08 July 2016 Written by 

అపాచీ ఆటో పంచాయితీ!

apache workersసూళ్లూరుపేట సమీపంలోని 'అపాచి' సెజ్‌లో వేలాది మంది కార్మికులు పని చేస్తున్నారు. వీరు ఫ్యాక్టరీలో బ్రతుకుతెరువు కోసం పని చేస్తూ, ఫ్యాక్టరీకి వచ్చేటప్పుడు, తిరిగి ఇళ్లకు వెళ్లేటప్పుడు మాత్రం బ్రతుకును పణంగా పెట్టి హైవే మీద ప్రయాణం చేస్తున్నారు. ఎందుకంటే ప్రయాణించేది ఆటోలలో.

ఒక్కో ఆటోలో నిబంధనల ప్రకారం ముగ్గురే ప్రయాణించాలి. ఇక్కడి ఆటోలలో మాత్రం 15మందికి తక్కువ వుండరు. అపాచీ ఫ్యాక్టరీ నుండి నాయుడుపేట వరకు హైవే మీద కార్మికులతో నిండిన ఆటోలు రేస్‌ గుర్రాల్లా దూసుకుపోతుంటాయి. ముఖ్యంగా రాత్రి వేళల్లో కార్మికులు షిప్ట్‌ ముగించుకుని వెళ్లేటప్పుడు జాతీయ రహదారి మీద దాదాపు వందల ఆటోలు ఒకదాని వెనుక ఒకటి, ఒకదాని పక్కనొకటి... ర్యాలీగా పోతూ వెనుకవచ్చే వాహనాలకు చాలా ఇబ్బందిగా వుంటోంది. రాత్రి వేళల్లో ఆటోల మూలంగా జరగరానిది జరిగితే ప్రాణనష్టం తీవ్రంగానే ఉంటుంది. ఈ సమస్యను చాలాకాలం క్రితమే 'లాయర్‌' వెలుగులోకి తెచ్చింది. ఇటీవల జిల్లాలో రోడ్డు ప్రమాదాల నివారణపై దృష్టిపెట్టిన ఎస్పీ అపాచీ కార్మికుల ఆటోప్రయాణం గురించి తెలుసుకున్నారు. కార్మికులకు ఆటోలు కాకుండా బస్సులు ఏర్పాటు చేయాలని సూచించినట్లు తెలుస్తోంది. అపాచీ ఫ్యాక్టరీ చైనావాళ్లది. ఇసుక నుండి నూనెను పిండే రకం వాళ్లు. కార్మికుల చేత గొడ్డు చాకిరి చేయించుకుని చాలీచాలని జీతాలిస్తుంటారు. సొంతంగా సంస్థకు బస్సులు పెడితే ఖర్చు ఎక్కువవుతుం దని భావించి ఆర్టీసీ అద్దె బస్సులను మాట్లాడుకోవాలనుకున్నారు. ఎవరైనా అద్దె బస్సులంటే ట్రిప్పుకింతని, లేదంటే నెలకు ఇంతని మాట్లాడుకుంటారు. కాని అపాచీ వాళ్లు మాత్రం ఆర్టీసీ అధికారులకు వెరైటీ ప్రతిపాదన పంపారు. తమ కార్మికులందరికీ 20రోజుల పాస్‌లు తీసిస్తామని, వారి కోసం ఉదయం, సాయంత్రం వేళల్లో ప్రత్యేకంగా బస్సులు నడపాలని కోరినట్లు తెలుస్తోంది. దీనిని ఆర్టీసీ అధికారులు తోసిపుచ్చారు. ఇలా నడిపితే మాకు నష్టం తప్ప లాభం లేదని, మేం బస్సులు ఇవ్వలేమని అపాచీ వారికి చెప్పినట్లు సమాచారం. అపాచీ వాళ్లకు ఆదాయాల మీదున్న శ్రద్ధ కార్మికుల భద్రతపై లేకపోవడం విచారకరం.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ఇప్పుడిప్పుడే పుంజుకుంటున్న రియల్‌
    వై.యస్‌.రాజశేఖరరెడ్డి మరణం తర్వాత నెల్లూరుజిల్లాలో రియల్‌ మార్కెట్‌ పడిపోయింది. ఆ తర్వాత కూడా రియల్‌ రంగానికి అన్నీ ఎదురుదెబ్బలే! వై.యస్‌. మరణంతో జిల్లాలో పారిశ్రామికాభివృద్ధి కుంటుపడడం, ఆ తర్వాత వచ్చిన సీఎంల పాలనలో వేగం లేకపోవడంతో రియల్‌ మార్కెట్‌లో ప్రతిష్టంభన ఏర్పడింది.…
  • మేజర్‌లు... మున్సిపాల్టీలయ్యేనా?
    నెల్లూరుజిల్లాలో కొత్త మున్సిపాల్టీల ఏర్పాటులో కదలిక వచ్చినట్లుగా తెలు స్తోంది. రాష్ట్ర ప్రభుత్వం పట్టణీకరణలో భాగంగా పలు మేజర్‌ పంచాయితీలను మున్సిపాల్టీలుగా మార్పు చేయాలనుకుంది. ఈమేరకు మున్సిపాల్టీలుగా మార్చగల పంచాయితీ పేర్లను ప్రతిపాదించాలని కలెక్టర్లను ఆదేశించడం జరిగింది. నెల్లూరుజిల్లా కలెక్టర్‌ ఛైర్మెన్‌గా…
  • నానుతున్న నారాయణ
    చాలాకాలంగా మంత్రి నారాయణ పేరు జిల్లాలో నానుతుంది. వచ్చే ఎన్ని కల్లో ఆయన పోటీ చేస్తాడనే ఊహాగా నాలు వినిపిస్తున్నాయి. పలుసార్లు ఆయన తాను పోటీ చేయనని చెప్పినప్పటికీ ఆ ప్రచారం మాత్రం ఆగడం లేదు. మొదటినుండి నెల్లూరు నగరం నుండి…
  • వెంకటగిరి... నా ఊపిరి!
    నెల్లూరుజిల్లా రాజకీయ చరిత్రలో గుర్తుండిపోయే నాయకుడు స్వర్గీయ నేదురుమల్లి జనార్ధన్‌రెడ్డి. ఒకే జెండాను, ఒకే అజెండాను, ఒకే సిద్ధాంతాన్ని, ఒకే రాజకీయ మార్గాన్ని ఎంచుకుంటే సామాన్యులు సైతం అత్యున్నత స్థానాలకు ఎదుగుతారనడానికి రెండు ఉదాహరణలు ఈ జిల్లా నుండే వున్నాయి. తొలినుండి…
  • అయోమయంలో ఆనం
    నెల్లూరుజిల్లాలో బలమైన రాజకీయ కుటుంబానికి చెందిన ఆనం రామనారాయణరెడ్డి ఇప్పుడు వినూత్న సమస్యలో చిక్కుకుని వున్నాడు. తన రాజకీయ భవిష్యత్‌ దృష్ట్యా ఎటువైపు అడుగులు వేయాలో తెలియని సందిగ్ధ స్థితిలో ఉన్నాడు. ఇటీవలే ఆనం రామనారాయణరెడ్డి తెలుగుదేశంపార్టీని వీడుతున్నట్లు జోరుగా ప్రచారం…

Newsletter