16 June 2017 Written by 

కమలంలో 'కుల'కలం

kamalamనెల్లూరుజిల్లా కమలం పార్టీలో కులం కంపు రేగింది. ఉన్న పదవులన్నీ ఒకే సామాజిక వర్గం వారికిస్తున్నారంటూ అసమ్మతి రేగింది. జిల్లా పార్టీలో ఎప్పుడూ లేని విధంగా కులం కాష్టం రగిలింది. 'నుడా' డైరెక్టర్‌ పదవి విషయంలోనే కులం చిచ్చుకు ఆజ్యం పోసినట్లయ్యింది.

బీజేపీకి సంబంధించి నెల్లూరుజిల్లాలో వెంకయ్యనాయుడు పెద్ద నాయకుడు. కాకపోతే ఆయన జాతీయ నాయకుడు కాబట్టి జిల్లా స్థాయిలో అతనిని చూడలేము. రాష్ట్రంలో తెలుగుదేశం, బీజేపీ సంకీర్ణ ప్రభుత్వం ఏర్పడ్డాక ఈ జిల్లాలో బీజేపీ వాళ్ళకు కొన్ని పదవులిచ్చారు. కనుమూరు పరిశ్చంద్రారెడ్డిని గూడూరు వెంకటేశ్వరస్వామి దేవస్థానం ట్రస్ట్‌ బోర్డు ఛైర్మెన్‌గా, ఇటీవలే రోడ్డు ప్రమాదంలో మరణించిన బెజవాడ అనిల్‌కుమార్‌రెడ్డిని పెద్దాసుపత్రి అభివృద్ధి కమిటీలో సభ్యుడిగా నియమించడం తెలిసిందే! అలాగే బీజేపీ సీనియర్‌ నాయకుడు, ఆ పార్టీ రాష్ట్ర ప్రధాన కార్యదర్శి సన్నపరెడ్డి సురేష్‌ రెడ్డిని ఎంపెడా డైరెక్టర్‌గా నియమించడం తెలిసిందే! ఈ ముగ్గురు కూడా ఒకే సామాజిక వర్గం వాళ్ళు. ఇంతవరకు బాగానే వుండింది.

తాజాగా నెల్లూరు అర్బన్‌ డెవలప్‌మెంట్‌ అథారిటి(నుడా)లో బీజేపీ నుండి ఒకరిని డైరెక్టర్‌గా నియమించారు. నాయుడుపేటకు చెందిన సన్నారెడ్డి దయాకర్‌రెడ్డిని నుడాలో డైరెక్టర్‌గా నియ మించడంపై ఆ పార్టీలోని మిగతా సామాజిక వర్గాల నాయకులు పదవులన్నీ ఒక సామాజికవర్గం వారికేనా అని కారాలు మిరి యాలు నూరుతున్నారు. అయితే ఇది ఉద్దేశ్యపూర్వకంగా జరిగిన నియామకం కాదని తెలుస్తోంది. 'నుడా'లో ముగ్గురు డైరెక్టర్‌లకు గాను బీజేపీకి ఒక పోస్ట్‌ ఇవ్వాలని నిర్ణయించారు. ఇందుకోసం పేర్లు పంపమని బీజేపీ జిల్లా అధ్యక్షుడిని తెలుగుదేశంపార్టీ వాళ్లు కోరారు. దాంతో బీజేపీ అధ్యక్షుడు సురేంద్రరెడ్డి నగరానికి చెందిన బీజేపీ నాయకుడు ఎం.ఈశ్వరయ్య పేరును సూచించినట్లు తెలుస్తోంది. అయితే ఒక పేరు కాదని, ఆప్షన్‌గా ఇంకో పేరు కూడా పంపించమని, అది కూడా శ్రీసిటి, మేనకూరు సెజ్‌లున్నాయి కాబట్టి నాయుడుపేట డివిజన్‌ నుండి పంపించ మని తెలుగుదేశం వాళ్లు కోరారు. దీంతో సురేంద్రరెడ్డి రెండో పేరుగా నాయుడుపేటకు చెందిన సన్నారెడ్డి దయాకర్‌రెడ్డి పేరును పంపాడు. నెల్లూరు నగరం నుండి ఛైర్మెన్‌గా కోటంరెడ్డి శ్రీని వాసులురెడ్డి ఉన్నారు. ఇక ఆత్మకూరు డివిజన్‌ నుండి ఖాజా వలిని, కావలి డివిజన్‌ నుండి పాలడుగు రంగారావును డైరె క్టర్లుగా తీసుకున్నారు. ఇక నాయుడుపేట డివిజన్‌కు కూడా ప్రాధాన్యత కల్పించాలనే ఉద్దేశ్యంతో ఆప్షన్‌గా ఇచ్చివున్న సన్నారెడ్డి దయాకర్‌రెడ్డి పేరును ఖరారు చేసారు. బీజేపీ వాళ్ళు ఆప్షన్‌ క్రింద ఇచ్చిన పేరే ఈరోజు ఆ పార్టీలో కుల చిచ్చును రాజేసింది.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • వెనక్కి తగ్గేదే లేదు!
    పోలీస్‌స్టేషన్‌కు వెళితే ఎస్‌ఐ మా మాట వినడం లేదు... ఎస్‌ఐ చేత పని చేయించుకోలేకుంటే నా అనుచరుల ముందు నా పరువు పోతుంది.. ఎస్‌ఐ వద్దే పరపతిలేనోడివి... నువ్వేం నాయకుడివని అనుచరులు నన్ను వదిలిపోతున్నారు.... ఓ మండల స్థాయి నాయకుడు తన…
  • ఉంటారా? వెళ్ళిపోతారా?
    రాజకీయాలు చాలా విచిత్రంగా ఉంటాయి. ఎప్పుడు ఎవరు కింగ్‌లవుతారో, ఎవరు తెరమరుగవుతారో అంతే పట్టదు. రాజకీయాలలో ఎల్లకాలం వెలగడం అన్నది ఎవరికీ శాశ్వతం కాదని చాలామంది నాయకుల చరిత్రను పరిశీలిస్తే అర్ధమవుతుంది. నెల్లూరుజిల్లాలో సుధీర్ఘ రాజకీయ చరిత్ర ఉం డేది ఆనం…
  • వర్గాన్ని కాపాడుకోవడమా..? నియోజకవర్గాన్ని వదులుకోవడమా?
    జిల్లాలో పసుపు కొనుగోలు అక్రమాల సంగతేమోగాని దీనిమూలంగా ఉదయగిరి ఎమ్మెల్యే బొల్లినేని రామారావుకు పెద్ద చిక్కొచ్చిపడింది. పసుపు కొనుగోలు వ్యవహారాన్ని పెద్దకుంభకోణంగా చిత్రించిపెట్టారు. దీనిపై రాష్ట్ర ప్రభుత్వం సీరియస్‌ అయ్యింది. విచారణకు ఆదేశించి భారీ ఎత్తున ఉద్యోగులను సస్పెండ్‌ చేసింది. ఈ…
  • వారి ఆశలపై... నీళ్ళు చల్లారు!
    రాష్ట్రంలో అసెంబ్లీ నియోజకవర్గాలు 175 నుండి 225కు పెరుగు తాయనే ప్రచారం మొన్నటివరకు బలంగా వుండింది. ఈమధ్యనే కేంద్ర ప్రభుత్వం ఆ ప్రచారానికి తెరదించుతూ ఈ ఎన్నికలకే కాదు, ఆ తర్వాత ఎన్నికల నాటికి కూడా సీట్ల పెంపు ఉండదని కుండబద్ధలు…
  • నేరం మా వాళ్ళది కాదు
    రాజకీయ ఒత్తిళ్లకు లొంగి అడ్డదారులు తొక్కితే, రాజకీయ నాయకుల మాటలు నమ్మి వారు చెప్పినట్లు నడుచుకుంటే పరిస్థి తులు ఎలా వుంటాయో ఇప్పుడు ఉదయగిరి నియోజకవర్గం లోని అధికారులకు తెలిసొచ్చింది. ఇటీవల పసుపు కొనుగోలు వ్యవహారం జిల్లాలో సంచలనం కావడం తెలిసిందే!…

Newsletter