Friday, 02 December 2016 10:53

నెల్లూరు జనంపై... దోమల దండ యాత్ర

Written by 
Rate this item
(0 votes)

mosquitoరాష్ట్ర ముఖ్యమంత్రి చంద్రబాబు ఎంతో ఆర్భాటంగా శత్రు దేశాల మీద యుద్ధానికి పోతున్నట్లుగా 'దోమలపై దండయాత్ర' అన్నాడు. దీని పేరుతో ఖర్చు కూడా వ్రాసారు. నెల్లూరులో మాత్రం అదికాస్తా రివర్స్‌లో వుంది. ఇక్కడ ప్రజలపై దోమల దండయాత్రలాగా పరిస్థితి ఉంది. నెల్లూరు టౌన్‌ ముదురుదోమలకు పెట్టింది పేరు. కార్పొరేషన్‌ పారిశుద్ధ్య సిబ్బంది బాగా పని చేస్తున్నారు, ఫాగింగ్‌ చేస్తున్నారు, మురికి కాలువలను శుభ్రం చేస్తున్నారు, మురికి గుంటల్లో ఆయిల్‌బాల్స్‌ వేస్తున్నారంటేనే నెల్లూరులో దోమలు జనాన్ని పీకి పాకాన పెడుతుంటాయి. అలాంటిది ఈ పనులన్నీ చేయకుంటే... దోమలు ప్రజల రక్తాన్ని స్ట్రా వేసుకుని పీల్చేయవు.

ప్రస్తుతం నెల్లూరులో అదే జరుగు తోంది. నెల్లూరు నిండా దోమలు విజృం భిస్తున్నాయి. ఇళ్లల్లో జనాలు దోమలు చంపుకునే పనిలో నిమగ్నమవుతున్నారు. దోమలను నిర్మూలించాల్సిన నెల్లూరు నగరపాలక సంస్థ హెల్త్‌ విభాగం వాళ్లు మాత్రం పారిశుద్ధ్యం పనులను పక్కన పెట్టేసి చోద్యం చూస్తున్నారు. నెల్లూరులో పారిశుద్ధ్యం పనులు పరమ అధ్వాన్నంగా ఉంటున్నాయి. ఎక్కడ చెత్త దిబ్బలు అక్కడే... ఎక్కడి పందుల గుంపులు అక్కడే! ఎక్కడా ఫాగింగ్‌ లేదు. మురికి కాలువల్లో సిల్డ్‌ తీయడం లేదు. ఇటీవల కాలంలో పారిశుద్ధ్య సిబ్బంది సమ్మెకు దిగారు. పాలకుల నిర్లక్ష్య వైఖరి మూలం గానే కార్మికులు సమ్మెకు దిగడం, నగర పౌరులు వారం రోజులపాటు మురికిలో మగ్గిపోవడం జరిగింది.

అవినీతికి కేరాఫ్‌ అడ్రస్‌గా మారిన హెల్త్‌ ఆఫీసర్‌ మూలంగానే నగరం మురికి కూపంగా మారుతోంది. ఏసిబికి పట్టుబడ్డా కూడా ఈ హెల్త్‌ ఆఫీసర్‌ను మేయర్‌ తిరిగి రప్పించుకున్నాడు. హెల్త్‌ విభాగానికి సంబంధించి కలెక్షన్‌ల పనులు అతనికి అప్పగించాడు. దీంతో పనులు చేయకుం డానే బ్లీచింగ్‌ చల్లకుండానే, కాలువల్లో సిల్డ్‌ తీయకుండానే బిల్లులు పెట్టడం... 50మంది పారిశుద్ధ్య కార్మికులుంటే వంద మందికి బిల్లులు పెట్టడం... హెల్త్‌ విభా గంలో అవినీతి మూడు పువ్వులు, ఆరు కాయలుగా వర్ధిల్లుతోంది. నెల్లూరులో హెల్త్‌ ఆఫీసర్‌ పదవీకాలం ముగిసినా తన కలెక్షన్‌లు ఎక్కడ పోతాయోనని చెప్పి మేయర్‌ అతనిని వదలడం లేదు. ఇతను హెల్త్‌ ఆఫీసర్‌గా వచ్చాక నాలుగుసార్లు పారిశుద్ధ్య కార్మికులు సమ్మెకు దిగారు. రాజకీయ కక్ష్యలతో శానిటరీ ఇన్‌స్పెక్టర్లను బదిలీలు చేశారు. చివరకు లాటరీ ద్వారా బదిలీలు చేసే పరిస్థితిని తీసుకొచ్చారంటే ఎంత సిగ్గు చేటైన విషయం.

నగరంలో పారిశుద్ధ్య పనులనేవి పెద్దగా జరగడం లేదు. కాని పారిశుద్ధ్యం పేరుతో దిగమింగేది మాత్రం గతం కంటే ఘనంగా పెరిగింది. పాలకులు ప్రజల సొమ్మును, నెల్లూరు దోమలు ప్రజల రక్తాన్ని పోటీపడి పీల్చేస్తున్నారు.

Read 1447 times
Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • వారి ఆశలపై... నీళ్ళు చల్లారు!
    రాష్ట్రంలో అసెంబ్లీ నియోజకవర్గాలు 175 నుండి 225కు పెరుగు తాయనే ప్రచారం మొన్నటివరకు బలంగా వుండింది. ఈమధ్యనే కేంద్ర ప్రభుత్వం ఆ ప్రచారానికి తెరదించుతూ ఈ ఎన్నికలకే కాదు, ఆ తర్వాత ఎన్నికల నాటికి కూడా సీట్ల పెంపు ఉండదని కుండబద్ధలు…
  • నేరం మా వాళ్ళది కాదు
    రాజకీయ ఒత్తిళ్లకు లొంగి అడ్డదారులు తొక్కితే, రాజకీయ నాయకుల మాటలు నమ్మి వారు చెప్పినట్లు నడుచుకుంటే పరిస్థి తులు ఎలా వుంటాయో ఇప్పుడు ఉదయగిరి నియోజకవర్గం లోని అధికారులకు తెలిసొచ్చింది. ఇటీవల పసుపు కొనుగోలు వ్యవహారం జిల్లాలో సంచలనం కావడం తెలిసిందే!…
  • నంద్యాల ఎన్నికలో... పెట్టుబడిదారులూ నెల్లూరోళ్ళే!
    నంద్యాల ఎన్నికల ప్రచారంలో నెల్లూరు జిల్లాకు చెందిన ఇరు పార్టీల నాయకులు హల్‌చల్‌ చేస్తున్నారు. తామే పోటీ చేసినంత కసిగా పని చేస్తున్నారు. అయితే నంద్యాల ఎన్నికలకు ప్రచారకర్తలే కాదు పెట్టుబడి దారులు కూడా నెల్లూరోళ్ళేనని సమాచారం. నంద్యాల వైకాపా అభ్యర్థి…
  • ఉపరాష్ట్రపతి పదవికి వెంకయ్య రాజీనామా!
    ఢిల్లీలోని ప్రధానమంత్రి కార్యాలయం. ప్రధాని నరేంద్ర మోడీతో బీజేపీ అధ్యక్షుడు అమిత్‌షా, కేంద్రమంత్రులు అరుణ్‌జైట్లీ, రాజ్‌నాథ్‌సింగ్‌, ఉమాభారతి, సుష్మాస్వరాజ్‌, స్మృతి ఇరానీలు సమావేశమైవున్నారు. మొదట మోడీ మాట్లాడుతూ... రాష్ట్రపతి, ఉపరాష్ట్రపతి ఎన్నికల్లో మన పార్టీ వాళ్లంతా బాగా పనిచేసారు. బాధ్యతలను సక్రమంగా…
  • బెట్టింగ్‌ తీగ లాగుతూనే వున్నారు... డొంక కదులుతూనే ఉంది
    నెల్లూరుజిల్లాకు పిహెచ్‌డి రామకృష్ణ అనే ఒక ఎస్పీ వస్తాడని, బెట్టింగ్‌ రాయుళ్ళపై ఈ స్థాయిలో విరుచుకు పడతాడని, బుకీల బొక్కలు విరిచేస్తాడని ఎవరూ ఊహించ లేదు. అసలు బెట్టింగ్‌పై ఈ స్థాయిలో పోలీస్‌ ఆపరేషన్‌ వుంటుందని ఎవరూ అంచనా కూడా వేయలేదు.…

Newsletter