17 March 2017 Written by 

బడ్జెట్టు... కనికట్టు

yanamalaబాబుగారి బడ్జెట్‌ అంతా బడాయి బడ్జెట్‌గానే వుంది. కాకిలెక్కలతో.. అరచేతిలో వైకుంఠం చూపిస్తూ బడ్జెట్‌ ఎంత గొప్పగావుందో అన్నట్లుగా అత్యద్భుతంగా రూపొందిం చారు. ఒకవైపు రాష్ట్రం అప్పుల నిప్పుల్లో కాగిపోతోందంటూనే, బడ్జెట్‌ వచ్చేసరికి భారీగా కేటాయింపులు చేసేయడం ఎలా కుదురుతోందో మరి!రాష్ట్ర ఆర్ధికమంత్రి యనమల రామకృష్ణుడు ప్రవేశపెట్టిన నవ్యాంధ్ర తొలి బడ్జెట్‌లో భారీ కేటాయింపులు చూసి ఎవరైనాసరే ఆశ్చర్యపోవాల్సిందే. అయితే, ఆచరణ కొచ్చేసరికి ఖర్చుపెట్టేది అంతంతమాత్ర మేనన్నది వేరే విషయం. ఆ అరకొరా కూడా అసలైన లబ్దిదారులకు చేరుతు న్నాయా అంటే అదీ లేదు. అంతా ఆర్భా టమే తప్ప, అభివృద్ధి మాత్రం వుండదు. చంద్రబాబు హైటెక్‌ బడ్జెట్‌ ఇలాగే వుం టుంది. ప్రాధాన్యతారంగాలకు బడ్జెట్‌లో సముచిత ప్రాధాన్యత లేదు. వ్యవసాయం, నీటి పారుదల, విద్య, వైద్యం, స్త్రీ శిశుసంక్షేమం..వంటి రంగాలు ఇంకా నిధుల లేమితో విలవిలలాడుతూనే వున్నాయి. భారీ కేటాయింపులుంటే తప్ప ఈ రంగాల పరిస్థితి ఒక కొలిక్కి రాదు. అయినా, బడ్జెట్‌లో అంత కేటాయింపులు అసలే లేవు. ఎస్సీ,ఎస్టీ, మైనార్టీలు, బిసి సంక్షేమం వంటివి నేతిబీరలో నేయిలాగానే వుంటు న్నాయి. వాటికి అవసరమైన నిధులు ఎప్పుడో అడుగంటిపోయాయి. నిధుల కోసం అడుగుతూనే వున్నా..'కాకి అరు స్తూనే వుంటుంది.. కరవాడ ఎండుతూనే వుంటుంది'..అన్న సామెతగా ఎన్నో కీలక రంగాలు మూలనబడి కుయ్యోమొర్రో అంటున్నాయి. బడ్జెట్‌ వస్తుంది.. కేటా యింపు వుంటుంది..కానీ అవసరమైన నిధులు మాత్రం వుండవు..ఒకవేళ వున్నా అవి అసలైన లబ్దిదారులకు అందవు. ఇదీ మన దుస్థితి. ఎన్ని బడ్జెట్‌లు వస్తున్నా ఇలాంటి తీరు మారడంలేదన్నదే సామాన్య ప్రజల ఆవేదన. కొత్తబడ్జెట్‌ కూడా ఇం దుకు భిన్నమేమీ కాదు. మరీ యువతకైతే ఈసారి చుక్కలలోకం చూపించారు. నిరుద్యోగులకు ఆశపెట్టి, వారికి భృతి కల్పిస్తామని ఊరించి..ఎన్నికలప్పుడు భారీ ప్రచారాలు చేసుకున్న చంద్రబాబే ఇప్పుడు నిరుద్యోగుల విషయం పట్టించుకోవడం లేదు. ఇంటికో ఉద్యోగం ఇస్తామని, అప్పటి దాకా రెండు వేల రూపాయల వంతున నిరుద్యోగభృతి కల్పిస్తామని చంద్రబాబు ఇచ్చిన హామీలన్నీ మళ్ళీ నీటిమూటలే అయ్యాయి. నిరుద్యోగ భృతి కల్పించాలంటే రాష్ట్రంలో నెలకు కనీసం 3,500 కోట్లన్నా కావాలి. అయితే, అంత డబ్బెక్కడిదీ?.. లేదు కనుకనే నిరుద్యోగభృతి కింద ఓ 5వందల కోట్లిస్తామని ప్రకటించారు. కేటాయింపులైతే చేశారు కానీ, ఇవైనా సక్రమంగా ఆచరణకు వస్తాయన్న నమ్మకం లేదు. కేటాయించిన నిధులు లబ్దిదారు లకు చేరుతున్నాయో...ఇతరుల జేబులు నింపుతున్నాయో అనే విషయం పట్టించు కునే నాధుడే కన్పించడం లేదు. అన్ని పథకాల పరిస్థితిని పర్యవేక్షించాల్సిన ముఖ్యమంత్రి చంద్రబాబునాయుడే.. ఎన్నికల సమయంలో ప్రజలకు ఇచ్చిన వాగ్దానాలు నెరవేర్చే పరిస్థితి వుండడం లేదు. కాలం గడిచిపోతున్నా ఆ హామీలు ఇప్పట్లో నెరవేరేలా లేదంటూ అటు యువత లోనూ, ఇటు ప్రజల్లోనూ తీవ్ర అసంతృప్తి వ్యక్తమవుతోంది. సకాలంలో జీతాలందితే చాలు..అదే పదివేలు అన్నట్లుంది ఉద్యో గుల పరిస్థితి. ఇకపోతే, అటు రైతులకు గానీ, ఇటు మహిళాలోకానికి గానీ ఆశిం చిన అభివృద్ధి అసలే లేదు. రాష్ట్రంలోని అనేక ప్రాంతాలు వర్షాభావం వల్ల కరు వుతో అల్లాడుతున్నా పట్టించుకునేవారే కరువు. బడ్జెట్‌లో అంతా ఊకదంపుడే తప్ప రైతులకు ఒరిగిందేమీలేదు. వేల కోట్ల రుణాల్లో 'రుణమాఫీ' అవుతోంది కూడా చాలా స్పల్పమే. వేలకోట్లలో వడ్డీని ఇంకా అన్నదాతలు అవస్తలు పడుతూ చెల్లించు కుంటూనే వున్నారు. రైతులకు పంట రుణాలు అసలే అందడం లేదు. నీటి పారుదల వసతులు మునుపటికన్నా ఘనంగా ఏమీ అభివృద్ధి చెందలేదు.

ఉపాధి లేక రైతుకూలీలకు అవస్తలు తప్పడం లేదు. ప్రజలు పనుల్లేక ఊరిడిచి పెట్టి వలసపోతున్నారంటే, 'పనుల్లేక కాదు.. ఎక్కువ డబ్బు కోసం అలా వెళ్ళడం వారికి అలవాటేనని, మనవాళ్ళంతా కమర్షియల్‌గా వుంటారని' ముఖ్యమంత్రి అనడాన్ని ఏమని అర్ధం చేసుకోవాలో?!.. గత ఏడాది బడ్జెట్‌లో బిసిల సంక్షేమం కోసమని 4430 కోట్లు కేటాయించారు కానీ, బిసిల స్థితిగతుల్లో మాత్రం ఎలాంటి మార్పూ వుండడం లేదు. అదే రకంగా అన్ని రంగాల్లోనూ వుంది. బడ్జెట్‌లో చెప్పే దొకటి..ఆచరణకొచ్చేదొకటి. మేడిపండు బడ్జెట్‌ అంటే ఇదిగో ఇదే.. అన్నట్లుగా వుంది. పేదలకు ఇళ్ళు నిర్మిస్తామని ఆశ పెడతారే తప్ప.. ఆ పథకమంతా అస్త వ్యస్తమే. గత ఏడాది బడ్జెట్‌లో కేటాయిం చిన మొత్తాన్నే ఇంకా ఖర్చుపెట్ట లేదు. ఇళ్ళ నిర్మాణాలు నత్తనడక నడుస్తున్నా పట్టించుకునేవారు లేరు. డ్వాక్రామహిళలకు రుణాలమాఫీ మాట కూడా ఉత్తుత్తిదే. 'చెప్పేవి గొప్పలు.. పెట్టేవి తిప్పలు' అన్న ట్లుగా వుంటోంది చంద్రబాబు బడ్జెట్‌ తీరు. రుణాల మాఫీ అంటారు.. వడ్డీలు ముక్కుపిండి మరీ వసూలు చేస్తారు. ఇదన్నమాట అభివృద్ధి అంటే. ఇక మహి ళాభ్యుదయం..మహిళా సాధికారత వంటి అంశాలన్నీ ఉపన్యాసాలకే పరిమితాలన్నది బహిరంగ రహస్యమే. ఇలా 'లోపాల కారి'గా వుండడం వల్లనే బడ్జెట్‌ను ఎవరూ పట్టించుకోవడం లేదు. బడ్జెట్‌ అనగానే అది తమకు సంబంధించిన అంశం కాద న్నట్లుగా వుండే ధోరణి ప్రజల్లో ప్రబల డానికి పాలకులు అనుసరిస్తున్న ఇలాంటి విధానాలే కారణం. అందులోనూ మన చంద్రబాబు మాటలకైతే అసలు హద్దులే వుండవు. మాటలు కోటలకోట్లు దాటు తుంటాయే తప్ప, అడుగు మాత్రం అంగుళం కూడా ముందుకు పడదు. ప్రజాధనం సద్వినియోగం చేయాలన్న ధ్యాసే వుండకపోవడం, చిత్తం వచ్చిన రీతిలో కేటాయింపులు చేసేసుకోవడం, నిధుల కేటాయింపులు-వ్యయం పట్ల ఖచ్చితమైన పరిశీలన-పర్యవేక్షణ యం త్రాంగం లేకపోవడం, చివరికి ప్రజల కిచ్చిన హామీలకు గానీ, ప్రజల మాటకు గానీ అసలు విలువలేకపోవడం వంటివన్నీ ఇందుకు ప్రధాన కారణాలు. 'రాష్ట్ర ప్రగతి.. ప్రజల అభ్యున్నతి'.. మాటల్లోనే తప్ప చేతల్లో చూపలేని నాయకులున్నంత కాలం ఇలాంటి బడాయి బడ్జెట్‌లు ఎన్నొచ్చినా ప్రజలకు ఒరిగేదేమీ లేదన్నది సర్వత్రా జనాభిప్రాయం.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • హోదా పోరుతో... వ్యతిరేకత పోగొట్టుకున్నారు
    నెల్లూరుజిల్లాతో సంబంధం వున్న లోక్‌ సభ సభ్యులు మేక పాటి రాజమోహన్‌ రెడ్డి(నెల్లూరు), వెలగ పూడి వరప్రసాద్‌ (తిరుపతి)లు ప్రత్యేక హోదా ఉద్యమంలో కీలకపాత్ర పోషించారు. హోదా ఉద్యమంలో చురుకుగా పాల్గొనడం ద్వారా తమ తమ నియోజకవర్గాలలో తమ పట్ల నెలకొన్న…
  • నడిచినా... నిద్రించినా... ఏడాదంతా ప్రజల మధ్యే...
    ప్రజలే దేవుళ్ళు, వారి ఇళ్ళే తనకు గుళ్ళు అని భావించి అనుక్షణం వారి మధ్యే వుంటూ వారి సమస్యలు తెలుసుకుంటూ వారి కష్ట సుఖాలలో తోడుండాలని కోరు కునే ప్రజా నాయకుడు నెల్లూరు గ్రామీణ ఎమ్మెల్యే కోటంరెడ్డి శ్రీధర్‌రెడ్డి. నిద్ర లేచింది…

Newsletter