24 February 2017 Written by 

గెలుపు కోసం పరుగు

gelupuమండలి ఎన్నికల తేదీ దగ్గరకొచ్చే కొద్ది రాజకీయ వేడి పెరుగుతోంది. తూర్పు రాయలసీమ పట్టభద్రులు మరియు ఉపాధ్యాయ శాసనమండలి ఎన్నికల్లో పలువురు అభ్యర్థులు రంగంలో ఉన్నప్పటికీ ప్రధానపోటీ తెలుగుదేశం, యూటిఎఫ్‌ల మధ్యే నెలకొనివుంది.

యూటిఎఫ్‌ తమ అభ్యర్థులుగా గత ఎన్నికల్లో గెలిచిన యండపల్లి శ్రీనివాసులురెడ్డి, విఠపు బాలసుబ్రహ్మణ్యంలను ఖరారు చేయడం తెలిసిందే! తెలుగుదేశం నుండి పట్టభద్రుల నియోజకవర్గానికి అభ్యర్థిగా మంత్రి నారాయణ ముఖ్యఅనుచరుడు వేమిరెడ్డి పట్టాభిరామిరెడ్డిని చాలా ముందే నిర్ణయించారు. కాని ఉపాధ్యాయ ఎమ్మెల్సీ అభ్యర్థి ఎంపికను నాన్చారు. మాజీమంత్రి పరసా రత్నంతో పాటు టిటిడి ట్రస్ట్‌బోర్డ్‌ ఛైర్మెన్‌ చదలవాడ కృష్ణమూర్తి సతీమణి శ్రీమతి సుచరిత, చిత్తూరుజిల్లాకు చెందిన వాసుదేవనాయుడు ఈ సీటు కోసం ప్రయత్నించారు. మిత్రధర్మంగా ఈ సీటును తమకివ్వాలని బీజేపీ కూడా కోరింది. అయితే చివరకు చిత్తూరుజిల్లాకు చెందిన వాసుదేవనాయుడునే అభ్యర్థిగా నిర్ణయించారు. ఉపాధ్యాయ ఎమ్మెల్సీ నియోజకవర్గం నుండి కాంగ్రెస్‌ అభ్యర్థిగా రామచంద్రారెడ్డి కూడా రంగంలో వున్నారు. ఇక రెండు నియోజకవర్గాలలోనూ ఆయా సంఘాల తరఫున ఇండిపెండెంట్‌లుగా కొందరు రంగంలో వున్నారు. రాష్ట్ర రాజకీయాలలో ప్రతిపక్షంగా వున్న వైకాపా ఈ రెండు నియోజకవర్గాలలో అభ్యర్థులను పెట్టకుండా వామపక్ష అభ్యర్థులకు తమ మద్దతు ప్రకటించింది.

రాష్ట్ర శాసనమండలి ఏర్పాటైన తర్వాత ఇంతవరకు రెండుసార్లు తూర్పురాయలసీమ పట్టభద్రులు, ఉపాధ్యాయుల నియోజకవర్గాలకు ఎన్నికలు జరిగితే రెండుసార్లు కూడా ఈ రెండు నియో జకవర్గాలలో యూటిఎఫ్‌ అభ్యర్థులే గెలిచారు. మరి ఈసారి హ్యాట్రిక్‌ మీద దృష్టి పెట్టారు. ముఖ్యంగా ఉపాధ్యాయ నియోజకవర్గంలో యూటిఎఫ్‌ తిరుగులేని ఆధిపత్యం చూపుతోంది. ఉపాధ్యాయుల ఎన్నికల్లో వాళ్ళను అధిగమించడం మిగతావాళ్లకు కష్టమే! అదీగాక తెలుగుదేశం అభ్యర్థిగా పోటీ చేస్తున్న వాసు దేవనాయుడు కంటే అభ్యర్థి పరంగా యూటిఎఫ్‌ నుండి పోటీ చేస్తున్న విఠపు బాలసుబ్రహ్మణ్యం ఎంతో బెటర్‌. రెండుసార్లు ఎమ్మెల్సీగా చేసాడు. ఉపాధ్యా యులు, నిరుద్యోగుల సమస్యలపై మండలిలో గళమెత్తాడు. బయట కూడా పోరాడాడు. ఇక ఆయా ఉపాధ్యాయ సంఘాల మధ్య ఓట్లు చీలే అవకాశా లున్నాయి. ఉపాధ్యాయ నియోజకవర్గంలో యూటిఎఫ్‌ను నిలువరించడం కష్టమే!

పట్టభద్రుల నియోజకవర్గంపై తెలుగుదేశం గంపెడాశలు పెట్టుకుంది. వారి ఆశల్లా కొత్తఓట్లు అధికసంఖ్యలో చేర్పించామని. యూటిఎఫ్‌ ఓట్లు ఇక్కడ బలం గానే వున్నాయి. కాకపోతే కొత్తగా చేరిన ఓటర్లు ఎవరువైపు మొగ్గుచూపుతారన్నది చూడాలి. ఇక అభ్యర్థుల పరంగా చూసినా యూటిఎఫ్‌ అభ్యర్థి యండపల్లి శ్రీనివాసులు రెడ్డికి మంచి పేరుంది. గత ఎన్నికల్లోనూ ఆయనే గెలిచాడు. యూటిఎఫ్‌ నుండే కాక విద్యావంతులైన పట్టభద్రుల మొదటి ఛాయిస్‌ కూడా ఆయనే ఉంటాడు. తెలుగుదేశంకు అభ్యర్థి ప్రధాన మైనస్‌. వేమిరెడ్డి పట్టాభిరామిరెడ్డి అభ్యర్థిత్వం పట్ల తెలుగుదేశంలోనే వ్యతిరేకత వుంది. పార్టీలో అందరు నాయకులు ఆయనకు పూర్తిగా సహకరించే పరిస్థితి లేదు. మిగిలిన అభ్యర్థులు రంగంలో వున్నా నామమాత్రపు పోటీనే ఇవ్వగలరు. ప్రధాన పోటీ వుండేది టిడిపి, యూటిఎఫ్‌ల మధ్యే!



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • నెల్లూరు కార్పొరేషన్‌కు... కాగ్‌ అక్షింతలు
    నెల్లూరు కార్పొరేషన్‌ ఎంత దరిద్రంగా ఉందన్నది ఇంతవరకు నెల్లూరీయులకు మాత్రమే తెలిసిన రహస్యమనుకున్నాం. కాని దీని ఘనత ఢిల్లీ దాకా పాకిందన్న విషయం మొన్ననే బయటపడింది. ఆధునిక కాలానికనుగుణంగా మారడంలో నెల్లూరు కార్పొరేషన్‌ వెనుకబడిందంటూ 'కాగ్‌' అక్షింతలు వేసింది. సాంకేతిక పరిజ్ఞానాన్ని…
  • షిరిడి సాయిబాబా, యోగాంజనేయస్వామి బ్రహ్మోత్సవాలు
    నెల్లూరుజిల్లా ఇందుకూరుపేట మండలం కొత్తూరు గ్రామంలోని శ్రీ షిరిడి సాయిబాబా, శ్రీ యోగాంజనేయస్వామి వార్ల బ్రహ్మోత్సవాలు ఈ నెల 18 నుండి 22వ తేదీ వరకు వైభవంగా నిర్వహిస్తున్నట్లు ధర్మకర్తలు కలికి శ్రీలత, కలికి కోదండరామిరెడ్డి తెలిపారు. 19వ తేదీ బుధవారం …
  • భానుడు... భగభగ
    సూర్యుడు ఉగ్రరూపం దాలుస్తు న్నాడు. ఏప్రిల్‌ నెలాఖరుకే సినిమా చూపిస్తున్నాడు. ఇప్పటికే ఎండలు 43డిగ్రీలను తాకాయి. ఇంకా వడ గాల్పులు మొదలుకాలేదు. మే నెల రాలేదు. రోళ్లు పగిలే రోహిణికార్తె ముం దుంది. ఇప్పుడే ఎండలు ఈ రేంజ్‌లో వున్నాయంటే, ఇంక…
  • కావలి ప్రజల దాహార్తి తీర్చండి
    కావలి నియోజకవర్గంలోని పలు ప్రాంతాల ప్రజలు మంచినీటి కొరతతో తీవ్ర ఇబ్బందులు పడుతున్నారని, అధికారులు వెంటనే ఈ ప్రాంతాలను సందర్శించి ప్రజలకు నీరందించి ఆదుకోవాలని కావలి ఎమ్మెల్యే రామిరెడ్డి ప్రతాప్‌ కుమార్‌రెడ్డి కోరారు. ఈనెల 16న ఆయన కావలి పెద్ద చెరువును…
  • రాటుదేలిన జగన్‌
    ఆవేశం కాదు ఆలోచనతో కూడిన ప్రసంగం... అర్ధం పర్ధం లేని మాటలతో కాదు అర్ధవంతమైన వివరాలతో విమర్శలు... ఏ అంశం చర్చకు వచ్చినా ప్రభుత్వాన్ని ఇరకాటంలో పెట్టడం... ఏ ప్రశ్న వేసినా ప్రభుత్వం నుండి సరైన సమాధానం రాలేకపోవడం... మొన్న ముగిసిన…

Newsletter