12 May 2017 Written by 

రాత మారని అన్నదాత

farmerప్రభుత్వాలు ఎన్ని మారుతున్నా దేశానికి అన్నం పెట్టే అన్నదాతలైన రైతన్నల తలరాతలు మాత్రం మారడం లేదు. దేశం గతంలో కంటే ఇప్పుడు మరింత అభివృద్ధి పధంలో పురోగమిస్తున్నా, వ్యవసాయ రంగం మాత్రం నానాటికీ వెనుకబడిపోతూనే వుంది. కారణం ఏమిటన్నది అందరికీ తెలిసిందే. రైతన్నల సమస్యలను ఎవరు పట్టించుకుంటున్నారు కనుక! పండించిన పంటకు తగ్గ గిట్టుబాటు ధర లేక, ఆరు గాలం కష్టించి చెమటోడ్చి పండించిన పంటను అతి తక్కువ ధరకే అమ్మేసుకుని కన్ళీళ్ళతో ఇంటికి చేరుకుంటున్నాడు రైతు. ఇది ఏ ఒక్క గ్రామంలోనో కాదు, దేశవ్యాప్తంగా అన్ని చోట్ల వున్న దుర్గతి. అయినా పట్టించుకునేదెవరు?... వ్యవసాయ రంగానికి సంబంధించిన సమస్యలు అనేకం వుంటున్నాయి.. అయినా తీర్చేదెవరు?..

సేద్యం అన్నది ఆషామాషీ వ్యవహారం కాదు. దుక్కి దున్నాలి, విత్తనాలు చల్లాలి, ఎరువులు వేయాలి, సాగునీరు పుష్కలంగా వుండాలి, పురుగుమందులు అందుబాటులో వుండాలి..పరిస్థితులన్నీ అనుకూలించి ఆ పంటలు పండాలి. అన్నిటికీ మించి పండించిన పంటకు గిట్టుబాటు ధర వుండాలి. దేశానికి అన్నం పెట్టే రైతు నాలుగు మెతుకులు తినాలంటే గిట్టుబాటు ధర వుంటేనే సాధ్యం. అయినా, అది నేటికీ గగన కుసుమంగానే వుంది. వ్యవసాయరంగంలో ఎన్నో విప్లవాత్మకమైన మార్పులు వచ్చినా, అధునాతన యంత్రసామగ్రి అందుబాటులోకి వచ్చినా పంటచేలో నీళ్ళులేక, అదునుకు పదునైన వర్షాలు లేక ఎదిగొచ్చిన పంట నిలువునా ఎండిపోతుంటే రైతు ఎంత బాధ పడతాడో.. అ బాధ పడేవారికే తెలుస్తుంది. ఒక్కోసారి పంటలకు పుష్కలంగా నీరుందని సంతోషిస్తున్న తరుణంలో అకాల వర్షాలు ముంచుకొచ్చి పంటలను కళ్ళముందే నిలువునా ముంచేస్తుంటే.. ఆ బాధ కష్టపడ్డ రైతు గుండెకే తెలుస్తుంది. కరువొచ్చినా, వరదొచ్చినా ముందుగా బాధపడేది రైతన్నే. వాన రాకున్నా, కుండపోతగా కురిసినా హడలిపోయేది అన్నదాతే. వరి రైతులు, పండ్ల రైతులు, ఆకుతోటల రైతులు..చెరుకు రైతులు, మిర్చి రైతులు, పత్తిరైతులు ఇలా అనేక రకాల పంటలు సాగుచేసుకుంటున్న రైతులు సేద్యంలో బాగా అనుభవం వున్నవారే అయినప్పటికీ, ప్రకృతి ప్రకోపాలకు గురవడం వల్లనో, లేక గిట్టుబాటు ధర లేకపోవడం వల్లనో.. ఇతరత్రా కారణాల వల్లనో ప్రతి ఏటా సమస్యల సుడిగుండంలో పడిపోతూనే వున్నారు. దిక్కుతోచక కొంతమంది రోడ్లెక్కి ఆందోళనల బాట పడుతున్నారు.

అసలు, దేశ ఆర్థికవ్యవస్థకు ఇరుసు వంటి వ్యవసాయరంగం నానాటికీ కుదేలైపోతున్నా పాలకులు పట్టించుకున్నట్లు వుంటూనే పట్టించుకోకపోవడమే విచారకరం. ఇదే అదనుగా తీసుకుని దళారులు, వ్యాపారులు గ్రామీణ రైతాంగాన్ని పూర్తిస్థాయిలో ఉపయోగించుకుని రైతులనుంచి అందినంతా దోచుకుంటున్నారు. మనదేశంలో వ్యవసాయదారుల కుటుంబానికి సగటు రాబడి కేవలం ఆరున్నరవేయి కంటే మించడం లేదని ఒకవైపు గణాంకాలు స్పష్టం చేస్తున్నాయి. కుటుంబమంతా రోజంతా కష్టపడి పనిచేసినా సగటున వచ్చే రాబడి ఇంతే. మరి, ఇంత కొద్దిమొత్తంతో సగటు రైతు కుటుంబం ఏమి తినాలి?.. ఎలా బతకాలి?.. ఇంకా చదువులు, వైద్యం, ఇతరత్రా ఖర్చులను ఎలా భరాయించాలి?..ఇవన్నీ ప్రభుత్వాలు బాగా ఆలోచించాల్సిన విషయాలు. పంటలకు సాగునీరు లేక అనేక ప్రాంతాల్లో రైతులు ఆకాశం కేసి ఎన్నాళ్ళని నిరీక్షించాలి?.. పంటలు పండక చేసిన అప్పులు ఎలా తీర్చాలి?..ఇలా అన్నదాతల జీవితాలకు అన్నీ సమాధానం లేని ప్రశ్నలే.

ఒకవైపు పేదరికం, మరోవైపు దళారుల మాయాజాలం, వ్యాపారుల ఇంద్రజాలం.. ఇంకోవైపు ప్రకృతి విపత్తులు.. నాల్గో వైపు గిట్టుబాటు ధరలు లేకపోవడం ఇలా నాలుగువైపులా నాలుగురకాల గండాలుంటే, రైతు బతుకులు ఈ కష్టాల సుడిగుండాల్లోంచి ఎలా బయట పడాలి?.. రేయింబవళ్ళు శ్రమించినా పెట్టిన పెట్టుబడే చేతికి రాకపోతుంటే ఇలాంటి సేద్యం ఎంతకాలం చేయగలమనే నిరాశ రైతులను ఆవరిస్తోంది.. రైతుల కోసం కేంద్ర, రాష్ట్ర ప్రభుత్వాలు ఎన్నో రకాల పథకాలు ప్రవేశపెట్టినా క్షేత్రస్థాయిలో ఆ పథకాలు అసలైన లబ్దిదారులకు చేరుతున్నాయో లేదో ఎవరు పట్టించుకుంటున్నారు?.. అయినా, మనదేశంలో రైతులు ఎవరినీ యాచించరు. తాము పదుగురికీ అన్నం పెట్టేవారే కానీ, ఒకరిని అన్నం పెట్టమని అర్ధిం చరు. అలాంటి ధీరగుణం.. ఔదార్యగుణం మన రైతన్నల సొత్తు. మట్టిని నమ్ముకుని నిత్యం కష్టపడి బతుకుతూ, పదిమందినీ బతికిస్తూ సగర్వంగా జీవించేే మన రైతన్నలు.. రైతు కుటుంబాలే మన దేశానికి అసలైన జీవగర్రలు. అలాంటి రైతుల క్షేమంగా వుండాలి. నకిలీ విత్తనాలు, కల్తీ ఎరువులు, ప్రకృతి విపత్తులు, మార్కెట్లో మాయాజాలాలు అన్నీ అన్నదాతలపైనే విరుచుకుపడుతుంటే.. ఎన్నని తట్టుకోగలడు రైతన్న. ఇక ఏమీచేయలేని అసహాయస్థితిలో అప్పులు తీర్చలేక, కుటుంబాలను పోషించు కోలేక అనేకమంది రైతులు బలవన్మరణాలకు సైతం పాల్పడుతుండడం ఎంత బాధాకరం!.. ఇకనైనా ఈ దుస్థితి మారాలి. ప్రభుత్వాలు కళ్ళు తెరవాలి. రైతుల కన్నీళ్ళు తుడవాలి. అందరికీ అన్నం పెట్టే అన్నదాతలు కలకాలం హాయిగా వుండేలా చూడాలి. రైతన్నలు ఎంత హాయిగా వుంటే దేశం అంతగా సంతోషంతో కళకళలాడుతుందని గుర్తుంచుకోవాలి. పంటలకు వనరుల కల్పన, ఆర్థిక చేయూత, గిట్టుబాటు ధరతో పాటు ఆయాప్రాంతాల్లో రైతుల సమస్యలను ప్రభుత్వాలు సత్వరం పరిశీలించి పరిష్కరించాలి. కేంద్ర-రాష్ట్ర ప్రభుత్వాలతోపాటు, మేధావులు, శాస్త్రవేత్తలు, రైతు ప్రతినిధులు అందరూ కలసి రైతుల సమస్యల పరిష్కారానికి ఒక బృహత్తరమైన కార్యాచరణ పధకాన్ని ఆలోచించి అమలు చేయాల్సిన తరుణం ఇదే. ఏదేమైనా సరే, దేశానికి వెన్నెముక అయిన రైతాంగాన్ని అన్నివిధాలా ఆదుకోవాలి. 'రైతే రాజు'అన్నది కేవలం నినాదంగా కాక..అది ఏనాటికీ చెదరని వాస్తవంగా..సగర్వంగా చాటుకోవాలి.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • నడిచినా... నిద్రించినా... ఏడాదంతా ప్రజల మధ్యే...
    ప్రజలే దేవుళ్ళు, వారి ఇళ్ళే తనకు గుళ్ళు అని భావించి అనుక్షణం వారి మధ్యే వుంటూ వారి సమస్యలు తెలుసుకుంటూ వారి కష్ట సుఖాలలో తోడుండాలని కోరు కునే ప్రజా నాయకుడు నెల్లూరు గ్రామీణ ఎమ్మెల్యే కోటంరెడ్డి శ్రీధర్‌రెడ్డి. నిద్ర లేచింది…
  • హోదా పోరుతో... వ్యతిరేకత పోగొట్టుకున్నారు
    నెల్లూరుజిల్లాతో సంబంధం వున్న లోక్‌ సభ సభ్యులు మేక పాటి రాజమోహన్‌ రెడ్డి(నెల్లూరు), వెలగ పూడి వరప్రసాద్‌ (తిరుపతి)లు ప్రత్యేక హోదా ఉద్యమంలో కీలకపాత్ర పోషించారు. హోదా ఉద్యమంలో చురుకుగా పాల్గొనడం ద్వారా తమ తమ నియోజకవర్గాలలో తమ పట్ల నెలకొన్న…

Newsletter