20 April 2017 Written by 

ఏపిపై కన్నేసిన బీజేపీ

andhra'కాంగ్రెస్‌ ముక్త్‌ భారత్‌'... గత ఎన్నికల్లో ప్రధాని నరేంద్ర మోడీ నినాదం. క్లీన్‌ ఇండియా, గ్రీన్‌ ఇండియా, డిజిటల్‌ ఇండియా, మేకిన్‌ ఇండియా, మేడిన్‌ ఇండియా... మోడీ ప్రధాని అయ్యాక అందుకున్న సరికొత్త నినాదాలు. వీటిలో కొన్ని ఆచరణలో వున్నాయి, కొన్ని ప్రయోగంలో వున్నాయి. అయితే వీటన్నింటికి మించి శరవేగంగా విజయవంతమవుతున్న కార్యక్రమం 'కాంగ్రెస్‌ లెస్‌ ఇండియా'.

అవును. కాంగ్రెస్‌పార్టీ లేని భారత దేశం కోసం ప్రధాని నరేంద్రమోడీ, ఆయన ఆలోచనలు పక్కాగా అమలు చేసే బీజేపీ సారధి అమిత్‌షాలు ఎంతో వ్యూహా త్మకంగా కృషి చేస్తున్నారు. ఉత్తరాదిన యూపీని మొదలుకొని దక్షిణాన ఏపి వరకు అన్ని రాష్ట్రాలలో కాంగ్రెస్‌ను తుడిచిపెట్టే కార్యక్రమాలు చేస్తున్నారు.

ఉత్తరాది రాష్ట్రాలను పూర్తి స్థాయిలో జయించిన కమల దళం దృష్టి తాజాగా దక్షిణాది రాష్ట్రాలపై పడింది. కేంద్రంలో శాశ్వతంగా అధికారాన్ని నిలుపుకోవాలంటే దక్షిణ భారత దేశంలోనూ అత్యధిక సీట్లను గెలవాల్సిన పరిస్థితి. ఇప్పటికే బీజేపీ కేరళలో ఓటుబ్యాంకును పెంచుకుంది. తమిళనాడులో శరవేగంగా మారుతున్న రాజకీయ పరిణామాలు కమలంకు కలి సొస్తున్నాయి. వచ్చే ఎన్నికల్లో తమిళ నాడులో డిఎంకె, అన్నాడిఎంకెల మాదిరి గానే ఒక ప్రధానపార్టీగా పోటీ చేయ డానికి ఆ పార్టీ నేతలు పావులు కదుపు తున్నారు. ఇక కర్నాటకలో ప్రతిపక్షంగా వుంది. రేపు ఎన్నికలు జరిగాక అధికారం లోకి వచ్చే అవకాశముంది. అలాగే తెలం గాణలోనూ కాంగ్రెస్‌ను ధ్వంసం చేస్తే ప్రధానపార్టీగా ఎదగడానికి బీజేపీకి అవ కాశాలున్నాయి. అయితే అవకాశాలు వచ్చినా కూడా బీజేపీ విస్తరించనిది, ఎద గనిది ఆంధ్రప్రదేశ్‌లోనే! బీజేపీకి సొం తంగా విస్తరించే అవకాశం వచ్చిన ప్రతి సారి తెలుగుదేశం పొత్తు ఆ పార్టీకి శాపంగా మారింది. టీడీపీ చాటున బీజేపీ ఎదగలేకపోగా, క్రమంగా ఈ రాష్ట్రంలో ఆ పార్టీ కేడర్‌ నిర్వీర్యమవుతూ వచ్చింది.

ప్రాంతీయ పార్టీలు బలంగా వున్న రాష్ట్రాల్లో చొరబడడం బీజేపీకి కష్టంగా వుంది. అయితే కాంగ్రెస్‌ పాలిత రాష్ట్రా ల్లోకి సులభంగా ప్రవేశిస్తోంది. ఒక ప్రాం తీయపార్టీ, కాంగ్రెస్‌ వున్న రాష్ట్రాలలోనూ కాంగ్రెస్‌ను తొక్కేసి బీజేపీ పాతుకు పోతోంది. 2014 ఎన్నికలప్పుడు ఏపిలో బీజేపీ బలపడేందుకు మంచి అవకాశ మొచ్చింది. రాష్ట్ర విభజన బిల్లు తేవడం ద్వారా ఈ రాష్ట్రంలో కాంగ్రెస్‌పార్టీ ఆత్మ హత్య చేసుకుంది. కాంగ్రెస్‌ తెచ్చిన విభజన బిల్లును అడ్డుకుని వుంటే 2014 ఎన్నికల లోనే ఈ రాష్ట్రంలో బీజేపీ బలపడి వుం డేది. అదికాకపోయినా 2014 ఎన్నికల్లో ఒంటరిగా పోటీ చేసివున్నా తెలుగుదేశం ఓడిపోయి వుండేది.అప్పుడు తెలుగుదేశం స్థానాన్ని బీజేపీ ఆక్రమించుకోవడానికి ఆస్కారముండేది. ఆ ఛాన్స్‌ను ఆ పార్టీ నాయకులు వదులుకున్నారు. దక్షిణాదిలో పార్టీని విస్తరింపచేయాలనే ప్రణాళికలో భాగంగా ఇప్పుడు ఏపిపై కూడా బీజేపీ శ్రేణులు దృష్టి సారించాయని తెలుస్తోంది. ఇప్పుడు రాష్ట్రంలో రెండు ప్రాంతీయపార్టీలు టీడీపీ, వైసిపిలు బలంగా వున్నాయి. రాబోయే ఎన్నికల తర్వాత గెలిచిన పార్టీ మాత్రమే ఫీల్డ్‌లో వుంటుంది. ఓడిన పార్టీ కేడర్‌ను తమ పార్టీలో కలుపుకుపోవాలనే ప్లాన్‌లో బీజేపీ వుంది. ఏ పార్టీతో పొత్తు పెట్టుకున్నా బీజేపీ మళ్లీ తోక పార్టీలాగే అవుతుంది. కాబట్టి వచ్చే ఎన్ని కల్లో పొత్తు లేకుండా పోటీచేసి రాష్ట్రంలో ఉనికిని చాటుకోవడం ప్రధాన లక్ష్యం. వచ్చే ఎన్నికల్లో ఏ పార్టీ ఓడిపోయినా కూడా ఆ పార్టీకి అవే చివరి ఎన్నికలు, ఆ పార్టీ స్థానం లోకి బీజేపీ ప్రవేశించడం ఖాయంగా కనిపిస్తోంది.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • నగర కిరీటం జయకేనా?
    జిల్లాలో తెలుగుదేశం పార్టీ స్థితిగతుల గురించి అధిష్టానం నాలుగేళ్ళుగా పట్టించుకో లేదు. ఇష్టం వచ్చిన రీతిలో పదవులు ఇచ్చు కుంటూ పోయారు. ఒక వర్గాన్ని తొక్కడమే లక్ష్యంగా పనిచేసారు. రాజకీయాలలో ఎక్కడం, తొక్కడం లాంటివి మంచిది కాదని ఇప్పుడు తెలుసుకున్నారు. అందుకే…
  • గుంతలా!..మత్యు గుహలా!..
    జిల్లాలోని చెరువులు దొరువుల్లో, నీటి గుంతల్లో మృత్యువు పొంచివుంటోంది. ఆ మృత్యువు ఎప్పుడు ఎవరిని కాటేస్తుందో తెలియడం లేదు. ఇటీవల సెలవుల్లో సరదాగా ఈతకు దిగిన పలువురు చిన్నారులను, యువకులను మృత్యువు పొట్టనబెట్టుకుంది. చెరువుల్లో ఎక్కడంటే అక్కడ నిబంధనలకు విరుద్ధంగా గుంతలు…
  • నారా కుటుంబానికి నందమూరి శాపం - భేతాళకథ
    పట్టువదలని హైటెక్‌ విక్రమార్కుడు ఎర్లీ మార్నింగ్‌ ఎయిట్‌ఫార్టీ ఫైవ్‌ కల్లా నిద్ర లేచాడు. ఒంట్లో కొవ్వు 250మిల్లీగ్రాములుందని, రోజూ వాకింగ్‌ చేయమని డాక్టర్‌ 2500 రూపాయలు తీసుకుని చెప్పివుండడంతో ఆరోజుకు తన కర్తవ్యంగా 250మీటర్ల వాకింగ్‌ను పూర్తి చేసాడు. రూమ్‌లో నీట్‌గా…

Newsletter