20 January 2017 Written by 

పల్లెల్లో కళకళ... పట్టణాలు వెలవెల!

sankraపల్లెసీమలు... పాత తరాలవారు తప్పితే కొత్త జనరేషన్‌ అక్కడ ఉండడం లేదు. పొలాల మీద ప్రేమ వున్నోళ్లు, పశువుల మీద మమకారం చావని వాళ్ళు మాత్రమే అక్కడ ఉంటున్నారు. ఈ జనరేషన్‌లో ఒంటికి చదువు అబ్బని వాళ్ళు ఆ పల్లెల్లో స్థిరపడిపోతున్నారు. అంతేగాని చదువు వంటబట్టి, చిన్నదో పెద్దదో ఉద్యోగం తెచ్చుకున్న వాళ్లెవరూ పల్లెటూర్లలో ఉండడం లేదు. ప్రతి గ్రామంలోనూ వృద్ధులు, వారి బిడ్డలు మాత్రమే వ్యవసాయ పనులు చేసుకుంటూ జీవనం సాగిస్తున్నారు. మనవళ్లు, మనుమరాళ్లు మాత్రం సాఫ్ట్‌వేర్‌ ఉద్యోగాలు చేస్తూనో, ఇతర ఉద్యోగాలు, వ్యాపారులు చేసుకుంటూనో విదేశాలు, నగరాలు, పట్టణాలలో ఉంటున్నారు. ఏడాది పొడవునా వ్యాపారాలు, ఉద్యోగాలలో బిజీగా వుంటూ, ఆధునిక పోకడల మోజులో పడి పల్లెటూరు మట్టివాసనను మరచిపోతుంటారు. ఏడాది పొడవునా నగరం నీడలో గడిపిన నేటి తరం వాళ్లను మూడురోజులు మాత్రం పల్లెలు అక్కున చేర్చుకుంటాయి. గుండెలకు హత్తుకుంటాయి. వారి పొలాలను, పొలాల్లో పైర్లను, వాటిలోని పరిమళాలను చూపిస్తాయి. పట్టణాలు, గ్రామాలలో 362రోజులు పడ్డ కష్టాన్ని ప్రజలు పల్లె సీమల్లో అడుగుపెట్టిన ఈ మూడురోజుల్లోనే మరచిపోతారు.

ప్రతి ఏడాది పల్లెలకు పట్టణాల కళ వచ్చేది సంక్రాంతి పండుగ మూడురోజులే! ఎంతటి దూరభార ప్రాంతాల్లో ఉన్నోళ్లయినా సంక్రాంతికి తమ ఊర్లకు పోవడానికి ఇష్టపడతారు. విదేశాలలో వున్నోళ్లు సైతం రెక్కలు కట్టుకుని సంక్రాంతికి తమ ఊర్లలో వాలుతారు. జిల్లాలోని అన్ని గ్రామాలు ఈ సంక్రాంతి పండుగ మూడురోజులు కళ కళలాడాయి. అమెరికా, ఇంగ్లాండ్‌, గల్ఫ్‌ దేశాలతో పాటు ముంబై, బెంగుళూరు, చెన్నై, హైదరాబాద్‌ వంటి నగరాలలో వున్న జిల్లా వాసులందరూ సంక్రాంతికి తమ ఊర్లకు పరుగెత్తారు. ఈ మూడురోజులు తల్లిదండ్రులు, బంధుమిత్రులతో సరదాగా గడిపారు. చిన్ననాడు చదివిన స్కూళ్లు, మొక్కిన గుళ్లకు వెళ్లారు. ఈత కొట్టిన చెరువును, తాత కొట్టిన దెబ్బలను గుర్తు చేసుకున్నారు. ఎడ్ల పందేలు, కోళ్ల పందేలను తిలకించారు. బోగి మంటలు వేసుకున్నారు. హరిదాసు, బుడబొక్కల వేషాలను ఆస్వాదించారు. ఊరేగింపులో వచ్చిన దేవుడికి మొక్కుకున్నారు. ఎలిమెంటరీ స్కూల్‌లో, హైస్కూల్‌లో చదువుకున్న స్నేహితులను కలుసుకున్నారు. ఈ మూడురోజులు నగరాలు, పట్టణాల నుండి బస్సులు, కార్లన్నీ పల్లెలవైపే పరుగులు తీసాయి. సంక్రాంతి పండుగలో పల్లెసీమలు కళకళలాడితే పట్టణాలు కళతప్పాయి.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • 'ఆనం' సరే.. మరి ఆదాల...?
    ఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ. జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి…
  • వివేకన్నా... నీ రాక కోసం.. నిలువెల్ల కనులై...
    సింహపురి సోగ్గాడా... స్టైల్‌ ఆఫ్‌ సింహపురీ... ఓ వివేకా... ఎన్నిరోజు లైందయ్యా నిన్ను చూసి... నిన్ను చూడక, చిరునవ్వుల లొలికే నీ ఫేసు చూడక మా వాళ్ళ ముఖం వాచిపోయిం దనుకో... నాలుగేళ్ళు మున్సిపల్‌ ఛైర్మెన్‌గా, పదిహేనేళ్ళు ఎమ్మె ల్యేగా వుంటే…

Newsletter