vprనేను నేనుగా బ్రత కడం కాదు, నేను నలుగురి కోసం బ్రత కడం, నలుగురికి బ్రతుకు నివ్వడం, బ్రతికే మార్గాన్ని చూపించడం... భవిష్యత్‌ పై ఆశలు కల్పించడం, పది మందికి నేనున్నాననే భరోసా ఇవ్వడం... ఈ మార్గాన్ని నమ్మి ఆచరిస్తున్న వ్యక్తే వేమిరెడ్డి ప్రభాకర్‌రెడ్డి. కొందరికి గ్లోబల్‌ కాంట్రాక్టర్‌గా, ఇంకొందరికి ఆథ్యాత్మికవేత్తగా, మరికొందరికి పారిశ్రామికవేత్తగా పరిచయం. కాని నెల్లూరీయులందరికీ మాత్రం ఒక మానవతావాదిగా, సేవాభి లాషిగా సుపరిచయం.

ఇంతకాలం ఆయనకు ఏ రాజకీయ పదవులు లేవు, రాజ్యాంగ పదవులు లేవు. అయినా తన సొంత నిధులతోనే జిల్లా ప్రజలకు సేవాసువాసనలు చూపించాడు. జిల్లా వ్యాప్తంగా సేవా కార్యక్రమాలు నిర్వహించారు. అన్ని మండలాలలో మినరల్‌ వాటర్‌ ప్లాంట్లు నెలకొల్పడం, విపిఆర్‌ ఫౌండేషన్‌ ద్వారా విద్య, వైద్య సంస్థలను నెలకొల్పడం, ప్రగతి ఛారిటీస్‌కు ప్రతి ఏటా ఆర్ధిక సాయం, వృద్ధాశ్రమాలకు చేయూత నివ్వడం, ఇస్కాన్‌ సంస్థకు అందిస్తున్న సహకారం, ప్రభుత్వ పాఠశాలల్లో మౌలిక వసతుల కల్పనకు ఇస్తున్న విరాళాలు, రోటరీ క్లబ్‌ ఆధ్వర్యంలో ప్రతిఏటా పేద విద్యార్థులకు కిట్‌ల పంపిణీ, శ్రీవారి ఆలయానికి రూఫ్‌, శ్రీ కాళహస్తీశ్వరునికి స్వర్ణ వాహనాలు... ఇలా ఒకటేమిటి ఆయన చేసిన సేవా కార్యక్రమాలు రాసు కుంటూ పోతే పేజీలు చాలవు. ఎటువంటి అధికారం లేకుండా, ఎలాంటి రాజకీయ పలుకుబడి లేకుండా కేవలం ఒక సామాన్య వ్యక్తిగా ఆయన ఇన్ని సేవా కార్యక్రమాలు నిర్వహించారు. మరిప్పుడు ఆయన రాజకీయ శక్తిగా కూడా రూపుదాల్చారు. ఈ నెల 15వ తేదీ గురువారం రాష్ట్రంలోని మూడు రాజ్యసభ స్థానాలకు సంబంధించి జరిగిన నియామకాలలో వైసిపి నుండి ఆయన రాజ్యసభ సభ్యుడిగా ఏకగ్రీవంగా ఎన్నికయ్యారు.

ఈ నెల 23న ఎన్నికలు జరగవలసి వుండగా ఆ అవసరం లేకుండానే ఆయన ఏకగ్రీవంగా ఎన్నిక కాబడి మార్చి 15వ తేదీ ఉదయం ఎన్నికల అధికారి నుండి రాజ్యసభ సభ్యుడిగా ధృవీకరణ పత్రం అందుకున్నారు.

2014లోనే ఆయన వైసిపిలో చేరి రాజకీయ ఆరంగేట్రం చేసినా, రాజ్యసభసభ్యుడిగా ఎన్నిక కావడం ఆయన జీవితంలో పెద్ద మలుపు. రాజ్యసభకు వెళ్లాలన్న ఆయన ఆలోచన వెనుక అధికార యావ, పదవిని అడ్డం పెట్టుకుని సంపాదించాలన్న ఆశ లేదు. తాను చేస్తున్న సేవా కార్యక్రమాలకు అధికారం తోడైతే ఇంకా ఎక్కువ చేయొచ్చని, ఎక్కువమందికి తన సేవలను అందించవచ్చని ఆలోచన.

సంపాదించే అవకాశం దేవుడు చాలామందికి ఇస్తాడు. దానిని పదిమంది మంచి కోసం ఖర్చుపెట్టే గుణం కొందరికే ఇస్తాడు. ఆ కొందరిలో ఒక్కడే వేమిరెడ్డి ప్రభాకర్‌రెడ్డి.

వైయస్సార్‌ కాంగ్రెస్‌పార్టీ నుండి రాజ్యసభకు వెళుతున్న రెండో వ్యక్తి. ఇప్పటివరకు ఆయన ఒక వ్యక్తిగా ప్రజాసేవలో రాణించాడు. ప్రజల మనసుల్లో నిలిచాడు. ఇక రాజకీయ శక్తిగా, రాజ్యసభ సభ్యుడిగా కూడా నెల్లూరుజిల్లా ప్రజల సేవకు సదా సిద్ధం అంటూ వస్తున్నాడు. ఇన్నాళ్ళు ఆయన కేవలం వేమిరెడ్డి ప్రభాకర్‌రెడ్డి, కానీ ఈరోజు నుండి వేమిరెడ్డి ప్రభాకర్‌ రెడ్డి రాజ్యసభ సభ్యుడు.

ఇది కేవలం ఆయన ఒక్కడే ఆనందించే విషయం కాదు. ఆయన అభిమానించే నెల్లూరుజిల్లా ప్రజానిక మంతా పండుగ చేసుకునే రోజు. నిజాయితీకి, సేవానిరతికి నిలువెత్తు సాక్ష్యమైన స్వచ్ఛమైన మనసున్న మంచి మనిషి రాజ్యసభ సభ్యుడిగా తొలి రాజకీయ పదవిని అధిరోహించడం ఆయనకు కాదు జిల్లాకి సైతం శుభసూచకం.

లక్ష్యాన్ని చేధించి, అనుకున్నది సాధించి, తన చిరకాల కోరిక నెరవేర్చుకున్న ప్రభాకర్‌రెడ్డికి 'లాయర్‌' అభినందనలు.

pawankalyaపల్లె హృదయాలను తాకుతూ, పల్లె వాసనలు పీలుస్తూ, పల్లెవాసుల ఆత్మీయ పలకరింపుతో పులకరిస్తూ వైకాపా అధినేత వై.యస్‌.జగన్మో హన్‌రెడ్డి ప్రజాసంకల్ప పాదయాత్ర నెల్లూరు జిల్లాలో దిగ్విజయంగా సాగుతోంది.

అసలు అతను ఏం చేస్తున్నాడు? ఏ లక్ష్యంతో చేస్తున్నాడు? ఎవరిని ఉద్దేశించి చేస్తున్నాడు? ఎవరి బాగు కోసం ఈ వింత చేష్టలు చేస్తున్నాడు? ప్రభుత్వాన్ని వదిలేసి ప్రతిపక్షం మీద అది కూడా ఒక్కరోజు కూడా అధికారంలో లేని పార్టీ మీద విమ ర్శలు చేయడమేంటి? పవన్‌కళ్యాణ్‌ వల్ల చాలామందిలో ఉత్పన్నమైన ప్రశ్నలివి. కొందరు విద్యార్థులైతే ఈ వితండ రాజ కీయ జీవి మీద పరిశోధనలు కూడా చేయాలనుకుంటున్నారు.

అయితే ఆయన చేసిన అనంతపురం పర్యటనతోనే వీటిలో చాలావాటికి సమా ధానం దొరికింది. తనకు ఏ పరిటాల రవి అయితే గుండు కొట్టించాడనే ప్రచారం జరుగుతుందో, అదే పరిటాల ఇంటికి వెళ్ళాడు. వాళ్ళతో మంచి చెడ్డా మాట్లాడు కున్నాడు. అదేపనిలో ఫిరాయింపు ఎమ్మెల్యే చాంద్‌బాషా ఇంటికి కూడా వెళ్ళాడు. మరో టీడీపీ ఎమ్మెల్యే ప్రభాకర్‌చౌదరి ఇంటికి వెళ్ళాడు. ఇక్కడే తెలిసింది ఈయన అసలు రంగు. వెళ్ళింది ప్రజాసమస్యలు తెలుసుకోవడానికే అయితే అధికార పార్టీ నాయకుల ఇళ్ళల్లో ఏం పని. పవన్‌ది అంతా యాక్షన్‌... ప్యాకేజీ పథకంలో ఈ డ్రామా ఓ భాగమే!

ఇటీవల సోషల్‌ మీడియాలో డైవర్షన్‌ ఆంటీ వీడియోలు హల్‌చాల్‌ చేస్తుండడం చూస్తూనేవున్నాం. రానాకు రావాల్సిన మరణాన్ని రామానాయుడుకి డైవర్ట్‌ చేసా నని, ఏపికి రావాల్సిన వరదలను తమిళ నాడుకు డైవర్ట్‌ చేసానని, భారత దేశానికి రావాల్సిన తుఫాన్‌ను బంగ్లాదేశ్‌కు మళ్లిం చానని ఈ డైవర్షన్‌ ఆంటీ చెబుతుండడాన్ని చూస్తుంటాం. ఈ డైవర్షన్‌ ఆంటీ లాగానే ఆంధ్రప్రదేశ్‌ రాజకీయాలలో కూడా ఒక డైవర్షన్‌ అంకుల్‌ తయారయ్యాడు. ఆయనే పవర్‌స్టార్‌ పవన్‌కళ్యాణ్‌.

ఎన్నో అంచనాలు పెట్టుకున్న 'అజ్ఞాత వాసి' సినిమా ఎత్తిపోయిందని తేలాక రాజకీయ యాత్ర మొదలుపెట్టాడు. ఆ డైవర్షన్‌ ఆంటీ పలు అంశాలను డైవర్ట్‌ చేసానని చెబుతుంటుంది. కానీ, ఈ డైవర్షన్‌ అంకుల్‌కు ఒకటే సబ్జెక్ట్‌. అదే చంద్రబాబు ప్రభుత్వం మీద వ్యతిరేకతతో వైకాపాకు వెళ్ళే ఓట్లన్నింటిని తన పార్టీకి డైవర్ట్‌ చేయడమే! అందుకోసమే వచ్చే ఎన్నికల్లో ఈయన పోటీ చేయబోతున్నాడు కూడా! ఇప్పుడు సడెన్‌గా తెలంగాణ, ఏపి రాష్ట్రాల్లో రాజకీయ యాత్రను మొదలు పెట్టడానికి కూడా ప్రధాన కారణం ప్రజా సంకల్ప పాదయాత్రలో జగన్‌కు వస్తున్న ప్రజాదరణను డైవర్ట్‌ చేయడం కోసమే!

పేరుకు ఈయన రెండు రాష్ట్రాల్లో రాజకీయ యాత్ర చేస్తానంటున్నాడు. తెలంగాణలో పవన్‌కు అంత సీన్‌ లేదు. అక్కడ కేసీఆర్‌కు సరెండర్‌ అయిపోయాడు. ఆయనను ప్రసన్నం చేసుకోబట్టే తెలం గాణలో 'అజ్ఞాతవాసి' బెనిఫిట్‌ షోలకు అనుమతి లభించింది. తెలంగాణలో యాత్రలు చేయాలని, అక్కడ విరగదీయా లనే కాన్సెప్ట్‌ కూడా పవన్‌లో లేదు.

కేవలం ఏపిలో జగన్‌ను అడ్డుకోవ డమే లక్ష్యంగా పవన్‌ రంగంలోకి దిగాడు. ఆయన దిగాడు అనేకంటే కూడా చంద్ర బాబు దించాడని చెప్పవచ్చు. జగన్‌ ప్రజా సంకల్ప పాదయాత్ర రాయలసీమ నాలుగు జిల్లాల్లో పూర్తయ్యింది. ఈ జిల్లాల్లో పవన్‌ ప్రభావం పెద్దగా వుండదు. తాజాగా నెల్లూరుజిల్లా అంటే దక్షిణ కోస్తా నుండి జగన్‌ యాత్ర మొదలైంది. ఇక్కడ నుండి ఉత్తరం వైపుకు వెళ్లే కొద్ది జిల్లాల వారీగా పవన్‌ ప్రభావం కొంతవరకు ఉంటుంది. జగన్‌ గుంటూరు, కృష్ణా జిల్లాలోకి వెళ్ళే సరికి పవన్‌ రాజకీయ యాత్ర కూడా

ఉత్తరాంధ్ర జిల్లాల్లోనే మొదలవుతుంది. ఈలోపు ఆయన గారి తెలంగాణ, రాయల సీమ మొక్కుబడి యాత్రలు పూర్తవుతాయి. కృష్ణా నుండి విజయనగరం దాకా ఈ ఆరు జిల్లాలు కీలకం. రేపు అధికారంలోకి రావాలనుకునే వారెవరికైనా ఇక్కడ మెజార్టీ సీట్లు గెలవాల్సిందే! 2014 ఎన్నికల్లో పవన్‌ అండతోనే ఈ జిల్లాల్లో తెలుగు దేశంకు మెజార్టీ సీట్లు వచ్చి అధికారం చేపట్టగలిగింది. కాని, రేపు ఎన్నికల్లో పవన్‌ మద్దతునిచ్చినా ఆయన అభిమా నులు, పవన్‌ సామాజిక వర్గానికి చెందిన కాపులు తెలుగుదేశంకు ఓటేస్తారన్న గ్యారంటీ లేదు. అందుకే చంద్రబాబు పవన్‌ జనసేన పార్టీని విడిగా పోటీ చేయించి ఈ ఓట్లన్నింటిని జగన్‌కు పోకుండా డైవర్ట్‌ చేయాలని ప్లాన్‌ వేశారు.

పవన్‌ కాల్షీట్లను నిర్మాతలు కొంటారు. పవన్‌ సినిమాలను డిస్ట్రిబ్యూటర్లు కొం టారు. కాని చంద్రబాబు ఏకంగా పవన్‌నే కొనేసాడని టాక్‌! అందుకే ప్రచారంలో ఆయనను ప్యాకేజీ పవన్‌ అని విపక్షం విమర్శిస్తుంటుంది. చంద్రబాబు డైరక్షన్‌ లోనే ఆయన రాజకీయయాత్ర మొదలు పెట్టాడు. చంద్రబాబు డైరెక్షన్‌లోనే ఆయన యాక్షన్‌ చేస్తున్నాడు. రేపు ఎన్నికల్లో కూడా చంద్రబాబు ఏ ఏ సీట్లలో తన అభ్యర్థులను నిలబెట్టమంటాడో పవన్‌ అక్కడ మాత్రమే జనసేన అభ్యర్థులను దించుతాడు. తాను అన్ని సీట్లలో పోటీ చేయనంటున్నది కూడా అందుకే!

'అజ్ఞాతవాసి' సినిమాలో ఓ సీన్‌ వుంది... ఎన్ని కార్లున్నా చిన్నప్పటి నుండి సైకిల్‌ అంటే తనకిష్టమని ఆ సైకిల్‌ను పడనివ్వనని చెబుతాడు. రాజకీయాలలో తన ఉద్దేశ్యాన్ని సినిమాద్వారా ఈ విధంగా చాటుకున్నాడాయన! ఒక సిద్ధాంతం లేకుండా, ఒక ప్రజా ప్రాతిపదిక లేకుండా కేవలం చంద్రబాబు కోసమే పార్టీ పెట్టాడు పవన్‌. ఇలాంటి పార్టీలు, ఇలాంటి డైవర్షన్‌ నాయకులు రాష్ట్రానికి అవసరమా? ప్రజలు, అభిమానులు ఆలోచించాలి.

jumppersనేను పార్టీ మారేది లేదు... పార్టీ మార్చాల్సిన అవసరమే ముంది... మమ్మల్ని ప్రజలు ఒక పార్టీ తరపున ఓట్లేసి గెలిపిం చారు, ఇప్పుడు అధికారంలో లేమని చెప్పి ఇంకో పార్టీలోకి వెళితే... మేం ప్రజలకు ఏం మెసేజ్‌ ఇచ్చినట్లు... పార్టీ మారకముందు ఎంపీలు, ఎమ్మెల్యేలు చెప్పిన మాటలు ఇవి.

మరి పార్టీ మారాక... మా నియోజకవర్గం అభివృద్ధి మాకు ముఖ్యం. అధికారపార్టీలో వుంటేనే ప్రజలకు నాలుగు పనులు చేయ గలం. ఈ ప్రభుత్వం చేస్తున్న అభివృద్ధి పనులు మెచ్చే మా కార్యకర్త లతో చర్చించి ఈ పార్టీలో చేరాలని నిర్ణయించుకున్నాం. కేవలం అభివృద్ధి కోసమే పార్టీ మారాం.

మొన్నటి భూమా అఖిలప్రియ నుండి నేటి బుట్టా రేణుక వరకు ఆంధ్రప్రదేశ్‌లో పార్టీ మారిన ప్రతి వైకాపా ఎంపీ, ఎమ్మెల్యే చెప్పిన మాటలే ఇవి. పార్టీ మారక ముందు ఓ మాట... పార్టీ మార్చాక ఇంకో మాట. అసలు వీళ్లకు అలా మాట్లాడడానికి మనసు ఎలా వస్తుందో కూడా అర్ధం కాదు. రాజకీయ నాయకులకు రెండు నాల్కలు ఉంటాయ న్నది వీళ్లను చూసేనేమో! ప్రతిపక్షంలో వుంటే అభివృద్ధి చేయలేం... అధికార పార్టీలో వుంటేనే అభివృద్ధి చేయగలం అన్న నాయకులకు ఒకటే ప్రశ్న! పుచ్చలపల్లి సుందరయ్య ఎప్పుడు అధికార పార్టీలో వున్నాడు? వాజ్‌పేయి, అద్వానీ వంటి అగ్రనేతలు దాదాపు నాలుగు దశాబ్దాలు ప్రతిపక్ష నేతలుగానే వున్నారు. అంతెందుకు దివంగత నేత వై.యస్‌.రాజశేఖరరెడ్డి 2004లో సీఎం అవడానికి ముందువరకు కూడా ఏ పార్టీ అధికారంలో వున్నా ప్రతిపక్ష నేత పాత్రనే పోషించాడు. అభివృద్ధి కోసం పార్టీలు మారుతున్నామని చెప్పుకుంటున్న నాయకులెవరు కూడా నియోజకవర్గ ప్రజల మీద ప్రేమతో పార్టీ మారడం లేదన్నది ప్రజలకు తెలిసిన నగ్నసత్యం. వాళ్ళు పార్టీ మారడానికి ప్రధాన కారణం ప్యాకేజీలే అన్నది అందరికీ తెలిసిన నిజం. మన కళ్ళ ముందు ఒక నేరం జరిగింది. నేరం చేసిన వాడే కాదు, చూస్తూ దానిని అడ్డుకోని వాళ్ళు, కోర్టులో చూసింది చూసినట్లు చెప్పని వాళ్ళు కూడా దోషులే! భారత రాష్ట్రపతి, ప్రధాని, గవర్నర్‌, న్యాయమూర్తులు... మరి ఇంతమంది ముందు ప్రజాస్వామ్యంపై దాడి జరుగుతూనే వుంది. ఒక పార్టీ నుండి గెలిచిన వాళ్ళను ప్రలోభాలతో ఇంకో పార్టీలో చేర్చుకునే కార్యక్రమం నిరాటంకంగా జరుగుతోంది. దీనిని అత్యాచారమనాలో... వ్యభిచారమనాలో... పేరు ఏదైనా ఇదొక రాజకీయ నేరమే. అది ఏ పార్టీ వాళ్ళు చేసినా నేరమే! మరి ఈ నేరాన్ని చూస్తూ కూడా అడ్డుకోలేని ఈ పెద్దలంతా దోషులే కదా!

ఒక పార్టీ టిక్కెట్‌ తెచ్చుకుని, ఆ పార్టీ గుర్తు మీద గెలిచి, ఆ పార్టీ అధికారంలోకి రాకపోతే అధికార పార్టీలోకి దూకే ప్రజాప్రతినిధులను గతంలో ఆయారామ్‌, గయా రామ్‌లు అంటుండేవాళ్ళు. ఇప్పుడు పార్టీలు మార్చే వాళ్ళకు ఆ పేర్లు కూడా తక్కువేమో ననిపిస్తోంది. రాజకీయాలలో ఏ మాత్రం విలువలు, వ్యక్తిగతంగా మనస్సాక్షి అన్నవి వుంటే ఇంకో పార్టీలోకి మారాలనుకున్నప్పుడు ఏ పార్టీ అభ్యర్థిగా అయితే పోటీ చేసి ఎంపీగా, ఎమ్మెల్యేగా గెలిచారో ఆ పదవులకు రాజీనామా చేసి వెళ్లాలి. రాజకీయాలలో అది విలువలకు నిదర్శనం. 2014 ఎన్నికల తర్వాత ప్రతిపక్ష వైయస్సార్‌ కాంగ్రెస్‌పార్టీ నుండి 21 మంది ఎమ్మెల్యేలు, ఇద్దరు ఎంపీలు తెలుగుదేశంలో చేరారు. వీరిలో ఏ ఒక్కరు కూడా విలువలకు కట్టుబడి తమ పదవులకు రాజీనామా చేసి తెలుగుదేశంలో చేరలేదు. పదవులతో పాటే పార్టీ మారారు. ఇక వీళ్ళు ఎందుకు పార్టీ మారారు అనేం దుకు చాలా కారణాలుంటాయి. ఒక్కరోజు కూడా అధికారం లేకుంటే ప్రజాప్రతినిధులు నిలబడలేని పరిస్థితులొచ్చాయంటే ఇక ప్రజాస్వామ్యంలో ప్రజల తరపున పోరాడే నాయకులే వుండరు. ప్రజాస్వామ్యానికి ఈ పోకడలు చాలా ప్రమాదకరం. రాష్ట్రంలో ప్రతిపక్షమే లేకుండా చేయాలన్న ఆలోచనలు ఇంకా ప్రమాదకరం.

ఏ రాష్ట్రంలోనైనా ప్రతిపక్షాన్ని పనిగట్టుకుని నిర్వీర్యం చేయాల్సిన పని లేదు. ప్రభుత్వం సమర్ధవంతంగా పని చేస్తుంటే ప్రజలే ప్రభుత్వం వైపు నిలబడతారు. ఆటో మేటిగ్గా ఆ రాష్ట్రంలో ప్రతిపక్షం బలహీనపడుతుంది. పశ్చిమబెంగాల్‌లో కమ్యూనిష్టులు పాతికేళ్లు పాలించారు. గుజరాత్‌లో బీజేపీ వరుసగా 4సార్లు అధికారంలోకి వచ్చింది. ఒరిస్సా, మధ్యప్రదేశ్‌, చత్తీష్‌గఢ్‌ సీఎంలు విజయాలలో హ్యాట్రిక్‌ సాధించారు. వీళ్లెవరూ ప్రతిపక్ష ఎమ్మెల్యేలకు ప్యాకేజీల ఆశ పెట్టి తమ పార్టీలోకి లాక్కోలేదు. కేవలం మంచి పరిపాలన ద్వారా ప్రజలను తమ వైపుకు తిప్పుకునే విజయాలు సాధించారు.

కాని, దేశ చరిత్రలోనే చంద్రబాబు ప్రజాస్వామ్యానికి ప్రమాదకరమైన పోకడలకు బాటలు వేసాడు. ప్రతిపక్ష ఎంపీలు, ఎమ్మెల్యేలను తన పార్టీలో చేర్చుకోవడం ద్వారా రాష్ట్రంలో వార్‌ను వన్‌సైడ్‌ చేయాలనుకుంటున్నాడు. ఈ దేశ చరిత్రలోనే ప్రతిపక్షం నిర్వీర్యం కావడం అన్నది ఎక్కడా జరగలేదు. ఏ పార్టీ అయినా చరిత్ర గర్భంలో కలిసిపోవడం అన్నది ప్రజల చేతుల్లో పని. ప్రభుత్వాలు ప్రజావ్యతిరేక పంథాలో నడుస్తున్నప్పుడు ప్రజలే ప్రతిపక్షమయ్యి పిడికిలి బిగిస్తారు. అవతల చచ్చు, పుచ్చు పార్టీలున్నా అధికారంలో కూర్చోబెడతారు. మూడేళ్ల క్రితం జరిగిన ఢిల్లీ అసెంబ్లీ ఎన్ని కలనే చూడండి... ఒక ప్రధాని, 20మంది కేంద్రమంత్రులు... పెద్ద ఎత్తున ప్రచారం... ఇన్ని చేసినా ఆమ్‌ ఆద్మీ చీపురు తుఫాన్‌లో బీజేపీ తుడిచిపెట్టుకు పోయింది. కాబట్టి నాయకులు పార్టీ మారి వచ్చినంత మాత్రాన ప్రతిపక్షం నిర్వీర్యం కాదు. ప్రజల అభిమానం పొందగలిగితే ప్రతిపక్షం దానంతట అదే బలహీన పడుతుంది.

Page 1 of 23

newsbottomad

ఎక్కువగా చదివిన వార్తలు

  • ఆత్మకూరు టీడీపీకి... దిక్కెవరు?
    ఈ నెల 8వ తేదీన నాయుడుపేటలో నిర్వ హించిన ముఖ్యమంత్రి చంద్రబాబునాయుడు నవనిర్మాణదీక్ష సభకు మాజీమంత్రి ఆనం రామ నారాయణరెడ్డి రానని చెప్పడంతోనే తెలుగుదేశం శ్రేణులకు ఆయన ఉద్దేశ్యం అర్ధమైపోయింది. ఆనం రామనారాయణరెడ్డిని తెలుగుదేశంలో నిలుపుకునేందుకు జిల్లా మంత్రి పి.నారాయణ నుండి…
  • తమ్ముడు తోడొచ్చేనా?
    మాజీమంత్రి ఆనం రామనారాయణరెడ్డి త్వరలో వైసిపిలో చేరనున్నట్లు తెలుస్తోంది. మరి ఆయనతో పాటు ఆయన కుటుంబసభ్యులు ఇంకెవరెవరు పార్టీలో చేరనున్నారన్నది ప్రశ్నగా మారింది. నాలుగో సోదరుడైన ఆనం విజయ కుమార్‌రెడ్డి ఆల్‌రెడీ వైసిపిలోనే వున్నాడు కాబట్టి ఆయనతో పనిలేదు. ఇక స్వర్గీయ…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • వైకాపాలో కుటుంబ రాజకీయం
    నెల్లూరు జిల్లాలో వైయస్సార్‌ కాంగ్రెస్‌పార్టీలో మొదటగా చేరింది, మొదటి నుండి జగన్‌కు అండగా నిలిచింది మేకపాటి కుటుంబం. పెద్ద రాజకీయ కుటుంబాలేవీ జగన్‌ వెంట రాకున్నా ఆయన పార్టీ పెట్టిన కొత్తల్లో కాంగ్రెస్‌పార్టీ ఎంపీగా వున్న మేకపాటి రాజమోహన్‌రెడ్డి, ఎమ్మెల్యేగా వున్న…

Newsletter