10 February 2017 Written by 

ఆర్టీసీ డ్రైవర్లపై 'రెడ్‌'మార్క్‌

driverవాళ్లు ఆర్టీసీ డ్రైవర్లు... ఆక్యుపెన్సీ కోసం ఆరాటపడతారు. మైలేజీ పెంచ డానికి తాపత్రయపడతారు. తద్వారా అవార్డులు వస్తాయని ఆశ! అలాగే ప్రయాణంలో లగేజీ వేసుకుంటే నాలుగు రూపాయలు వస్తాయని చిన్న ఆశ! అంతకుమించి అవినీతి పరులేమీ కాదు. ప్రజలను పీడించి వేలు, లక్షలు దోచే అధికారులు కాదు. కుంభకో ణాలు చేసి కోట్లు కొల్లగొట్టే ప్రజాప్రతి నిధులు అంతకన్నా కాదు. కాని ప్రయా ణీకుల రూపంలో వచ్చిన ఎర్రచందనం కూలీలను ఎక్కించుకున్న నేరానికి ఇప్పుడు కేసుల్లో ఇరుక్కున్నారు. పోలీసుస్టేషన్‌ల చుట్టూ తిరుగుతున్నారు.

కావలి డిపోకు చెందిన సూపర్‌ లగ్జరీ బస్సులు కావలి- బెంగుళూరు, బెంగుళూరు - కావలిల మధ్య ప్రతిరోజూ రాకపోకలు సాగిస్తుంటాయి. బెంగుళూరు నుండి బయలుదేరే ఈ బస్సులు కడప, వింజమూరుల మీదుగా కావలికి వెళతాయి. అయితే కొందరు ఎర్రచందనం స్మగ్లర్లు ఎర్రచందనం కూలీలను ఈ బస్సుల్లో ఎక్కించేవాళ్లు. వీళ్లు కడప జిల్లా బద్వేలు వద్ద అటవీప్రాంతంలో బస్సులు ఆపి దిగిపోయేవాళ్లు. ఇలా చాలారోజుల నుండి జరుగుతూ వస్తోంది. డ్రైవర్లు కూడా తమకు సీట్లు ఫుల్‌ అయ్యాయని చూసుకుంటు న్నారేగాని, తమ బస్సుల ద్వారా ఎర్రచందనం కూలీలు అటవీ ప్రాంతాల్లోకి వెళుతున్నారనే సమాచారాన్ని పోలీసులకు అందించలేదు. కావలి డిపోకు చెందిన బస్సుల ద్వారానే ఎర్రచందనం కూలీలు అడవుల్లోకిపోయి ఎర్రచందనం చెట్లను నరుకుతున్నారని పసిగట్టిన కడపజిల్లా పోలీసులు ప్రత్యేకనిఘా పెట్టారు. బెంగుళూరు- కావలి మధ్య నైట్‌సర్వీసుల్లో పనిచేస్తున్న 9మంది డ్రైవర్లపై కేసులు నమోదు చేశారు. ఎర్రచందనం కూలీల తరలింపుపై డ్రైవర్ల పాత్ర ఎంతవరకు ఉందన్న దానిపై పోలీసుల విచారణ లోతుగా జరుగుతోంది. ఈ సంఘటనతో కావలి, ఆత్మకూరు డిపో కార్మికుల్లో ఆందోళన మొదలైంది. ఇద్దరు డ్రైవర్ల అకౌంట్లలో పెద్దమొత్తంలో నగదు జమ కావడాన్ని కనుక్కు న్నారు. అలాగే ఆత్మకూరు డిపోకు చెందిన కొందరు డ్రైవర్ల పాత్రపై కూడా ఆరా తీస్తున్నారు.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ల్యాండవుతున్న విమానం
    దగదర్తి విమానాశ్రయం కల సాకారానికి రోజులు దగ్గరపడ్డాయి. త్వరలోనే విమానాశ్రయం నిర్మాణానికి టెండర్లు పిలవడానికి అధికారులు రంగం సిద్ధం చేస్తున్నారు. మొదటి దశలో ఎయిర్‌పోర్టు నిర్మాణానికి అవసర మైన 1350 ఎకరాల భూసేకరణ పూర్తయ్యింది. భూసేకరణకు సంబంధించి రైతుల పరిహారానికి నిధులు…
  • కార్పొరేషన్‌లో కోల్డ్‌వార్‌
    వివాదాలకు, విభేదాలకు నెల్లూరు కార్పొరేషన్‌ కేరాఫ్‌ అడ్రస్‌ లాంటిది. నెల్లూరు నగరంలో ఎన్ని రకాల సమస్యలుంటాయో నెల్లూరు కార్పొరేషన్‌ కార్యాలయంలో కూడా అంతకంటే ఎక్కువ సమస్యలే వుంటాయి. ముఖ్యంగా ఇక్కడ పనిచేసే పాలకవర్గం వుంటే అధికారులు సహకరించరు. చిత్తశుద్ధితో పనిచేసే అధికారులున్నప్పుడు…
  • ఆనంకు చుక్కెదురు?
    నెల్లూరు నగరంలో తమ ఆధిపత్యానికి ఆయువు పట్టులాంటి విఆర్‌ విద్యాసంస్థలపై తమ పట్టు నిలుపుకోవాలని ఆనం సోదరులు చేసిన ప్రయత్నాలు బెడిసి కొట్టాయి. న్యాయస్థానంలో వరుస దెబ్బలు తగులుతూనే వున్నాయి. విఆర్‌ విద్యాసంస్థల పాలక కమిటీని రద్దు చేస్తూ ఈ ఏడాది…
  • ఎగువ జిల్లాల్లో వర్షం.. నెల్లూరు జిల్లాలో హర్షం
    నెల్లూరుజిల్లా ప్రజలకు ఈ జిల్లాలో వర్షాలు పడితేనే కాదు, ఎగువ జిల్లాలైన అనంతపురం, కడప, కర్నూలు జిల్లాల్లో భారీ వర్షాలు పడితేనే ఎక్కువ సంతోషం. ఆ జిల్లాల్లో వర్షాలు పడితే ఎక్కువ ప్రయోజనం పొందేది మనమే. నెల్లూరుజిల్లాలో భారీ వర్షాలు కురిసి…
  • పాదయాత్ర చేస్తున్నా... ఆశీర్వదించండి
    వైయస్సార్‌ కాంగ్రెస్‌పార్టీ అధినేత వై.యస్‌.జగన్మోహన్‌రెడ్డి మంగళవారం శంషాబాద్‌లోని శ్రీశ్రీశ్రీ త్రిదండి శ్రీమన్నారాయణ రామానుజ చినజీయర్‌ స్వామి వారి ఆశ్రమ ప్రాంగణానికి వెళ్ళి స్వామివారిని కలుసుకున్నారు. ప్రజల కష్టాలను స్వయంగా తెలుసుకుని తనకు చేతనైన మేరకు వారికి సహాయసహకారాలు అందించడానికి త్వరలో నవ్యాంధ్రలో…

Newsletter