03 February 2017 Written by 

పోర్టులో పతంజలి

ramdevఅగ్గిపుల్ల అమ్ముకోవడానికైనా, సబ్బు బిళ్ల అమ్ముకోవడానికైనా ఈరోజు ఆయా ఉత్పత్తుల కంపెనీలు కోట్లాది రూపాయల రెమ్యూనరేషన్‌ ఇచ్చి స్టార్‌ హీరో, హీరోయిన్‌లతో ప్రకటనలు గుప్పిస్తుంటాయి. ఒక్క భారత దేశంలోనే కాదు, ప్రపంచ వ్యాప్తంగా కూడా కార్పొరేట్‌ కంపెనీలు తమ ఉత్పత్తుల మార్కెటింగ్‌ కోసం సినీ తారలు, లేదా క్రీడాకారుల మీదనే ఎక్కువుగా ఆధార పడుతుంటాయి. అలాంటి స్టార్‌ క్యాంపెయిన్‌ను కాదని, వస్తువుల మార్కెటింగ్‌కు తారలే అవసరం లేదని, ప్రజల్లో నమ్మకం వున్న వ్యక్తయితే చాలని నిరూపించిన స్టార్‌ మార్కెటింగ్‌ అంబాసిడర్‌, యోగా గురువు బాబా రాందేవ్‌! కేవలం ఒంటి మీద కాషాయం గుడ్డతో, పెరిగిన గడ్డంతోనే వందలు, వేల కోట్ల రూపాయల వ్యాపారం చేస్తున్న సన్యాసి ఆయన! ఈరోజు దేశంలోనే కాదు ప్రపంచ వ్యాప్తంగానూ ఆదరణ పొందుతున్న 'పతంజలి' కంపెనీ ఉత్పత్తులకు ఆయనే ప్రచారకర్త! ఆయన ప్రకటనలు చూసే ప్రజలు వేలంవెర్రిగా పతంజలి ఉత్పత్తులను కొంటున్నారు. వస్తువుల అమ్మకానికి సిక్స్‌ప్యాక్‌ బాడీగాని, సెక్సప్పీల్‌ వున్న తారలు గాని అవసరం లేదని లోకానికి చాటిన బాబా రాందేవ్‌ ఇప్పుడు తన వ్యాపార సామ్రాజ్య విస్తరణకు నెల్లూరుజిల్లాలోని కృష్ణపట్నం పోర్టును వేదికగా చేసుకోబోతున్నాడు. సోమవారం కృష్ణపట్నంపోర్టుకు విచ్చేసిన ఆయన దేశంలోనే అతిపెద్ద పతంజలి ఆయుర్వేద ఫుడ్‌పార్క్‌ను పోర్టు సెజ్‌లో ఏర్పాటు చేయనున్నట్లు ప్రకటించారు. పోర్టు యాజమాన్యంతో చర్చించి త్వరలోనే శంకుస్థాపన తేదీని నిర్ణయిస్తామని, ఏడాదిలోపే తమ ఫుడ్‌పార్క్‌లో వస్తువుల ఉత్పత్తిని కూడా ప్రారంభిస్తామని ఆయన తెలిపారు. ఈ కార్యక్రమంలో పోర్టు ఎం.డి చింతా శశిధర్‌, సి.ఇ.ఓ ఎండ్లూరి అనిల్‌, పి.ఆర్‌ హెడ్‌ జి.వేణుగోపాల్‌ పాల్గొన్నారు.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • మంత్రి పోటీలో లేకుంటే.. మేమే...
    నెల్లూరు నగరం నుండి మంత్రి నారాయణ పోటీ చేస్తే... గెలుపు ఆయనదే! నెల్లూరు నగర టీడీపీ నాయకుల స్టేట్‌మెంట్‌ ఇది. ఇది పైకి మాత్రమే! ఆయన పోటీ చేయకుంటే మాత్రం సీటు మాకే ఇవ్వాలి. ఇదీ నాయకుల మనసులోని మాట. సీటును…
  • పోలవరం... ఇక కలవరం
    ఈ ప్రాజెక్ట్‌ నువ్వే చెయ్యాలి బాబూ అని వాళ్ళు అడగలేదు... ఆ ప్రాజెక్ట్‌ వాళ్ళ బాధ్యత... పూర్తి చేయాల్సింది వాళ్ళు... రాష్ట్ర విభజన చట్టంలో క్లియర్‌గా వుంది. ఈయన తగుదునమ్మా అంటూ వెళ్ళాడు... పోలవరం ప్రాజెక్ట్‌ నిర్మాణ బాధ్యత మేమే తీసుకుంటామన్నాడు.…
  • ప్రాణాలను మింగుతున్న చెరువులు
    అన్నెంపున్నెం ఎరుగని, ఆడుతూపాడుతూ తిరిగే ముగ్గురు చిన్నారులను చెరువు మృత్యుకౌగిలిలోకి తీసుకెళ్లింది. ముగ్గురు చెరువులో మునిగి విగతజీవులుగా మారారు. తమ బిడ్డలు ఇక లేరని తెలియడంతో తల్లిదండ్రులు గుండెలవిసేలా రోధించారు. ఈ హృదయ విదారక ఘటన నెల్లూరుజిల్లా దొరవారిసత్రం మండలం వడ్డికండ్రిగ…
  • ఆత్మకూరులో... సమన్వయం సాధ్యమేనా?
    2019 ఎన్నికల్లో ఆత్మకూరు నియో జకవర్గం నుండి తెలుగుదేశం పార్టీ అభ్యర్థిగా ఆనం రామనారాయణరెడ్డి వుంటాడు. నూటికి 99శాతం ఇది పక్కా. ఆ ఒక్క శాతం ఇంకేవైనా అనుకోని పరి ణామాలు జరిగితే మార్పుండొచ్చు. ఆనంకు సీటు ఇవ్వడం కోసమే ఇక్కడ…
  • వీళ్ళు... సీతయ్యకు అన్నయ్యలు
    మోచేతి నీళ్ళు తాగే ఆఫీసర్లు ఉన్నంతవరకే ప్రజాప్రతినిధులు ఏ ఆటయినా ఆడగలరు. అధికారి అడ్డం తిరిగాడంటే ప్రజా ప్రతినిధి కాదు కదా ముఖ్యమంత్రి కూడా ఏమీ చేయలేడు. అది ఏ పార్టీ అయినా... ఏ ప్రభుత్వమైనా! అధికారులు కరెక్ట్‌గా వుంటే ప్రజాప్రతినిధులు…

Newsletter