10 June 2016 Written by 

బ్రతకలేకుంటే బ్రతికించు!

narayanammaఆరిపోయే దీపంతో ఇంకొన్ని దీపాలను వెలిగించవచ్చు. కాకపోతే ఆ ఆలోచన రావా లంతే! బ్రతుకులూ అంతే... ఆరిపోయే ఒక జీవితం పది జీవితాలకు వెలుగు తేగలదు. మనం బ్రతుకుతూ పదిమందిని బ్రతికిం చడం ఒక ఎత్తయితే, మనం మరణిం చినా, ఇప్పుడు నలుగురిని బ్రతికించడం మానవతా వనంలో వెలసిన ఒక కొత్త కాన్సెప్ట్‌! ఆ కాన్సెప్ట్‌ పేరే అవయవ దానం. దీనికి పేద, కోటీశ్వరుల తేడా లేదు. కుల మతాల పట్టింపులేదు. వర్గం, వర్ణం విచక్షణ లేదు. మానవత్వం ఉన్న మనుషులైతే చాలు.

అవయవదానం... ఇప్పుడు దేశమంతా ఒక ఉద్యమంలా జరుగుతోంది. ఇదొక మానవతా ప్రక్రియ. నేను చావు అంచుల్లో వున్నా, నా వల్ల నలుగురికి పునర్జన్మ రావాలని కోరుకునే మహోన్నత దృక్పథం. ఈ గొప్ప మానవతా ఉద్యమంలో నెల్లూరు జిల్లా వాసులు మేము సైతం ఓ సమిధను అందిస్తామంటూ ముందుకొస్తుండడం చూస్తుంటే వారికి జేజేలు పలికినా తక్కువే!

బ్రెయిన్‌డెడ్‌కు గురై ఇక కోలుకోవడం కష్టమనుకున్న దశలో ఆ వ్యక్తుల అవయవదానాలకు కుటుంబసభ్యులు మానవతా దృక్పథంతో ముందుకొస్తున్న సంఘటనలు జిల్లాలో తరచూ జరుగుతున్నాయి. ఈ నెల మొదటివారంలో దొరవారిసత్రం మండలంలో చోటు చేసుకున్న సంఘటనే దీనికి ఉదాహరణ. ఈ మండలంలోని కొత్తపల్లి గ్రామానికి చెందిన నారాయణమ్మ ఈ నెల 1వ తేదీన ఉతికిన బట్టలను ఆరేసేందుకు మిద్దెపైకి వెళ్లి బట్టలను ఆరేస్తూ ప్రమాదవశాత్తు క్రింద పడిపోయింది. భర్త వెంకయ్య ఇది గమనించి వెంటనే నాయుడుపేట ఆసుపత్రికి తీసుకెళ్లాడు. అక్కడి వైద్యులు ప్రాథమికి చికిత్స చేసి నెల్లూరుకు తీసుకుపోండని సూచించారు. వెంకయ్య ఆమెను పెద్దాసుపత్రికి తీసుకొచ్చాడు. పెద్దాసుపత్రిలో సిబ్బంది పేషంట్లను ఎంత బాగా చూస్తారో మనకు తెలిసిన విషయమే కదా! ఉదయం 11గంటలకు పేషంట్‌ను తీసుకొస్తే మధ్యాహ్నం 3గంటల దాకా ఆమెను పట్టించుకో లేదు. దీంతో ఆమెను బొల్లినేని ఆసుపత్రికి తీసుకెళ్లారు. ఆమెకు పరీక్షలు నిర్వహించిన ఆసుపత్రి వైద్యులు ఆమెకు మెడ భాగంలో బలమైన దెబ్బ తగలడం వల్ల కోమాలోకి వెళ్లిందని, ఇక బ్రతకడం కష్టమని నిర్ధారించారు. నారాయణమ్మను ఎలాగూ బ్రతికించుకోలేము, కనీసం ఆమె అవయవా లతో మరికొందరిని బ్రతికిద్దామని వైద్యులు ఇచ్చిన సలహా ఆమె భర్త వెంకయ్యను, కుటుంబసభ్యులను కదిలించింది. వారు అందుకు అంగీకరించడంతో బొల్లినేని వైద్యులు జీవన్‌దాన్‌ ట్రస్ట్‌ అనుమతి పొంది అవయవాలను తరలించేందుకు ఏర్పాట్లు చేశారు. ఈ నెల 3న నారాయణమ్మకు ఆపరేషన్‌ నిర్వహించి గుండె, ఊపిరితిత్తులను ఎయిర్‌ అంబు లెన్స్‌లో చెన్నైలోని పోర్టిస్‌మలార్‌ ఆసుపత్రికి తరలించారు. ఆ ఆసుపత్రిలో 8ఏళ్ల చిన్నారికి విజయవంతంగా గుండెను అమ ర్చారు. కాలేయంను విజయవాడలోని మణిపాల్‌ ఆసుపత్రికి, ఒక కిడ్నీని కిమ్స్‌ ఆసుపత్రికి, ఇంకో కిడ్నీని నారాయణ ఆసుపత్రికి తరలించగా, నేత్రాలను మాడరన్‌ కంటి ఆసుపత్రి వాళ్లు సేకరించారు. ఇలా నారాయణమ్మ ఒక్క దీపంగా ఆరిపోయినా 8 ఇళ్లల్లో దీపమై వెలిగింది. నారాయణమ్మ పేదింటి ఆడబిడ్డ అయినా తన అవయవదానంతో ధనంతో వెలకట్టలేని మానవతను తన చరిత్రలో రాసుకుంది.

దాదాపు ఏడాది కాలంలో జిల్లాలో 5మంది దాకా అవయవ దానం చేశారు. ఈ ఉద్యమం మున్ముందు మరింత చైతన్యవంతమై ఎంతోమందికి పునర్జన్మ ప్రసాదించవచ్చు. ఈ స్ఫూర్తిజ్యోతిని వెలిగించిన అవయవదాతలు, వారి కుటుంబసభ్యులకు కృతజ్ఞతలు చెప్పినా కూడా తక్కువే!



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ఇప్పుడిప్పుడే పుంజుకుంటున్న రియల్‌
    వై.యస్‌.రాజశేఖరరెడ్డి మరణం తర్వాత నెల్లూరుజిల్లాలో రియల్‌ మార్కెట్‌ పడిపోయింది. ఆ తర్వాత కూడా రియల్‌ రంగానికి అన్నీ ఎదురుదెబ్బలే! వై.యస్‌. మరణంతో జిల్లాలో పారిశ్రామికాభివృద్ధి కుంటుపడడం, ఆ తర్వాత వచ్చిన సీఎంల పాలనలో వేగం లేకపోవడంతో రియల్‌ మార్కెట్‌లో ప్రతిష్టంభన ఏర్పడింది.…
  • మేజర్‌లు... మున్సిపాల్టీలయ్యేనా?
    నెల్లూరుజిల్లాలో కొత్త మున్సిపాల్టీల ఏర్పాటులో కదలిక వచ్చినట్లుగా తెలు స్తోంది. రాష్ట్ర ప్రభుత్వం పట్టణీకరణలో భాగంగా పలు మేజర్‌ పంచాయితీలను మున్సిపాల్టీలుగా మార్పు చేయాలనుకుంది. ఈమేరకు మున్సిపాల్టీలుగా మార్చగల పంచాయితీ పేర్లను ప్రతిపాదించాలని కలెక్టర్లను ఆదేశించడం జరిగింది. నెల్లూరుజిల్లా కలెక్టర్‌ ఛైర్మెన్‌గా…
  • నానుతున్న నారాయణ
    చాలాకాలంగా మంత్రి నారాయణ పేరు జిల్లాలో నానుతుంది. వచ్చే ఎన్ని కల్లో ఆయన పోటీ చేస్తాడనే ఊహాగా నాలు వినిపిస్తున్నాయి. పలుసార్లు ఆయన తాను పోటీ చేయనని చెప్పినప్పటికీ ఆ ప్రచారం మాత్రం ఆగడం లేదు. మొదటినుండి నెల్లూరు నగరం నుండి…
  • వెంకటగిరి... నా ఊపిరి!
    నెల్లూరుజిల్లా రాజకీయ చరిత్రలో గుర్తుండిపోయే నాయకుడు స్వర్గీయ నేదురుమల్లి జనార్ధన్‌రెడ్డి. ఒకే జెండాను, ఒకే అజెండాను, ఒకే సిద్ధాంతాన్ని, ఒకే రాజకీయ మార్గాన్ని ఎంచుకుంటే సామాన్యులు సైతం అత్యున్నత స్థానాలకు ఎదుగుతారనడానికి రెండు ఉదాహరణలు ఈ జిల్లా నుండే వున్నాయి. తొలినుండి…
  • అయోమయంలో ఆనం
    నెల్లూరుజిల్లాలో బలమైన రాజకీయ కుటుంబానికి చెందిన ఆనం రామనారాయణరెడ్డి ఇప్పుడు వినూత్న సమస్యలో చిక్కుకుని వున్నాడు. తన రాజకీయ భవిష్యత్‌ దృష్ట్యా ఎటువైపు అడుగులు వేయాలో తెలియని సందిగ్ధ స్థితిలో ఉన్నాడు. ఇటీవలే ఆనం రామనారాయణరెడ్డి తెలుగుదేశంపార్టీని వీడుతున్నట్లు జోరుగా ప్రచారం…

Newsletter