31 December 2016 Written by 

నోట్లు మారాయి... పాట్లు మారేనా?

notesడిసెంబర్‌ 30వ తేదీ... 52రోజులుగా భారతదేశంలోని 125కోట్ల మంది ప్రజలు ఈరోజు కోసమే చూస్తున్నారు. అయితే ఇంతకాలం డిసెంబర్‌ 30వ తేదీని ఒక కోణంలో చూసేవాళ్లు.

అది ఆ ఏడాది ముగింపు దినంగా భావించేవాళ్లు. కొత్త సంవత్సరం కోసం ఎదురుచూసే వాళ్లు.

ఈ సంవత్సరం పరిస్థితి అదికాదు. పాత నోట్ల రద్దుకు అది తుదిగడువు. నవంబర్‌ 8వ తేదీన పాత వెయ్యి, ఐదొందల నోట్లను రద్దు చేస్తున్నట్లు ప్రధాని నరేంద్రమోడీ ప్రకటించారు. బ్యాంకుల్లో పాత నోట్లు జమచేయడానికి డిసెంబర్‌ 30వ తేదీని తుదిగడువుగా నిర్ణయించారు. ఆ తేదీయే ఈరోజు. ఈ 52 రోజులు దేశమంతా ప్రజలు ఎన్ని కష్టాలు పడాలో అన్ని కష్టాలు పడ్డారు. వ్యాపారాలలో, వేతనాల రూపంలో నష్టపోయారు. ఇంతకాలం కూడబెట్టిన సొమ్మును బ్యాంకుల్లో కట్టేసారు. ఇంట్లో ఖర్చుల కోసం, వ్యాపార అవసరాల కోసం బ్యాంకుల ముందు, ఏటిఎంల ముందు గంటల తరబడి నిలబడి నగదు తీసుకున్నారు.

భారతదేశ చరిత్రలోనే నోట్ల రద్దు అతిపెద్ద సంఘటన. 1977లో ఇందిరాగాంధీ ఎమర్జెన్సీ టైంలో కొన్ని వర్గాల ప్రజలు మాత్రమే ఇబ్బందిపడ్డారు. కాని ఇప్పుడు పెద్దనోట్ల రద్దుతో వాళ్లు, వీళ్లు అనే తేడా లేకుండా దేశప్రజలందరూ ఇబ్బంది పడ్డారు. పడుతున్నారు కూడా!

నోట్ల రద్దు గడుపు ముగిసాక ప్రజల కష్టాలు తీరుతాయని, దేశ ప్రజల భవిష్యత్‌ దివ్యంగా ఉండబోతుందని ప్రధాని నరేంద్రమోడీ ధీమాగా చెబుతూ వచ్చారు. అయితే ఆ ధీమాకు తగ్గట్లుగా పరిస్థితులు అనుకూలంగా ఉన్నాయా? అన్నది ప్రశ్న!

పెద్దనోట్ల రద్దు తర్వాత కేంద్రం ఆశించింది దాదాపు 4లక్షల నుండి 5లక్షల కోట్ల దాకా నల్లధనం బ్యాంకులకు రాకుండా ఆగిపోతుందని, బ్యాంకులకు రాని ఆ నల్ల డబ్బు ప్రభుత్వానిదే అవుతుందని, కాబట్టి ఆ డబ్బుతో దేశ వ్యాప్తంగా అభివృద్ధి కార్యక్రమాలు చేపట్ట వచ్చని భావించారు. కాని ఆ అంచనా తప్పింది. దేశంలో 15.5లక్షల కోట్లు వెయ్యి, 500 రూపాయల నోట్లుండగా డిసెంబర్‌ 10వతేదీ నాటికే బ్యాంకులలో 14లక్షల కోట్లు దాకా పోగయినట్లు సమాచారం. ఇక మిగిలిన ఈ 20రోజులలో వచ్చి చేరిన పెద్దనోట్ల పై లెక్క రావాలి. ఇంకో లక్ష కోట్లు సులభంగా జమవుతాయి. ఈ లెక్కన చూస్తే బ్లాక్‌పై కేంద్రం పెట్టుకున్న ఆశలు గల్లంతైనట్లే!

నల్లధనం అంతా తెల్లధనంగా మారిపోయింది. దేశంలో పేద ప్రజలబ్యాంకు ఖాతాలెక్కువ. కాబట్టి నల్లకుబేరుల డబ్బు పేదల ఖాతాలలో బాగా అడ్జస్ట్‌ అయిపోయింది. స్థిరాస్తుల కొనుగోలు, బంగారం కొనుగోళ్ల ద్వారా మరికొంత నలుపు తెలుపై పోయింది. అన్నింటికి మించి ఆర్బీఐ కొత్తగా జారీ చేసిన 2వేల కోట్లు బ్యాంకులు, ఏటిఎంల ముందు 'క్యూ'లలో నిల్చున్న వారికి మనిషికి ఒకటి, రెండు నోట్ల లెక్కన చేరితే నల్లకుబేరు లకు మాత్రం వందల కోట్ల లెక్కన చేరాయి. కొత్త కరెన్సీని కూడా బ్లాక్‌కు పంపించడంలో బ్యాంకులు తమదైన పాత్ర పోషించాయి. కాబట్టి దేశంలో భారీస్థాయి నల్లధనం అన్నదానికే ఆస్కారం లేకుండా పోయింది. నోట్ల మార్పిడిలో నల్లధనం పెద్దగా బయటపడకపోవడం వల్లే దేశ వ్యాప్తంగా కూడా కేంద్రం అక్రమార్జులపై ఐటి దాడులు నిర్వహిస్తోంది. అసలు ఈ దాడులనెప్పుడో మొదలుపెట్టివుంటే పెద్దనోట్ల రద్దు అవసర ముండేది కాదు. పెద్దనోట్ల రద్దు మూలంగా కాశ్మీర్‌లో అల్లర్లు ఆగడమొక్కటే సంతోషించాల్సిన విషయం.

పాతనోట్ల రద్దుతో 2016 వెళ్లిపోతుంది. కొత్త నోట్లతో 2017లోకి ప్రవేశిస్తున్నాం. ప్రధాని చెబుతున్న 'అచ్చేదిన్‌'కు 2017లోనే అంకురార్పణ జరగాలని ప్రజలు ఆశిస్తున్నారు. పెద్దనోట్ల రద్దువల్ల ఆశించిన నల్లధనం రాకపోగా దేశ ఆర్ధిక వ్యవస్థకు భారీ నష్టం వాటిల్లింది. ఆఖరుకు 2శాతం జిడిపి రేటును కూడా తగ్గించుకోవాల్సి వచ్చింది. ఈ ఆర్ధిక సంక్షోభం నుండి బయటపడాలంటే స్వేచ్ఛాయుత ఆర్ధిక సంస్కరణలు తప్పనిసరి! పన్నుల విధానాన్ని సరళం చేయాలి. దేశంలో ముందు అన్ని వ్యాపారాలకు మూలస్థంభాలైన వ్యవసాయం, రియాల్టీ రంగం కోలుకోవాలి. వీటికి చేయూతనిచ్చే విధంగా కేంద్రం తక్షణ చర్యలు చేపట్టాలి.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • ఇప్పుడిప్పుడే పుంజుకుంటున్న రియల్‌
    వై.యస్‌.రాజశేఖరరెడ్డి మరణం తర్వాత నెల్లూరుజిల్లాలో రియల్‌ మార్కెట్‌ పడిపోయింది. ఆ తర్వాత కూడా రియల్‌ రంగానికి అన్నీ ఎదురుదెబ్బలే! వై.యస్‌. మరణంతో జిల్లాలో పారిశ్రామికాభివృద్ధి కుంటుపడడం, ఆ తర్వాత వచ్చిన సీఎంల పాలనలో వేగం లేకపోవడంతో రియల్‌ మార్కెట్‌లో ప్రతిష్టంభన ఏర్పడింది.…
  • మేజర్‌లు... మున్సిపాల్టీలయ్యేనా?
    నెల్లూరుజిల్లాలో కొత్త మున్సిపాల్టీల ఏర్పాటులో కదలిక వచ్చినట్లుగా తెలు స్తోంది. రాష్ట్ర ప్రభుత్వం పట్టణీకరణలో భాగంగా పలు మేజర్‌ పంచాయితీలను మున్సిపాల్టీలుగా మార్పు చేయాలనుకుంది. ఈమేరకు మున్సిపాల్టీలుగా మార్చగల పంచాయితీ పేర్లను ప్రతిపాదించాలని కలెక్టర్లను ఆదేశించడం జరిగింది. నెల్లూరుజిల్లా కలెక్టర్‌ ఛైర్మెన్‌గా…
  • వెంకటగిరి... నా ఊపిరి!
    నెల్లూరుజిల్లా రాజకీయ చరిత్రలో గుర్తుండిపోయే నాయకుడు స్వర్గీయ నేదురుమల్లి జనార్ధన్‌రెడ్డి. ఒకే జెండాను, ఒకే అజెండాను, ఒకే సిద్ధాంతాన్ని, ఒకే రాజకీయ మార్గాన్ని ఎంచుకుంటే సామాన్యులు సైతం అత్యున్నత స్థానాలకు ఎదుగుతారనడానికి రెండు ఉదాహరణలు ఈ జిల్లా నుండే వున్నాయి. తొలినుండి…
  • నానుతున్న నారాయణ
    చాలాకాలంగా మంత్రి నారాయణ పేరు జిల్లాలో నానుతుంది. వచ్చే ఎన్ని కల్లో ఆయన పోటీ చేస్తాడనే ఊహాగా నాలు వినిపిస్తున్నాయి. పలుసార్లు ఆయన తాను పోటీ చేయనని చెప్పినప్పటికీ ఆ ప్రచారం మాత్రం ఆగడం లేదు. మొదటినుండి నెల్లూరు నగరం నుండి…
  • అయోమయంలో ఆనం
    నెల్లూరుజిల్లాలో బలమైన రాజకీయ కుటుంబానికి చెందిన ఆనం రామనారాయణరెడ్డి ఇప్పుడు వినూత్న సమస్యలో చిక్కుకుని వున్నాడు. తన రాజకీయ భవిష్యత్‌ దృష్ట్యా ఎటువైపు అడుగులు వేయాలో తెలియని సందిగ్ధ స్థితిలో ఉన్నాడు. ఇటీవలే ఆనం రామనారాయణరెడ్డి తెలుగుదేశంపార్టీని వీడుతున్నట్లు జోరుగా ప్రచారం…

Newsletter