23 June 2017 Written by 

కొత్త ఎస్పీగా రామకృష్ణ

spజిల్లా ఎస్పీ విశాల్‌గున్నీని తూర్పుగోదావరి జిల్లా ఎస్పీగా బదిలీ చేసారు. నెల్లూరుజిల్లా కొత్త ఎస్పీగా పిహెచ్‌డి రామ కృష్ణను నియమించారు. 13నెలల కాలంగా కడప జిల్లా ఎస్పీగా పనిచేస్తున్న ఆయనను ఇక్కడకు బదిలీ చేసారు. కృష్ణాజిల్లా కైకలూరుకు చెందిన రామకృష్ణ 1998లో గ్రూప్‌-1 పోటీ పరీక్షల ద్వారా పోలీసు శాఖలో చేరారు. 2001లో డిఎస్పీగా బాధ్యతలు చేపట్టారు. నల్గొండ, వరంగల్‌, తూర్పుగోదావరి జిల్లాల్లో డిఎస్పీగా పని చేశారు. 2007లో ఏఎస్పీగా పదోన్నది పొందారు. తూర్పుగోదావరి జిల్లా రంపచోడవరం ఓఎస్‌డిగా, నల్గొండలో ఓఎస్డీగా విధులు నిర్వహించారు. 2009లో నాన్‌కేడర్‌ ఎస్పీగా పదోన్నతి లభించింది. హైదరాబాద్‌లో కౌంటర్‌ ఇంటెలిజన్స్‌, ఎస్‌ఐబి విభాగాలలో నాలుగేళ్లపాటు పని చేశారు. 2013 అక్టోబర్‌లో చిత్తూరు ఎస్పీగా బాధ్యతలు చేపట్టారు. అక్కడనుండి గుంటూరురూరల్‌ ఎస్పీగా వెళ్లారు. 2016 మే 11వ తేదీన కడప ఎస్పీగా బాధ్యతలు తీసుకున్నారు. అక్కడ 13నెలలు పని చేసిన అనంతరం బదిలీపై నెల్లూరు ఎస్పీగా వస్తున్నారు. విధినిర్వహణలో సమర్ధవంతంగా పనిచేయడంతో పాటు సామాజిక స్పృహ వున్న అధికారిగా రామకృష్ణకు పేరుంది. మరి నెల్లూరులో ఎలాంటి పేరు తెచ్చుకుంటాడో చూడాలి.

ఇక ఇక్కడ నుండి బదిలీ మీద తూర్పుగోదావరికి వెళుతున్న విశాల్‌గున్నీ సినిమా ఎస్పీగా పేరు తెచ్చుకున్నారు. షోకు ఎక్కువ, సరుకు తక్కువ అన్నట్లు పనిచేశారు. ఎస్పీగా నెల్లూరులో తొలి పోస్టింగ్‌ అయినా యువకుడిగా వుండి కూడా పోలీస్‌ టెంపర్‌ చూపలేకపోయారు. నేరాల నిరోధానికి పోలీసుల్లో వుండాల్సిన శౌర్యం, ధైర్యం కంటే కంప్యూటర్‌లను, కమాండింగ్‌ కంట్రోల్‌ సెంటర్‌లనే ఎక్కువుగా నమ్ముకున్నారు. జిల్లాలో పలు కార్యక్రమాల పేరుతో పలువురు నుండి పెద్దఎత్తున ముడుపులు దండారనే ఆరోపణలు కూడా మూటగట్టుకుని వెళుతున్నారు.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…

Newsletter