potthuluఅధికారం వేటలో పొత్తులు ప్రధాన భాగమయ్యాయి. ఇంకో పార్టీని కలుపుకుని ఎన్నికలకు పోతే మనకున్న ఓట్లకు మరికొన్ని ఓట్లు జతవుతాయని వందలు, రెండు మూడు వేల ఓట్ల తేడాతో ఓడిపోయే అవకాశమున్న సీట్లను కూడా భాగస్వామ్య పక్షాల మద్దతు ఓట్లతో గెలిచే అవకాశముంటుం దన్నది పార్టీల ప్రధాన ఉద్దేశ్యంగా మారిపోయింది. అందుకనే జాతీయ రాజకీయాలలోనైనా, రాష్ట్ర రాజకీయాలలోనైనా ప్రధానపార్టీలు పొత్తులు లేకుండా ముందుకు వెళ్లడం లేదు. 2014 ఎన్నికల్లో రాష్ట్రంలో చంద్రబాబు అటు బీజేపీతోనూ, ఇటు పవన్‌ కళ్యాణ్‌ పార్టీ జనసేనతోనూ పొత్తు కుదుర్చు కోవడం తెలిసిందే! జనసేన ఎక్కడా పోటీ చేయకపోయినప్పటికీ అన్ని నియోజకవర్గాలలోనూ పవన్‌ అభిమానుల ఓట్లు తెలుగుదేశానికి కలిసొచ్చాయి. తెలుగుదేశం అభ్యర్థులు చాలా తక్కువ మెజార్టీతో గెలిచిన స్థానాలు 30 దాకా వున్నాయి. పొత్తు ఓట్లు కలిసిరాకుంటే ఇవన్నీ ఓడిపోయేవే! పొత్తుతో ఓట్లు కలిసిరావడం, సీట్లు పెరగడం, దాంతో అధికారం దక్కడం జరిగిపోయింది. ఎన్నికలకు ఇంకో ఏడాదిన్నర కాలం వుంది. అయితే అప్పుడే పొత్తు మాటలు నడుస్తున్నాయి. 2014 ఎన్నికల్లో ఒంటరిగా పోటీకి దిగిన వైకాపా దెబ్బతింది. 5లక్షల ఓట్ల తేడాతో అధికారాన్ని మిస్‌ చేసుకుంది. ఈసారి మాత్రం ఒంటరి పోరుకంటే పొత్తు పోరుకే ఆ పార్టీ మొగ్గు చూపుతున్నట్లుగా తెలుస్తోంది. తెలుగుదేశం పార్టీ బీజేపీతోనే మళ్ళీ కలిసి నడిచే అవకాశాలున్నాయి. జనసేన అధినేత పవన్‌కళ్యాణ్‌ మాత్రం ఈసారి చంద్రబాబుతో కలవకుండా ఒంటరిగా పోటీ చేయాలనే ఆలోచనలో వున్నాడు. అయితే ఎన్నికలొస్తే ఏదో ఒక ప్రధానపార్టీతో పొత్తుకు ప్రయత్నించే సిపిఐ కూడా ఈసారి జనసేనతో స్నేహానికి సిద్ధంగా వున్నట్లు సమాచారం. టీడీపీ, వైకాపాలకు సమదూరం పాటించాలని, బీజేపీకి విరోధిగా మారిన పవన్‌తో చేతులు కలపాలని సిపిఐ నాయకత్వం భావిస్తోంది. తెలంగాణలోనూ తమ పార్టీ పోటీ చేస్తుందని పవన్‌ కళ్యాణ్‌ ప్రకటించడం తెలిసిందే! పవన్‌తో కలిస్తే తెలంగాణ, ఏపిలలో ఎక్కువ స్థానాలలో తమ అభ్యర్థులను నిల బెట్టుకోవచ్చన్నది ఆ పార్టీ నేతల అంచనా!

ఇక సీపీఎం మాత్రం వైకాపాతో జత కట్టాలని ఆలోచిస్తున్నట్లుగా తెలుస్తోంది. జనసేన అధికారంలోకి వచ్చేదీ లేదు, బీజేపీ తెలుగుదేశంతో వుంది కాబట్టి చంద్రబాబుతో వీళ్లు కలవలేరు. ఇక మిగిలిన మార్గం ఒంటరిగా పోటీ చేయడమా లేక వైకాపాతో పొత్తు పెట్టుకోవడమా? ఒంటరిగా పోటీ చేసి సాధించేదేమీ లేదు. ఒక్క సీటులో కూడా గెలుపుకు అవకాశముండదు. వైకాపాతో కలిసి పోటీ చేస్తే ఎక్కడన్నా గెలిచే అవకాశంతో పాటు అధికారంలోకి వస్తే ప్రభుత్వంలో భాగస్వామి కావచ్చు. ఈ దృష్ట్యా సీపీఎం వైకాపా వైపే మొగ్గు చూపుతున్నట్లు తెలుస్తోంది.

2014 ఎన్నికల్లో రాష్ట్ర రాజకీయాల్లో వామపక్షాల పాత్ర నామమాత్రంగా మిగిలింది. కాని, వచ్చే ఎన్నికల ద్వారానైనా అవి తమ ఉనికిని నిలబెట్టుకోవడానికి పొత్తులతోనే ప్రయాణించే అవకాశముంది.

bmrతెలుగుదేశంపార్టీ అధికారంలో ఉన్నప్పుడు కాదు... ప్రతిపక్షంలో వున్న పదేళ్ళు ఆ పార్టీని అంటిపెట్టుకుని, పార్టీ కోసం కోట్లాదిరూపాయల సొంత డబ్బును కాజేసుకున్న నాయకుడు మాజీఎమ్మెల్యే బీద మస్తాన్‌రావు. 2014 ఎన్నికల్లో కావలి అసెంబ్లీ నుండి ఓడిపోయాడు. ఆ ఎన్నికల్లో గెలిచివుండుంటే ఇప్పుడు చంద్రబాబు ప్రభుత్వంలో ఆయన పొజిషన్‌ ఇంకో రకంగా వుండేది. పార్టీ అధికారంలోకి వచ్చాక బిఎంఆర్‌ను రాజధాని కమిటీలో సభ్యుడిగా వేసారు. మొదట ఈ పదవిని భలే పవర్‌ఫుల్‌ పోస్ట్‌ అనుకున్నారు. తర్వాతర్వాత ఈ పదవి ఒక అలంకార ప్రాయమేనని అర్ధం కాసాగింది. రాజధాని నిర్మాణంలో రాజధాని కమిటి సభ్యుల పాత్రేమీ లేదు. దాని సంగతంతా కూడా చంద్రబాబు, నారాయణలే చూసుకుంటున్నారు.

బీద మస్తాన్‌రావు రాజ్యసభను ఆశించాడు. కాని ఈ దఫాలో ఆయనకు ఆ పదవి రావడం కష్టమేననిపిస్తోంది. ఇటీవల టీటీడీ ఛైర్మెన్‌గా ఆయన పేరు ప్రముఖంగా వినిపించింది. దాదాపు టీటీడీ ఛైర్మెన్‌గా ఆయన పేరు ఖరారైనట్లు కూడా వార్తలు వచ్చాయి. తీరా చూస్తే పుట్టా సుధాకర్‌యాదవ్‌ పేరు తెరమీదకొచ్చింది. ఈ లెక్కన బిఎంఆర్‌కు మొండి చేయి చూపినట్లే! ఈ టర్మ్‌లో ఇక ఆయనకు ఏ పదవీ ఉండకపోవచ్చు!

somiతెలుగుదేశం పార్టీలో ఇచ్చిన బాధ్యతలను సమర్ధ వంతంగా నిర్వర్తిస్తూ శత్రు శిబిరాలలోనూ జొరబడి తమ పార్టీ జెండాను ఎగురవేయిస్తున్న సోమిరెడ్డి చంద్రమోహన్‌రెడ్డికి పార్టీలో తిరిగి పూర్వవైభవం లభిస్తోంది. మొన్న కడప స్థానిక సంస్థల ఎమ్మెల్సీ గెలుపు... నిన్న నంద్యాల ఉపఎన్నికల విజయం... పార్టీలో సోమిరెడ్డి అవసరాన్ని గుర్తించేలా చేసాయి. ఆయన అనుభవానికి తగిన ప్రాధాన్యత లభించింది.

తెలుగుదేశం కీలక రాజకీయ విభాగమైన పొలిట్‌బ్యూరోలో సోమిరెడ్డి చంద్రమోహన్‌రెడ్డికి మరోసారి స్థానం దక్కింది. రాష్ట్రంలో పార్టీకి వున్న రాజకీయ వ్యూహకర్తలలో ఆయన ఒకరు. మొన్న నంద్యాల ఉపఎన్నికల్లో ఆయన వ్యూహాలే ఎక్కువుగా ఫలించాయి. పొలిట్‌ బ్యూరోలో ఆయన ఉండడం ఎంతైనా అవసరమని భావించే చంద్రబాబు ఆయనను మళ్ళీ తీసుకున్నాడు.

ఇక జిల్లా నుండి రాష్ట్ర కమిటీలో మరో అయిదుగురికి పదవులు దక్కాయి. ఒకటిన్నర ఏడాది క్రితం పార్టీలో చేరిన ఆనం రామనారాయణ రెడ్డికి పార్టీ ప్రధానకార్యదర్శి బాధ్యత అప్పగించారు. పార్టీలో చేరాక ఆయనకు ఆత్మకూరు ఇన్‌ఛార్జ్‌ బాధ్యత మాత్రమే ఇచ్చారు. ఇటీవల గూటూరు కన్నబాబు వైఖరితో ఆయన అసంతృప్తిగా వున్నాడు. మొన్న చంద్రబాబును కలిసి తన బాధ చెప్పుకున్నాడు. పార్టీలో ఆనంకు సముచిత స్థానం కల్పించాలనుకున్న చంద్రబాబు ఆయనను ప్రధాన కార్యదర్శిని చేశాడు.

అలాగే మాజీమున్సిపల్‌ ఛైర్‌పర్సన్‌ తాళ్ళపాక అనూరాధను పార్టీ ఉపాధ్యక్షురాలిగా నియమించారు. ఈమె కూడా నామినేటెడ్‌ పదవి ఇవ్వలేదని చాలాకాలం నుండి అసంతృప్తితో వుంది. సీనియర్‌ న్యాయ వాది దేశాయిశెట్టి హనుమంతురావు, మాజీఎమ్మెల్యే నెలవల సుబ్ర హ్మణ్యం, పార్టీ సీనియర్‌ నాయకుడు చేవూరు విజయ మోహన్‌రెడ్డిలను పార్టీ కార్యనిర్వాహక కార్యదర్శులుగా నియమించారు.

మొత్తానికి తెలుగుదేశం పార్టీ రాష్ట్ర కమిటీలో నెల్లూరుజిల్లా నాయకులకు తగిన గుర్తింపు లభించిందనే అనుకోవచ్చు.

Page 1 of 120

newsbottomad

ఎక్కువగా చదివిన వార్తలు

  • ల్యాండవుతున్న విమానం
    దగదర్తి విమానాశ్రయం కల సాకారానికి రోజులు దగ్గరపడ్డాయి. త్వరలోనే విమానాశ్రయం నిర్మాణానికి టెండర్లు పిలవడానికి అధికారులు రంగం సిద్ధం చేస్తున్నారు. మొదటి దశలో ఎయిర్‌పోర్టు నిర్మాణానికి అవసర మైన 1350 ఎకరాల భూసేకరణ పూర్తయ్యింది. భూసేకరణకు సంబంధించి రైతుల పరిహారానికి నిధులు…
  • కార్పొరేషన్‌లో కోల్డ్‌వార్‌
    వివాదాలకు, విభేదాలకు నెల్లూరు కార్పొరేషన్‌ కేరాఫ్‌ అడ్రస్‌ లాంటిది. నెల్లూరు నగరంలో ఎన్ని రకాల సమస్యలుంటాయో నెల్లూరు కార్పొరేషన్‌ కార్యాలయంలో కూడా అంతకంటే ఎక్కువ సమస్యలే వుంటాయి. ముఖ్యంగా ఇక్కడ పనిచేసే పాలకవర్గం వుంటే అధికారులు సహకరించరు. చిత్తశుద్ధితో పనిచేసే అధికారులున్నప్పుడు…
  • ఆనంకు చుక్కెదురు?
    నెల్లూరు నగరంలో తమ ఆధిపత్యానికి ఆయువు పట్టులాంటి విఆర్‌ విద్యాసంస్థలపై తమ పట్టు నిలుపుకోవాలని ఆనం సోదరులు చేసిన ప్రయత్నాలు బెడిసి కొట్టాయి. న్యాయస్థానంలో వరుస దెబ్బలు తగులుతూనే వున్నాయి. విఆర్‌ విద్యాసంస్థల పాలక కమిటీని రద్దు చేస్తూ ఈ ఏడాది…
  • ఎగువ జిల్లాల్లో వర్షం.. నెల్లూరు జిల్లాలో హర్షం
    నెల్లూరుజిల్లా ప్రజలకు ఈ జిల్లాలో వర్షాలు పడితేనే కాదు, ఎగువ జిల్లాలైన అనంతపురం, కడప, కర్నూలు జిల్లాల్లో భారీ వర్షాలు పడితేనే ఎక్కువ సంతోషం. ఆ జిల్లాల్లో వర్షాలు పడితే ఎక్కువ ప్రయోజనం పొందేది మనమే. నెల్లూరుజిల్లాలో భారీ వర్షాలు కురిసి…
  • పాదయాత్ర చేస్తున్నా... ఆశీర్వదించండి
    వైయస్సార్‌ కాంగ్రెస్‌పార్టీ అధినేత వై.యస్‌.జగన్మోహన్‌రెడ్డి మంగళవారం శంషాబాద్‌లోని శ్రీశ్రీశ్రీ త్రిదండి శ్రీమన్నారాయణ రామానుజ చినజీయర్‌ స్వామి వారి ఆశ్రమ ప్రాంగణానికి వెళ్ళి స్వామివారిని కలుసుకున్నారు. ప్రజల కష్టాలను స్వయంగా తెలుసుకుని తనకు చేతనైన మేరకు వారికి సహాయసహకారాలు అందించడానికి త్వరలో నవ్యాంధ్రలో…

Newsletter