Friday, 12 May 2017 12:08

బాబు విజన్‌కు ట్రంప్‌ బేజారు!

Written by 
Rate this item
(0 votes)

galpikaప్రపంచంలోని మేటి నగరాలన్నిం టిని రోటిలో వేసి రుబ్బి బయటకు తీస్తే వచ్చిన అమరావతి రాజధాని నగర మది. హైటెక్‌రత్న చంద్రబాబు బృందం అమెరికా పర్యటనకు బయల్దేరబోతుంది. భువనేశ్వరీదేవి, నారా లోకేష్‌, బ్రాహ్మణి, దేవాన్ష్‌లు బాబు టీంకు మంగళహారతి ఇచ్చి వీడ్కోలు పలకసాగారు. తన తండ్రితో లోకేష్‌ వుండి... నాన్నారు, క్షేమంగా వెళ్ళి భారీ పెట్టుబడులతో లాభంగా రండి అని విషెస్‌ చెప్పాడు. అందుకు చంద్రబాబు... నాయనా, నేను క్షేమంగా వెళ్ళి మనశ్శాంతిగా రావాలంటే నువ్వొక వ్రతం చేయాలని చెప్పాడు. వెంటనే లోకేష్‌... ఉపవాసాలు వంటివి కాకుండా ఇంకే వ్రతమైనా చెప్పండి నాన్నగారు, చేస్తానన్నాడు. నేను అమెరికా నుండి తిరిగొచ్చే వరకు మౌనవ్రతం పాటించు నాయనా, నేను అమెరికా నుండి ప్రశాంతంగా, మనశ్శాంతితో తిరిగొస్తాను అని కోరాడు. అది విన్న కేంద్రమంత్రి సుజనాచౌదరి... అదేంటి సార్‌, చినబాబు మౌనవ్రతం పాటిస్తే ఎలా? మీరొచ్చే దాకా చినబాబే కదా అన్నీ చూసుకోవా ల్సిందని అడిగాడు. అందుకు చంద్ర బాబు... చిన్నబాబు ఏమీ చూసుకోలేక పోయినా ఫర్వాలేదు. కాని నేను లేన ప్పుడు ఎవరికి జయంతిని చేస్తాడో, ఎవరికి వర్ధంతి శుభాకాంక్షలు చెప్తాడో తెలియక అనుక్షణం టెన్షన్‌ పడుతుం టాను. మనిషిని అమెరికాలో వున్నా మనసు ఇక్కడే వుంటుంది. లోకేష్‌ నేనొచ్చే దాకా మౌనవ్రతం పాటించాడనుకో... ఏ చింతా లేకుండా అమెరికా పర్యటన పూర్తి చేసుకోగలనన్నాడు. మీ లాజిక్‌ బాగుంది సార్‌... యుక్తికి భక్తికి ముడి పెట్టి కొట్టారు అని సుజనా కితాబిచ్చాడు. అంతలో సేద్యం శాఖ మంత్రి సోమిరెడ్డి చంద్రమోహన్‌రెడ్డి అక్కడకు వచ్చాడు. చంద్రబాబు టీమ్‌కు విదేశీ యాన శుభా కాంక్షలు చెప్పి... అక్కడేవున్న లోకేష్‌తో... చిన్నబాబు గారు, బాగున్నారా అని పలుకరించాడు. వెంటనే లోకేష్‌... నేను మౌనవ్రతం పాటిస్తున్నానండి... ఎవరి తోనూ మాట్లాడకూడదన్నాడు. అది విని చంద్రబాబు జుట్టు పీక్కుని, ఇక అక్కడ ఆగకుండా ఎయిర్‌పోర్టుకు బయలు దేరాడు.

--------------

వాషింగ్టన్‌లో జాన్‌కెనడీ ఎయిర్‌పోర్ట్‌. చంద్రబాబు టీం స్పెషల్‌ ఫ్లైట్‌ అప్పుడే ల్యాండయ్యింది. విమానం దిగి ఎయిర్‌ పోర్టు ప్రాంగణంలోకి వచ్చిన చంద్ర బాబుకు అమెరికా అధ్యక్షుడు డోనాల్డ్‌ ట్రంప్‌ దంపతులు, మాజీఅధ్యక్షులు బరాక్‌ ఒబామా, బిల్‌క్లింటన్‌ దంపతు లతో పాటు మైక్రోసాఫ్ట్‌ అధినేత బిల్‌గేట్స్‌, సిఇఓ సత్య నాదెండ్ల, గూగుల్‌ సిఇఓ సుందర్‌ పిచాయ్‌లు ఘనస్వాగతం పలికారు. బిల్‌గేట్స్‌ వుండి ట్రంప్‌తో... సార్‌, చంద్రబాబు గారి దయవల్లే నేను మైక్రోసాఫ్ట్‌ కంపెనీని పెట్టగలిగాను, కంప్యూటర్‌ల వ్యాపారం చేసుకో, బాగా డెవలప్‌మెంట్‌ అవుతావు అని నాకు సలహా ఇచ్చింది ఆయనే అని చెప్పాడు. వెంటనే సత్య నాదెండ్ల కూడా... సార్‌ నాకు మైక్రోసాఫ్ట్‌ సిఇఓగా ఉద్యోగం ఇప్పించింది కూడా చంద్రబాబుగారే అని ట్రంప్‌తో అన్నాడు. అక్కడేవున్న సుందర్‌ పిచాయ్‌ నేనేం తక్కువ తిన్నానా.. అన్నట్లు... సార్‌, నేను చిన్నప్పటి నుండి చంద్రబాబు గారిని స్ఫూర్తిగా తీసుకుని చదివాను, కాబట్టే గూగుల్‌ సిఇఓని కాగలిగానన్నాడు. అప్పటిదాకా అందరూ చెప్పింది ఓపిగ్గా వున్న ట్రంప్‌ ఇక

ఉండబట్టలేక... పిచ్చోళ్ళారా... అసలు నేను అమెరికా అధ్యక్షుడినయ్యిందే చంద్రబాబు గారి దయవల్ల అని చెప్పాడు. ఆ మాటకు అమెరికావాళ్లే కాదు, ఆంధ్రా నుండి వచ్చిన నాయకులు కళ్ళు కూడా గిర్రున తిరిగాయి. చంద్రబాబుకైతే ఒక్క నిముషం ఏమీ అర్ధం కాలేదు. మనసులో మాత్రం ఈ విషయం నాకు ముందే తెలుసుండుంటే ప్రతి సభలోనూ డప్పు కొట్టుకుని ఉండేవాడిని కదా అని అనుకున్నాడు. మీరు అధ్యక్షుడు కావడానికి చంద్రబాబుకు సంబంధమేంటని బిల్‌ క్లింటన్‌ అడిగాడు. దానికి ట్రంప్‌... 2014లో ఆయన ఎలక్షన్‌ చేసిన విధా నాన్ని నేను అబ్జర్వ్‌ చేసాను. ఆచరణ సాధ్యం కాని ఋణమాఫీ, నిరుద్యోగ భృతి, కోటి ఉద్యోగాలు వంటి హామీలిచ్చి ఆయన అధికారాన్ని చేజిక్కించుకున్నాడు. ఆచరణ సాధ్యంకాని హామీలిచ్చి ఆయన గెలవగాలేనిది, ఆచరణలో సాధ్యమయ్యే హామీలిచ్చి నేను గెలవలేనా అనిపిం చింది. ఆయన ఉద్యోగాలిస్తానన్నాడు, నేను భారతీయులను ఉద్యోగాల నుండి తీసేసి మా దేశపువాళ్లకు ఇస్తానని హామీ ఇచ్చాను. అంతే.. అమెరికన్లందరూ నాకు అండగా నిలిచారని చెప్పాడు. అది విన్న సత్య నాదెండ్ల... మా చంద్రబాబు దెబ్బకు మీకు అధ్యక్ష ఉద్యోగం వచ్చి మా వాళ్ళ సాఫ్ట్‌వేర్‌ ఉద్యోగాలన్నీ పోయా యన్న మాట అని మనసులో అనుకు న్నాడు. అక్కడ పలకరింపులు అయిపో యాక అందరూ వైట్‌హౌస్‌కు బయలు దేరారు. చంద్రబాబుతో పాటు ట్రంప్‌, ఒబామా, బిల్‌క్లింటన్‌లు ఒకే కారులో కూర్చున్నారు. దారిలో పోతుండగా వీరికి లిబర్టీ ఆఫ్‌ స్టాచ్యూ కనిపించింది. చంద్ర బాబుకు ట్రంప్‌ దానిని చూపిస్తూ... ఇది ప్రపంచ వింతల్లో ఒకటి అని చెప్పాడు. దానికి చంద్రబాబు... విగ్రహాలు కూడా ఒక వింతేనా? ఇలాంటివే మా రాష్ట్రంలో వీధికొకటి లెక్కన వై.యస్‌.రాజశేఖరరెడ్డి విగ్రహాలు ఉన్నాయన్నాడు. ఆ మాటకు ట్రంప్‌ ముఖం చిన్నబోయింది. ఇట్లా కాదనుకుని కారును నేరుగా నయాగారా జలపాతం దగ్గరకు పోనిచ్చాడు. నయా గారా జలపాతం చూపిస్తూ... ఇలాంటి జలపాతం ప్రపంచంలో ఎక్కడా ఉండ దని ట్రంప్‌ చెప్పాడు. వెంటనే చంద్ర బాబు... మీకు నయాగారా జలపాతం ఒక్కటే... భారీ వర్షాలు, వరదల సమ యంలో మా రాష్ట్రానికి వచ్చి చూడు... చెరువులు, కాలువలు తెగి ఊరికొక నయాగారా జలపాతం ఉంటుందని అన్నాడు. ఇక్కడా ట్రంప్‌కు తల కొట్టేసి నట్లయ్యింది. నాకే తిక్క అనుకుంటే ఇతనికి నన్ను మించిన తిక్కుంది. ఇతనికి ఇలా కాదు అనుకుంటూ కారును నేరుగా లాడెన్‌ విమానాలతో నేల కూల్చిన డబ్ల్యూటిసి భవనాల ప్రాంతానికి తీసు కెళ్లాడు. అక్కడ 26/11 మృతులకు అందరూ నివాళులర్పించారు. తర్వాత ట్రంప్‌ వుండి... లాడెన్‌ రెండు విమానా లతో ఇక్కడ భవనాలను కూల్చేసాడని చెప్పాడు. దానికి చంద్రబాబు స్పం దిస్తూ... మేం ఉగ్రవాదులకు అలాంటి అవకాశాలివ్వం, విమానాలతో కూల్చేంత పటిష్టంగా మేం భవనాలు కట్టం. ఎందు కంటే అక్కడ విమానాలను కూడా నష్ట పోవాల్సి వస్తుంది. అందుకే ప్రొక్లెన్‌ బకెట్‌తో ఒక దెబ్బ కొడితే కూలిపోయేంత నాణ్యతగా భవనాలు కడతామన్నాడు. చంద్రబాబు ప్రతి దానికి కౌంటర్‌ అటాక్‌ చేస్తుండడంతో ట్రంప్‌కు చిర్రెత్తింది. ఈ బాబుకు అమెరికా గొప్పతనాన్ని ఎక్కడో చోట అర్ధమయేర్యలా చెప్పాలి... అమెరికా గ్రేట్‌... అని అతని నోటి నుండే అనిపించాలని మనసులో అనుకుంటూ అక్కడ నుండి వైట్‌హౌస్‌కు బయల్దేరారు.

(ఇంకా వుంది)

Read 56 times
Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • నెల్లూరు నగరాభివృద్ధికి... నాలుగు స్థంభాలు
    కన్నతల్లిని జన్మభూమిని ఎప్పుడూ మరచిపోకూడదని మన కేంద్రమంత్రి యం.వెంకయ్యనాయుడు ప్రతి సభలోనూ చెబుతుంటారు. మరి ఎంతమంది ఆ మాటను చెవికెక్కించుకుంటారన్నది వేరే విషయం. కాని ఆయన చెప్పే మాట ప్రతి ఒక్కరికీ వర్తిస్తుంది. కన్నతల్లిని జన్మభూమిని మరువవద్దని ఆయన చెబుతున్న మాటలను…
  • తీరంకు సిఇజడ్‌ హారం
    డాక్టర్‌ వై.యస్‌.రాజశేఖరరెడ్డి పాలనలో జిల్లాలో పారిశ్రామిక ప్రగతి పరుగులు పెట్టింది. కృష్ణపట్నం పోర్టు అత్యంత వేగంగా నిర్మాణం పూర్తి చేసు కుంది. వై.యస్‌. అనే నాయకుడు మర ణించకపోయి వుంటే కృష్ణపట్నం పోర్టు ఈరోజు దేశంలోనే ప్రముఖ పారిశ్రామిక హబ్‌గా అవతరించి…
  • ఆర్టీసీని... ఆధునీకరించడం కాదు... తరలించడమే ఉత్తమం
    నెల్లూరులోని ఆర్టీసీ బస్టాండ్‌కు నాలుగు దశాబ్దాల పైబడిన చరిత్ర ఉంది. అప్పట్లో ఈ బస్టాండ్‌ నగరానికి దూరంగా ఉన్న ట్లుండేది. ఈ నాలుగు దశాబ్దాల కాలంలో నగరం నలువైపులా విస్తరించింది. దీంతో ఆర్టీసీ బస్టాండ్‌ నగరానికి నడిబొడ్డులో వున్నట్లయ్యింది. కొన్నేళ్ల క్రితం…
  • నేలటూరువాసులకు సివిఆర్‌ జ్యోతులు
    ఈ నెల 20వ తేదీన కృష్ణపట్నం పోర్టు సివిఆర్‌ జ్యోతి పథకంలో భాగంగా ముత్తుకూరు మండలం నేలటూరులోని 150మంది మత్స్యకార కుటుంబాల వారికి ఉచితంగా గ్యాస్‌స్టౌలను అందించారు. కేంద్ర పర్యావరణ, అటవీశాఖ, వాతావరణ మార్పు శాఖ అధికారులు దీపక్‌ శ్యామ్యూల్‌, భూమత్‌…
  • నాయుడుపేట టు పూతలపట్టు... ఆరులైన్లకు ఆమోదం
    ఏపిలోనే అత్యంత రద్దీ ఉన్న రహదారులలో ప్రధానమైనది నాయుడు పేట - బెంగుళూరు రోడ్డు. ఏపి నుండి తమిళనాడు, కేరళ, కర్నాటక రాష్ట్రాలలోని పలు ప్రాంతాలను కలిపే ప్రధాన మార్గమిది. అంతేకాదు, ప్రముఖ ఆథ్యాత్మిక క్షేత్రాలన్నీ కొలువైన రహదారి. శ్రీకాళహస్తి, తిరుమల,…

Newsletter