20 May 2016 Written by 

హోదా రాకుంటే...మొదటి నష్టం నెల్లూరుకే!

nellore ఆంధ్రప్రదేశ్‌కు ప్రత్యేకహోదా పెద్ద చర్చ నీయాంశమైంది. రాష్ట్రానికి ప్రత్యేకహోదా ఇచ్చేది లేదని కేంద్రం ఖరారుగా చెప్పేసింది. రాష్ట్ర విభజన సమయంలో ఏపి ప్రజలు ఎంతగా బాధపడ్డారో, ఇప్పుడు హోదా లేదని చెప్పాక కూడా అంతే బాధ పడుతున్నారు. కేంద్రంలో ఏ పార్టీ ప్రభుత్వం పాలన సాగిస్తున్నా ఆంధ్రప్రదేశ్‌కు మొండిచేయి సాధారణమేనని దీంతో తేలిపోయింది.

విభజన తర్వాత రాష్ట్ర పరిస్థితి అగమ్యగోచరంగా వుంది. చంద్రబాబు పరిపాలన రాష్ట్రాన్ని మరింత అధ్వాన్న స్థితిలోకి తీసువెళుతోంది. ప్రత్యేక హోదా ఇచ్చివుంటే కనీసం పారిశ్రామిక రంగంలోనన్నా కొంత కదలిక ఉం డేది. ఇప్పుడు అది కూడా చచ్చుబడిపోయినట్లే!

రాష్ట్రానికి ప్రత్యేకహోదా ఇవ్వకుంటే మొదట నష్టపోయేది నెల్లూరే! రాష్ట్రంలోని 13జిల్లాల్లో పారిశ్రామికంగా శరవేగంగా అభివృద్ధి చెందుతున్నది నెల్లూరుజిల్లానే! ప్రత్యేక హోదా ఇచ్చివుంటే తెలంగాణ, తమిళనాడు, కర్నాటకలతో పాటు

ఉత్తరభారతంలోని కొన్ని రాష్ట్రాల నుండి కూడా ఎన్నో పరిశ్రమలు నెల్లూరుకు తరలివచ్చేవి. మరెన్నో కంపెనీలు తమ పరిశ్రమలను ఇక్కడ స్థాపించడానికి ముందుకొచ్చేవి. ఈరోజు పరిశ్రమలు నెలకొల్పడానికి అనువుగా వున్నది ఈ జిల్లానే! కృష్ణపట్నం పోర్టుతో రవాణా సౌకర్యం, పరిశ్రమల ఏర్పాటుకు ఆ సెజ్‌లోనే భూములు లభించడం అనుకూలంగా చెప్పుకోవచ్చు. ఇక తడ వద్ద శ్రీసిటీ సెజ్‌ పరిశ్రమల ఏర్పాటుకు అత్యుత్తమ సెజ్‌గా గుర్తింపు పొందింది. రాష్ట్రానికి ప్రత్యేకహోదా వస్తే ఎక్కువుగా తమిళనాడు పరిశ్రమలు ఇక్కడకు తరలివచ్చే అవకాశముంది. ఇంకా మేనకూరు సెజ్‌, అపాచి, ఇఫ్‌కో సెజ్‌, చింతవరం సెజ్‌లు పరిశ్రమల స్థాపనకు అనుకూలంగా వున్నాయి. పరిశ్రమల ఏర్పాటుకు కావాల్సిన భూములున్నాయి. ప్రజలతో ఇబ్బంది లేదు. రవాణా సౌకర్యాలున్నాయి. ఉద్యోగుల నివాసానికి, సిబ్బందికి కొరత లేదు. కావాల్సిందల్లా పారిశ్రామికంగా ఎన్నో రాయితీలు కల్పించే ప్రత్యేకహోదానే! ఇది వస్తే నెల్లూరుజిల్లా పారిశ్రామికంగా పరుగులు తీయడం ఖాయం.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ఇప్పుడిప్పుడే పుంజుకుంటున్న రియల్‌
    వై.యస్‌.రాజశేఖరరెడ్డి మరణం తర్వాత నెల్లూరుజిల్లాలో రియల్‌ మార్కెట్‌ పడిపోయింది. ఆ తర్వాత కూడా రియల్‌ రంగానికి అన్నీ ఎదురుదెబ్బలే! వై.యస్‌. మరణంతో జిల్లాలో పారిశ్రామికాభివృద్ధి కుంటుపడడం, ఆ తర్వాత వచ్చిన సీఎంల పాలనలో వేగం లేకపోవడంతో రియల్‌ మార్కెట్‌లో ప్రతిష్టంభన ఏర్పడింది.…
  • మేజర్‌లు... మున్సిపాల్టీలయ్యేనా?
    నెల్లూరుజిల్లాలో కొత్త మున్సిపాల్టీల ఏర్పాటులో కదలిక వచ్చినట్లుగా తెలు స్తోంది. రాష్ట్ర ప్రభుత్వం పట్టణీకరణలో భాగంగా పలు మేజర్‌ పంచాయితీలను మున్సిపాల్టీలుగా మార్పు చేయాలనుకుంది. ఈమేరకు మున్సిపాల్టీలుగా మార్చగల పంచాయితీ పేర్లను ప్రతిపాదించాలని కలెక్టర్లను ఆదేశించడం జరిగింది. నెల్లూరుజిల్లా కలెక్టర్‌ ఛైర్మెన్‌గా…
  • నానుతున్న నారాయణ
    చాలాకాలంగా మంత్రి నారాయణ పేరు జిల్లాలో నానుతుంది. వచ్చే ఎన్ని కల్లో ఆయన పోటీ చేస్తాడనే ఊహాగా నాలు వినిపిస్తున్నాయి. పలుసార్లు ఆయన తాను పోటీ చేయనని చెప్పినప్పటికీ ఆ ప్రచారం మాత్రం ఆగడం లేదు. మొదటినుండి నెల్లూరు నగరం నుండి…
  • వెంకటగిరి... నా ఊపిరి!
    నెల్లూరుజిల్లా రాజకీయ చరిత్రలో గుర్తుండిపోయే నాయకుడు స్వర్గీయ నేదురుమల్లి జనార్ధన్‌రెడ్డి. ఒకే జెండాను, ఒకే అజెండాను, ఒకే సిద్ధాంతాన్ని, ఒకే రాజకీయ మార్గాన్ని ఎంచుకుంటే సామాన్యులు సైతం అత్యున్నత స్థానాలకు ఎదుగుతారనడానికి రెండు ఉదాహరణలు ఈ జిల్లా నుండే వున్నాయి. తొలినుండి…
  • అయోమయంలో ఆనం
    నెల్లూరుజిల్లాలో బలమైన రాజకీయ కుటుంబానికి చెందిన ఆనం రామనారాయణరెడ్డి ఇప్పుడు వినూత్న సమస్యలో చిక్కుకుని వున్నాడు. తన రాజకీయ భవిష్యత్‌ దృష్ట్యా ఎటువైపు అడుగులు వేయాలో తెలియని సందిగ్ధ స్థితిలో ఉన్నాడు. ఇటీవలే ఆనం రామనారాయణరెడ్డి తెలుగుదేశంపార్టీని వీడుతున్నట్లు జోరుగా ప్రచారం…

Newsletter