24 February 2017 Written by 

ఎట్టా బతకాల దేవుడా?

dry land'సాగునీరూ లేదు..తాగునీరూ లేదు.. ఎట్టా బతకాల దేవుడా' అంటూ కను పూరుకాలువ పరిధిలోని అనేక గ్రామాల్లో రైతులు తీవ్ర ఆవేదన వ్యక్తం చేస్తున్నారు. వర్షాభావంతో ఎక్కడా చినుకులు రాలక పోవడంతో ఇక్కడి పంటచేలు బీళ్ళు పడిపోతున్నాయి..చెరువులు దొరువులన్నీ ఎండిపోయాయి. భూగర్భ జలాలు అడు గంటిపోయాయి. ఈ కాలువ పరిధికింద సుమారు 33 వేల ఎకరాలకు పైగానే ఆయకట్టు వుంది. ఈ ఆయకట్టుకు 25వేల ఎకరాలకు సాగునీరు అందిస్తా మని అధికారులు హామీ అయితే ఇచ్చారు కానీ, ప్రస్తుతం సాగునీటి కొరత వుండడంతో కేవలం 14వేల ఎకరాలకు మాత్రమే సాగునీరు పంపిణీ చేశారు. దీంతో, మిగిలిన రైతాంగానికి పొలాలకు నీరందక, అటు తాగునీరు లేక..చివరికి పశువులకు మేత కూడా దొరక్క నానా ఇబ్బందులు పడుతు న్నారు. తమ గోడు ఎవరూ పట్టించుకోవడం లేదంటూ ఆయా గ్రామాల్లోని ఎంతోమంది రైతులు కంటతడిపెడుతున్నారు. సోమశిల జలాశయంలో ఇప్పుడు 24 టిఎంసిల నీరుంది. అధికారులు సాగునీరిస్తామని తొలుత హామీ ఇచ్చినా ఇప్పుడు మెట్టపైరుకు కూడా నీరివ్వలేమంటున్నారని రైతుల వాపో తున్నారు. పంటలు లేకపోవడం ఒక బాధైతే, ఈ కరువు బారినుంచి మూగజీవాలను ఎలా బతికించుకోవాలన్నది మరో వేదన అంటూ ఆయా ప్రాంతాల్లోని రైతులు ఆవేదన చెందు తున్నారు. ఈ ఆయకట్టు కింద వున్న 40 గ్రామాల్లో కేవలం 15 గ్రామాలకు మాత్రమే సాగునీరు పంపిణీ చేశారు కానీ, మిగిలిన 25 గ్రామాలకు మొండిచేయి చూపించారన్నదే రైతుల వేదన. సంగం బ్యారేజీ వద్దకు 3 వందల క్యూసెక్కుల నీరు విడుదలవుతున్నా, ఆమంచర్ల వద్దకు వచ్చేసరికి 50 క్యూసెక్కుల నీరు మాత్రమే వస్తోందని, ఈ నీటిలో కనీసం 5 క్యూసెక్కుల వంతునైనా చెరువులకు కేటాయిస్తే ఈ ప్రాంతంలో తాగునీటికి, పశువుల దాహార్తి తీరేందుకు ఉపయోగపడతాయని రైతుల సూచన. అయినా పట్టించుకునే నాధులే లేరని రైతులు తీవ్ర అసంతృప్తి వ్యక్తం చేస్తున్నారు. ఇప్పటికే అక్కచెరువుపాడు, అంబాపురం, ఓగూరుపాడు, బుజబుజనెల్లూరు, కల్లూరుపల్లి, కంటేపల్లి, కాకుటూరు, తిప్పవరప్పాడు, రామదాసుకండ్రిగ, గురివిందపూడి, వెంకటాచలం, అనపల్లిపాడు, ఇడంపల్లి, కసుమూరు, చౌటపాళెం, కురిచెర్లపాడు, ముద్దుమూడి, చెరుకుమూడి, వడ్డపూడి, గొట్లపాళెం, బండేపల్లి, మడమనూరు, వీరంపల్లి, జట్లకొండూరు తదితర గ్రామాలన్నీ సాగునీటికొరతతో అల్లాడుతున్నాయి. ఈ గ్రామాల్లో పైర్లు వేసుకున్నవారు ఆ పొలాలు ఎండిపోగా చివరికి మూగజీవాలకు మేత కూడా కరువైపోయిందని, పరిస్థితి ఇంత దయనీయంగా వున్నా ప్రభుత్వం కరుణించకపోవడం దారుణమని రైతన్నలు కంటతడి పెడుతున్నారు. జిల్లా కలెక్టర్‌ తదితర ఉన్నతాధికారులైనా ఈ ప్రాంతాలను స్వయంగా పరిశీలించి సాగునీటి పంపిణీకి తక్షణం చర్యలు తీసుకోవాలని, ఇప్పటికే నష్టాల పాలైవున్న తమను ఆదుకునేందుకు తగు సాయం అందించాలని అన్నదాతలు వేడుకుంటున్నారు.

అన్నదాతలను వెంటనే ఆదుకోవాలి

- కొరపాటి మురళీనాయుడు

కనుపూరు కాలువ ఆయకట్టు కింద సాగునీరు లేక అవస్తలు పడు తున్న 25గ్రామాల రైతాంగాన్ని వెంటనే ఆదుకునేందుకు ప్రభుత్వం తగు చర్యలు తీసుకోవాలని వైఎస్సా ర్సీపి రైతు సంఘం జిల్లా కార్యదర్శి కొరపాటి మురళీనాయుడు కోరు తున్నారు. గత ఏడాది నకిలీ విత్తనాల బారిన పడి ఈ ప్రాంత రైతులు బాగా నష్టపోయారని, ఈ ఏడాది వర్షాభావంతో పంటలు పండక అన్నదాతలు అల్లాడిపోతున్నారని, ఈ పరిస్థి తుల్లో రైతాంగాన్ని ఆదుకునేందుకు జిల్లా కలెక్టర్‌ తదితర

ఉన్నతాధికారులు చొరవ చూపాలని ఆయన విజ్ఞప్తి చేస్తున్నారు. ఇప్పటికే పంటల కోసం రైతులు ఎంతో వ్యయప్రయాసలకు గురైనారని, ఎంతో ఖర్చుపెట్టి దుక్కులు దున్నుకుని పంటలు వేసుకున్నా చివరికి సాగునీరు లేక పంటలు పోగొట్టుకున్నారని, ఇప్పుడు కనీసం మూగజీవాలకు మేత, తాగునీటికి కూడా కరువొచ్చి పడిందని, ఈ స్థితిలో అన్నదాతలను ప్రభుత్వమే ఆదుకోవాలని ఆయన కోరారు.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • నడిచినా... నిద్రించినా... ఏడాదంతా ప్రజల మధ్యే...
    ప్రజలే దేవుళ్ళు, వారి ఇళ్ళే తనకు గుళ్ళు అని భావించి అనుక్షణం వారి మధ్యే వుంటూ వారి సమస్యలు తెలుసుకుంటూ వారి కష్ట సుఖాలలో తోడుండాలని కోరు కునే ప్రజా నాయకుడు నెల్లూరు గ్రామీణ ఎమ్మెల్యే కోటంరెడ్డి శ్రీధర్‌రెడ్డి. నిద్ర లేచింది…
  • హోదా పోరుతో... వ్యతిరేకత పోగొట్టుకున్నారు
    నెల్లూరుజిల్లాతో సంబంధం వున్న లోక్‌ సభ సభ్యులు మేక పాటి రాజమోహన్‌ రెడ్డి(నెల్లూరు), వెలగ పూడి వరప్రసాద్‌ (తిరుపతి)లు ప్రత్యేక హోదా ఉద్యమంలో కీలకపాత్ర పోషించారు. హోదా ఉద్యమంలో చురుకుగా పాల్గొనడం ద్వారా తమ తమ నియోజకవర్గాలలో తమ పట్ల నెలకొన్న…

Newsletter