10 February 2017 Written by 

టీడీపీని బట్టే... వైసిపి అభ్యర్థి!

tdp ycpఏప్రిల్‌లో నెల్లూరుజిల్లా స్థానిక శాసనమండలి నియోజకవర్గ ఎన్నికలు జరుగనున్న నేపథ్యంలో అభ్యర్థి ఎంపికకు అత్యంత ప్రాధాన్యత ఏర్పడింది. అధికార తెలుగుదేశం పార్టీలో ఈ సీటుకు పోటీ ఉండగా, ప్రతిపక్ష వైకాపా మాత్రం పోటీ పెట్టడానికి గట్టి అభ్యర్థి అన్వేషణలో వుంది. తొలుత వైకాపా ఎమ్మెల్సీ అభ్యర్థిని నేను చూస్తానని, బెంగుళూరులో అభ్యర్థి ఉన్నాడని కావలి ఎమ్మెల్యే రామిరెడ్డి ప్రతాప్‌కుమార్‌రెడ్డి భరోసా ఇచ్చారు. అయితే, ఆయన మనసులో వున్నోళ్లు పోటీకి విముఖత చూపడంతో అభ్యర్థిని పెట్టే బాధ్యత నుండి రామిరెడ్డి ప్రతాప్‌ కుమార్‌రెడ్డి తప్పుకున్నట్లు తెలుస్తోంది. అయితే నెల్లూరుజిల్లా ఎమ్మెల్సీ నుండి ఆరునూరైనా అభ్యర్థిని నిలబెట్టాలన్న పట్టుదలతో వై.యస్‌.జగన్మోహన్‌రెడ్డి ఉన్నాడు.

అయితే తెలుగుదేశం అభ్యర్థిని నిర్ణయించాక వైసిపి అభ్యర్థి తెరమీదకొచ్చే అవకాశాలున్నాయి. తెలుగుదేశం అభ్యర్థిని బట్టి ఎన్నికల వాతావరణం మారే అవకాశముంది. తెలుగుదేశం ఎమ్మెల్సీ టిక్కెట్‌ను ప్రస్తుత ఎమ్మెల్సీ వాకాటి నారాయణరెడ్డితో పాటు నెల్లూరు పార్లమెంట్‌ ఇన్‌ఛార్జి ఆదాల ప్రభాకర్‌రెడ్డి అడుగుతున్నారు. వాకాటి ఎమ్మెల్సీ అయితే ఏదో సూళ్లూరుపేటలో తిరుగుతుంటాడు. అదే ఆదాల ఎమ్మెల్సీ అయితే నెల్లూరులో మరో పవర్‌ సెంటర్‌ ఏర్పాటవుతుంది. ఇప్పటికే మంత్రి నారాయణతో పాటు ఎమ్మెల్సీ సోమిరెడ్డి చంద్రమోహన్‌రెడ్డి, బీద రవిచంద్రలు తలా ఒక పవర్‌ సెంటర్‌ అయ్యారు. ఇప్పుడు ఆదాల కూడా ఎమ్మెల్సీ అయితే మూడు కిలోమీటర్ల పరిధిలోనే నాలుగు పవర్‌ సెంటర్‌లు ఏర్పడతాయి. కాబట్టే పార్టీలోని కొందరు ఆదాలకు ఎమ్మెల్సీ సీటు విషయంలో అభ్యంతరం వ్యక్తం చేస్తున్నట్లు తెలుస్తోంది. మంత్రి నారాయణ వాకాటి నారాయణరెడ్డి వైపే మొగ్గు చూపుతుండడంతో ఆయనకే సీటు ఖరారయ్యే అవకాశాలున్నాయి.

అయితే టీడీపీ ఎమ్మెల్సీ అభ్యర్థి ఆదాల అయితే గెలుపుకు ఢోకా వుండదు. వైసిపి పోటీ ఇచ్చినా ఆదాల గెలుపును ఆపలేక పోవచ్చు. అదే వాకాటి అభ్యర్థి అయితే మాత్రం వైసిపికి ఒక మంచి అవకాశమిచ్చినట్లే! వాకాటికి ప్రత్యర్థిని తీసుకురావడం పెద్ద కష్టమేమీ కాదు. ఇక తెలుగుదేశంలోనే చాలామందికి వాకాటి అంటే పడదు. ఆ పార్టీకి చెందిన జడ్పీటీసీలు, ఎంపీ టీసీలు, కౌన్సిలర్లు, కార్పొరేటర్లే వైసిపి నుండి గట్టి అభ్యర్థి దిగా లని కోరుకుంటారు. అదీగాక, ఇప్పుడు వైసిపిలో వున్న స్థానిక ఓటర్లకు పార్టీ మారాలన్న ఆలోచన లేదు. ఇక రాదు కూడా! ఇక తెలుగుదేశంలో వైసిపి నుండి గెలిచి వచ్చినవాళ్లు వందమంది దాకా ఉన్నారు. వాళ్లంతా రేపు వాకాటికి ఓట్లేస్తారన్న గ్యారంటీ లేదు. అదీగాక, వాకాటి మీద నారాయణ బ్రాండ్‌ వుంది. ఆయా నియోజకవర్గాల ఇన్‌ఛార్జ్‌లకు నారాయణ అంటే గిట్టడం లేదు. వాకాటిని ఓడిస్తే నారాయణను దెబ్బకొట్టినట్లవుతుంది. ఈ క్యాలిక్యులేషన్‌ నేపథ్యంలో ఆదాల కంటే కూడా వాకాటి అభ్యర్థి అయితే వైసిపికి వరమే!



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • ఆత్మకూరు టీడీపీకి... దిక్కెవరు?
    ఈ నెల 8వ తేదీన నాయుడుపేటలో నిర్వ హించిన ముఖ్యమంత్రి చంద్రబాబునాయుడు నవనిర్మాణదీక్ష సభకు మాజీమంత్రి ఆనం రామ నారాయణరెడ్డి రానని చెప్పడంతోనే తెలుగుదేశం శ్రేణులకు ఆయన ఉద్దేశ్యం అర్ధమైపోయింది. ఆనం రామనారాయణరెడ్డిని తెలుగుదేశంలో నిలుపుకునేందుకు జిల్లా మంత్రి పి.నారాయణ నుండి…
  • తమ్ముడు తోడొచ్చేనా?
    మాజీమంత్రి ఆనం రామనారాయణరెడ్డి త్వరలో వైసిపిలో చేరనున్నట్లు తెలుస్తోంది. మరి ఆయనతో పాటు ఆయన కుటుంబసభ్యులు ఇంకెవరెవరు పార్టీలో చేరనున్నారన్నది ప్రశ్నగా మారింది. నాలుగో సోదరుడైన ఆనం విజయ కుమార్‌రెడ్డి ఆల్‌రెడీ వైసిపిలోనే వున్నాడు కాబట్టి ఆయనతో పనిలేదు. ఇక స్వర్గీయ…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • వైకాపాలో కుటుంబ రాజకీయం
    నెల్లూరు జిల్లాలో వైయస్సార్‌ కాంగ్రెస్‌పార్టీలో మొదటగా చేరింది, మొదటి నుండి జగన్‌కు అండగా నిలిచింది మేకపాటి కుటుంబం. పెద్ద రాజకీయ కుటుంబాలేవీ జగన్‌ వెంట రాకున్నా ఆయన పార్టీ పెట్టిన కొత్తల్లో కాంగ్రెస్‌పార్టీ ఎంపీగా వున్న మేకపాటి రాజమోహన్‌రెడ్డి, ఎమ్మెల్యేగా వున్న…

Newsletter