11 November 2016 Written by 

ట్రంప్‌ హిట్‌... హిల్లరీ ఔట్‌!

trumpమొన్నటిదాకా ఆయనంటే చాలామందికి అలుసే. ఆయనకు రాజకీయాలు తెలియవని, రాజకీయాలంటే రియల్‌ఎస్టేట్‌ వ్యాపారమో లేదా రియాలిటీషోలో కావని ఎద్దేవా చేశారు. ఆయన్ను విదూషకుడని, అమర్యాదస్తుడని, అసలాయన గెలవనే గెలవడని రకరకాల విమర్శలు చేశారు. ప్రత్యర్థులతో పాటు తమపార్టీలోనివారు కూడా ఆయనపై ఎన్నో ఆరోపణలు చేశారు. అయితే, ఎవరెన్నన్నా.. ఎవరెన్ననుకున్నా ఆయన తలవంచలేదు. అన్నిటికీ ఆయన ఎదురొడ్డి పోరాడారు. అందరి వూహలనూ చిత్తు చేసి..అమెరికా అధ్యక్ష ఎన్నికల్లో ఘనవిజయం సాధించి విజయకేతనం ఎగర వేశారు. త్వరలోనే అత్యంత ప్రతిష్టాత్మకమైన శ్వేతసౌధంలోకి అడుగుపెట్టబోతున్నారు. సంచలనాలకే సంచలనంగా నిలచి.. ఎవరి అంచనాలకు అందకుండానే అమెరికా ప్రజల మనసులను గెలిచి.. అగ్రరాజ్యానికి అధిపతిగా.. ప్రపంచంలోనే అత్యంత శక్తివంతమైన అమెరికా అధ్యక్షపీఠాన్ని అధిరోహించబోతున్నారు. ప్రత్యర్థుల ఆశల్ని అడియాసలు చేసి.. సర్వేలన్నిటినీ తికమకచేసి రిపబ్లికన్‌ పార్టీ అభ్యర్థిగా అత్యధిక మెజార్టీతో విజయదుందుభి మోగించి..యావత్‌ ప్రపంచమే నివ్వెరపోయేలా చేసి రియల్‌ హీరో అన్పించుకున్నారు. ఆయన పేరే ట్రంప్‌..డొనాల్డ్‌ ట్రంప్‌!...

డొనాల్డ్‌ ట్రంప్‌!... ఆయనో సంచలనం. అమెరికా అధ్యక్ష ఎన్నికల్లో ఆయన విజయం ఇంకా సంచలనం. ట్రంప్‌ భారీ మెజార్టీతో విజయం సాధించడంతో అమెరికా రాజకీయ చరిత్రలో మరో కొత్త అధ్యాయం ప్రారంభం కానుంది. తాజాగా జరిగిన అధ్యక్ష ఎన్నికల్లో విజయానికి మొత్తం 538 ఎలక్టోరల్‌ ఓట్లకు గాను అధ్యక్ష అభ్యర్ధి విజయం సాధించాలంటే 270 ఓట్లు అవసరం. రిపబ్లికన్‌ అభ్యర్థిగా రంగంలోకి దిగిన ట్రంప్‌ ఆ మ్యాజిక్‌ఫిగర్‌ను ఒక్కసారిగా అధిగమించి ఎవరూ ఊహించనివిధంగా డెమోక్రాట్ల కోటలను సైతం బద్దలుకొట్టారు. అత్యధికంగా 289 ఓట్లతో తిరుగులేని విజయాన్ని సాధించి ప్రపంచంలోనే అత్యంత శక్తివంతమైన అమెరికా అధ్యక్ష పీఠాన్ని కైవశం చేసుకున్నారు. అగ్రరాజ్యమైన అమెరికా 45వ అధ్యక్షునిగా డొనాల్డ్‌ ట్రంప్‌ ఎన్నికయ్యారు. చివరి క్షణం వరకు హోరాహోరీగా సాగిన ఈ ఎన్నికల్లో అందరూ గెలుస్తారనుకున్న డెమోక్రాటిక్‌ అభ్యర్థి హిల్లరీ 218 ఓట్లకే పరిమితమయ్యారు. అనేక సర్వేల్లో హిల్లరీకే విజయం తప్పదని భావించినా హిల్లరీ ఘోరపరాజయం పొందడం, చివరికి ట్రంప్‌దే ఘనవిజయం కావడం అందరి అంచనాలనూ తలకిందులు చేసి నట్లయింది. ఉద్యోగ భద్రత, ఉగ్రవాద ముప్పు నుంచి దేశానికి విముక్తి, వలసలకు అడ్డుకట్ట వేస్తా, అమెరికాను గ్రేట్‌ అమెరికాగా తీర్చిదిద్దుతా..వంటి ట్రంప్‌ హామీలు అమెరికా ప్రజల మనసులను గెలుచుకున్నాయి. అమెరికాలోని కీలకమైన రాష్ట్రాలన్నీ ట్రంప్‌ వైపే మొగ్గు చూపాయి. సెనేట్‌, ప్రతినిధుల సభలోనూ రిపబ్లికన్లకే పూర్తి మెజారిటీ సిద్ధించింది.ట్రంప్‌కు వ్యతిరేకంగా ఎంత ప్రచారం జరిగినా, ఎంతోమంది ఆందోళన వ్యక్తం చేసినా ట్రంప్‌కే ఘనవిజయం లభించింది. దీంతో హిల్లరీ అభిమా నులు విచారంలో మునిగిపోగా, ట్రంప్‌ అభిమానులు సంబరాల్లో తేలియాడుతున్నారు. జనవరి 8వతేదిన డొనాల్ట్‌ ట్రంప్‌ శ్వేతసౌధంలోకి అడుగుపెట్టబోతున్నారు. అమెరికా 45వ అధ్యక్షునిగా బాధ్యతలు స్వీకరించనున్నారు.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • మంత్రి పోటీలో లేకుంటే.. మేమే...
    నెల్లూరు నగరం నుండి మంత్రి నారాయణ పోటీ చేస్తే... గెలుపు ఆయనదే! నెల్లూరు నగర టీడీపీ నాయకుల స్టేట్‌మెంట్‌ ఇది. ఇది పైకి మాత్రమే! ఆయన పోటీ చేయకుంటే మాత్రం సీటు మాకే ఇవ్వాలి. ఇదీ నాయకుల మనసులోని మాట. సీటును…
  • పోలవరం... ఇక కలవరం
    ఈ ప్రాజెక్ట్‌ నువ్వే చెయ్యాలి బాబూ అని వాళ్ళు అడగలేదు... ఆ ప్రాజెక్ట్‌ వాళ్ళ బాధ్యత... పూర్తి చేయాల్సింది వాళ్ళు... రాష్ట్ర విభజన చట్టంలో క్లియర్‌గా వుంది. ఈయన తగుదునమ్మా అంటూ వెళ్ళాడు... పోలవరం ప్రాజెక్ట్‌ నిర్మాణ బాధ్యత మేమే తీసుకుంటామన్నాడు.…
  • ప్రాణాలను మింగుతున్న చెరువులు
    అన్నెంపున్నెం ఎరుగని, ఆడుతూపాడుతూ తిరిగే ముగ్గురు చిన్నారులను చెరువు మృత్యుకౌగిలిలోకి తీసుకెళ్లింది. ముగ్గురు చెరువులో మునిగి విగతజీవులుగా మారారు. తమ బిడ్డలు ఇక లేరని తెలియడంతో తల్లిదండ్రులు గుండెలవిసేలా రోధించారు. ఈ హృదయ విదారక ఘటన నెల్లూరుజిల్లా దొరవారిసత్రం మండలం వడ్డికండ్రిగ…
  • ఆత్మకూరులో... సమన్వయం సాధ్యమేనా?
    2019 ఎన్నికల్లో ఆత్మకూరు నియో జకవర్గం నుండి తెలుగుదేశం పార్టీ అభ్యర్థిగా ఆనం రామనారాయణరెడ్డి వుంటాడు. నూటికి 99శాతం ఇది పక్కా. ఆ ఒక్క శాతం ఇంకేవైనా అనుకోని పరి ణామాలు జరిగితే మార్పుండొచ్చు. ఆనంకు సీటు ఇవ్వడం కోసమే ఇక్కడ…
  • వీళ్ళు... సీతయ్యకు అన్నయ్యలు
    మోచేతి నీళ్ళు తాగే ఆఫీసర్లు ఉన్నంతవరకే ప్రజాప్రతినిధులు ఏ ఆటయినా ఆడగలరు. అధికారి అడ్డం తిరిగాడంటే ప్రజా ప్రతినిధి కాదు కదా ముఖ్యమంత్రి కూడా ఏమీ చేయలేడు. అది ఏ పార్టీ అయినా... ఏ ప్రభుత్వమైనా! అధికారులు కరెక్ట్‌గా వుంటే ప్రజాప్రతినిధులు…

Newsletter