16 June 2017 Written by 

నాయుడుపేట టు పూతలపట్టు... ఆరులైన్లకు ఆమోదం

6 lineఏపిలోనే అత్యంత రద్దీ ఉన్న రహదారులలో ప్రధానమైనది నాయుడు పేట - బెంగుళూరు రోడ్డు. ఏపి నుండి తమిళనాడు, కేరళ, కర్నాటక రాష్ట్రాలలోని పలు ప్రాంతాలను కలిపే ప్రధాన మార్గమిది. అంతేకాదు, ప్రముఖ ఆథ్యాత్మిక క్షేత్రాలన్నీ కొలువైన రహదారి. శ్రీకాళహస్తి, తిరుమల, కాణిపాకం, శ్రీపురం, కంచి వంటి పుణ్యక్షేత్రాలకు వెళ్ళేవాళ్లకు ఈ రోడ్డే ప్రధాన మార్గం. ఏపిలో ప్రతి ఒక్క ఆర్టీసీ డిపో నుండి తిరుమల తిరుపతికి బస్సులు నడుస్తుంటాయి. ఇక తెలంగాణ, తమిళనాడు రాష్ట్రాల బస్సులు కూడా ఈ రోడ్డు గుండానే తిరుగుతుంటాయి. ఏపిలోని జిల్లాలన్నింటి నుండి కూడా బెంగుళూరుకు బస్సులు ఈ రోడ్డు గుండానే నడుస్తుంటాయి. ఇక రవాణా లారీలైతే లెక్కేలేదు. రోజుకు కొన్ని వేల వాహనాలు తిరిగే రోడ్డు ఇది. ఎప్పుడో నాలుగు లైన్లుగా మార్చాల్సిన రహదారి. ఇప్పటికి కూడా డబుల్‌ లైన్‌ రోడ్డు మాదిరిగానే వుంది. వాహనాలు పెరిగిపోవడం, రోడ్డు విస్తరించకపోవడం మూలంగా ప్రతిరోజూ ఈ రోడ్డు మీద ప్రమాదాలు జరుగుతూనే వున్నాయి. అంతేకాదు, ప్రయాణకాలం కూడా గంట పట్టేది రెండు గంటలవుతూ వచ్చింది. ఇప్పుడు కారులో నాయుడుపేట నుండి తిరుపతికి పోవాలంటే ఒకటిన్నర గంట పడుతుంది. ఇంకో ఏడాది తర్వాత వాహనాలు ఇంకా పెరిగి ప్రయాణ కాలం రెండున్నర గంట కూడా కావచ్చు.

ఈ రోడ్డును ఎప్పుడో జాతీయ రహదారుల్లో చేర్చారు. వై.యస్‌. హయాంలోనే నాయుడుపేట - చిత్తూరుజిల్లాలోని పూతలపట్టు మధ్య 220కిలోమీటర్ల రోడ్డును నాలుగులైన్లుగా మార్చాలని నిర్ణయించారు. అయితే ఆ పని అప్పుడు జరగలేదు. తాజాగా 24 అడుగుల వెడల్పున్న ఈ రోడ్డును 90అడుగుల వెడల్పుతో ఆరులైన్లుగా మార్చేందుకు నేషనల్‌ హైవే అథారిటీ ఆమోదముద్ర వేసింది. ఇందుకు సంబంధించి భూసేకరణే త్వరగా చేపట్టాల్సి వుంది. ప్రైవేట్‌ భూములను భారీగానే కొనాల్సి వుంటుంది. కాబట్టి వెంటనే ఆ ప్రక్రియను పూర్తి చేస్తే తర్వాత రోడ్డు వెడల్పు చేయడం సులభమవుతుంది.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • నగర కిరీటం జయకేనా?
    జిల్లాలో తెలుగుదేశం పార్టీ స్థితిగతుల గురించి అధిష్టానం నాలుగేళ్ళుగా పట్టించుకో లేదు. ఇష్టం వచ్చిన రీతిలో పదవులు ఇచ్చు కుంటూ పోయారు. ఒక వర్గాన్ని తొక్కడమే లక్ష్యంగా పనిచేసారు. రాజకీయాలలో ఎక్కడం, తొక్కడం లాంటివి మంచిది కాదని ఇప్పుడు తెలుసుకున్నారు. అందుకే…
  • గుంతలా!..మత్యు గుహలా!..
    జిల్లాలోని చెరువులు దొరువుల్లో, నీటి గుంతల్లో మృత్యువు పొంచివుంటోంది. ఆ మృత్యువు ఎప్పుడు ఎవరిని కాటేస్తుందో తెలియడం లేదు. ఇటీవల సెలవుల్లో సరదాగా ఈతకు దిగిన పలువురు చిన్నారులను, యువకులను మృత్యువు పొట్టనబెట్టుకుంది. చెరువుల్లో ఎక్కడంటే అక్కడ నిబంధనలకు విరుద్ధంగా గుంతలు…
  • నారా కుటుంబానికి నందమూరి శాపం - భేతాళకథ
    పట్టువదలని హైటెక్‌ విక్రమార్కుడు ఎర్లీ మార్నింగ్‌ ఎయిట్‌ఫార్టీ ఫైవ్‌ కల్లా నిద్ర లేచాడు. ఒంట్లో కొవ్వు 250మిల్లీగ్రాములుందని, రోజూ వాకింగ్‌ చేయమని డాక్టర్‌ 2500 రూపాయలు తీసుకుని చెప్పివుండడంతో ఆరోజుకు తన కర్తవ్యంగా 250మీటర్ల వాకింగ్‌ను పూర్తి చేసాడు. రూమ్‌లో నీట్‌గా…

Newsletter