09 June 2017 Written by 

ఇఫ్కో అక్రమ భూములను స్వాధీనం చేసుకోవాలి

iffcoఇఫ్కో కిసాన్‌సెజ్‌ అక్రమంగా తన ఆధీనంలో ఉంచుకున్న 596 ఎకరాల భూమిని ప్రభుత్వం వెంటనే స్వాధీనం చేసుకునేలా చర్యలు తీసుకోవాలని రైతు సంఘాల నాయకులు రాష్ట్ర వ్యవసాయ శాఖామంత్రి సోమిరెడ్డి చంద్రమోహన్‌ రెడ్డిని కోరారు. వివాదాలేమీలేని ఈ భూమిని స్వాధీనం చేసుకోవడంలో జిల్లా కలెక్టర్‌ సాగదీత ధోరణితో వ్యవహరిస్తు న్నారని వారు ఫిర్యాదు చేశారు. రాచర్ల పాడు చెరువును ఇఫ్కో చెర నుంచి విడి పించి రైతులకు అప్పగించాలని వారు కోరారు. కిసాన్‌సెజ్‌ కోసం 1986లో 2,778.23 ఎకరాల ప్రభుత్వ, అసైన్డ్‌, దేవాదాయశాఖ భూములను కావలి ఆర్డీవో ఇఫ్కోకు అప్పగించారని వారు చెప్పారు. ఇవికాకుండా వివిధ సర్వేనెంబర్లకు సంబంధించిన 596ఎకరాల భూమిని ఇఫ్కో ఛైర్మెన్‌, ఇఫ్కో పేర్లతో వారి ఆధీ నంలో ఉంచుకున్నారని ఫిర్యాదు చేశారు. వారికి ఈ భూములు ఏ రకంగా వచ్చా యనే వివరాలు కూడా రెవెన్యూ రికార్డుల్లో లేవని, రూ.500కోట్లకు పైగా విలువచేసే ఈ భూమిని స్వాధీనం చేసుకోవాలని జిల్లా అధికారులను అనేకసార్లు కోరినా ఫలితం లేదన్నారు. కిసాన్‌సెజ్‌ భూములపై హైకోర్టు స్టే ఉన్నా, గమేసా కంపెనీ సెజ్‌ నిబంధనలకు విరుద్ధంగా ఎనిమిది కాలుష్య కారక రసాయనాలను ఉత్పత్తి చేస్తోందని చెప్పారు. జిల్లా యంత్రాంగం ఆ ఫ్యాక్టరీని తనిఖీ చేసి ఫ్యాక్టరీని మూయించి వేసేలా ఆదేశాలివ్వాలని మంత్రిని కోరారు. ఈ పరిశ్రమ రెండో యూనిట్‌కు రాచర్లపాడు పంచాయతీ అనుమతి నిరాకరించిం దన్నారు. అయితే కలెక్టర్‌ కంపెనీకి అనుకూలంగా వ్యవహరిస్తున్నారని తెలి పారు. రాచర్లపాడు చెరువులో ఉపాధి హామీ పథకం కింద అభివృద్ధి పనులు చేస్తుంటే ఇఫ్కో అధికారులు అడ్డుకుని క్రిమినల్‌ కేసులు పెట్టారని తెలిపారు. జడ్పీటీసీ శ్రీధర్‌రెడ్డి, ఊచగుంటపాలెం సర్పంచ్‌ శ్రీనివాసులు, రైతు సంఘం నాయకులు బెజవాడ గోవిందరెడ్డి, అక్కుల్‌ రెడ్డి, ప్రభాకర్‌నాయుడు మంత్రిని కలిసిన వారిలో వున్నారు. ఈ ఫిర్యాదు మీద కలెక్టర్‌తో చర్చించి చట్ట ప్రకారం చర్యలు తీసుకుంటామని మంత్రి హామీ ఇచ్చారు.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • నగర కిరీటం జయకేనా?
    జిల్లాలో తెలుగుదేశం పార్టీ స్థితిగతుల గురించి అధిష్టానం నాలుగేళ్ళుగా పట్టించుకో లేదు. ఇష్టం వచ్చిన రీతిలో పదవులు ఇచ్చు కుంటూ పోయారు. ఒక వర్గాన్ని తొక్కడమే లక్ష్యంగా పనిచేసారు. రాజకీయాలలో ఎక్కడం, తొక్కడం లాంటివి మంచిది కాదని ఇప్పుడు తెలుసుకున్నారు. అందుకే…
  • గుంతలా!..మత్యు గుహలా!..
    జిల్లాలోని చెరువులు దొరువుల్లో, నీటి గుంతల్లో మృత్యువు పొంచివుంటోంది. ఆ మృత్యువు ఎప్పుడు ఎవరిని కాటేస్తుందో తెలియడం లేదు. ఇటీవల సెలవుల్లో సరదాగా ఈతకు దిగిన పలువురు చిన్నారులను, యువకులను మృత్యువు పొట్టనబెట్టుకుంది. చెరువుల్లో ఎక్కడంటే అక్కడ నిబంధనలకు విరుద్ధంగా గుంతలు…
  • నారా కుటుంబానికి నందమూరి శాపం - భేతాళకథ
    పట్టువదలని హైటెక్‌ విక్రమార్కుడు ఎర్లీ మార్నింగ్‌ ఎయిట్‌ఫార్టీ ఫైవ్‌ కల్లా నిద్ర లేచాడు. ఒంట్లో కొవ్వు 250మిల్లీగ్రాములుందని, రోజూ వాకింగ్‌ చేయమని డాక్టర్‌ 2500 రూపాయలు తీసుకుని చెప్పివుండడంతో ఆరోజుకు తన కర్తవ్యంగా 250మీటర్ల వాకింగ్‌ను పూర్తి చేసాడు. రూమ్‌లో నీట్‌గా…

Newsletter