Friday, 10 February 2017 09:57

కన్నీళ్ళు పెట్టుకున్న నెల్లూరు దేశం నేతలు

Written by 
Rate this item
(0 votes)

galpikaఐఆర్‌ 20-420 మున్సిపల్‌ కార్పొరేషన్‌ ముదురుదోమల ఉత్పత్తి కేంద్రమైన నెల్లూరు నగరం. కాపువీధిలోని స్టైల్‌ ఆఫ్‌ సింహపురి, మాజీఎమ్మెల్యే ఆనం వివేకానందరెడ్డి ఇల్లు. ''అమ్మడు లెట్స్‌ కుమ్ముడు'' అనే 'ఖైదీ నెం.150' సినిమాలోని పాట రింగ్‌టోన్‌తో వివేకా సెల్‌ మోగింది. నిద్రమత్తులో వివేకా కళ్లు తెరచి సెల్‌ వైపు చూసాడు. నైట్‌రైడర్‌, ముదురుదోమల మంత్రి నారాయణ నుండి ఫోన్‌... ఈ అయ్యవారికి నిద్ర రాదు, నిద్రపోయేవాళ్లను ప్రశాంతంగా పడుకోనీయడు అని వివేకా మనసులో తిట్టుకుంటూ ఫోన్‌ ఎత్తాడు. వివేకన్నా, అర్జంట్‌గా ఒకసారి మన ఇంటి దాకా రాకూడదా అని అవతల నుండి నారాయణ అడిగాడు. వివేకా దానికి... ఇంత అర్థరాత్రి అంత అర్జంట్‌ పనేంటని అడిగాడు. నారాయణ అందుకు... ఇది అర్ధరాత్రా? సూర్యుడు నెత్తిమీదకొచ్చున్నాడు. ఇంతకీ నువ్వేదేశంలో ఉన్నావని అడిగాడు. వివేకా ఆశ్చర్యంగా... నేను నెల్లూరులోనే నా బెడ్‌రూంలో

ఉన్నాను, కాకపోతే నాకు అంతా చీకటిగా వుంది అంటూ కళ్లు తడుముకున్నాడు. ఆయన కళ్లకు వున్న నల్లద్దాలు చేతికి తిగిలాయి. వివేకాకు విషయం అర్ధమైంది. నల్లద్దాలు పక్కనపెట్టేసి రెడీ కావడానికి బాత్రూంలోకి దూరాడు.

```````

మంత్రి ఇంట్లో ఎమ్మెల్సీలు సోమిరెడ్డి చంద్రమోహన్‌రెడ్డి, బీద రవిచంద్ర, ఆదాల ప్రభాకర్‌రెడ్డి, ముంగమూరు శ్రీధరకృష్ణారెడ్డిలు ఉన్నారు. అప్పుడే వివేకా కూడా వచ్చాడు. వివేకా అందరివైపు చూసాడు. అందరి ముఖాల్లోనూ విచారం కనిపిస్తోంది. వివేకా వారితో... ఏంటి, బంగాళాఖాతంలో అందరివీ తలా ఒక షిప్‌ మునిగిపోయినట్లు ఫేస్‌లు పెట్టి వున్నారు. ఏమైందని అడిగాడు. వెంటనే నారాయణ చెప్పడం కాదు చూపిస్తాను ఉండూ అంటూ ఒక సి.డిని పెట్టి టీవీ ఆన్‌ చేశాడు. టీవీ స్క్రీన్‌ మీద సీన్‌ మొదలైంది.

నెల్లూరు కార్పొరేషన్‌ కార్యాలయంలోని మేయర్‌ ఛాంబర్‌... మేయర్‌ అజీజ్‌ ప్రెస్‌మీట్‌... అజీజ్‌ మాట్లాడుతున్నాడు. ఈమధ్య నెల్లూరులో జరుగుతున్న రాజకీయ పరిణామాలన్నీ మీకు తెలుసు... అభివృద్ధిలో నెల్లూరు నగరాన్ని జెట్‌ వేగంతో ముందుకు తీసుకెళుతున్నాను. నేను చేస్తున్న అభివృద్ధి చూసి చంద్రబాబే ఆశ్చర్య పోతున్నారు. అజీజ్‌ ఏంట్రా, ఇంత యాక్టివ్‌గా అభివృద్ధి కార్యక్ర మాలు చేస్తున్నాడు, ఇతనేమన్నా రానున్న అసెంబ్లీ ఎన్నికల్లో పోటీ చేయబోతున్నాడా? అనే అనుమానం మీకు రావచ్చు. మీకు వచ్చిన అనుమానం కరెక్టే... యస్‌... నేను వచ్చే ఎన్నికల్లో నెల్లూరు అసెంబ్లీ నుండి పోటీ చేయబోతున్నాను. చంద్రబాబు, లోకేష్‌లు నన్ను ఒకటే బ్రతిమలాడుతున్నారు పోటీ చేయమని. వారి బాధ చూడలేకే నేను పోటీ చేయాలనుకుంటున్నాను, నేను పోటీ చేయడమే కాదు, జిల్లా లోని పది అసెంబ్లీ సీట్లలో తెలుగుదేశం పార్టీని గెలిపిస్తాను అని చెపుతుండగా... 'ఈరోజు' పత్రిక విలేకరి వుండి... సార్‌, మీపై మంత్రి నారాయణ ఆగ్రహించారట కదా, ఎందుకు? అని అడిగాడు. అందుకు అజీజ్‌, ఆ అయ్యవారికి అంత సీన్‌ లేదు, ఆయనేమన్నా లెక్చరరా, నేను స్టూడెంట్‌నా? ఆయన సొమ్మేదన్నా తెచ్చి నాకు పెట్టాడా... ఆయన నాపై కోప్పడ్డానికి... నేను భయపడడానికి అని బదులిచ్చాడు. టీవీ 10.5 విలేకరి వుండి... ఎస్సీ సబ్‌ప్లాన్‌ నిధుల విషయంలో సోమిరెడ్డి, ఆదాల, ముంగమూరులతో విబేధాలున్నాయట కదా? అని ప్రశ్నించాడు. అందుకు అజీజ్‌... మీరు సింహానికి చిట్టెలుకలకు పోటీ పెడుతున్నారు. నా ముందు వాళ్లెంత ఆఫ్ట్రాల్‌, అయినా నాతో విభేదాలు పెట్టుకునే స్థాయికి వాళ్లింకా ఎదగలేదు. చంద్రబాబుతో అజీజ్‌కు విబేధాలు అనండి... కరెక్ట్‌! లేదా వెంకయ్యనాయుడుతో విబేధిస్తున్న అజీజ్‌ అని రాయండి రైట్‌... ఈ గల్లీ లీడర్లకు నాకూ పోటీ ఏంటి అని ప్రెస్‌మీట్‌ ముగించాడు. అక్కడితో సి.డి అయిపోవడంతో నారాయణ టీవీ ఆఫ్‌ చేసాడు. వివేకా అందరి వైపు చూసాడు... అందరి కళ్లల్లోనూ నీళ్లు తిరుగుతున్నాయి... నారాయణ, వివేకాతో... నీకు అసలు హృదయం లేదా? ఆ అజీజ్‌ అన్న మాటలకు మా గుండెలు ముక్కలయ్యాయి. ఏడుపు తన్నుకొస్తోంది, కానీ నీకున్నది గుండె కాదు బండ... అందుకే అలా ఎలాంటి చలనం లేకుండా వున్నావని ఆవేదనగా ప్రశ్నించాడు. అప్పుడు వివేకా... ఈ సీన్‌లు చూసాక బండలాంటి నా గుండె కూడా ముక్కలైందంటూ కళ్లకున్న నల్లద్దాలు తీసాడు. ఆశ్చర్యం... వివేకా కళ్లల్లో కూడా కన్నీళ్లే! అందరూ ఆశ్చర్యంగా... నువ్వు కూడా కన్నీళ్లు పెట్టుకుంటున్నావా? అని అడిగారు. అప్పుడు వివేకా... నా రాజకీయ చరిత్రలో ఇంతటి ఘోరాన్ని ఎప్పుడూ చూడలేదు. నేదురుమల్లి, నల్లపరెడ్డి, మాగుంట, మేకపాటి, బెజవాడ వంటి రాజకీయ కుటుంబాలను ఎదుర్కొన్నాం... ఎప్పుడూ ఇలాంటి అనుభవం ఎదురు కాలేదు. ఈ తొట్టి పిచుక అజీజ్‌ చేతిలో ఇంత అవమానమా? మనం ఇంత మంది కొమ్ములు తిరిగిన నాయకులం వుంటే జిల్లాలో పదిసీట్లను ఆయన గెలిపిస్తాడా... అని వివేకా అన్నాడు. అతను ఎందుకలా మాట్లాడుతున్నాడని నారాయణ అడిగాడు. అప్పుడు వివేకా... ఇది థర్డ్‌ స్టేజ్‌ ఆఫ్‌ హెల్లోసినేషన్‌... అతనిలో ఆత్మవిశ్వాసం పాళ్లు ఎక్కువయ్యాయి. ఆ ట్రాన్స్‌లోకి వెళ్లిన వాళ్లు జిల్లాలోనే కాదు, రాష్ట్రంలోనే పార్టీని గెలిపిస్తామని, తాను మంత్రినవుతానని, నెల్లూరును రాష్ట్రంలోనే అభివృద్ధి పథంలో నడుపు తానని, నెల్లూరులో ఒక్క ముదురుదోమను కూడా లేకుండా చేస్తానని చెబుతుంటాడు... కాలం గడిచేకొద్ది అతనిలో ఈ ఆత్మవిశ్వాసం పాళ్లు ఎక్కువై... ఈ రాష్ట్రానికి కాబోయే సీఎం తానేనని చెప్పుకున్నా ఆశ్చర్యం లేదన్నాడు. ఇప్పుడే అజీజ్‌ వ్యవహారం సీఎంకు చెబుతానంటూ నారాయణ ఫోన్‌ చేసాడు. అవతల చంద్రబాబు ఫోన్‌ ఎత్తాడు. నారాయణ అజీజ్‌ వ్యవహారమంతా చెప్పాడు. అంతా విన్న చంద్ర బాబు... నాకిప్పుడు నెల్లూరు గురించి పట్టించుకునేంత తీరిక లేదు. అవతల అమెరికా అధ్యక్షుడు ట్రంప్‌ నా అపాయింట్‌మెంట్‌ కోసం వెయిట్‌ చేస్తున్నాడు. ఆంధ్రప్రదేశ్‌ లాగా అమెరికాను అభివృద్ధి చేయా లంట... ఇంకో పక్క ఇంకో ఆరునెలల్లో అమరావతిని సింగపూర్‌లాగా చేసేయాలి... ఢిల్లీ నుండి చూస్తే ఐదు రాష్ట్రాల ఎన్నికల నుండి ఎలా గట్టెక్కాలో చెప్పి పుణ్యం కట్టుకోండని ప్రధాని మోడీ బతిమలాడు తున్నాడని చెప్పి పెట్టేసాడు. చంద్రబాబు మాటలు విన్నాక అందరికీ ఒక విషయం అర్ధమైంది... అజీజ్‌ మాటల్లో ఏం తప్పులేదని!

Read 310 times
Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ఆత్మకూరు టీడీపీకి... దిక్కెవరు?
    ఈ నెల 8వ తేదీన నాయుడుపేటలో నిర్వ హించిన ముఖ్యమంత్రి చంద్రబాబునాయుడు నవనిర్మాణదీక్ష సభకు మాజీమంత్రి ఆనం రామ నారాయణరెడ్డి రానని చెప్పడంతోనే తెలుగుదేశం శ్రేణులకు ఆయన ఉద్దేశ్యం అర్ధమైపోయింది. ఆనం రామనారాయణరెడ్డిని తెలుగుదేశంలో నిలుపుకునేందుకు జిల్లా మంత్రి పి.నారాయణ నుండి…
  • తమ్ముడు తోడొచ్చేనా?
    మాజీమంత్రి ఆనం రామనారాయణరెడ్డి త్వరలో వైసిపిలో చేరనున్నట్లు తెలుస్తోంది. మరి ఆయనతో పాటు ఆయన కుటుంబసభ్యులు ఇంకెవరెవరు పార్టీలో చేరనున్నారన్నది ప్రశ్నగా మారింది. నాలుగో సోదరుడైన ఆనం విజయ కుమార్‌రెడ్డి ఆల్‌రెడీ వైసిపిలోనే వున్నాడు కాబట్టి ఆయనతో పనిలేదు. ఇక స్వర్గీయ…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • వైకాపాలో కుటుంబ రాజకీయం
    నెల్లూరు జిల్లాలో వైయస్సార్‌ కాంగ్రెస్‌పార్టీలో మొదటగా చేరింది, మొదటి నుండి జగన్‌కు అండగా నిలిచింది మేకపాటి కుటుంబం. పెద్ద రాజకీయ కుటుంబాలేవీ జగన్‌ వెంట రాకున్నా ఆయన పార్టీ పెట్టిన కొత్తల్లో కాంగ్రెస్‌పార్టీ ఎంపీగా వున్న మేకపాటి రాజమోహన్‌రెడ్డి, ఎమ్మెల్యేగా వున్న…

Newsletter