16 December 2016 Written by 

వార్ధ వ్యర్ధమైంది!

vaardhaబంగాళాఖాతంలో అల్పపీడనం ఏర్పడింది. అది వాయుగుండంగా మారింది. రేపు రాత్రికి నెల్లూరు-బందరుల మధ్య తీరం దాటనుంది... కొన్నేళ్ల క్రితం రేడియోలలో ఇలాంటి వార్తలు విన్నప్పుడు ప్రజలు వణికిపోయేవాళ్లు. ఓ నెలకు సరిపడా తిండిగింజలు నిల్వ చేసుకునే వాళ్లు. పూరిళ్లు, రేకుల ఇళ్లు వదిలేసి కొంచెం గట్టిగా ఉండే ఇళ్లలో తలదాచుకునేవాళ్లు. తుఫాన్‌ వస్తుందంటే సముద్రంలో నుండి ఓ గాలిభూతం లేచి తమ మీద పడుతున్నంతగా భయపడేవాళ్లు.

కాని ఇప్పుడు... పరిస్థితి మారింది. వాయుగుండాలకు స్వాగత తోరణాలు కట్టి ఆహ్వానించే పరిస్థితులొచ్చాయి. తుఫాన్‌ లను మా ప్రాంతంలో తీరం దాటించేలా చేయమని భగవంతుడిని కోరుకునే దిక్కుమాలిన దుస్థితి దాపురించింది. దీనికి కారణం తీవ్ర వర్షాభావ పరిస్థితులే! సీజన్‌ల వారీగా కురవాల్సిన వానలు కురవకపోవడమే!

సముద్రంలో అల్పపీడనాలు ఏర్పడితే తప్పితే నెల్లూరుజిల్లాలో సాధారణ వర్షాలు కనుమరుగయ్యాయి. చిత్త, విశాఖ, స్వాతి వంటి కార్తెల్లో కూడా వర్షాలు కురవడం లేదు. పర్యావరణ సమతుల్యం దెబ్బ తినడమే ఇందుకు ప్రధాన కారణంగా కనిపిస్తోంది. నెల్లూరు జిల్లాలో అయితే ప్రతి ఏడాది జూన్‌, జూలై నెలల్లో ఒక పదును వాన పడేది. తిరిగి అక్టోబర్‌, నవంబర్‌ నెలల్లో ఈశాన్య ఋతుపవనాల వల్లగాని, సముద్రంలో అల్పపీడనాల వల్లగాని భారీ వర్షాలు కురిసి చెరువులు, బావులు, రిజర్వాయర్‌లు నిండేవి. దీనివల్ల సంవత్సరం పొడవునా తాగునీళ్లకు సాగు నీళ్లకు ఇబ్బంది ఉండేది కాదు. ఇప్పుడు జిల్లాలో తుఫాన్‌ల మూలంగా కూడా వర్షాలు లేకుండా పోయాయి.

గత ఏడాది నవంబర్‌లో జిల్లాలో కుండపోత వర్షాలు కురిసాయి. జిల్లాలోని పలు ప్రాంతాలు ముంపుకు గురికావడం కూడా జరిగింది. ఈ ఏడాది నవంబర్‌ దాటిపోయింది. డిసెంబర్‌ నెల సగమై పోయింది. ఇక జిల్లాకు వర్షమే లేదా అని అనుకుంటున్న తరుణంలో 'వార్ధా' తుఫాన్‌ ఆశలు రేపింది. మొదట ఈ తుఫాన్‌ బందరు - నెల్లూరు మధ్య తీరం దాటు తుందని అంచనా వేసారు. నెల్లూరు వద్ద తీరం దాటుద్దని టీవీ ఛానెల్స్‌ ఘోషించినా ప్రజలు బెదరలేదు, సరికదా సంతోష పడ్డారు. ఈ తుఫాన్‌ మూలంగా భారీ వర్షాలు కురుస్తాయని చెబుతుంటే నీళ్ల కరువు తీరినట్లేనని ఆశపడ్డారు. తీరా చూస్తే ఈ తుఫాన్‌లకు కూడా నెల్లూరుపై కనికరం లేనట్లుంది. తుఫాన్‌ చెన్నై వద్ద తీరం దాటింది. భారీ వర్షాలన్నీ కూడా తమిళనాడులో పడ్డాయి. నెల్లూరుజిల్లాలో నామమాత్రపు వర్షాలు పడ్డాయి. అది కూడా జిల్లాలో తూర్పువైపు మండ లాలలోనే! మెట్ట ప్రాంతంలో ఆకాశం మబ్బులు పట్టి ఉండటం తప్పితే చినుకు లేదు. భారీ తుఫాన్‌లప్పుడు కూడా జిల్లాలో వర్షాలు లేకపోతే ఇక సాధారణ పరిస్థితుల్లో వానలేం పడతాయో!

ఊరట కలిగించని 'వార్థా' వాన

వార్థా తుఫాన్‌ గమనం మారడంతో ఎట్టకేలకు జిల్లాకు తుఫాన్‌ ముప్పు తప్పింది. అంతేకాదు, తుఫాన్‌వల్ల గాలులు వీచి కొంతమేరకు నష్టం వాటిల్లినా, వార్థా ప్రభావంతో కురిసిన వర్షం రైతాంగానికి, ముఖ్యంగా మెట్టప్రాంత రైతులకు పెద్దగా వూరట కలిగించలేదు.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • దండగ... పండగ...
    పర్యాటక అభివృద్ధి అంటే సంవత్సరంలో 365రోజులు జరగాల్సిన ప్రక్రియ. దానిని రెండుమూడు రోజులు జాతరగా మార్పు చేయడం సబబు కాదు. మూడురోజుల సంబడం కోసం మూడు కోట్లు తగలెయ్యడం కరెక్ట్‌ కాదు. ఆ నిధులనే పర్యాటక కేంద్రాల అభివృద్ధికి వెచ్చిస్తే సంవత్సరం…
  • సినిమానూ వదలని సెగ
    నేనెందుకు పార్టీ పెట్టానో నాకే తెలి యదు, నేనెందుకు ప్రచారం చేస్తున్నానో నాకే తెలియదు, ఎన్ని సీట్లకు పోటీ చేయాలో నాకే తెలియదు... అన్నంత అజ్ఞానంలో వున్న హీరో పవర్‌స్టార్‌ పవన్‌ కళ్యాణ్‌, ఒక దశ దిశ నిర్దేశం లేకుండా రాజకీయపార్టీని…
  • సమన్వయ లోపం... వైకాపాకు శాపం!
    2014 ఎన్నికల ప్రచారంలో జగన్‌ సభలకు జనం జాతర మాది రిగా వచ్చారు. అంతకుముందు నిర్వహించిన ఓదార్పుయాత్రలకు పోటెత్తినట్లు వచ్చారు. అదే చంద్ర బాబు సభలకు లారీలు, బస్సులు పెట్టి తోలినా జనం రాలేదు. అయినా కూడా ఆ ఎన్నికల్లో చంద్రబాబు…
  • అజీజ్‌ బ్రదర్స్‌పై కేసు
    నెల్లూరు నగరపాలక సంస్థ మేయర్‌ అబ్దుల్‌ అజీజ్‌కు షాక్‌ తగిలింది. ఆయన పైన ఆయన తమ్ముడు, కార్పొరేటర్‌ జలీల్‌ మీద చెన్నైలో చీటింగ్‌ కేసు నమోదైంది. మేయర్‌ అజీజ్‌కు చెందిన స్టార్‌ ఆగ్రో కంపెనీలో వాటా కోసం తాము ఇచ్చిన 42కోట్ల…
  • నెల్లూరుజిల్లా ప్రగతిలో... వై.యస్‌. మార్క్‌ తప్పితే... బాబు బ్రాండ్‌ ఏది?
    మొన్న కోడూరుపాటు జన్మభూమి గ్రామ సభలో ముఖ్యమంత్రి చంద్రబాబునాయుడు మాటలు కోటలు దాటాయి. గాల్లోనే మేడలు కట్టారు. 2019కల్లా దగదర్తి ఎయిర్‌పోర్టును పూర్తి చేస్తామన్నారు. కృష్ణపట్నంపోర్టులో సెజ్‌ను ఏర్పాటు చేసి పారిశ్రామికంగా అభివృద్ధి చేస్తామన్నారు. నెల్లూరు నుండి చెన్నై దాకా ఇండస్ట్రియల్‌…

Newsletter