20 April 2017 Written by 

తిరుగుబాట్లతో తలపోటు

chandra talapotuకాంగ్రెస్‌కు సోనియాగాంధీ, తృణమూల్‌ కాంగ్రెస్‌కు మమతా బెనర్జీ, డిఎంకెకు కరుణానిధి, ఎంఐఎంకు అసదుద్దీన్‌ ఓవైసీ... అధినేతలు. ఆ పార్టీలకు నియంతలు. వీళ్లను విమర్శించిగాని, ఎదిరించి మాట్లాడిగాని ఆ పార్టీల్లో ఎవరూ నిలబడలేరు. ఈ పార్టీల మాదిరిగానే, ఈ పార్టీల అధినేతల మాదిరిగానే తెలుగు దేశం పార్టీకి చంద్రబాబునాయుడు నియంత. పార్టీలో ఆయనకు భజన, అభినందన తప్ప ఆయనపై విమర్శలు, ఆరోపణలు ఉండవు. అలా చేసిన వాళ్ళు పార్టీలో కూడా ఉండరు.

అయితే పార్టీలో ఈ క్రమశిక్షణ అంతా కూడా పార్టీలోని నాయకులకు అధినేత నాయకత్వ సమర్ధతపై నమ్మకం ఉన్నంత వరకే! చంద్రబాబు ఎప్పుడైతే తన ప్రభుత్వాన్ని నిలుపుకోవడానికి తనపై తన పార్టీపై నమ్మకం లేక వైసిపి నుండి 21మంది ఎమ్మెల్యేలను వివిధ మార్గాలలో తెచ్చుకున్నాడో, అప్పుడే ఆయన నాయకత్వంపై తెలుగుదేశం నాయకుల్లో నమ్మకాలు సడలిపోయాయి. ఎప్పుడైతే సొంత ఎమ్మెల్యేలను పక్కనపెట్టి అవతల పార్టీ నుండి వచ్చిన ఎమ్మెల్యేలకు మంత్రి పదవులిచ్చాడో అప్పుడే తెలుగుదేశంలో వున్న నాయకులకు ఆయనపై వ్యతిరేక భావం ఏర్పడింది.

మంత్రివర్గ విస్తరణ జరిగిన వెంటనే ఒక్క నెల్లూరు జిల్లాలో తప్పితే అన్ని జిల్లాల్లోనూ తెలుగుతమ్ముళ్లు చంద్రబాబు నిర్ణయంపై బహిరంగంగానే తమ అసంతృప్తిని వెళ్లగక్కడం చూసాం. మంత్రి పదవి వూడిన బొజ్జల గోపాలకృష్ణారెడ్డిని మొదలుకొని మంత్రి పదవి రాని గోరంట్ల బుచ్చయ్యచౌదరి దాకా చాలామంది తెలుగుతమ్ముళ్ళు చంద్రబాబుపై బహి రంగంగానే కారాలు మిరియాలు నూరారు. హఠాత్తుగా జరిగిన తమ్ముళ్ల తిరుగుబాటు తోనే చంద్రబాబు దిమ్మ తిరిగింది. వాట న్నింటిని సర్దుకుని తేరుకునే లోపే సొంత నియోజకవర్గం ఎంపీ ఎన్‌.శివప్రసాద్‌ రూపంలో మరో షాక్‌ తగిలింది. అంబే ద్కర్‌ జయంతి సాక్షిగా చంద్రబాబు విధా నాలను ఆయన బహిరంగంగానే ఎండ గట్టడం సంచలనం రేపింది. శివప్రసాద్‌ చిత్తూరు ఎంపీ! దళితుడు. ఆయన ఎంపీ కావడంలో చంద్రబాబు సహకారముంది. అయినా కూడా చంద్రబాబుపై తిరుగు బాటు బావుటా ఎగురవేశాడు.

సొంత ఎంపీయే తనపై విమర్శలు ఎక్కుపెట్టడంతో చంద్రబాబు కక్కలేక మింగలేక సతమతమవుతున్నాడు. క్రమ శిక్షణా చర్యల క్రింద వేటు వేద్దామంటే మరి బొజ్జల, గోరంట్ల బుచ్చయ్య, బోండా ఉమలపై ఎందుకు చర్యలు తీసుకోలేదనే ప్రశ్న వస్తుంది. దళితులంటే అలుసై పోయారా అనే విమర్శలు ఎదుర్కోక తప్పదు. ఇప్పటికే అవినీతి ఆరోపణలున్న పత్తిపాటి పుల్లారావు జోలికి పోకుండా దళితవర్గాలకు చెందిన పీతల సుజాత, రావెల కిషోర్‌బాబులను మంత్రి పదవుల నుండి తొలగించి చంద్రబాబు విమర్శల పాలయ్యారు. పార్టీలో ఇతర నాయకుల జోలికిపోకుండా ఎంపీ శివప్రసాద్‌ మీద చర్యలు తీసుకోలేరు. అలాగని చర్యలు తీసుకోకపోతే చంద్రబాబును రేపు ఇంకో నాయకుడు విమర్శించడానికి లైసెన్స్‌ ఇచ్చినట్లవుతుంది.

మొత్తంమీద తెలుగుదేశం పార్టీలో క్రమశిక్షణ అన్నది నేతిబీరకాయగా మారింది. పార్టీ గీసిన గీత దాటి ప్రవర్తిస్తున్న నాయకులపై ధైర్యంగా చర్యలు తీసుకోలేని స్థితిలో చంద్రబాబు ఉన్నాడు. ఇదంతా కూడా పార్టీ సిద్ధాంత మనే లక్ష్మణరేఖను ఆయన ఎప్పుడో దాటేసి ఉండడం వల్లే!



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • నగర కిరీటం జయకేనా?
    జిల్లాలో తెలుగుదేశం పార్టీ స్థితిగతుల గురించి అధిష్టానం నాలుగేళ్ళుగా పట్టించుకో లేదు. ఇష్టం వచ్చిన రీతిలో పదవులు ఇచ్చు కుంటూ పోయారు. ఒక వర్గాన్ని తొక్కడమే లక్ష్యంగా పనిచేసారు. రాజకీయాలలో ఎక్కడం, తొక్కడం లాంటివి మంచిది కాదని ఇప్పుడు తెలుసుకున్నారు. అందుకే…
  • గుంతలా!..మత్యు గుహలా!..
    జిల్లాలోని చెరువులు దొరువుల్లో, నీటి గుంతల్లో మృత్యువు పొంచివుంటోంది. ఆ మృత్యువు ఎప్పుడు ఎవరిని కాటేస్తుందో తెలియడం లేదు. ఇటీవల సెలవుల్లో సరదాగా ఈతకు దిగిన పలువురు చిన్నారులను, యువకులను మృత్యువు పొట్టనబెట్టుకుంది. చెరువుల్లో ఎక్కడంటే అక్కడ నిబంధనలకు విరుద్ధంగా గుంతలు…
  • నారా కుటుంబానికి నందమూరి శాపం - భేతాళకథ
    పట్టువదలని హైటెక్‌ విక్రమార్కుడు ఎర్లీ మార్నింగ్‌ ఎయిట్‌ఫార్టీ ఫైవ్‌ కల్లా నిద్ర లేచాడు. ఒంట్లో కొవ్వు 250మిల్లీగ్రాములుందని, రోజూ వాకింగ్‌ చేయమని డాక్టర్‌ 2500 రూపాయలు తీసుకుని చెప్పివుండడంతో ఆరోజుకు తన కర్తవ్యంగా 250మీటర్ల వాకింగ్‌ను పూర్తి చేసాడు. రూమ్‌లో నీట్‌గా…

Newsletter