05 August 2016 Written by 

హై'కోర్టు'లో జడ్పీటీసీల బంతి

ap highనెల్లూరుజిల్లాలో 8మంది జడ్పీటీసీల భవిష్యత్‌ బంతి ఈ రోజు హైకోర్టులో వుంది. హైకోర్టు నిర్ణయాన్ని బట్టే వాళ్లకు పదవులు ఉండడమా? ఊడిపోవడమా? అన్నది తేలుతుంది. 2014లో జరిగిన నెల్లూరు జిల్లా పరిషత్‌ ఎన్నికల్లో వైకాపా 31 జడ్పీటీసీలను గెలుచుకోగా, తెలుగుదేశంకు 15జడ్పీటీసీలు దక్కాయి. అయితే అప్పుడే అసెంబ్లీ ఫలితాలు వెలువడి తెలుగుదేశం అధికారంలోకి రావడంతో నెల్లూరు జడ్పీపై ఆ పార్టీ నాయకుల కన్ను పడింది. వైకాపా నుండి 8 మంది జడ్పీటీసీలు పి.నారాయణ రెడ్డి, కె.కవిత, ఎస్‌.పెంచలమ్మ, ప్రసాద్‌గౌడ్‌, టి.రమేష్‌, ఎం.విజేత, డి.భారతి, షేక్‌ సలీమ్‌, ఉషారాణిలు తెలుగుదేశంలోకి దూరారు. తమకు తగిన సంఖ్యా బలం కోసం అధికారపార్టీ నాయకులు మూడుసార్లు జడ్పీ ఛైర్మెన్‌ ఎన్నికను వాయిదా వేయించారు. మూడోసారి ఖచ్చితంగా ఎన్నికను జరపాల్సిందేనని ఎన్నికల సంఘం అదేశించడంతో మూడోదఫా ఎన్నిక పెట్టారు. జడ్పీటీసీలు చెరిసమంగా ఉండడంతో లాటరీ తీయగా వైకాపా అభ్యర్థి బి.రాఘవేంద్రరెడ్డి ఛైర్మెన్‌గా ఎన్నిక కావడం తెలిసిందే! తమ పార్టీ నుండి గెలిచి తెలుగుదేశంలో చేరిన జడ్పీటీసీలపై విప్‌ ధిక్కారం క్రింద చర్యలు తీసుకోవాలంటూ వైకాపా నేతలు జిల్లా కలెక్టర్‌గా వున్న శ్రీకాంత్‌కు ఫిర్యాదు చేశారు. ఆయన దీనిని బాగా నానబెట్టడంతో లాభం లేదని హైకోర్టుకు వెళ్లారు. హైకోర్టు మళ్లీ కలెక్టర్‌ వద్దకే పొమ్మంది. శ్రీకాంత్‌ తర్వాత వచ్చిన జానకి విప్‌ను ధిక్కరించిన 8మంది జడ్పీటీసీలకు షోకాజ్‌ నోటీసులు జారీ చేసిందే గాని, చర్యలు తీసుకోలేదు. దీంతో మళ్లీ వైకాపా నేతలు హైకోర్టును ఆశ్రయించారు. విప్‌ ధిక్కరణ నిర్ణయం హైకోర్టు పరిధిలోనే వుందని ఈమధ్య కావలి మున్సిపల్‌ ఛైర్‌పర్సన్‌ కేసులో సుప్రీంకోర్టు కూడా స్పష్టం చేసింది. దీనినే వైకాపా న్యాయవాది హైకోర్టు దృష్టికి తీసుకెళ్లారు. దీంతో విప్‌ ధిక్కరణ కేసును హైకోర్టే విచారిస్తోంది. అయితే ఈ కేసులో తీర్పు త్వరగా వస్తేనే ఫలితం వుంటుంది. అన్ని కేసులు మాదిరిగానే దీనిలోనూ జాప్యం చేస్తే, సభ్యుల పదవీకాలం కాస్తా ముగిసిపోతుంది.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ఇప్పుడిప్పుడే పుంజుకుంటున్న రియల్‌
    వై.యస్‌.రాజశేఖరరెడ్డి మరణం తర్వాత నెల్లూరుజిల్లాలో రియల్‌ మార్కెట్‌ పడిపోయింది. ఆ తర్వాత కూడా రియల్‌ రంగానికి అన్నీ ఎదురుదెబ్బలే! వై.యస్‌. మరణంతో జిల్లాలో పారిశ్రామికాభివృద్ధి కుంటుపడడం, ఆ తర్వాత వచ్చిన సీఎంల పాలనలో వేగం లేకపోవడంతో రియల్‌ మార్కెట్‌లో ప్రతిష్టంభన ఏర్పడింది.…
  • మేజర్‌లు... మున్సిపాల్టీలయ్యేనా?
    నెల్లూరుజిల్లాలో కొత్త మున్సిపాల్టీల ఏర్పాటులో కదలిక వచ్చినట్లుగా తెలు స్తోంది. రాష్ట్ర ప్రభుత్వం పట్టణీకరణలో భాగంగా పలు మేజర్‌ పంచాయితీలను మున్సిపాల్టీలుగా మార్పు చేయాలనుకుంది. ఈమేరకు మున్సిపాల్టీలుగా మార్చగల పంచాయితీ పేర్లను ప్రతిపాదించాలని కలెక్టర్లను ఆదేశించడం జరిగింది. నెల్లూరుజిల్లా కలెక్టర్‌ ఛైర్మెన్‌గా…
  • నానుతున్న నారాయణ
    చాలాకాలంగా మంత్రి నారాయణ పేరు జిల్లాలో నానుతుంది. వచ్చే ఎన్ని కల్లో ఆయన పోటీ చేస్తాడనే ఊహాగా నాలు వినిపిస్తున్నాయి. పలుసార్లు ఆయన తాను పోటీ చేయనని చెప్పినప్పటికీ ఆ ప్రచారం మాత్రం ఆగడం లేదు. మొదటినుండి నెల్లూరు నగరం నుండి…
  • వెంకటగిరి... నా ఊపిరి!
    నెల్లూరుజిల్లా రాజకీయ చరిత్రలో గుర్తుండిపోయే నాయకుడు స్వర్గీయ నేదురుమల్లి జనార్ధన్‌రెడ్డి. ఒకే జెండాను, ఒకే అజెండాను, ఒకే సిద్ధాంతాన్ని, ఒకే రాజకీయ మార్గాన్ని ఎంచుకుంటే సామాన్యులు సైతం అత్యున్నత స్థానాలకు ఎదుగుతారనడానికి రెండు ఉదాహరణలు ఈ జిల్లా నుండే వున్నాయి. తొలినుండి…
  • అయోమయంలో ఆనం
    నెల్లూరుజిల్లాలో బలమైన రాజకీయ కుటుంబానికి చెందిన ఆనం రామనారాయణరెడ్డి ఇప్పుడు వినూత్న సమస్యలో చిక్కుకుని వున్నాడు. తన రాజకీయ భవిష్యత్‌ దృష్ట్యా ఎటువైపు అడుగులు వేయాలో తెలియని సందిగ్ధ స్థితిలో ఉన్నాడు. ఇటీవలే ఆనం రామనారాయణరెడ్డి తెలుగుదేశంపార్టీని వీడుతున్నట్లు జోరుగా ప్రచారం…

Newsletter