23 January 2015 Written by 

దప్పిక

సన్నపురెడ్డి వెంకటరామిరెడ్డి

కడప, 9441287865

 

చెట్ల ఆకునరాలకు చెవి యొగ్గిచూడు

ఎన్ని మట్టుల లోతు భూమి దప్పిక విన్పిస్తుందో

చెరువు లోతట్టు గడ్డి దుబ్బుల ఎండు మొహాలుచూడు

ఎన్ని కూతవేటు దూరాల మబ్బుల వంధ్యత్వం కన్పిస్తుందో

మైదానాల నిండా ఎండిపోయే పెదాల వేదన

అడవులన్నిటా పిడచట్టుకుపోయే నాలుకల రోదన

జలాశయాల నోళ్లు తెరచి భూమితల్లి విలపిస్తోంది

దాహం... దాహం... దాహం... దాహమంటూ...

మాయబ్బగారి చెరువుల కాలం ఇప్పుడు కలగా మిగిలింది.

మా నాయనగారి దిగుడుబావుల తరం కల్లగా మారింది.

మేం ప్రారంభించిన గొట్టపు బావుల సాగుబడి

సగం తరానికే ఆయుష్షు కోల్పోయింది

ఎండిపోయిన బోరుబావుల్లోకి జారిన మా పిల్లలు

గొంతు తడవక యింకా బైటకు రాలేదు.

ఎండిపోతోన్న పైరు కోసం వేటకత్తులు పట్టిన మా సోదరులు

జైలు గోడల్లోంచి యింకా ఇళ్లకు చేరుకోలేదు.

సాగునీటి కోసం అరచి రాపెక్కిన మా గొంతుల్నిండా

ఇప్పుడు కేవలం దప్పిక... దప్పిక... దప్పిక...

ఎద్దుల గాడి రొచ్చు మట్టుపై కాలు మోపితే చాలు

కబేళాల కసాయి దృశ్యాలు ఎర్రతేళ్లయి కాటేస్తాయి.

గాదెల్లోని చీకట్లలోకి కళ్లు దింపిత చాలు

వలస బతుకుల కథలెన్నో చెవితంబెకు కందిరీగలవుతాయి.

మేఘాల కావైపు ఎక్కడో రైతుల రుతువులు బందీలయివున్నాయి.

నదుల గర్భాల్లో నాగళ్ల బతుకులు సమాధి చేయబడ్డాయి.

ఎండిన నేలతల్లి రొమ్ముకు ఎంత లోతు గాట్లు పెట్టి చీకినా

పొడి సుద్ద తప్ప పెదాలకు తడి రుచి అంటటం లేదు

కరువుతో చేయి కలిపిన ఖద్దరు పెద్దల అసమర్ధ పాలన

పైరు పచ్చల్నిఎండబెట్టే పనిలో ఒలంపిక్ పథకాలపై పోటీ పడుతోంది.

అందుకే సీమనేల నిండా నింగికెగసే ఆర్తారావాల పరంపర...

దప్పిక... దప్పిక... దప్పిక... దప్పిక...



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • నెల్లూరులో పోస్టింగా? వద్దంటే వద్దు!
    ఒకప్పుడు నెల్లూరులో పోస్టింగ్‌ అంటే ఎవరైనా ఎగిరి గంతేసేవారు. పైరవీలు చేసుకుని మరీ ఇక్కడకు పోస్టింగ్‌ చేయించుకుంటుంటారు. పోలీసు శాఖలో వారికి అయితే నెల్లూరులో పనిచేయడం చాలా ఇష్టం. ఇక్కడ నుండి కదలాలంటే కష్టం. ఇక్కడ టెర్రరిజం లేదు, రౌడీయిజం లేదు,…
  • వేగమందుకున్న ప్రయాణం
    సంగం వద్ద కొండల మధ్యలో నుండి వేసిన కొత్త రహదారి ప్రయాణీకులకు గమ్మత్తుగా వుంది. ఈ కొండ రహదారితో ముంబై జాతీయ రహదారిపై వాహన దారులకు ప్రయాణం చాలా సులభంగా అనిపిస్తోంది. నెల్లూరు-ఆత్మకూరుల మధ్య ముంబై రహదారిని సిమెంట్‌ రోడ్డుగా మార్చడం…
  • కేడర్‌ని... కదనరంగంవైపు నడిపిస్తున్న జగన్‌
    నాయకుడంటే ఓ నమ్మకం... నాయకుడంటే ఓ భరోసా... నాయకు డంటే ఓ ధైర్యం. తన పార్టీలో లీడర్లకు, తన పార్టీ కేడర్‌కు అలాంటి నమ్మకాన్ని, అలాంటి ధైర్యాన్ని కల్పించడంలో విజయం సాధించాడు వైకాపా అధినేత వై.యస్‌.జగన్మోహన్‌రెడ్డి! నెల్లూరుజిల్లాలో వై.యస్‌.జగన్మో హన్‌రెడ్డి చేపట్టిన…
  • అజీజా... నిన్నొదలా...!
    నెల్లూరు మేయర్‌ అబ్దుల్‌ అజీజ్‌ వివాదా లతో సహజీవనం చేస్తున్నట్లుగా వుంది అది వ్యాపారంలోనైనా... ఇటు రాజకీయాలలోనైనా! అజీజ్‌ మేయర్‌ అయ్యింది మొదలు నెల్లూరు కార్పొరేషన్‌లో ఎన్నో వివాదాలు చూసాం. ఏ కమిషనర్‌తోనూ ఆయనకు పడేది కాదు. ఇలా పడకనే గత…
  • ఎవరెవరెక్కడ?
    రాష్ట్రంలోనే వైయస్సార్‌ కాంగ్రెస్‌పార్టీ బలంగా వున్న జిల్లాలలో నెల్లూరు అగ్రస్థానంలో ఉంటుంది. బలమైన రాజకీయ కుటుంబాలన్నీ తెలుగుదేశం పార్టీలో వున్నప్పటికీ ఈ జిల్లాలో ప్రజలు మాత్రం వైకాపాకే వెన్నుదన్నుగా వున్నారు. 2014 ఎన్నికల్లో ఈ జిల్లా ప్రజలు వైకాపాకు జైకొట్టారు. రెండు…

Newsletter