10 February 2017 Written by 

నెల్లూరు 'దేశం'లో... నేతల కల్లోలం!

netaluపాత తెలుగుదేశం, కొంచెం కాంగ్రెస్‌, కొత్త వైయస్సార్‌ కాంగ్రెస్‌, కొంత బీజేపీ... ఈ పార్టీ లన్నింటిని గ్రైండర్‌లో వేసి రుబ్బి తీస్తే వచ్చిన పిండే నెల్లూరుజిల్లా తెలుగుదేశంపార్టీ! ఇక్క డున్నది నూరుశాతం తెలుగుదేశం కాదు, అన్ని పార్టీల నుంచి వచ్చిన నాయకుల సమూహమే ఈ జిల్లా పార్టీ!

కాబట్టే వర్గపోరులో కాంగ్రెస్‌పార్టీ కంటే కంపుగా తయారైంది. రాష్ట్రంలోనే తెలుగుదేశం పార్టీ బలహీనంగా వున్న జిల్లాల్లో నెల్లూరు ప్రధానంగా వుంది. 2014ఎన్నికల్లో ఎంపీ సీటును కోల్పోవడంతో పాటు,కేవలం 3 అసెంబ్లీ సీట్లను మాత్రమే గెలి చింది. అది కూడా వైకాపా వాళ్ల స్వయం కృతాపరాధం వల్ల! తెలుగుదేశం అధికా రంలోకి వచ్చినా జిల్లాలో ఇంతవరకు పార్టీ బలపడే పనులేవీ జరగలేదు. కాం గ్రెస్‌ నాయకులను, ఒక వైసిపి ఎమ్మెల్యేను పార్టీలో చేర్చుకున్నా, దానివల్ల పార్టీకి కలిగే ప్రయోజనం పెద్దగా లేదు. జిల్లా మంత్రిగా నారాయణ ఉన్నప్పటికీ పార్టీ పటిష్టత కోసం ఆయన ఏ మాత్రం పని చేయడం లేదు. సోమిరెడ్డి లాంటి సీనియర్‌ నాయకులకు తగిన ప్రాధాన్యత కల్పించక పోవడంతో కేడర్‌లో నిస్తేజం నెలకొంది.

జిల్లాలో ఇంత వరకు కూడా పార్టీ పరిస్థితి నిరాశాజనకంగానే వుంది. కాగా తాజాగా జిల్లాలో చోటుచేసుకుంటున్న రాజకీయ పరిణామాలు పార్టీలో కలవరం పుట్టిస్తున్నాయి. నెల్లూరుజిల్లా స్థానిక శాసనమండలి పార్టీ టిక్కెట్‌ తెలుగుదేశం నేతల మధ్య చిచ్చు రగిల్చింది. ఈ టిక్కెట్‌ నాదేనంటూ ప్రస్తుత ఎమ్మెల్సీ వాకాటి నారాయణరెడ్డి చెప్పుకుని తిరుగుతుండగా, ఇదే సీటు కోసం మాజీఎమ్మెల్యేలు ఆదాల ప్రభాకర్‌రెడ్డి, ఆనం వివేకానందరెడ్డిలు ప్రయత్నిస్తున్నట్లు తెలుస్తోంది. వాకాటికి సీటిస్తే వైకాపాకు పండుగ. ఖచ్చితంగా గట్టి పోటీ ఇస్తారు. అదే ఆదాల అయితే గెలుపుకు ఢోకా లేదు. ఈ ఎమ్మెల్సీ టిక్కెట్‌ పోటీ పార్టీలో కుమ్ములాటలకు కేంద్రంగా మారింది. ఇక జిల్లాలో ముఖ్యమైన నాయ కులను సంప్రదించకుండా పట్టభద్రుల ఎమ్మెల్సీ స్థానానికి వేమిరెడ్డి పట్టాభిరామి రెడ్డిని అభ్యర్థిగా ప్రకటించడం కూడా విభేదాలకు దారితీస్తోంది. ఇటీవల పార్టీ కార్యాలయంలో జరిగిన సమన్వయ సమా వేశంలో ఎవరిని అడిగి అభ్యర్థిని నిర్ణ యించారంటూ మాజీమంత్రి ఆనం రామ నారాయణరెడ్డి బహిరంగంగానే తన అసంతృప్తిని వెళ్లగక్కారు. ఇక నెల్లూరు కార్పొరేషన్‌ చూస్తే అధికారపక్షం, విపక్షం అంతా తెలుగుదేశం వాళ్లే! కార్పొరేషన్‌ కేంద్రంగా తెలుగుదేశంపార్టీలోనే ఐదు గ్రూపులు ఏర్పడ్డాయి. మేయర్‌ అజీజ్‌ ఏ ఒక్కరినీ పట్టించుకోకుండా ఏకపక్షంగా వ్యవహరిస్తున్నాడు. మేయర్‌ వైఖరితో మిగిలిన నాయకులు విసుగెత్తిపోతున్నారు. ఆనం వర్గీయులు మేయర్‌పై ప్రత్యక్షంగానే ఎదురుదాడికి దిగుతున్నారు. అటు మేయర్‌కు ఇటు మేయర్‌ వ్యతిరేకులకు మధ్య మంత్రి నారాయణ నలిగిపో తున్నాడు. కార్పొరేషన్‌ వేదికగా తెలుగు దేశం నాయకులు వీధికెక్కి కొట్టుకుం టున్నారు. అలానే కోవూరు నియోజక వర్గంలో చూస్తే ఎమ్మెల్యే పోలంరెడ్డి శ్రీనివాసులురెడ్డికి వ్యతిరేకంగా అసమ్మతి వర్గం పావులు కదుపుతోంది. గూడూరులో ఎమ్మెల్యే పాశం సునీల్‌కుమార్‌, బల్లి దుర్గాప్రసాద్‌, డాక్టర్‌ టి.జ్యోత్స్నలతలు ఎవరి గ్రూపులు వాళ్లు నడుపుకుంటు న్నారు. సూళ్లూరుపేటలో వేనాటి రామ చంద్రారెడ్డి ఓవైపు, వాకాటి, గంగా ప్రసాద్‌లు ఓ వైపు వర్గ రాజకీయాలు నడుపుతున్నారు. వెంకటగిరిలోనూ ఎమ్మెల్యే కురుగొండ్ల ఒంటెత్తుపోకడలు నచ్చక కొందరు నాయకులు అసంతృప్తితో ఉన్నారు. మొత్తానికి జిల్లా తెలుగుదేశం గందరగోళంగా తయారైందని చెప్పొచ్చు.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • ఆత్మకూరులో... సమన్వయం సాధ్యమేనా?
    2019 ఎన్నికల్లో ఆత్మకూరు నియో జకవర్గం నుండి తెలుగుదేశం పార్టీ అభ్యర్థిగా ఆనం రామనారాయణరెడ్డి వుంటాడు. నూటికి 99శాతం ఇది పక్కా. ఆ ఒక్క శాతం ఇంకేవైనా అనుకోని పరి ణామాలు జరిగితే మార్పుండొచ్చు. ఆనంకు సీటు ఇవ్వడం కోసమే ఇక్కడ…
  • వీళ్ళు... సీతయ్యకు అన్నయ్యలు
    మోచేతి నీళ్ళు తాగే ఆఫీసర్లు ఉన్నంతవరకే ప్రజాప్రతినిధులు ఏ ఆటయినా ఆడగలరు. అధికారి అడ్డం తిరిగాడంటే ప్రజా ప్రతినిధి కాదు కదా ముఖ్యమంత్రి కూడా ఏమీ చేయలేడు. అది ఏ పార్టీ అయినా... ఏ ప్రభుత్వమైనా! అధికారులు కరెక్ట్‌గా వుంటే ప్రజాప్రతినిధులు…
  • మేకపాటిని తప్పిస్తేనే మేలు?
    నెల్లూరు లోక్‌సభ అభ్యర్థిగా మేకపాటి రాజ మోహన్‌రెడ్డి మూడుసార్లు వరుసగా విజయం సాధించి హ్యాట్రిక్‌ కొట్టాడు. నెల్లూరుజిల్లా రాజకీయ చరిత్రలో ఆయన పేరిట ఇదో రికార్డు. 2009లో జరిగిన నియోజకవర్గాల పునర్విభజన వల్ల ఎస్సీ రిజర్వుడ్‌లో ఉన్నటువంటి నెల్లూరు లోక్‌సభ జనరల్‌లోకి…
  • ఈ మలుపులు... ప్రమాదాలకు పిలుపులు
    కోవూరు నుండి విజయవాడ దాకా జాతీయ రహదారిని ఆరులైన్లుగా మార్చారు. ప్రతి క్రాసింగ్‌ వద్ద అండర్‌పాస్‌ ఏర్పాటు చేసారు. చిన్న పల్లెటూరుకు కూడా ఇవి ఏర్పడడంతో హైవేను దాటి పోవడం అన్న ప్రశ్నేలేదు. కాబట్టి ప్రమాదాలను చాలావరకు తగ్గించవచ్చు. దరిద్రం ఏంటంటే…
  • పేద గుండెల ధ్వని... 'జై ఆంధ్రా' ఉద్యమ సేనాని... మెట్టలో పుట్టిన మేటి నేత మాదాల జానకిరామ్‌
    ఉదయగిరి అంటే గుర్తొచ్చేది అలనాడు శ్రీకృష్ణ దేవరాయలు అయితే.. ఆధునిక రాజకీయ కాలంలో గుర్తొచ్చేది స్వర్గీయ బెజవాడ గోపాలరెడ్డి, ప్రస్తుత ఉపరాష్ట్రపతి యం.వెంకయ్యనాయుడులు. వారి రాజ కీయ ప్రస్తానం మొదలైంది ఇక్కడే! అలాగే వారితో పాటు గుర్తొచ్చే నాయకుడు మాజీ మంత్రి…

Newsletter