళ్ళీ అదే అంశాన్ని కొనసాగిస్తూ... వీళ్ళంతా స్వచ్ఛంధంగా ఆస్తులు ప్రకటించడానికి ముఖ్య కారణం ఏపి ఐ.టి మంత్రి లోకేష్‌. ఎంత ఎదిగినా ఒదిగి వుండాలని, ఎన్ని కోట్లు సంపాదించినా తిండికి టికానా లేనట్లే వుండాలన్న ఆయన నిరాడంబర సిద్ధాంతాన్ని ఆదర్శంగా తీసుకుని తమ ఆస్తులను ప్రకటించినట్లు ఈ ప్రపంచ కుబేరులందరూ పేర్కొన్నారు. లోకేష్‌ను ఆదర్శంగా తీసుకుని ప్రపంచ వ్యాప్తంగా ఎంతోమంది కుబేరులు తమ ఆస్తులు ప్రకటించడానికి ముందుకొస్తున్నారు అంటూ న్యూస్‌ రీడర్‌ ముగించింది. అదంతా విన్న చంద్రబాబు మనసులో తండ్రిని మించిన తనయుడవని పించుకున్నావు, గ్రేట్‌ లోకేష్‌ అంటూ అభినందించాడు.

kotamనెల్లూరు రూరల్‌ ఎమ్మెల్యే కోటంరెడ్డి శ్రీధర్‌రెడ్డి తన పర్యటనలో రికార్డులు సృష్టిస్తున్నారు. ఒక ఎమ్మెల్యేగా తనను గెలిపించినందుకు ఆ ప్రజలకు సేవ చేయ డమే పరమావధిగా భావించిన శ్రీధర్‌రెడ్డి, ప్రజల సమస్యలను నేరుగా తెలుసుకుని వారి సమస్యలు పరిష్కరించేందుకు సమా యత్తమయ్యారు. 105 రోజుల పాటు ప్రజాబాట కార్యక్రమానికి స్వయంగా ప్రణాళిక రూపొందించుకుని ఇంటింటికీ వెళ్ళి ప్రజలను నేరుగా కలుసుకుని వారితో మాట్లాడి, వారి అవసరాలేమిటో తెలుసుకుని ఆ మేరకు ప్రజల సమస్యలను తీర్చేందుకు సంకల్పించారు. ఈ నెల 13వ తేదితో ఈ మహత్తరమైన ప్రజాబాట కార్యక్రమం 75 రోజులు పూర్తిచేసుకున్న సందర్భంగా ఎమ్మెల్యే శ్రీధర్‌రెడ్డి 23వ డివిజన్‌లోని జనశక్తి నగర్‌లో విలేకరుల సమావేశం ఏర్పాటు చేసి తాను ఇన్నిరోజులు ఏఏ కార్యక్రమాలను నిర్వర్తించారో తెలియజేశారు. ఈ 75 రోజుల్లో నెల్లూరు రూరల్‌ నియోజకవర్గంలోని 38 గ్రామాల్లో ప్రజాబాట పూర్తయిందన్నారు. అదేవిధంగా నగరంలోని 21 కాలనీల్లో ప్రజాబాట ద్వారా ప్రజలను కలుసుకున్నామన్నారు. మొత్తంగా 31,012 ఇళ్ళకు వెళ్ళి, నేరుగా ప్రజలను కలుసుకుని వారి సమస్యలను తెలుసుకున్నామని, ఇప్పటిదాకా సుమారు లక్షా 10వేల మంది ప్రజలను కలుసుకున్నామని ఆయన వివరించారు. 73 చోట్ల విద్యార్థులతోను, రైతులతోను, పొదుపు మహిళలు, సీనియర్‌ సిటిజన్స్‌, చేనేతకారులు, గిరిజనులు, బిసిలు, దళితులు, మైనార్టీలు..ఇలా అన్నివర్గాల ప్రజలను కలుసుకుని వారి సమస్యలను తెలుసుకున్నానన్నారు. తాను ప్రజలను కలుసుకున్నప్పుడు అనేకమంది తమకు ఇళ్ళస్థలాలు ఇప్పించి ఆదుకోవాలని, పింఛన్లు ఇప్పించాలని కోరారని, అనేకమందికి ఇంకా రేషన్‌కార్డులు కూడా లేవని, కాలనీల్లో కనీస వసతులు లేవని, పక్కా రోడ్లు కానీ, డ్రైనేజీ సౌకర్యాలు కానీ లేవని తెలిపారన్నారు. మంచి నీటి వసతులు కూడా సరిగా లేవని, అదేవిధంగా నిరుద్యోగ సమస్యతో యువత ఎన్నో బాధలు పడుతున్నారన్నారు. ఈ సమస్యలన్నిటినీ ఏరోజుకారోజు ఎస్‌ఎంఎస్‌, వాట్సాఫ్‌ల ద్వారా, తన కార్యాలయ సిబ్బంది ద్వారా సంబంధిత అధికారులకు ఎప్పటికప్పుడు తెలియజేస్తున్నానన్నారు. ఈ సమస్యలు విన్నవించాక కొంతమంది అధికారులు వెంటనే స్పందించి సమస్యలు పరిష్కరిస్తున్నారని, మరికొందరు ఇంకా నిర్లక్ష్యంగానే ఉంటున్నారని ఆయన ఆవేదనగా అన్నారు. న్యాయమైన ప్రజాసమస్యల పరిష్కారంలో అధికారులు స్పందిస్తే, ప్రజాబాట పూర్తయిన తరువాత వారిని పూలమాలలతో సత్కరిస్తామన్నారు. ప్రజాసమస్యలపై స్పందించకుంటే ఆందోళనలు నిర్వహిస్తామన్నారు. ప్రజాసమస్యల పరిష్కారం కోసం ప్రజాబాట మధ్యలోనే మెరుపు ధర్నాలు, నిరసన దీక్షలకు దిగుతున్నానన్నారు. ప్రజాబాటలో గుర్తించిన ప్రతి సమస్య పరిష్కారానికి అలుపెరుగని పోరాటం సాగిస్తానని కోటంరెడ్డి స్పష్టం చేశారు. ప్రజాసమస్యల సాధన కోసం జాతిపిత గాంధీజీ చేసిన ప్రజాఉద్యమం లాంటిదే మన ఎమ్మెల్యే-మన ఇంటికి కార్యక్రమమని ఆయన ఈ సందర్భంగా తెలియ జేశారు. ఏదేమైనా, ఒక ఎమ్మెల్యే ఇలా ఇంటింటికి వెళ్ళి ప్రజా సమస్యల పరిష్కారానికి కృషి చేయడమన్నది ఎంతో అరుదైన విషయమని ప్రజలు ఆయనను అభినందిస్తున్నారు.

madalaఉదయగిరి అంటే గుర్తొచ్చేది అలనాడు శ్రీకృష్ణ దేవరాయలు అయితే.. ఆధునిక రాజకీయ కాలంలో గుర్తొచ్చేది స్వర్గీయ బెజవాడ గోపాలరెడ్డి, ప్రస్తుత ఉపరాష్ట్రపతి యం.వెంకయ్యనాయుడులు. వారి రాజ కీయ ప్రస్తానం మొదలైంది ఇక్కడే! అలాగే వారితో పాటు గుర్తొచ్చే నాయకుడు మాజీ మంత్రి మాదాల జానకిరామ్‌. అయితే బెజవాడ గోపాలరెడ్డి, వెంకయ్యనాయుడులు డెల్టా ప్రాంతాల నుండి వచ్చి ఇక్కడ నిలబడ్డ నాయకులు. కాని, మాదాల జానకిరామ్‌ ఈ మెట్ట నేలపైనే పుట్టిన నాయకుడు. ఇక్కడి ప్రజల సమస్యలు తెలిసిన నాయకుడు. ఇక్కడి ప్రజల కోసం పోరాడిన నాయకుడు.

నాయకుడంటే ప్రజల కోసం నిలవాలి, ప్రజల కోసం నడ వాలి, ప్రజల కోసం గెలవాలి, ప్రజల మనస్సులు గెలవాలి. ఇలా నడిచి ఉదయగిరిలో వేలాదిమంది ప్రజల మనసులు గెలిచిన ప్రజా నాయకుడే మాదాల జానకిరామ్‌. 1970 దశకంలో నూనూగు మీసాల వయసులోనే ఆంధ్రసేనను స్థాపించి జైఆంధ్ర ఉద్యమానికి శ్రీకారం చుట్టాడు. ప్రత్యేక ఆంధ్ర రాష్ట్రం పోరాటంలో ముందుండి నడిచాడు. లక్షల మంది ఉద్యమకారు లను ముందుకు నడిపించాడు. జిల్లాలో సంచలనం రేపిన 'జైఆంధ్ర' ఉద్యమంలో ఆయనది అనిర్వచనీయమైన పాత్ర.

ఉద్యమనేతగా, రాజకీయ నేతగా, పారిశ్రామికవేత్తగా, రైతు బిడ్డగా, ఆథ్యాత్మిక చింతనాపరుడిగా, ఎక్కడ వున్నా ఆయనది విలక్షణ వ్యక్తిత్వం. రాజకీయాలలో ఆయన ప్రయాణం కొన్నేళ్లే! 1978 ఎన్నికల్లో ఓడిపోయాడు. 1989 వరకు రాజకీయాలకు దూరమయ్యాడు. 1989లో ఉదయగిరి ఎమ్మెల్యేగా గెలిచాడు. 1991-93ల మధ్య నేదురుమల్లి జనార్ధన్‌రెడ్డి మంత్రివర్గంలో భూగర్భ గనుల శాఖ మంత్రిగా పని చేశారు. ఆ తర్వాత 1994, 2004 ఎన్ని కల్లో పోటీ చేసినా ఓటమి పాలయ్యారు. కాని ఆయన ఎమ్మెల్యేగా, మంత్రిగా పని చేసింది ఐదేళ్ళ కాలమే అయినా అయిదు తరాలవాళ్ళు మరచిపోనంతగా ఉదయగిరి ప్రజలపై తనదైన ముద్ర వేసుకున్నారు. రాజకీ యాలలో శత్రువు చేత కూడా శెభాష్‌ అనిపించుకునే వ్యక్తిత్వం ఆయనది. తప్పు చేసింది తనవాడైనా ముఖాన్నే నిలదీసే గుణం ఆయనది. మంత్రిగా వుండగా ఉదయగిరి నియోజకవర్గంలో ఎన్నో అభివృద్ధి పనులకు శ్రీకారం చుట్టారు. విద్యాభివృద్ధికి కృషి చేసారు. ఉదయగిరి దుర్గాన్ని పర్యాటక కేంద్రంగా తీర్చిదిద్దడానికి అంకురార్పణ చేసింది ఆయనే! ఉదయగిరిలో ఆర్టీసీ డిపో రావడంలో ఆయన కృషి వుంది. అన్నింటిని మించి మెట్టప్రాంతమైన ఉదయగిరిలో నీటి ఎద్దడిని ఎదుర్కొనేందుకు వెలుగొండ ప్రాజెక్ట్‌, సీతారాంసాగర్‌ ప్రాజెక్ట్‌, సాగర్‌ ఎడమ కాలువ పొడిగింపు కోసం ఆయన చేసిన పోరాటాన్ని ఈ ప్రాంత ప్రజలెవ్వరూ విస్మరించరు. ఇలా ఉదయగిరి రాజకీయ చరిత్రలో మాదాల జానకిరామ్‌ మరపురాని వ్యక్తిగా నిలిచిపోయారు. ప్రజలతో ఇంతగా మమేకమైన ఆ ప్రజానాయకుడి ఆకస్మిక మరణాన్ని ఆయన అభిమానులు జీర్ణించుకోలేకపోతున్నారు. ఈ నెల 20వ తేదీన స్వగ్రామం నర్రవాడలో జరిగే ఉత్తరక్రియలకు పెద్దఎత్తునే ప్రజలు తరలిరానున్నారు.

cezప్రధాని నరేంద్ర మోడీ... ముఖ్యమంత్రి చంద్రబాబు... మాటలను కోటలు దాటిస్తారు. అరచేతిలో స్వర్గం చూపిస్తారు. ఆచరణకొచ్చే సరికి ఏమీ ఉండదు. 2014లో కేంద్రంలో బీజేపీ, రాష్ట్రంలో టీడీపీ ప్రభుత్వాలు వచ్చాక నెల్లూరు జిల్లాలో పదిమందికి పని కల్పించే విధంగా ఈ ప్రాజెక్ట్‌ వచ్చింది, ఈ పరిశ్రమ వచ్చింది అని చెప్పుకోవడానికి ఒక్కటీ లేదు. మూడున్నరేళ్ళుగా మాటలు చెబు తూనే వున్నారు. అక్కడ అది, ఇక్కడ ఇది అంటూ ఇంకా చెబుతూనే వున్నారు.

విశాఖ-చెన్నై, బెంగుళూరు - చెన్నై కారిడార్‌లలో కృష్ణపట్నం పోర్టును కలి పారు. ఈ కారిడార్‌లు వస్తే పారిశ్రామి కంగా నెల్లూరు జిల్లా ఎక్కడికో పోతుం దనుకున్నారు. ఇంతవరకు ఈ కారిడార్ల నిర్మాణంపై ఎలాంటి కదలికలు లేవు. కనీసం సర్వే కూడా జరిగినట్లు లేదు. కేంద్రం కృష్ణపట్నం పోర్టును ఇండస్ట్రియల్‌ స్మార్ట్‌ సిటీగా బడ్జెట్‌లో చూపించిందేగాని, తర్వాత ఆచరణకు తగ్గ విధివిధానాలు లేవు. బకింగ్‌హోమ్‌ కెనాల్‌ ద్వారా జల రవాణా అభివృద్ధి అన్నారు. ఇంతవరకు దానిపై అడుగు ముందుకు పడలేదు. దుగరాజపట్నం పోర్టు హామీ అటకెక్కినట్లే! దామవరం వద్ద ఎయిర్‌పోర్టు ఇంకా ఊగిసలాడుతూనే వుంది. నెల్లూరుజిల్లాకు రావాల్సిన 'కియో మోటార్‌' అనంతపురం జిల్లాకు తరలిపోవడం చూసాం. వాళ్ళు ఇఫ్కో భూములు అడిగారు. అవివ్వడం సాధ్యం కాదని తేల్చేసరికి అనంతపురం చూసుకున్నారు.

వై.యస్‌. మరణం తర్వాత జిల్లాలో పారిశ్రామిక వేగం ఆగిపోయింది. అడు గులు ముందుకు పడడం లేదు. ఈ దశలో వున్న ఒకే ఒక ఆశ కోస్టల్‌ ఎంప్లా యిమెంట్‌ జోన్‌. కేంద్రం కృష్ణపట్నం పోర్టు కేంద్రంగా సి.ఇ.జడ్‌ను ఏర్పాటు చేయా లని నిర్ణయించడం, ఈ మేరకు కేంద్ర బృందాలు వచ్చి పరిశీలించడం జరిగింది. పాతిక వేల ఎకరాల విస్తీర్ణంలో సిఇజడ్‌ ఏర్పాటు కానుంది. ఈమేరకు భూసేకరణ కూడా జరుగుతోంది. సిఇజడ్‌ పరిధిలోకి త్వరలోనే రెండు భారీ పరిశ్రమలు రాను న్నట్లు తెలుస్తోంది. సి.ఇ.జడ్‌ ఆచరణలోకి వస్తే జిల్లాలో ఆగిన పారిశ్రామిక ప్రగతి చక్రం ముందుకు కదిలే అవకాశముంది.

malupuకోవూరు నుండి విజయవాడ దాకా జాతీయ రహదారిని ఆరులైన్లుగా మార్చారు. ప్రతి క్రాసింగ్‌ వద్ద అండర్‌పాస్‌ ఏర్పాటు చేసారు. చిన్న పల్లెటూరుకు కూడా ఇవి ఏర్పడడంతో హైవేను దాటి పోవడం అన్న ప్రశ్నేలేదు. కాబట్టి ప్రమాదాలను చాలావరకు తగ్గించవచ్చు. దరిద్రం ఏంటంటే కోవూరు నుండి తడ దాకా ఆరులైన్లు విస్తరణ పెండింగ్‌లో వుంది. హైవే మీద ట్రాఫిక్‌ పెరిగింది. చాలా గ్రామాలకు హైవే మీదనే క్రాస్‌ చేయాల్సి వస్తోంది. నెల్లూరు పరిధిలో చూస్తే ఇనమడుగురోడ్డు, మైపాడురోడ్డు, ముత్తుకూరురోడ్డుల వద్ద మాత్రమే జాతీయ రహదారి విస్తరణ సమయంలో అండర్‌పాస్‌లు ఏర్పాటు చేసారు. ఇప్పుడు చూస్తే నగరం విస్తరించింది. హైవేపైన సిటీ ట్రాఫిక్‌ కూడా పెరిగిపోయింది. అటు వెంకటేశ్వరపురం నుండి ఆదిత్యనగర్‌ దాకా, నగరం హైవేదాకా విస్తరించింది. ఎన్టీఆర్‌ నగర్‌ ప్రాంతంలో హైవేకి ఆనుకునే అటు ఇటు జనావాసాలు, వ్యాపార కేంద్రాలు వెలిసాయి. పద్మావతినగర్‌, చిల్డ్రన్స్‌పార్కు రోడ్డు, సుందరయ్య కాలనీల వద్ద కూడా ఇదే పరిస్థితి. ఈ ప్రాంతాలలో సైకిళ్ళు, బైక్‌లు కూడా హైవేపై తిప్పుతున్నారు. గంటకు వంద నుండి 150కిలోమీటర్ల వేగంతో వాహనాలు వెళ్ళే రహదారిపై ద్విచక్రవాహనాలలో ప్రయాణం ఎలా ప్రమాదమో ప్రత్యేక చెప్పబల్లేదు.

చింతారెడ్డిపాళెం, కనుపర్తిపాడు క్రాస్‌లు కూడా ప్రమాదకరంగా మారాయి. ఇతర ప్రాంతాల నుండి నెల్లూరు నగరంలోకి ప్రవేశించే వాహనాలు ఎక్కువుగా చింతారెడ్డిపాలెం క్రాస్‌ వద్దే మలుపు తిరుగుతున్నాయి. సమీపంలో సింహపురి ఆసుపత్రి వుంది. ట్రాఫిక్‌ రద్దీ పెరిగింది. హైవే మీద వాహనాలు వేగంగా వస్తుండడం, హైవేలో నుండి సిటీ లోకి, సిటీలో నుండి హైవే మీదకు వెళ్ళే వాహనాలు ఇక్కడే మలుపు తిరుగుతుండడం... వాహనాలు నడిపేవాళ్ళు చాలా జాగ్రత్తగా ఉండాలి. ఏమరుపాటుగా వుంటే ఇక్కడ ప్రమాదమే! కనుపర్తిపాడు జంక్షన్‌ వద్ద కూడా ఇదే పరిస్థితి. అయ్యప్పగుడి సెంటర్‌ వద్ద కూడా అండర్‌పాస్‌ లేక ట్రాఫిక్‌ కన్‌ఫ్యూజన్‌... కాకుటూరు వద్ద గొలగమూడికి వెళ్ళే రోడ్డు, వెంకటాచలం వద్ద సర్వేపల్లి రోడ్డు జంక్షన్‌లు కూడా ప్రమాదకరంగా వున్నాయి. ఈ జంక్షన్‌ల వద్ద గతంలో ఎన్నో ప్రమాదాలు జరగడం చూసాం. ఆరులైన్ల సంగతి దేవుడెరుగు... ముందు జంక్షన్‌ల వద్ద హైవేపై అండర్‌ బ్రిడ్జిలనన్నా పూర్తి చేస్తే ప్రమాదాలు జరక్కుండా ఎందరి ప్రాణాలనో కాపాడినవాళ్లవుతారు.

indiaమన దేశంలో ప్రజారోగ్యం పడకేసింది. అనారోగ్యం మాత్రం అంతటా విస్తరిస్తోంది. ఏ చేయూతా లేక అసహాయస్థితిలో ఉన్న పేదలను ఆదుకునేందుకు ఉన్న అనేకానేక పథకాలు ఆచరణలో చట్టుబండలవు తుండడంతో రకరకాల వ్యాధుల బాధలతో, అనారోగ్యాలతో ప్రజలు నిత్యం వేదన పడుతూనే ఉన్నారు. ముఖ్యంగా, పేదరికం కారణంగా గర్భిణులు సరైన పౌష్టికాహారం లేకపోవడం వల్ల..వారితో పాటు, శిశువుల ఆరోగ్యం కూడా అంతంత మాత్రంగానే ఉంటోంది. రానురాను మన సమాజంలో మాతా శిశువుల స్థితి మరింత దయనీయంగా తయారవుతోంది. తల్లిని, తల్లి గర్భంలో ఉన్న శిశువులను పరిరక్షించుకు నేందుకు ప్రభుత్వాలు తీసుకోవాల్సినంత శ్రద్ధ, చొరవ తీసుకోవడం లేదు. ఫలితంగా మాతా శిశు మరణాలు నానాటికీ పెరిగిపోతూనే ఉన్నాయి. గర్భిణులకు ఎన్నో పథకాలను ప్రభుత్వాలు ప్రవేశపెట్టినా అవి ఆచరణలో నామమాత్రంగానే ఉంటుండడంతో గర్భిణులకు సరైన పోషకాహారం అందక వారు నానా యాతనలు పడుతూనే ఉన్నారు. మరీ మనదేశంలో పౌష్టికాహారం లభించక, ఎంతోమంది గర్భిణులు రక్తహీనతతో బాధపడుతున్నారని, దేశవ్యాప్తంగా

ఉన్న గర్భిణుల్లో సగానికి పైగానే ఈ దురవస్థకు గురవుతున్నారని ఇటీవల వెలుగులోకి వచ్చిన అంతర్జాతీయ పోషకాహార నివేదిక స్పష్టం చేస్తోంది కూడా. అదేవిధంగా దేశవ్యాప్తంగా మరో 38 శాతానికి పైగానే పిల్లలు అటు మానసికంగాను, ఇటు శారీర కంగానూ సరైన ఎదుగుదల లేక బక్కచిక్కిపోతున్నా రని, జీవితకాలంలో వారు పడుతున్న బాధలు వర్ణనాతీతమని గణాంకాలు పేర్కొంటున్నాయి. ఈ నేపథ్యంలో దేశంలో పౌష్టికాహార మిషన్‌ను ఏర్పాటు చేసి, పోషకాహారం లభించడంలో ఎలాంటి ఇబ్బం దులు లేకుండా చేయాలని ప్రధాని మోడీ ఆధ్వర్యం లోని కేంద్రప్రభుత్వం తాజాగా సన్నాహాలు చేస్తుం డడం ఎంతో అభినందనీయమే అయినప్పటికీ, ఇప్పటికే దేశంలో అనేకమంది గర్భిణులు, శిశువులు పేదరికంతో, పౌష్టికాహార లోపంతో అనేకవిధాలుగా కష్టాలు పడుతూనే ఉన్నారు. ఆ ప్రయత్నమేదో ఇప్పటి ప్రభుత్వం మరింత వేగవంతంగా చేయాలి. ఎందుకంటే, దాదాపు పాతికేళ్ళ దీర్ఘకాలంలో దేశంలో మున్నెన్నడూ లేనంతగా సరైన పౌష్టికాహారం లభించక తల్లులు, పిల్లలు పడిన బాధలు అన్నిన్ని కావు. ఈ పరిస్థితిని ఎప్పటికప్పుడు గతంలో నిపుణులు హెచ్చరించినా గత ప్రభుత్వాలు ప్రజారోగ్యం పట్ల ఆశించిన శ్రద్ధ తీసుకోకపోవడమే బాధాకరం. మనదేశంలో అన్ని పథకాలు కాగితాల మీద అద్భుతంగా ఉంటాయి కానీ, ఆచరణలోకి మాత్రం రావడం లేదు. ఒకవేళ వచ్చినా అవి అంతంతమాత్రంగానే ఉంటున్నాయి. ఒక్కోచోట, ఆసుపత్రులకు వెళ్ళే గర్భిణులను సరిగ్గా పలకరించే దిక్కు కూడా ఉండదు. ఆసుపత్రులకు కోట్లల్లో నిధులు వస్తున్నా, వైద్యులు సిబ్బంది తదితర యంత్రాంగమంతా భారీగానే ఉంటున్నా విధి నిర్వహణలో అనేకమంది చూపుతున్న అలసత్వం తల్లుల పాలిట వేదనగా..నరకయాతనగా మారుతోంది. ఆసుపత్రుల్లో సరైన వసతులు లేక, దోమలు, ఈగలు, దుర్వాసన చుట్టుముడుతున్నా, పడకలు సరిగా లేక గబ్బుకొట్టిపోతున్నా పట్టించుకునే నాధులు ఉండరు. ఒక్కోసారి సరైన సమయంలో తగు చికిత్సలు చేసేవారు ఉండరు. ఉన్నా వారి నిర్లక్ష్యధోరణి చూస్తే మన బాధ ఇంకెవరికి చెప్పుకోవాలో తెలియదు. ఆసుపత్రుల్లో మందుల కొరత లేకున్నా, రోగులకు అవసరమైన మందులు మాత్రం ఉండవు. స్కానింగ్‌లు, స్క్రీనింగ్‌లు, రకరకాల వైద్యపరీక్షలు ఇక్కడ అందుబాటులో లేవని, అవన్నీ బయట చేయించుకురావాలని నిక్కచ్చిగా చెప్పే ఆసుపత్రులకు మనదేశంలో కొదవే లేదు. అయితే, బయటకు వెళ్ళి అన్ని రకాల మందులు తెచ్చుకోవాలంటే, వైద్యపరీక్షలకు వేలకు వేలు ఖర్చుపెట్టుకోవాలంటే పేదలకు అంత డబ్బు అందుబాటులో ఉండదు. ప్రభుత్వాసుపత్రుల్లో అన్నీ ఉచితమనే చెప్తున్నా దేశంలోని అనేకప్రాంతాల్లోని ప్రభుత్వాసుపత్రుల్లో ఇలాంటి కొరతలెన్నో ఉన్నాయి. గ్రామీణప్రాంతాల్లోనైతే ఈ బాధలు బోలెడు. నిత్యం పేదప్రజలు ఎదుర్కొంటున్న సమస్యలే ఇవి. గర్భిణులకు బాలింతలకు ఒక పూట పెట్టే భోజనం కూడా నాసిరకంగానే ఉంటుండడం, మాతా శిశువుల కోసం ప్రభుత్వాలు సరఫరా చేస్తున్న కోడిగుడ్లు, బియ్యం, పౌష్టికాహారం వంటివి సరైన పర్యవేక్షణ లేక పోవడంతో పక్కదారులు పడుతుండడం అనేకచోట్ల మనం చూస్తూనే ఉన్నాం. పేదరికంలో పుట్టిన ఒక తల్లి, తన బిడ్డకు జన్మనిచ్చే దాకా భయంభయంగానే ఆసుపత్రుల్లో కాలం వెళ్ళదీస్తున్న దృశ్యాలు మన ప్రభుత్వాసుపత్రుల్లో కొల్లలుగా చూడవచ్చు. అయినా, ఎవరికీ కనికరం ఉండదు. అంతా నిర్లిప్తతే. కనీసం మానవతా దృక్ఫధంతోనైనా రోగుల పట్ల కరుణతో వ్యవహరించాలన్న స్పృహ ఆసుపత్రుల్లో చాలా మందికి ఉండడం లేదన్నదే రోగుల వేదన. కేంద్ర రాష్ట్ర ప్రభుత్వాలు ఎప్పటికప్పుడు మాతాశిశువుల బాధలను గుర్తించి వారి సమస్యలు తీర్చేందుకు పటిష్టమైన చర్యలు తీసుకోవాలి. ఆరోగ్యకేంద్రాలు, ఆసుపత్రుల్లో మాతాశిశువులకు ప్రధమ ప్రాధాన్యత ఇచ్చి, వారికి సరైన పౌష్టికాహారం సమకూర్చి, ఆరోగ్యవంతమైన పిల్లలకు జన్మనిచ్చేవిధంగా, తద్వారా ఆరోగ్యవంతమైన సమాజాన్ని తీర్చిదిద్దుకునేవిధంగా అటు పాలకులు, ఇటు అధికారయంత్రాంగం వెంటనే సమాయత్తం కావాలి. సరైన ఆరోగ్యం లేక అలమటిస్తున్నవారిని కబళించేందుకు అకాల మరణాలు పొంచి ఉంటాయి. ఈ దుస్థితి పోవాలి. ప్రజల ఆరోగ్యం కోసం ప్రభుత్వాలు అమలుచేస్తున్న పథకాల పట్ల మరింత పటిష్టమైన పర్యవేక్షణ ఉండాలి. పథకాలను లోపభూయిష్టంగా అమలుచేస్తున్నవారిని దండించాలి. అందరికీ ఆరోగ్యం అందుబాటులోకి రావాలంటే చిన్నవిషయం కాదు. అందుకు ఎంతో కట్టుదిట్టమైన ప్రణాళికలు అవసరం. చెప్పే మాటలకు చేసే చేతలు తోడు కాకుంటే ఈ పరిస్థితిలో మార్పు ఎంతమాత్రమూ ఉండదు. ప్రజారోగ్యాన్ని పరిరక్షించేందుకు ప్రభుత్వాలు తక్షణం సమాయత్తం కావాలి. ముఖ్యంగా మాతాశిశువుల ఆరోగ్య పరిరక్షణకు పటిష్టమైన యంత్రాంగాన్ని రూపొందించాలి. ప్రజారోగ్యం కోసం అటు పాలకులు, ఇటు ప్రభుత్వాలు..అధికారులు అందరూ కలసి చిత్తశుద్ధితో కృషి చేసినప్పుడే 'ఆరోగ్య భారత్‌' సాకారమవుతుంది.

vijayగత కొద్ది రోజులుగా రెండు తెలుగు రాష్ట్రాల్లో సంచలనం సృష్టిస్తున్న సంఘ టన హాస్యనటుడు విజయసాయి ఆత్మహత్య. గతంలో ఎంతో మంది సినీ ప్రముఖులు ఆత్మహత్యలు చేసుకున్నారు. వారందరివి వివిధ కోణాలు, పలు కారణాలు. కానీ ఈ ఉదంతం మాత్రం వార్తల్లో నానుతూనే వుంది. ఇందుకు కారణం విజయ్‌ మరణానికి ముందు తీసుకున్న సెల్ఫీ వీడియో. బహుశా ఇలా సెల్ఫీలలో సైతం మరణవాంగ్మూలం ఇస్తారనే విషయం పోలీసుశాఖకు కూడా తొలిసారిగా అర్థమైనట్లుంది. మామూలుగా లేఖల రూపంలో దొరికే వాంగ్మూలాలని వాళ్ళు ఏమైనా చేసేయగలరు కానీ ఇలా సెల్ఫీవీడియోలను ఏమార్చడం ఎవరి తరమూ కాదు. ఈ సెల్ఫీని విజయ్‌సాయి ఎంతమందికి పంపించి వుంటాడో వారికి తెలియదు కాబట్టి ఈ విషయంలో వాళ్ళు గోల్‌మాల్‌ చేసే అవకాశమే లేదు.

ఇక సెల్ఫీ వీడియోతో పాటు దొరికిన సాక్ష్యాల ఆధారంగా (కార్లు, ఫోన్‌ సంభాషణలు) ఈ వ్యవహారంలో శ్రీనివాస్‌ అనే న్యాయవాది, శశిధర్‌ అనే పారిశ్రామికవేత్త, విజయసాయి భార్య ఏ1 ముద్దాయి వనితరెడ్డిలతో పాటు ఏ2, ఏ3 ముద్దాయిలుగా వుండడంతో ఇది పెద్ద చర్చనీయాంశంగా మారింది. పోలీసులకు దొరికిన రెండుకార్లలో ఒక దానిపైన అడ్వకేటు స్టిక్కర్‌ ఉండడం, మరో కారు శశిధర్‌కు చెందిన నవయుగ కంపెనీకి చెందడం.

నవయుగ కన్‌స్ట్రక్షన్స్‌, నవయుగ ఇన్‌ఫోటెక్‌తో పాటు కృష్ణ పట్నం పోర్టు కంపెనీలు శశిధర్‌కి చెందినవి కావడంతో మీడియా హడావుడి కొంచెం ఎక్కువగానే కనిపిస్తోంది. ఇక సోషల్‌ మీడియాలో అయితే గంటకో కథ ఎవరిష్టం వచ్చినట్లు వాళ్ళు చూపిస్తూ ఇది మా పరిశోధన అంటూ జబ్బలు కొట్టుకుం టున్నారు. పై విషయాలన్నీ మన కనవసరం. అసలు ఎక్కడో సినిమాల్లో చిన్నచిన్న వేషాలు వేసుకునే విజయ సాయి భార్యకీ ఈ శ్రీనివాస్‌, శశిధర్‌లకీ వున్న సంబంధ భావ్యాలు ఏమిటి...? బంధమా... బంధు త్వమా... లేక వేరే ఏదైనా అనుబంధమా...? ఈ ప్రశ్నలకు వాళ్ళు సమాధానాలు చెప్పాల్సివుంది.

నెల్లూరుజిల్లాకి సంబంధించినంత వరకు కృష్ణపట్నం పోర్టన్నా, ఆ కంపెనీ యాజమాన్య మన్నా ఓ ప్రతిష్టాత్మక సంస్థగా ప్రతిష్టాత్మక వ్యక్తులుగా అందరూ చూస్తారు. ఇక జిల్లా యంత్రాంగ మైతే గల్లీ నుండి ఢిల్లీ వరకూ ప్రభుత్వ పెద్దలతో పోర్టు యాజ మాన్యానికున్న పలుకుబడిని దృష్టిలో వుంచుకుని వాళ్ళ ఆజ్ఞలకు, ఆదేశాలకు, ఆలోచనలకు తోక వూపుతూ పని చేస్తారు. ప్రతి ఫలంగా వాళ్ళ మర్యాదలనీ ఆస్వాదిస్తారు.

ఇలాంటి తరుణంలో పోర్టు యం.డి శశిధర్‌పై వచ్చిన ఆరోపణలు వాస్తవమా? కాదా? అని రుజువు చేసుకోవలసిన బాధ్యత వారిపైనే వుంది. వారికి అపార పలుకుబడి వుండొచ్చు, వేలకోట్లు ఆస్తులుండొచ్చు... కానీ కాండక్ట్‌ & క్యారెక్టర్‌ చాలా ముఖ్యం. ఇప్పటికే వారి పోర్టులో భాగంగా సముద్ర మధ్యలో మయసభను తలపించే ''దక్షిణ్‌''లో జరుగుతున్న 'దక్షిణ' వ్యవ హారం కథలు కథలుగా బయటకు వినిపిస్తూనే వుంది. వాయు మార్గంలో వచ్చే విఐపిలకు జరిగే విందు వినోదాల ముచ్చట వాడవాడలా షికారు చేస్తూనే వుంది. పిల్లి కళ్ళు మూసుకుని పాలు త్రాగినట్లుగా ఈ ''దక్షిణ్‌''లో వారు జరిపే కార్యకలాపాలు ఎవరికీ తెలియవని అనుకున్నా అది వారి భ్రమే.

నెల్లూరీయులకు పోర్ట్‌ అంటే ఓ ల్యాండ్‌మార్క్‌. నెల్లూరు అభివృద్ధికి దిక్సూచిగా కృష్ణపట్నం పోర్టును చూస్తారు. అలాంటి సంస్థ యాజమాన్యం ఇలాంటి 'గలీజు' వ్యవహారంలో అభాసు పాలైతే అది వారికే కాదు, వారిపై నమ్మకం పెట్టుకున్న జిల్లా వాసులకీ అవమానమే. నెల్లూరు పారిశ్రామికవేత్తలకు విశ్వ వ్యాప్తంగా ఒక గుర్తింపు వుంది. మేధావులుగా పేరు ఉంది. చిల్లర చేష్టలకు దూరంగా వ్యాపారాన్ని భక్తితో చేస్తారన్న నమ్మకం ఉంది. ఒక జివికె, ఒక శీనయ్య, ఒక గునుపాటి ప్రసాద్‌రెడ్డి, ఒక దొడ్ల కుటుంబం, ఒక అల్లారెడ్డి కుటుంబం, ఒక సీబ్రోస్‌ కుటుంబం లాంటి ఎందరో తమ కండక్ట్‌ని ఉన్నతంగా ఉంచు కున్నవారే. శశిధర్‌ నెల్లూరు వాడు కాకపోయినా ఇప్పుడు నెల్లూరి వ్యాపారవేత్త కిందే లెక్క. ఇప్పుడు ఆయన శీలం ఏ3 నిందితునిగా పోలీస్‌ రికార్డ్స్‌లో భద్రంగాఉంది. అదీ తన భార్య మీద అనుమానం వ్యక్తం చేస్తూ మరణించిన విజయ్‌ మాటల కారణంగా శశిధర్‌ పరువు బజారున పడింది. ఇప్పుడు తన శీలం ఉన్నతమైందని నిరూపించుకోవాల్సిన బాధ్యత శశిధర్‌పైనే ఉంది. విలువలతో కూడిన వ్యాపారం చేసే నెల్లూరియన్స్‌ పక్కన ధైర్యంగా నిలబడా లంటే కడిగిన ముత్యంలా బయటకు రావాల్సిన అగత్యం ఇప్పుడు శశిధర్‌పైనే ఉంది. వేచిచూద్దాం చట్టం ఎవరికి చుట్టమౌతుందో!

<p><span style="line-height: 17.6px;">

</span></p>

rasi 08

1Ariesమేషం

వ్యాపారవర్గాలకు ఆర్ధిక ఇబ్బందులతో పాటు, ప్రభుత్వ పరంగా ఇబ్బందులుంటాయి. వృత్తి జీవనంలో సామాన్య ఆదాయముంటుంది. అనవసర విషయాలలో తల దూర్చవద్దు. బాధ్యతలను నిర్వహిస్తూ ఆంతరంగిక విషయాలను బయట పెట్టవద్దు. ఉద్యోగులు విధి నిర్వ హణ యందు మెలకువగా మెలగవలసి ఉంటుంది. సమస్యలను, ఇబ్బందులను ధైర్యంగా ఎదుర్కొంటారు.

 

2Taurusవృషభం

ఆర్ధికంగా షుమారుగా ఉంటుంది. వృత్తి వ్యాపారా లలో రాబడి తగ్గుతుంది. త్వరలో శుభవార్త వింటారు. బంధువర్గంతో సఖ్యంగా మెలగండి. రావలసిన బాకీలు నిలబడిపోతాయి. అనుకున్న పనులు నిదానంగా జరుగు తాయి. దూరప్రయాణ ఖర్చులుంటాయి. సభలు సమా వేశాలు, దైవ కార్యాలలో పాల్గొంటారు. ఉద్యోగ వర్గా లకు గుర్తింపు గౌరవాలు బాగుంటాయి.

 

3Geminiమిధునం

ముఖ్యపనులు చేసేవారు పెద్దల సలహాలు తీసికొని చేయండి. పనులకు ఆటంకాలు వచ్చే అవకాశం ఉన్నది. వ్యాపారవర్గాలకు మంచి అవకాశాలు చేజారిపో వచ్చును. మరియు ఆదాయం తగ్గుతుంది. వృత్తి జీవనం కలవారి స్థితి సంతృప్తికరం. బంధువర్గంతో పేచీలు కలుగవచ్చును. శుభకార్య ప్రయత్నాలలో అనుకూలత ఉండదు. విద్యావృద్ధి బాగుంటుంది.

 

4Cancerకర్కాటకం

వృత్తి వ్యాపారాలు సంతృప్తికరంగా జరుగుతాయి. ఆర్ధికాభివృద్ధికి మీ కృషి సఫలం కాగలదు. ఉద్యోగు లకు విధి నిర్వహణ సాఫీగా సాగుతుంది. విద్యార్థుల కృషి అభివృద్ధికరంగా ఉంటుంది. పనులందు అనుకూ లత బాగుండినా టెన్షన్‌ ఎక్కువగా ఉంటుంది. ఇంట్లో వ్యక్తులకు అనారోగ్య బాధలుంటాయి. ఎదుటివారి అభి ప్రాయాలు, సలహాలు పొందితే లాభపడతారు.

 

5Leoసింహం

ఈ వారం ఖర్చులు కొంత ఎక్కువగా ఉంటాయి. వృత్తి జీవనము కలవారికి సామాన్య ఆదాయం, వ్యాపార వర్గాలకు అభివృద్ధి ఆదాయం బాగుంటుంది. అనుకున్న పనులను మనోధైర్యంతో కొనసాగిస్తారు. సోదరవర్గానికి ప్రయోజనాలుంటాయి. అనుకోని ప్రయాణాలు ఏర్పడ తాయి. కొత్త పరిచయాలు కలిగి పనులు సాఫీగా జరగ డానికి తోడ్పడతాయి. ఆరోగ్యము ఫరవాలేదు.

 

6Virgoకన్య

ముఖ్యమైన పనులు, బాధ్యతలను పూర్తి చేస్తారు. ప్రభుత్వ అనుమతులు, రావలసిన బాకీలు లభిస్తాయి. కార్య సామర్ధ్యంతో ఉద్యోగులు అధికారుల ఆదరాభి మానాలు పొందుతారు. వృత్తి వ్యాపారాలు సంతృప్తికరం. ఆదాయవృద్ధి ఫరవాలేదు. ఉద్యోగ ప్రయత్నాలలో అను కూలత ఉంటుంది. చదువులో మంచి ప్రగతిని చూపు తారు. చిన్న వస్తు నష్టం జరగవచ్చును.

 

7Libraతుల

ఉద్యోగులు తమ అధికారులతోను పబ్లిక్‌తోను జాగ్ర త్తగా మెలగండి. వృత్తి వ్యాపారాలలో అభివృద్ధికి ప్రయత్నాలు బాగుండి ఆదాయము పెరుగుతుంది. చేపట్టిన పనులు జాగ్రత్తగా నెరవేర్చగలరు. మీ సలహాలు సూచనలు సమావేశాలలో ఆమోదింపబడగలవు. ఒకటి రెండు అనవసర ఖర్చులుంటాయి. వ్యాపార భాగస్వామ్య అవకాశాలు, పెట్టుబడులకు అవకాశాలుంటాయి.

 

8Scorpioవృశ్చికం

కుటుంబ సమస్యలు, ఆర్ధిక ఇబ్బందులు ఎదురు కాగలవు. వ్యాపార వర్గాలకు సామాన్య ఆదాయం, వృత్తి జీవనం కలవారికి తృప్తికరంగా ఆదాయముంటుంది. అనుకోని ఖర్చులు పైనబడగలవు. కుటుంబంలో అను కూలత తక్కువ. రావలసిన బాకీలు నిలబడిపోతాయి. శుభకార్య నిర్వహణ ప్రయత్నాలలో ఉంటారు. నిర్మా ణాలు, కాంట్రాక్టు పనులు నిదానంగా జరుగుతాయి.

9Sagittariusధనుస్సు

కొన్ని పనులందు అనుకూలత, కొన్ని పనులందు ప్రతికూల స్థితులుంటాయి. టెన్షన్‌ ఎక్కువగా ఉంటుంది. తొందరపాటు నిర్ణయాలు తీసికొనే అవకాశం ఉన్నది, కాబట్టి జాగ్రత్తపడండి. ధనం సమయానికి లభించక ఇబ్బందిపడే అవకాశం ఉన్నది. ఉద్యోగులు పబ్లిక్‌తోను అధికారవర్గంతోనూ జాగ్రత్తగా ఉండండి. హామీలు, అప్పులు ఇవ్వవద్దు. విద్యాప్రగతి బాగుంటుంది.

 

10Capricornమకరం

ధన లాభం, వ్యవహారాలందు విజయం పొందు తారు. వృత్తి వ్యాపారాలలో అభివృద్ధి ఉండి ఆదాయం పెరుగుతుంది. కొత్త పెట్టుబడులకు అవకాశాలు లభి స్తాయి. స్థిరాస్తులపై ఆదాయం ఉంటుంది. అయితే పనులందు టెన్షన్‌గా ఉంటుంది. పారిశ్రామికవేత్తలకు, నిర్మాణదారులకు ప్రభుత్వ అనుమతులు, ఋణాలు లభిస్తాయి. విద్యావృద్ధి బాగుంటుంది.

 

11Aquariusకుంభం

ఆకర్షణీయ పథకాలు ప్రవేశపెట్టి వ్యాపారాలు వృద్ధి చేసికొంటారు. వృత్తి వ్యాపారాలలో ఆదాయం పెరుగు తుంది. ఆర్ధిక లావాదేవీలు అనుకూలిస్తాయి. రావలసిన బాకీలు కొంత లభిస్తాయి. చెల్లింపులు సకాలంలో చేస్తారు. విలువైన వస్తువులు సమకూరుతాయి. అనుకున్న పనులు సక్రమంగా జరుగుతాయి. ఉద్యోగులకు, అధికారులకు గుర్తింపు గౌరవాలు బాగుంటాయి.

 

12Piscesమీనం

ముఖ్యమైన పనులను జాగ్రత్తగా నిర్వహించండి. లేకపోతే సమస్యలు ఏర్పడవచ్చును. పలుకుబడి కొరకు గాని, పరువు కొరకుగాని డబ్బు ఖర్చు అవుతుంది. దూర ప్రయాణాలుంటాయి. బంధుమిత్రులను కలుసుకొంటారు. ఉద్యోగ ప్రయత్నాలలో అనుకూలత బాగుంది. ఆటం కాలను ధైర్యంతో ఎదుర్కొంటారు. వృత్తి వ్యాపారాలందు ఆదాయం బాగుంటుంది.

newsbottomad

ఎక్కువగా చదివిన వార్తలు

  • ఆత్మకూరులో... సమన్వయం సాధ్యమేనా?
    2019 ఎన్నికల్లో ఆత్మకూరు నియో జకవర్గం నుండి తెలుగుదేశం పార్టీ అభ్యర్థిగా ఆనం రామనారాయణరెడ్డి వుంటాడు. నూటికి 99శాతం ఇది పక్కా. ఆ ఒక్క శాతం ఇంకేవైనా అనుకోని పరి ణామాలు జరిగితే మార్పుండొచ్చు. ఆనంకు సీటు ఇవ్వడం కోసమే ఇక్కడ…
  • వీళ్ళు... సీతయ్యకు అన్నయ్యలు
    మోచేతి నీళ్ళు తాగే ఆఫీసర్లు ఉన్నంతవరకే ప్రజాప్రతినిధులు ఏ ఆటయినా ఆడగలరు. అధికారి అడ్డం తిరిగాడంటే ప్రజా ప్రతినిధి కాదు కదా ముఖ్యమంత్రి కూడా ఏమీ చేయలేడు. అది ఏ పార్టీ అయినా... ఏ ప్రభుత్వమైనా! అధికారులు కరెక్ట్‌గా వుంటే ప్రజాప్రతినిధులు…
  • మేకపాటిని తప్పిస్తేనే మేలు?
    నెల్లూరు లోక్‌సభ అభ్యర్థిగా మేకపాటి రాజ మోహన్‌రెడ్డి మూడుసార్లు వరుసగా విజయం సాధించి హ్యాట్రిక్‌ కొట్టాడు. నెల్లూరుజిల్లా రాజకీయ చరిత్రలో ఆయన పేరిట ఇదో రికార్డు. 2009లో జరిగిన నియోజకవర్గాల పునర్విభజన వల్ల ఎస్సీ రిజర్వుడ్‌లో ఉన్నటువంటి నెల్లూరు లోక్‌సభ జనరల్‌లోకి…
  • ఈ మలుపులు... ప్రమాదాలకు పిలుపులు
    కోవూరు నుండి విజయవాడ దాకా జాతీయ రహదారిని ఆరులైన్లుగా మార్చారు. ప్రతి క్రాసింగ్‌ వద్ద అండర్‌పాస్‌ ఏర్పాటు చేసారు. చిన్న పల్లెటూరుకు కూడా ఇవి ఏర్పడడంతో హైవేను దాటి పోవడం అన్న ప్రశ్నేలేదు. కాబట్టి ప్రమాదాలను చాలావరకు తగ్గించవచ్చు. దరిద్రం ఏంటంటే…
  • పేద గుండెల ధ్వని... 'జై ఆంధ్రా' ఉద్యమ సేనాని... మెట్టలో పుట్టిన మేటి నేత మాదాల జానకిరామ్‌
    ఉదయగిరి అంటే గుర్తొచ్చేది అలనాడు శ్రీకృష్ణ దేవరాయలు అయితే.. ఆధునిక రాజకీయ కాలంలో గుర్తొచ్చేది స్వర్గీయ బెజవాడ గోపాలరెడ్డి, ప్రస్తుత ఉపరాష్ట్రపతి యం.వెంకయ్యనాయుడులు. వారి రాజ కీయ ప్రస్తానం మొదలైంది ఇక్కడే! అలాగే వారితో పాటు గుర్తొచ్చే నాయకుడు మాజీ మంత్రి…

Newsletter