02 June 2017 Written by 

మూడేళ్ళలో ముచ్చ టైన పాలన

modiప్రధానమంత్రిగా నరేంద్రమోడీ ఈ మూడేళ్ళ కాలంలో అనేక విజయాలనే సాధించారు. దేశాభ్యున్నతి కోసం సాహసమైన నిర్ణయాలే తీసుకుని దేశాన్ని ప్రగతిపథంలో నడిపిస్తున్నారు. సమస్యలెన్నున్నా ధీటుగా ఎదుర్కొంటూ అప్రతిహతంగా ముందుకు సాగిపోతున్నారు.

పాలనాపరంగా పారదర్శకత, గట్టి రాజకీయ నిర్ణయాలు, వినూత్నమైన ఆలోచనలు..మంచిమంచి పథకాలు, ఆకట్టుకునే ప్రసంగాలతో ప్రధాని మోడీ అందరి మనసులను ఇట్టే ఆకట్టుకుంటున్నారు. మంచి పరిపాలనా దక్షునిగా పేరు తెచ్చుకుని, బిజెపి అగ్రనాయకునిగా ఆయన తన ప్రతిష్టను ఎప్పటికప్పుడు నిలబెట్టుకుంటూనే వున్నారు. దేశంలో ఆరోవంతు జనాభా వున్న ఉత్తరప్రదేశ్‌లో అధికారంలోకి రావడమంటే మాటలు కాదు. అలాంటిది ఎవరూ ఊహించని విధంగా ఆయన సారధ్యంలో, బిజెపి నేతృత్వంలో అక్కడ అద్భుతమైన విజయాన్నే సాధించి రికార్డ్‌ సృష్టించారు. ఒక్క యుపిలోనే కాదు, ప్రధానిగా మోడీ బాధ్యతలు చేపట్టిన తర్వాత మహారాష్ట్ర, హర్యానా, అస్సాం, మణిపూర్‌లలో బిజెపి ప్రభుత్వాలు ఏర్ప డ్డాయి. జమ్ము కశ్మీర్‌లోనూ పిడిపితో కలిసి బిజెపి సంకీర్ణప్రభుత్వాన్ని ఏర్పాటుచేయడం జరిగింది. ఆ తర్వాత జార్ఖండ్‌, ఉత్తరాఖండ్‌, గోవాల్లోనూ బిజెపి తిరుగులేని పార్టీగా అవతరించి అధికారంలోకి వచ్చింది. ఢిల్లీ మునిసిపల్‌ ఎన్నికల్లోనూ బిజెపి తన సత్తా చాటింది. ఇదంతా మోడీ ప్రభావంతోనేనన్నది అందరికీ తెలిసిన విషయమే. ఒక్కమాటలో చెప్పా లంటే ఈ విజయాలన్నీ ఆయన ఖాతాలోనివే. మోడీ ధాటికి కాంగ్రెస్‌ ఎక్కడా నిలబడలేకపోతోంది. ప్రతి పక్షాలు సైతం మోడీ నిర్ణయాలను కాదనలేని పరిస్థితి. ఒక్క రాజకీయంగానే కాక, అనేక ప్రజాసంక్షేమ పథకాలతో, మంచి నిర్ణయాలతో మోడీ ప్రభుత్వం ప్రజల మనసుల్లో సుస్థిరస్థానం సాధించుకుంటూ ముందుకు సాగుతోంది. అధికారం తమ చేతుల్లో వుంటే ఎన్నో కుంభకోణాలతో దేశాన్ని అవినీతి మయం చేసినవారిని కూడా మనం చూశాం. అధికారం ఉంది కదా అని ఎన్నో అక్రమాలకు పాల్పడి దేశాన్ని గుల్ల చేసిన వారినీ చూశాం. అయితే, నరేంద్రమోడీ ఆధ్వర్యంలో, బిజెపి పాలనలో ఒక్క అవినీతి ఆరోపణ కూడా రాకపోవడం ఎంతైనా చెప్పుకోదగిన విషయం. ఇది మోడీ మార్క్‌ పాలనకు..మంచి పరిపాలనకు గుర్తుగా నిలిచిపోతోంది. ప్రజాబలమే దన్నుగా మోడీ జనరంజక పాలన సాగిస్తుండడంతో మొన్నటిదాకా దేశాన్ని ఏలిన కాంగ్రెస్‌ పార్టీ సైతం క్రమేణా కనుమరుగయ్యే దశకు చేరుకుంటోంది. పెద్దనోట్ల రద్దు విషయంలోనూ జరిగిందిదే. అప్పట్లో ఇది అసాధ్యమన్న కొందరు నాయకులు మోడీ దృఢనిశ్చయంతో ఆ నిర్ణయం అమలులోకి రావడం.. అది సుసాధ్యం కావడంతో ఇప్పుడు గుడ్లు తేలేస్తున్నారు. పెద్దనోట్ల రద్దుతో అవినీతి నడ్డి విరగడంతో పాటు, సామాన్యప్రజల్లో మోడీ విధానాలు ఎంతో మెచ్చుకోదగ్గవిగా ప్రశంసలందుకుంటున్నాయి. మరోవైపు ప్రపంచ మానవాళిని భయకంపితుల్ని చేస్తున్న ఉగ్రవాదాన్ని కూకటివేళ్ళతో సహా పెకలించేందుకు ప్రపంచదేశాలన్నీ కలసి సమిష్టిగా పోరు సాగించాలని కోరుతూ దేశవిదేశాల్లో ఆయన చేస్తున్న ఉత్తేజపూరిత ప్రసంగాలు ప్రపంచ ప్రజలందరినీ బాగా ఆకర్షిస్తున్నాయి.

ఈ మూడేళ్ళలో ప్రధాని వినూత్నంగా ప్రవేశపెట్టిన డిజిటల్‌ ఇండియా, మేక్‌ ఇన్‌ ఇండియా, స్కిల్‌ ఇండియా, జన్‌ ధన్‌ యోజన, స్వచ్ఛభారత్‌ వంటి పథకాలతో పాటు మోడీ తనదైన శైలిలో ప్రారంభించిన మన్‌ కీ బాత్‌, 'యోగా' వంటి కార్యక్రమాలు ప్రజల్ని విశేషంగా ఆకట్టు కుంటున్నాయి. గతంలో కంటే ఇప్పుడు ఆర్ధికాభివృద్ధి వేగం పుంజుకోవడం, జిడిపి వృద్ధి రేటు పెరగడం, ద్రవ్యోల్బణం తగ్గుతూ వుండడం గమనించాల్సిన విషయం. ఇది మోదీ మార్క్‌ అభివృద్ధికి సంకేతం. అంతేకాదు, చిత్తశుద్ధి, దైవభక్తి, దేశభక్తి కలగలిసిన ప్రధాని నరేంద్రమోడీ ఏమిచెప్పినా అది ప్రజలకు ప్రయోజనకరంగానే వుంటుందనే విశ్వాసం ప్రజల్లో పాదుకోవడంతో ఆయన దేశంలోనే ఒక శక్తిమంతమైన నాయకునిగా నిలిచి ప్రజలందరి ప్రశంసలు అందుకుంటున్నారు. అందుకే, ఈ మూడే ళ్ళలోనే సోషల్‌మీడియాలో అత్యధిక ఫాలోయింగ్‌ వున్న అతితక్కువ ప్రపంచనాయకుల సరసన ప్రధాని నరేంద్రమోడీ స్థానం సంపాదించం ఎంతైనా విశేషం. ఫేస్‌బుక్‌లో మోడీకి మూడేళ్ళ క్రితం 1.4 కోట్ల మంది ఫాలోయర్లు వుండగా, తాజాగా ఇప్పుడది 4.1 కోట్లకు చేరుకుందంటే మోడీ పట్ల ప్రజాభిమానం ఎలా వెల్లువెత్తుతోందో అర్ధం చేసుకోవచ్చు. మోడీ ప్రవేశ పెట్టిన డిజిటల్‌ ఇండియా, మేక్‌ ఇన్‌ ఇండియా, జన్‌ ధన్‌ యోజన, స్వచ్ఛభారత్‌ పేజీలకు కూడా ఫేస్‌ బుక్‌లో మంచి ఆదరణ లభిస్తోండడం ఆ పథకాల పట్ల జనాదరణకు మంచి సూచిక. అయితే, భారత్‌కు జాతీయ, అంతర్జాతీయ స్థాయిలో ఇంకా అనేకమైన సవాళ్లు ఎదురవుతూనే వున్నాయి. ఉగ్రవాదం, సరిహద్దు సమస్యలు, కశ్మీర్‌ సమస్య ఇలా అనేక సమస్యలు చుట్టుముట్టే వున్నాయి. పథకాల ప్రచారపటాటోపం కంటే ప్రయోజనం తక్కువగా వుంటోందని, దేశంలో నిరుద్యోగం సమసిపోలేదని, పేదరికం పోవడం లేదని, ప్రజా సంక్షేమ పథకాలు అసలైన లబ్దిదారు లకు చేరడం లేదనే విమర్శలూవున్నాయి. వీటన్నిటినీ కూడా పరిశీలించి పరిష్కరించాల్సి వుంది.

ఏదేమైనా, ప్రపంచంలో శరవేగంగా అభివృద్ధి చెందుతున్న దేశాల్లో భారత్‌ ఒకటి కావడం హర్షదాయకం. ఏళ్ళ తరబడిగా కుంభకోణాలు, అవినీతి అక్రమాలతో, అన్ని రంగాలు వెనుకబడిపోయి అస్తవ్యస్థ స్థితిలో వున్న దేశంలో, కేవలం ఈ మూడేళ్ళ కాలంలోనే అత్యద్భుతమైన ప్రగతిని సాధించడం ఎవరికైనా కష్టమే. అయితే, ఆ దారిలో కృతనిశ్చయంతో సాహసోపేతంగా పనిచేస్తూ దేశాన్ని ప్రగతి దారి పట్టించినందుకు, ఈ మూడేళ్ళలో ఎలాంటి అవినీతి మచ్చ లేకుండా, దేశాభ్యున్నతికి కంకణం కట్టుకుని అహరహం

చిత్తశుద్ధితో పని చేస్తున్నందుకు ప్రధాని మోడీని, మోడీ ప్రభుత్వాన్ని అందరూ అభినందించాల్సిందే.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • రెండు నెలల్లో... ట్రెండ్‌ మారింది
    రాజకీయాలలో పరిస్థితులు తారుమారు కావడానికి ఎంతో కాలం పట్టదు. నాలుగేళ్ళ పదినెలలు సమర్ధవం తంగా పని చేసిన ఒక ప్రభుత్వం ఒక చిన్న తప్పు చేస్తే ఒక్క నెలలోనే గబ్బు పట్టొచ్చు. దాని మూలంగానే ఎన్నికల్లో ఓడిపోవచ్చు. నాలుగేళ్ళ పది నెలల…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • 'ఆనం' సరే.. మరి ఆదాల...?
    ఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ. జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి…

Newsletter