23 June 2017 Written by 

మారనున్న రహదారుల పేర్లు... కొలువుదీరనున్న బార్లు!

barsమన ప్రభుత్వాల పనితనం ఎలా ఉంటుందన్నదానికి ఓ చిన్న ఉదాహరణ... రోడ్ల మీద ప్రజలకు ఇబ్బంది కలిగిస్తున్న పందులను కాల్చి పారేయాలని సుప్రీంకోర్టు తీర్పు ఇచ్చిందనుకుందాం... అప్పుడు మన ప్రభుత్వం ఏం చేస్తుంది? పంది పేరును నందిగా మారుస్తూ జి.ఓ తెస్తుంది. అప్పుడు రాష్ట్రంలో పందులుండవు నందులు తప్పితే! ఇక వాటిని చంపలేరు.

ప్రస్తుతం మద్యం వ్యాపారం విషయం లోనూ మన రాష్ట్ర ప్రభుత్వం అదేపని చేస్తోంది. సుప్రీంకోర్టు తీర్పును తిరగ రాసేలా కొత్త ప్రయత్నాలకు శ్రీకారం చుట్టింది. జాతీయ, రాష్ట్ర రహదారులకు 500మీటర్ల ఇవతల మద్యం షాపులు పెట్టకూడదని రెండు నెలల క్రితం సుప్రీం కోర్టు ఆదేశించింది. రాష్ట్రంలో జులై 1వ తేదీ నుండి సుప్రీం ఆదేశాలను అమలు చేస్తామని ప్రభుత్వం తెలిపింది. ఇప్పటికే రాష్ట్రంలో కొత్త మద్యం పాలసీ ప్రకారం టెండర్లువేసి, లాటరీ తీసి షాపులను కూడా ప్రకటించడం జరిగింది. అయితే సుప్రీం ఆదేశాలను అమలు చేస్తే నెల్లూరులో మినీబైపాస్‌రోడ్డుతో పాటు జిల్లాలోని పలు పట్టణాలలో ప్రధాన రోడ్లపై వైన్‌షాపులు, బార్లు మూసేయాల్సిన పరిస్థితి. ఇప్పటి వరకు ఎక్కువ మద్యం వ్యాపారం జరుగు తున్నది ఈ రోడ్ల మీదే! కాబట్టి ఈ రోడ్ల పేర్లు మార్చడానికే ప్రయత్నాలు జరుగు తున్నాయి. నెల్లూరులోని మినీబైపాస్‌రోడ్డు 2013లో ఆర్‌ అండ్‌ బి పరిధిలో నుండి నేషనల్‌ హైవే పరిధిలోకి వెళ్లింది. దాదాపు 12కిలోమీటర్లున్న ఈ రోడ్డు ఇరువైపులా 11వైన్‌షాపులు, 8బార్లు వున్నాయి. సుప్రీం కోర్టు ఆదేశాలను అమలు చేస్తే ఒక్క వైన్‌షాపుగాని, ఒక్క బార్‌ కాని వుండదు. ప్రతి జిల్లాలోనూ, ప్రతి పట్టణంలోనూ ఇదే పరిస్థితి. కాబట్టి ఈ మినీబైపాస్‌ను మేజర్‌ జిల్లారోడ్డుగా మార్చాలని చూస్తు న్నారు. అయితే ఇది నేషనల్‌ హైవే అథా రిటీ పరిధిలో వుండడంతో ముందు దీనిని ఆర్‌ అండ్‌ బి పరిధిలోకి తీసుకొచ్చి, ఆ తర్వాత మేజర్‌ జిల్లారోడ్డుగా మార్పు చేసు కోవాలని చూస్తున్నారు. రాష్ట్ర ప్రభుత్వం మద్యం వ్యాపారుల శ్రేయస్సు కోసం మద్యంషాపులుండే రాష్ట్ర రహదారులను మేజర్‌ జిల్లా రహదారులుగా మార్చి కార్పొ రేషన్లు, మున్సిపాల్టీలు, పంచాయితీలకు అప్పగించాలని భావిస్తోంది. నెల్లూరు మినీబైపాస్‌ను తిరిగి ఆర్‌ అండ్‌ బి పరిధి లోకి తెస్తేగాని ఆ తర్వాత మేజర్‌ జిల్లా రోడ్డుగా మార్చుకోలేరు.

తాగుబోతులు, ప్రమాదాలను దృష్టిలో పెట్టుకునే జాతీయ, రాష్ట్ర రహదారుల వద్ద 500మీటర్ల లోపు వైన్‌షాపులుండ కూడదని సుప్రీంకోర్టు ఆదేశించింది. వాళ్ల ఉద్దేశ్యం వాహనాల రద్దీవున్న రోడ్లపై మద్యం వ్యాపారం వద్దని! మన ప్రభుత్వం మాత్రం రద్దీవున్న రోడ్లపై కాకుంటే అడవుల్లో వైన్‌షాపులు పెట్టుకుని నడపాలా? అన్నట్లు అసలు రోడ్ల పేర్లే మార్చేయబోతోంది.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • నగర కిరీటం జయకేనా?
    జిల్లాలో తెలుగుదేశం పార్టీ స్థితిగతుల గురించి అధిష్టానం నాలుగేళ్ళుగా పట్టించుకో లేదు. ఇష్టం వచ్చిన రీతిలో పదవులు ఇచ్చు కుంటూ పోయారు. ఒక వర్గాన్ని తొక్కడమే లక్ష్యంగా పనిచేసారు. రాజకీయాలలో ఎక్కడం, తొక్కడం లాంటివి మంచిది కాదని ఇప్పుడు తెలుసుకున్నారు. అందుకే…
  • గుంతలా!..మత్యు గుహలా!..
    జిల్లాలోని చెరువులు దొరువుల్లో, నీటి గుంతల్లో మృత్యువు పొంచివుంటోంది. ఆ మృత్యువు ఎప్పుడు ఎవరిని కాటేస్తుందో తెలియడం లేదు. ఇటీవల సెలవుల్లో సరదాగా ఈతకు దిగిన పలువురు చిన్నారులను, యువకులను మృత్యువు పొట్టనబెట్టుకుంది. చెరువుల్లో ఎక్కడంటే అక్కడ నిబంధనలకు విరుద్ధంగా గుంతలు…
  • నారా కుటుంబానికి నందమూరి శాపం - భేతాళకథ
    పట్టువదలని హైటెక్‌ విక్రమార్కుడు ఎర్లీ మార్నింగ్‌ ఎయిట్‌ఫార్టీ ఫైవ్‌ కల్లా నిద్ర లేచాడు. ఒంట్లో కొవ్వు 250మిల్లీగ్రాములుందని, రోజూ వాకింగ్‌ చేయమని డాక్టర్‌ 2500 రూపాయలు తీసుకుని చెప్పివుండడంతో ఆరోజుకు తన కర్తవ్యంగా 250మీటర్ల వాకింగ్‌ను పూర్తి చేసాడు. రూమ్‌లో నీట్‌గా…

Newsletter