16 December 2016 Written by 

కౌంట్‌డౌన్‌.. ఇక రెండు వారాలే!

500 1000ఇక గట్టిగా రెండు వారాలు... బ్యాంకుల ముందు, ఏటిఎంల ముందు మనం 'క్యూ'లలో నిల్చోవడానికి మిగిలిన రోజులు. డిసెంబర్‌ 30తో నోట్ల మార్పిడికి ఆఖరిరోజు. ఆ తర్వాత ప్రధాని చెప్పినట్లు 'అచ్చేదిన్‌' వస్తుందా, జనం 'చచ్చేదిన్‌'లు వస్తాయా అన్నది వేరే సంగతి! పెద్దనోట్ల రద్దు తర్వాత కొత్త నోట్ల కోసం, చిన్న నోట్ల కోసం ప్రజలు పడ్డ కష్టాలు అన్నీ ఇన్నీ కావు. నవంబర్‌ 8వ తేదీ రాత్రి పెద్దనోట్లు రద్దును ప్రకటించారు. 9వ తేదీ నుండి బ్యాంకుల ముందు, ఏటిఎంల ముందు 'క్యూ'లు మొదలయ్యాయి. క్యూలలో జనం మొదటి రోజు ఏ విధంగా వున్నారో ఈ రోజుకీ అదే విధంగా ఉంటున్నారు. నోట్ల రద్దు తర్వాత వారంలోపే అంతా సర్ధుకుంటుందని, వారం తర్వాత 'క్యూ'లు వుండవని భావించారు. కాని ఆర్‌బిఐ పంపించిన కొత్త కరెన్సీ సగం బ్లాక్‌ మార్కెట్‌లోకి వెళ్లడం, ఒకసారి తీసుకున్న వాళ్ళే మళ్ళీ మళ్ళీ డబ్బులు విత్‌డ్రాకు వస్తుండడంతో బ్యాంకులు, ఏటిఎంల ముందు ఏ మాత్రం క్యూలు తగ్గలేదు. జిల్లా వ్యాప్తంగా కూడా నగదు డిమాండ్‌ అధికంగా వుండగా సరఫరా అంతంత మాత్రంగా వుంది. ప్రజలకు డబ్బు అందివ్వలేక బ్యాంకులు చేతులెత్తేస్తున్నాయి. ఏటిఎంలలో పెట్టిన డబ్బు రెండు గంటల్లో ఖాళీ అవుతుంది. జిల్లాలో ఎప్పుడు చూసినా 80శాతం ఏటిఎంల ముందు 'నో క్యాష్‌' బోర్డులే దర్శనమిస్తున్నాయి. పెద్దనోట్ల రద్దు తర్వాత జిల్లా వ్యాప్తంగా కూడా అన్ని రకాల వ్యాపారాలు దెబ్బతిన్నాయి. మొత్తం వందల కోట్లలోనే వ్యాపార నష్టం వుంటుంది. 2016 నష్టాలతో ముగుస్తుంది. ఈ నెలాఖరుతో ఈ నోట్ల కష్టాలు ముగుస్తాయి. కనీసం కొత్త సంవత్సరంలోనన్నా కొత్త కరెన్సీ సమస్యలు తీరుతాయోమోనని ప్రజలు ఆశిస్తున్నారు.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • ల్యాండవుతున్న విమానం
    దగదర్తి విమానాశ్రయం కల సాకారానికి రోజులు దగ్గరపడ్డాయి. త్వరలోనే విమానాశ్రయం నిర్మాణానికి టెండర్లు పిలవడానికి అధికారులు రంగం సిద్ధం చేస్తున్నారు. మొదటి దశలో ఎయిర్‌పోర్టు నిర్మాణానికి అవసర మైన 1350 ఎకరాల భూసేకరణ పూర్తయ్యింది. భూసేకరణకు సంబంధించి రైతుల పరిహారానికి నిధులు…
  • కార్పొరేషన్‌లో కోల్డ్‌వార్‌
    వివాదాలకు, విభేదాలకు నెల్లూరు కార్పొరేషన్‌ కేరాఫ్‌ అడ్రస్‌ లాంటిది. నెల్లూరు నగరంలో ఎన్ని రకాల సమస్యలుంటాయో నెల్లూరు కార్పొరేషన్‌ కార్యాలయంలో కూడా అంతకంటే ఎక్కువ సమస్యలే వుంటాయి. ముఖ్యంగా ఇక్కడ పనిచేసే పాలకవర్గం వుంటే అధికారులు సహకరించరు. చిత్తశుద్ధితో పనిచేసే అధికారులున్నప్పుడు…
  • ఆనంకు చుక్కెదురు?
    నెల్లూరు నగరంలో తమ ఆధిపత్యానికి ఆయువు పట్టులాంటి విఆర్‌ విద్యాసంస్థలపై తమ పట్టు నిలుపుకోవాలని ఆనం సోదరులు చేసిన ప్రయత్నాలు బెడిసి కొట్టాయి. న్యాయస్థానంలో వరుస దెబ్బలు తగులుతూనే వున్నాయి. విఆర్‌ విద్యాసంస్థల పాలక కమిటీని రద్దు చేస్తూ ఈ ఏడాది…
  • ఎగువ జిల్లాల్లో వర్షం.. నెల్లూరు జిల్లాలో హర్షం
    నెల్లూరుజిల్లా ప్రజలకు ఈ జిల్లాలో వర్షాలు పడితేనే కాదు, ఎగువ జిల్లాలైన అనంతపురం, కడప, కర్నూలు జిల్లాల్లో భారీ వర్షాలు పడితేనే ఎక్కువ సంతోషం. ఆ జిల్లాల్లో వర్షాలు పడితే ఎక్కువ ప్రయోజనం పొందేది మనమే. నెల్లూరుజిల్లాలో భారీ వర్షాలు కురిసి…
  • పాదయాత్ర చేస్తున్నా... ఆశీర్వదించండి
    వైయస్సార్‌ కాంగ్రెస్‌పార్టీ అధినేత వై.యస్‌.జగన్మోహన్‌రెడ్డి మంగళవారం శంషాబాద్‌లోని శ్రీశ్రీశ్రీ త్రిదండి శ్రీమన్నారాయణ రామానుజ చినజీయర్‌ స్వామి వారి ఆశ్రమ ప్రాంగణానికి వెళ్ళి స్వామివారిని కలుసుకున్నారు. ప్రజల కష్టాలను స్వయంగా తెలుసుకుని తనకు చేతనైన మేరకు వారికి సహాయసహకారాలు అందించడానికి త్వరలో నవ్యాంధ్రలో…

Newsletter