16 June 2017 Written by 

వెన్నెముక విరుగుతోంది!

farmerదేశానికి అన్నం పెట్టే అన్నదాతైన రైతన్నకే పిడికెడు మెతుకులు కరువైతే?.. దేశాన్ని సస్యశ్యామలం చేసే రైతు బతుకే కష్టాలమయంగా మారితే?.. దేశానికి వెన్నెముకైన ఆ రైతే కుంగిపోతే ఇక దేశం పరిస్థితి ఏమిటి?...ఎంత కష్టించి పనిచేసినా వ్యవసాయం ఫలసాయం ఇవ్వకపోతే ఈ కష్టాల సేద్యం ఎంత కాలం చేయాలి?.. ఆదుకుంటామన్న ప్రభుత్వాలు ఆదుకోకపోతే ఎలా జీవనం గడవాలి?.. రైతన్నల దీనావస్త ఇది.

దేశంలోని అనేక ప్రాంతాల్లో రైతుల దుస్థితి ఇది. సకాలానికి వర్షాలు రాకపోవడం.. ఒకవేళ వచ్చినా అకాలంలో వచ్చి కొంపముంచడం, వస్తే కుండపోత..రాకుంటే కరువువాత అన్నట్లుగా.. ప్రకృతి విపత్తులొకవైపు. పంటలు పండించడమే గగనమైతే..గిట్టుబాటు ధరలు లేక..కుటుంబాలను పోషించుకో లేక పడుతున్న నరకయాతనలు మరోవైపు. రైతన్న బతుకంతా వేదనల మయం..కష్టాల సేద్యంతో జీవితమంతా కన్నీటిమయం... ఇదీ మన రైతన్నల ముఖచిత్రం. అందులోనూ ఈ తొలకరి జల్లుల వేళ..రుతుపవనాల రాకతో ఇక ఏరువాక బాగా సాగు తుందని ఏరువాక పౌర్ణమి పండుగ వచ్చిందని సంబరపడుతున్న రోజున, రైతులందరికీ ఈ ఏడాదైనా పంటల సిరులు బాగా పండుతాయని ఆశపడుతున్న శుభవేళ...తాము పండించిన పంట లకు గిట్టుబాటు ధరలు లేవు మహాప్రభో.. అని మధ్యప్రదేశ్‌, మహారాష్ట్ర రాష్ట్రాల్లో రైతన్నలు దీనంగా వాపోతూ ఆందోళనల బాటపట్టడం రైతన్నల దీన స్థితికి నిదర్శనం. ఆ ఆందోళనలు చివరికి పోలీసు కాల్పులదాకా సాగడం మరెంతో బాధాకరం.

ఒక్క మధ్యప్రదేశ్‌లోనే కాదు.. దేశంలోని ఆనేక ప్రదేశాల్లో ఇదే దుస్థితి. ఆయా రాష్ట్రాల్లో రైతులు ఎంతోకాలంగా సమస్యల సుడిగుండంలోనే కొట్టు మిట్టాడుతున్నారు. కాడి పట్టిన దగ్గరనుంచీ పంట పండేదాకా, చేతికందిన పంట చేతికొచ్చేదాకా

రైతులు ఎన్నో కష్టాలు పడుతూనే వున్నారు. ప్రభుత్వాలు మారినా పాలకులు మారినా మా తలరాతలు మాత్రం మారడం లేదన్నది రైతుల ఆవేదన. అయినా, ఎన్నెన్నో పథకాలు వస్తూనే వున్నా అనేక సంవత్సరాలుగా రైతన్నల జీవన పరిస్థితుల్లో మార్పేమీ వుండడం లేదు. వారి సమస్యలు మాత్రం తీరడం లేదు. రెక్కల కష్టాన్నే నమ్ముకుని, అప్పోసప్పో చేసుకుని పగలనకా, రాత్రనకా కాయకష్టం చేసే రైతన్నలకు ఎంతోకాలంగా గిట్టుబాటు ధరలు లేకపోవడం ఎంతో విచారకరం!.. రైతుల సమస్యలు తీరుస్తామంటూ నాయకులు చెప్పడమే తప్ప రైతుల అభ్యున్నతికి వారు చేసిందేమీ వుండడం లేదు. చెప్పిన మాటలు నిలబెట్టుకోవడమూ లేదు. అన్నీ శుష్కవాగ్దానాలు.. శూన్యహస్తాలే. రైతుల సంక్షేమమే ధ్యేయమని ఎప్పటికప్పుడు ప్రభుత్వాలు గొప్పలు చెప్పుకుంటున్నా..రైతులు మాత్రం సంక్షోభ క్షోభల్లోంచి గట్టెక్కడం లేదు. ముఖ్యంగా దళారులు, వ్యాపారుల మాయాజాలం నుంచి, దళారీ వ్యవస్థ నుంచి రైతులకు అసలు విముక్తే వుండడం లేదు. రైతులు తమ కష్టాన్ని మార్కెట్లో అతితక్కువ ధరకు నిలువునా తెగనమ్మేసుకోక తప్పడం లేదు. నిత్యం రైతులకు ఇదే వేదన.. రోదన. మరోవైపు, రైతులను తెగ పొగిడే స్తూనే వారి శ్రమను నిలువు దోపిడీచేస్తున్న దళారీలను..రకరకాల మాయగాళ్ళని నియంత్రించేందుకు ప్రభుత్వాలు తీసుకుంటున్న చర్యలు కూడా శూన్యమే. అంతేకాదు, ప్రభుత్వాలు కూడా మభ్యపెట్టే మాటలే చెప్తే.. ఇక ఆ రైతులు తమ బాధలు ఎవరికి చెప్పుకోవాలి?..సాగునీటి రంగానికి ఏటా కోట్లాదిరూపాయలు వ్యయం చేస్తున్నా, అనేకప్రాంతాలు నేటికీ సాగునీరందక పంటపొలాలు వర్షాల మీదే ఆధారపడడం, చివరికి అదునుకు వానలు రాక పంటలు ఎండిపోతూనే వుండడం ఏమిటి?... రైతులకు అందజేస్తామం టున్న పథకాలు అసలైన లబ్దిదారుల దాకా చేరడమే లేదనే వాస్తవం ప్రభుత్వాలకు తెలియదా?.. దేశంలోనే కాదు, రాష్ట్రంలోనూ ఇదే పరిస్థితి. రానురాను వ్యవసాయరంగం కుదేలైపోతోంది. ఒకవైపు వర్షాభావం.. మరోవైపు సమస్యల భారం. అనేక రకాల పంటలు పండించే రైతులు ఆయా పంటలకు సంబంధించి ఎన్నో రకాల సమస్యల్లో చిక్కుకుని, అనునిత్యం నానా బాధలు పడుతున్నారు. వ్యవసాయశాఖ, నీటి పారుదల శాఖ.. ఉద్యానశాఖ ఇంకా వాటిలో రకరకాల విభా గాలు, బోలెడంత అధికారగణం వున్నా రైతులకు ఒరిగిందేమీ వుండడం లేదు. సంక్షేమం.. అభివృద్ధి.. పథకాల అమలు, అన్నీ మొక్కుబడి తతంగాలుగానే వుంటున్నాయి తప్ప పొలంబాట పట్టే నాధులే లేరు. విత్తనాలు, ఎరువుల మాయాజాలం, పురుగుమందుల మాయాజాలం..మార్కెట్లో దళారుల మాయాజాలం ఇలా అన్నీ రైతులను నిలువు దోపిడీ చేసేవే తప్ప అటు పంటలకు కానీ, ఇటు రైతు జీవితాలకు కానీ భరోసా వుండడం లేదు. ఇక రుణమాఫీ అన్నది మరో పెద్ద ప్రహసనంగా మారింది. ప్రభుత్వం అందజేస్తున్న సంక్షేమ పథకాలు అసలైన రైతులకే చేరుతున్నాయా లేదా అన్నది ఎవరూ పట్టించుకోవడం లేదు.

మరోవైపు సాదాసీదా రైతన్నలు మాత్రం ఏ సాయమూ అందక తమ కష్టాలేవో తామే పడుతున్నారు. దేశంలో రైతన్నల జీవనపరిస్థితులు ఎంతో దయనీయంగా వుంటున్నా, వారి జీవనప్రమాణాలు పెంచేందుకు ప్రభుత్వాలు శ్రద్ధ చొరవ చూపడం లేదు. ఫలితంగా వారి పరిస్థితి ఎక్కడ వేసిన గొంగళి అక్కడనే అన్న చందంగా వుంటోంది. ఇకనైనా, కేంద్ర రాష్ట్ర ప్రభుత్వాలు దేశానికి అన్నం పెట్టే రైతన్నల అభ్యున్నతికి కట్టుబడి పనిచేయాలి. అన్నదాతలు ఆకలితో అలమటించకుండా వారంతా క్షేమంగా.. సంతోషంగా వుండేలా చూడాలి. నిత్యం ఎన్నో సమస్యలతో అల్లాడుతున్న రైతుల కష్టాలు తీర్చేందుకు సమగ్ర కార్యాచరణ రూపొందించి చిత్తశుద్ధితో అమలుచేయాలి. రైతు సంక్షేమమే జాతికి క్షేమం కనుక, కేంద్ర రాష్ట్ర ప్రభు త్వాలు ఇకనైనా వారి సమస్యలు తీర్చి, వారిని అన్ని విధాలుగా ఆదుకుని అన్నదాతల అభ్యున్నతికి బాటలు వేస్తాయని ఆశిద్దాం!



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • రెండు నెలల్లో... ట్రెండ్‌ మారింది
    రాజకీయాలలో పరిస్థితులు తారుమారు కావడానికి ఎంతో కాలం పట్టదు. నాలుగేళ్ళ పదినెలలు సమర్ధవం తంగా పని చేసిన ఒక ప్రభుత్వం ఒక చిన్న తప్పు చేస్తే ఒక్క నెలలోనే గబ్బు పట్టొచ్చు. దాని మూలంగానే ఎన్నికల్లో ఓడిపోవచ్చు. నాలుగేళ్ళ పది నెలల…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • 'ఆనం' సరే.. మరి ఆదాల...?
    ఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ. జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి…

Newsletter