11 March 2017 Written by 

'దేశం'కు జేసీ బ్రదర్స్‌ బురద!

jc brosఈరోజు ఇంట్లో వున్న టీవీలు చేయలేని పని చేతిలో వున్న సెల్‌ఫోన్‌లు చేస్తున్నాయి. మీడియాకు పక్షపాతం ఉంటుందేమో... కాని సెల్‌ఫోన్‌లకు ఎవరైనా ఒకటే కదా... ఒక్క మాటలో చెప్పాలంటే ఈరోజు ఎలక్ట్రానిక్‌ మీడియా కన్నా సోషల్‌ మీడియానే శక్తివంతంగా మారిందంటే అతిశయోక్తి కాదేమో! సోషల్‌ మీడియాలో ఒక్కో వ్యక్తి తాడిపత్రి ఎమ్మెల్యే జె.సి.ప్రభాకర్‌రెడ్డిని తిడుతున్న బూతులు చూస్తుంటే... చెవుల్లో దూది పెట్టుకోవాలనిపిస్తుంది. ఆయనను అంత చంఢాలంగా, అంత అసహ్యంగా తిడుతు న్నారు. ఆ బూతులు గాని ప్రభాకర్‌రెడ్డి విన్నా డంటే ఇక జన్మలో నోరు తెరచి మాట్లాడడేమో!

కృష్ణాజిల్లాలో ఇటీవల దివాకర్‌ ట్రావెల్స్‌కు చెందిన బస్సు బోల్తా పడిన ఘటనలో 11మంది ప్రయాణీకులు మృతిచెందడం, ప్రతిపక్ష నేత వై.యస్‌.జగన్మోహన్‌రెడ్డి సంఘటనా స్థలానికి వెళ్ళడం, ఆసుపత్రిలో బాధితులను పరామర్శించడం, ఈ సందర్భంలో బస్సు డ్రైవర్‌కు పోస్టుమార్టం చేయకుండా అధికారపార్టీ ఎంపీ, ఎమ్మెల్యేలైన జేసీ బ్రదర్స్‌కు చెందిన దివాకర్‌ ట్రావెల్స్‌ యాజమాన్యాన్ని కాపాడే ప్రయత్నం చేసిన అధికారులపై ఆయన ఆగ్రహం వ్యక్తం చేయడం తెలిసిందే! అధికారపార్టీ నాయకులకు చెందిన ట్రావెల్స్‌ కంపెనీ బస్సు కావడంతో ఈ ప్రమాద ఘటనను తొక్కిపెట్టే ప్రయత్నాలు జరుగుతున్నాయంటూ 'సాక్షి' మీడియాలో కథనాలు వచ్చాయి. 'సాక్షి'లో కథనాలు వచ్చినంత మాత్రాన జేసీ బ్రదర్స్‌ కొంపలేమీ అంటుకుపోవు. దివాకర్‌ ట్రావెల్స్‌ను కాపాడడానికి ఎలాగూ చంద్రబాబు ఉన్నాడు. మరి జేసీ ప్రభాకర్‌రెడ్డి బాధ్యతాయుత శాసనసభ్యుని హోదాలో వుండి, సభ్యత, సంస్కారం మరచి అనంతపురం 'సాక్షి' కార్యాలయం ఎదుట టెంట్‌ వేసి ధర్నాకు దిగి జగన్‌ను వ్రాయలేని భాషలో తిట్టాడు. తాగుబోతులు కూడా ఇంత నీచంగా మాట్లాడరు. జేసీ ప్రభాకర్‌ తిట్లపై రాష్ట్రవ్యాప్తంగా ప్రజలు రాజకీయాలకతీతంగా ఆగ్రహించారు. ఎక్కువుగా మహిళలే స్పందించి జేసీకి తమదైన భాషలో బుద్ధి చెబుతూ సోషల్‌ మీడియాలో ట్వీట్‌ చేశారు. ఇంకొందరు యువకులు, వై.యస్‌. అభిమానులైతే జేసీ బ్రదర్స్‌ను పచ్చిబూతులు తిడుతూ సోషల్‌ మీడియాలో పెట్టిన పోస్టింగ్‌లు ప్రతిఒక్కరి సెల్‌ఫోన్‌లలోనూ విన్యాసం చేస్తున్నాయి. జేసీ ప్రభాకర్‌రెడ్డి ఒకటి అంటే... అతనిని లక్షలాది మంది తిడుతున్నారు. జేసీ ప్రభాకర్‌రెడ్డి ఇంత దిగజారి విమర్శలు చేసినా జగన్‌ ఎంతో హూందాగా వ్యవహరించి ప్రజల మన్ననపొందారు. గజరాజు పోతుంటే కుక్కలు మొరగడం సహజమేనంటూ జేసీ సోదరుల స్థాయిని చెప్పకనే చెప్పాడు. అయితే మొత్తం ఎపిసోడ్‌లో బాధ్యత విస్మరించిన అధినేతగా చంద్రబాబు మిగిలిపోతాడు. ఎందుకంటే తన పార్టీ ఎమ్మెల్యే హద్దుమీరి ప్రవర్తించినా చంద్రబాబు అతనిని పిలిచి మందలించలేదు. ఇది సంస్కారవంతుల పని కాదని చెప్పలేదు. ఇలాంటివి ఇక ముందు జరిగితే సహించనని హెచ్చరించలేదు. రాజకీయాల కొక భాష, రాజకీయ నాయకులకొక పద్ధతి వుంటుంది. ఏ పార్టీ వారయినా సరే, ఎప్పుడు కూడా అది శృతిమించకూడదు. కాని, తన పార్టీ నాయకులు శృతిమించి ప్రవర్తిస్తున్నా చంద్రబాబు చోద్యం చూస్తున్నాడంటే, వారికి అంటుకుని వున్న బురదను తాను కూడా పూసుకోవడానికి సిద్ధపడినట్లేనా?



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • నగర కిరీటం జయకేనా?
    జిల్లాలో తెలుగుదేశం పార్టీ స్థితిగతుల గురించి అధిష్టానం నాలుగేళ్ళుగా పట్టించుకో లేదు. ఇష్టం వచ్చిన రీతిలో పదవులు ఇచ్చు కుంటూ పోయారు. ఒక వర్గాన్ని తొక్కడమే లక్ష్యంగా పనిచేసారు. రాజకీయాలలో ఎక్కడం, తొక్కడం లాంటివి మంచిది కాదని ఇప్పుడు తెలుసుకున్నారు. అందుకే…
  • గుంతలా!..మత్యు గుహలా!..
    జిల్లాలోని చెరువులు దొరువుల్లో, నీటి గుంతల్లో మృత్యువు పొంచివుంటోంది. ఆ మృత్యువు ఎప్పుడు ఎవరిని కాటేస్తుందో తెలియడం లేదు. ఇటీవల సెలవుల్లో సరదాగా ఈతకు దిగిన పలువురు చిన్నారులను, యువకులను మృత్యువు పొట్టనబెట్టుకుంది. చెరువుల్లో ఎక్కడంటే అక్కడ నిబంధనలకు విరుద్ధంగా గుంతలు…
  • నారా కుటుంబానికి నందమూరి శాపం - భేతాళకథ
    పట్టువదలని హైటెక్‌ విక్రమార్కుడు ఎర్లీ మార్నింగ్‌ ఎయిట్‌ఫార్టీ ఫైవ్‌ కల్లా నిద్ర లేచాడు. ఒంట్లో కొవ్వు 250మిల్లీగ్రాములుందని, రోజూ వాకింగ్‌ చేయమని డాక్టర్‌ 2500 రూపాయలు తీసుకుని చెప్పివుండడంతో ఆరోజుకు తన కర్తవ్యంగా 250మీటర్ల వాకింగ్‌ను పూర్తి చేసాడు. రూమ్‌లో నీట్‌గా…

Newsletter