Saturday, 10 December 2016 12:24

కార్డులతోనే కాపురాలు చేయొచ్చు

Written by 
Rate this item
(0 votes)

galpikaఅది 'ఏబిసిడి' ఛానెల్‌ స్టూడియో... హైటెక్‌రత్న, రాష్ట్ర ముఖ్యమంత్రి చంద్రబాబునాయుడుతో ఆ ఛానెల్‌ అధినేత గోకుల్‌కృష్ణ 'జికెతో తెరచుకున్న గుండె' కార్యక్రమంలో భాగంగా ఇంటర్వ్యూ నిర్వహిస్తున్నారు. పెద్దనోట్ల రద్దుపై మీ స్పందన ఏంటని జి.కె. అడిగాడు. నాకు చాలా అసహనంగా వుంది. సునామీలను కుడి చేత్తో, తుఫాన్‌లను ఎడమచేత్తో ఆపినవాడిని, భూకంపాలను కాలి క్రింద తొక్కి పెట్టినోడిని... నాకే ఇది అసహనంగా వుందంటే ఇక ప్రజలకు ఎంత అసహనంగా ఉం టుందో, పెద్దనోట్ల రద్దు అసహనంపై ఇక ఉద్యమం చేయాలనుకుం టున్నాను అని చెప్పాడు. అప్పుడు జి.కె ప్రేక్షకులకు ఒక ప్రశ్న వదిలాడు. పెద్దనోట్ల రద్దు వ్యవహారం తనకే అసహనం కలిగిస్తుందన్న చంద్రబాబు వ్యాఖ్యలను మీరు సమర్ధిస్తారా? అవును అయితె 'ఎస్‌' అని, కాదు అయితే 'నో' అని టైప్‌ చేసి ఎస్‌ఎమ్‌ఎస్‌ ద్వారా మాకు పంపండి అని చెప్పాడు. ఒక్క నిముషం తర్వాత స్క్రీన్‌ మీద 99శాతం మంది 'ఎస్‌' అని 1 శాతం మంది 'నో' అని ఎస్‌ఎంఎస్‌లు పంపినట్లు కూడా రిజల్ట్స్‌ ఇచ్చారు.

ఇదంతా కూడా ఢిల్లీలోని తన కార్యాలయంలో కూర్చుని ప్రధాని నరేంద్ర మోడీ చూస్తున్నాడు. ఆయన పక్కనే కేంద్రమంత్రులు మనోహర్‌ పారికర్‌, రాజ్‌నాథ్‌సింగ్‌, అరుణ్‌జైట్లీ, వెంకయ్య నాయుడులు కూడా వున్నారు. మోడీ వుండి... ఏం వెంకయ్యాజీ, మన చంద్రబాబుకేంటో అసహనంగా ఉందంటా... ఆ కేసీఆర్‌కు ఫోన్‌ చేసి 'ఓటు-నోటు' కేసు ఎక్కడదాకా వచ్చిందో చూడమను అని చెప్పాడు. అప్పుడు వెంకయ్య కలుగజేసుకుని... అతనిని ఖాళీగా పెడితే ఇలాగే ఏదో ఒకటి మాట్లాడుతుంటాడు సార్‌, ఈ పెద్దనోట్ల రద్దు వ్యవహారంలో అతనిని కూడా ఇన్‌వాల్వ్‌ చేద్దాం. అప్పుడు మనతో పాటూ లాక్కోలేక పీక్కోలేక అగచాట్లు పడుతుంటాడని అన్నాడు. ఏం చేద్దామంటారని మోడీ అడిగాడు. బాబుకు టెక్నాలజీ అంటే మహా పిచ్చి. బిల్‌గేట్స్‌కు కూడా కంప్యూటర్ల మీద ఈయన కున్నంత మోజుండదు. కాబట్టి 'క్యాష్‌ లెస్‌ ట్రాన్సాక్షన్‌ కమిటి' అని ఒక దానిని వేసి ఆయనను కన్వీనర్‌గా పెడదాం, ఇక మనల్ని నోరెత్తి ఒక్క మాట అనలేడని వెంకయ్య సలహా ఇచ్చాడు. అలాగే చెయ్యండని మోడీ చెప్పాడు.

-----

హైదరాబాద్‌లోని ఏబిసిడి ఛానెల్‌ స్టూడియోలో జి.కె ఇంటర్వ్యూ కొనసాగుతోంది. అప్పుడే చంద్రబాబు సెల్‌ఫోన్‌ మోగింది. బాబు ఫోన్‌ ఎత్తాడు. అవతల నుండి వెంకయ్య... నిన్ను క్యాష్‌లెస్‌ ట్రాన్సాక్షన్స్‌ కమిటి కన్వీనర్‌గా ప్రధాని నియమించారు. ఈ పదవికి నువ్వే అర్హుడివి. నువ్వే న్యాయం చేయగలవు... అని చెప్పి పెట్టే సాడు. బాబు ఈ విషయాన్ని ఎదురుగా వున్న జి.కెకు చెప్పాడు. వెంటనే ఛానెల్‌లో బ్రేకింగ్‌ న్యూస్‌ అంటూ 'క్యాష్‌లెస్‌ ట్రాన్సాక్షన్స్‌ కమిటి కన్వీనర్‌గా చంద్రబాబు' అంటూ పది నిముషాల పాటూ పదేపదే చూపించారు. ఓ పక్క అది చూపిస్తూ ఇంకో బాక్స్‌లో ఇంటర్వ్యూ కొనసాగిస్తూ... ఇప్పుడు చెప్పండి ఈ పదవి రావడం పట్ల మీరెలా ఫీలవుతున్నారని జి.కె. అడిగాడు. దానికి బాబు... నా ఆలోచనలకు తగ్గ బాధ్యత ఇది. కరెన్సీ రూపంలో లావాదేవీలు ఉండకూడదని, క్రెడిట్‌, డెబిట్‌ కార్డులు, చెక్కులు, పేటిఎం వంటి సాంకేతిక మార్గాల ద్వారా చెల్లింపులు జరగాలని నేను మొదట్నుండి కోరుకుంటున్నాను. ప్రజల్లో ఆ మార్పు తెచ్చే ప్రక్రియను కేంద్రం నాకే అప్పగించిందంటే, నా తెలివితేటల పట్ల వారికెంత నమ్మక ముందో అర్ధమవుతుంది. పెద్దనోట్ల రద్దు అనేది దేశంలో అవినీతి, నల్లధనం నిర్మూలన కోసమే! ప్రజలు 'క్యూ'లలో నిలబడి అసహనం చెందాల్సిందేమీ లేదు. నోట్ల మార్పిడి కోసం ప్రజలు 'క్యూ'లో నిలబడడాన్ని అసహనంగా కూడా భావించడం లేదు అని చెప్పాడు. అప్పుడు వెంటనే జి.కె. ''పెద్దనోట్ల రద్దుపై ప్రజలు అసహనం చెందడం లేదన్న చంద్రబాబు వ్యాఖ్యల్ని మీరు సమర్ధిస్తారా?'' మీ సమాధానం అవును అంటే 'ఎస్‌' అని, కాదు అయితే 'నో' అని టైప్‌ చేసి యధాఫళంగా ఎస్‌ఎంఎస్‌లు పంపండి అని ప్రశ్న వదిలాడు. ఒక్క నిముషంలోనే మళ్ళీ 'ఎస్‌'కు 99శాతం మంది 'నో'కు ఒక్క శాతం మంది ఓటేసినట్లు ఫలితాలిచ్చారు. చంద్రబాబు ఆ రిజల్ట్స్‌ చూసి... మీకు ఎస్‌ఎంఎస్‌లు ఇంత తొందరగా వస్తాయా? అయినా ఎంతమంది ఈ కొద్ది టైంలో ఎస్‌ఎంఎస్‌లు పంపిస్తారని ధర్మ సందేహం వెలిబుచ్చాడు. ప్రజలు పంపించే ఎస్‌ఎంఎస్‌లు చూస్తే నాతోపాటూ మీకు కూడా మూడ్‌ మారుద్ది. అయినా మన ఛానల్‌లో వాళ్లెవరో పంపించే రిజల్ట్స్‌ తీసుకోవడ మేంటి... ఆ రిజల్ట్స్‌ కూడా మేమే నిర్ణయిస్తామని చెప్పాడు. సరే నేను నా విధుల్లోకి దిగాలి... ఒకట్రెండు నెలల్లో ప్రజలంతా కరెన్సీని మరచిపోయి కార్డుల వైపు మళ్లేలా చూడాలి. నేను మళ్లీ కలుస్తా నంటూ చంద్రబాబు లేచాడు.

----

అది సింగపూర్‌ కమ్‌ అమరావతి రాజధాని పరిధిలోని వెలగపూడి గ్రామం. నగదు రహిత కమిటి కన్వీనర్‌ చంద్రబాబు, కమిటీ సభ్యులు శివరాజ్‌సింగ్‌ చౌహాన్‌, దేవేంద్ర ఫడ్నవీస్‌, నారాయణస్వామిలు ఆ గ్రామంలో ఓ ఇంటికి వెళ్లి తలుపు తట్టారు. ఒక మహిళ తలుపు తీసింది. నీ పేరేంటమ్మా అని చంద్రబాబు అడిగాడు. వెంకాయమ్మ అని ఆమె చెప్పింది. చూడు వెంకాయమ్మా... నీ దగ్గర కార్డు ఉందా అని చంద్రబాబు అడిగాడు. ఉన్నాయయ్యా అని వెంకాయమ్మ చెప్పింది. వెరీగూడ్‌ వెంకాయమ్మ... నీలాంటి మహిళలే ఈ దేశానికి స్ఫూర్తి కావాలి... ఈ కార్డు వల్ల చాలా ఉపయోగాలున్నాయి వెంకాయమ్మా... మీ ఇంట్లో డబ్బులు పెట్టుకోవాల్సిన పనే లేదు. ప్రొవిజన్‌ షాపుకు పోయి కార్డు ఇస్తే సరుకులు ఇస్తారు, రేషన్‌ షాపుకు వెళ్లి కార్డు ఇచ్చినా నిత్యావసర వస్తువులిస్తారు. కరెంట్‌ బిల్లులు, ఫోన్‌ బిల్లులను కూడా కార్డు ద్వారానే కట్టొచ్చు. చందన బ్రదర్స్‌, కళానికేతన్‌, శుభమస్తు వంటి షాపింగ్‌మాల్స్‌కు వెళ్లి ఎంచక్కా ఈ కార్డులతో కావాల్సినవి కొనుక్కోవచ్చు. హోటల్‌కెళ్లి కడుపు నిండా తిన్నా బిల్లుకు డబ్బులివ్వబల్లేదు అని చంద్రబాబు చెబుతుండగా లోపల నుండి వెంకాయమ్మ భర్త రాయల్‌స్టాగ్‌ రాజన్‌ వచ్చాడు. గురుడు మంచి నిషాలో వున్నాడు. షంద్రబాబు సర్‌... బార్‌లో పీకల దాకా తాగి డబ్బులివ్వబల్లేదా... కార్డు షరిపోతుందా... అని అడిగాడు. అందుకు చంద్రబాబు... అసలు మీరు వేటికీ డబ్బులివ్వాల్సిన పని లేదు. అన్నింటికీ కార్డే వాడొచ్చు అని చెప్పాడు. అంతే వెంకాయమ్మ చంద్రబాబు రెండు చేతులు పట్టుకుని... మా బాబే, మా బంగారు నాయనే... ఎన్నికలప్పుడు బాబు వస్తే బ్రతుకులు మారుతాయంటే ఏంటో అనుకున్నా... నిజంగానే మా బ్రతుకులు మార్చేసావు. మాకు డబ్బులు సంపాదించుకునే పని లేకుండా చేసావు, నీ ఋణం ఎలా తీర్చుకోవాలి నాయనా... జన్మజన్మలకు నువ్వే మా సీఎం కావాలని ఏడుస్తూ చెప్పసాగింది. చంద్రబాబుకు డౌటొచ్చి ఇంతకీ మీ దగ్గర ఏం కార్డుంది అని అడిగాడు. వెంటనే వెంకాయమ్మ లోపలకెళ్ళి అర నిముషంలో తిరిగొచ్చింది. ఇదిగో నాయనా... ఇది రేషన్‌కార్డు, ఇది ఆధార్‌కార్డు, ఇది ఆరోగ్యశ్రీ కార్డు... ఇదేమో కిసాన్‌ కార్డ్‌... ఇదిగో ఇదేమో ఓటర్‌ కార్డు అంటూ కార్డులన్నీ చంద్రబాబు చేతిలో పెట్టింది. కార్డ్‌ అంటే జనం ఈ కార్డులనుకుంటున్నారా... క్రెడిట్‌, డెబిట్‌ కార్డులు కాదా అని మనసులో అనుకుంటూ చంద్రబాబు అవాక్కయ్యాడు.

Read 295 times
Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • నడిచినా... నిద్రించినా... ఏడాదంతా ప్రజల మధ్యే...
    ప్రజలే దేవుళ్ళు, వారి ఇళ్ళే తనకు గుళ్ళు అని భావించి అనుక్షణం వారి మధ్యే వుంటూ వారి సమస్యలు తెలుసుకుంటూ వారి కష్ట సుఖాలలో తోడుండాలని కోరు కునే ప్రజా నాయకుడు నెల్లూరు గ్రామీణ ఎమ్మెల్యే కోటంరెడ్డి శ్రీధర్‌రెడ్డి. నిద్ర లేచింది…
  • హోదా పోరుతో... వ్యతిరేకత పోగొట్టుకున్నారు
    నెల్లూరుజిల్లాతో సంబంధం వున్న లోక్‌ సభ సభ్యులు మేక పాటి రాజమోహన్‌ రెడ్డి(నెల్లూరు), వెలగ పూడి వరప్రసాద్‌ (తిరుపతి)లు ప్రత్యేక హోదా ఉద్యమంలో కీలకపాత్ర పోషించారు. హోదా ఉద్యమంలో చురుకుగా పాల్గొనడం ద్వారా తమ తమ నియోజకవర్గాలలో తమ పట్ల నెలకొన్న…

Newsletter