07 July 2017 Written by 

ఓట్లకు నోట్ల వర్షమే?

cashఇంకా ఎన్నికల నోటిఫికేషన్‌ వెలువడలేదు. నామినేషన్ల తేదీ, పోలింగ్‌ తేదీలు తెలియదు. కౌంటింగ్‌ తారీఖు చెప్పలేదు. కాని రేపే ఎలక్షన్‌ అన్నంతగా నంద్యాలలో టెన్షన్‌ నెలకొంది. నంద్యాల ఉపఎన్నిక ఆషామాషీగా జరిగేటట్లు లేదు. ఓ పక్క అధికార తెలుగుదేశం పార్టీ ఎలాగైనా గెలిచి తీరా లన్నట్లు పంతం పట్టింది. మరోపక్క నంద్యాలను గెలిచి రేపటి జైత్రయాత్రను ఇక్కడనుండే ఆరంభించాలని వైకాపా పట్టుదలగా వుంది.

ఇక్కడ ఇరుపార్టీలకు అభ్యర్థులు కూడా సిద్ధమయ్యారు. తెలుగుదేశంకు భూమా బ్రహ్మానందరెడ్డి, వైకాపాకు శిల్పా మోహన్‌రెడ్డి. కాంగ్రెస్‌తో పాటు ఇంకొన్ని పార్టీలు, స్వతంత్ర అభ్యర్థులు కూడా బరిలో దిగొచ్చు. ప్రధాన పోటీ మాత్రం వైకాపా, టీడీపీల మధ్యే! ఇక నంద్యాల ఉపఎన్నికలలో ప్రధాన ప్రభావం చూపబోయేది డబ్బేనని తెలు స్తోంది. ముఖ్యమంత్రి చంద్రబాబునాయుడు ఓటుకు 5వేలు ఇవ్వగల కెపాసిటీ నాకుంది, అయినా ఇవ్వను అంటూ ఓటు విలువను పరోక్షంగానే 5వేలకు తీసుకెళ్లాడు. చంద్ర బాబు మాటలను బట్టి నంద్యాల ఓటర్లపై డబ్బు కుమ్మరించబోతున్నారని అర్ధమవు తోంది. ఈమధ్యే కడప, కర్నూలు, నెల్లూరుజిల్లాల స్థానిక సంస్థల ఎమ్మెల్సీ ఎన్నికల్లో అధికార తెలుగుదేశం ప్రలోభాలను చూసాం. ఓటర్లను సంతలో పశువుల మాదిరిగా కొనుగోలు చేసారు. ఎమ్మెల్సీ ఎన్నికలకే అన్ని కోట్లు ధారపోసిన వాళ్ళు, రేపు సార్వత్రిక ఎన్నికలకు ముందు ప్రాక్టీస్‌ మ్యాచ్‌ లాంటి నంద్యాల ఎన్నికలో ఊరుకుంటారా? అదీగాక అధికారపార్టీ వాళ్ళు... ఈ మూడేళ్లలో బాగానే పోగేసారు. నంద్యాల మీద ఎంత పెట్టినా ఏం పోతుంది. తెలుగుదేశం ఇప్పటికే ఆ దిశగా ప్రయత్నాలు మొదలుపెట్టింది. అభ్యర్థి భూమా బ్రహ్మానందరెడ్డి ఇంటింటి ప్రచా రంలో వుండగా, మరో పక్క మున్సిపల్‌ మంత్రి నారాయణ రంగంలోకి దిగి వున్నాడు. ఆయన వున్నాడంటే డబ్బుకు లోటులేదనే! నంద్యాలపై తెలుగుదేశం వాళ్ళు వరాల జల్లులు కురిపిస్తున్నారు. అవతల చూస్తే వైకాపా అభ్యర్థి శిల్పా మోహన్‌రెడ్డి తక్కువ వాడేం కాదు. నియోజకవర్గంలో పేరున్నోడు. ఆర్ధికంగానూ మోటుకునే వాడు. కాబట్టి పోరు రసవత్తరమే! ఎన్నికల కమిషన్‌ బయట రాష్ట్రాల నుండి బలగాలను తెప్పించి బందోబస్తు పెడితే తప్ప లేకుంటే ఓట్ల కోసం కురిసే నోట్ల వర్షాన్ని ఆపలేరు.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • సినీ పరిశ్రమకు... అనువైన వేదిక నెల్లూరు!
    కేసీఆర్‌ ఛీ... ఛా... అని ఛీదరించుకుని ఉమ్మేసినా కొందరు సినీ ప్రముఖులు హైదరాబాద్‌ను వదిలేది లేదంటున్నారు. ఇలాంటి వాళ్లది సినీ పరిశ్రమపై ప్రేమ కాదు! అక్కడ పోగేసిన వేలకోట్ల ఆస్తులపై ప్రేమ. అవెక్కడ పోతాయోననే బాధ. అక్కడ నుండి సినీ పరిశ్రమను…
  • ప్రాణాలు తీస్తున్న పందేలు!
    బ్రతుకులు డొల్ల... భవిష్యత్‌ గుల్ల క్రికెట్‌... ఆడేవాళ్ళకు డబ్బులు, చూసేవాళ్ళకు ఆనందం... ఈ క్రికెట్‌ ప్రపంచంలో ఆడేవాళ్ళు చూసేవాళ్ళు కాకుండా ఇంకో జాతి వుంది. అదే బెట్టింగ్‌ జాతి. క్రికెట్‌ను అందరూ ఆటగా చూస్తే ఈ బెట్టింగ్‌ జాతి మాత్రం జూదంగా…
  • నోర్లు తెరిచిన బోర్లు.. మృత్యువుకు రహదార్లు
    బోర్లు నోర్లు తెరిచాయంటే.. అవి మృత్యువుకు రహదార్లనే తెలుసుకోవాలి. నిర్లక్ష్యంగా బోర్లను తవ్వి వదిలేస్తే అవే మనపాలిట మృత్యుకూపాలవుతాయి. నీళ్ళ కోసం బోర్లు తవ్వుకుంటే, అటు నీళ్ళు రాకపోగా..ఆ బోర్ల గుంతలు చావుగుంతలుగా మారుతుంటాయి. అందుకే, బోర్లు తవ్వుకునేవారు ఎంతో అప్రమత్తంగా…
  • సిటింగ్‌లకు... కటింగ్‌ వేస్తాడా?
    రాబోయే ఎన్నికల్లో జిల్లాలోని తెలుగుదేశం పార్టీ సిటింగ్‌ ఎమ్మెల్యే లకు చంద్రబాబు తిరిగి సీట్లు ఇవ్వడనే ప్రచారం జోరుగా వుంది. ఒక్క సిటింగ్‌ స్థానాలలోనే కాదు, జిల్లాలోని అన్ని అసెంబ్లీ నియోజక వర్గాల నుండి కొత్త అభ్యర్థులను రంగంలోకి దించుతారని టాక్‌!…
  • జనం మెచ్చేలా జగన్‌!
    'నాకు ఓట్లేయకుంటే నేనేసిన రోడ్ల మీద నడవొద్దు... నేనిచ్చే పింఛన్‌లు, రేషన్‌ తీసుకుంటూ నాకు ఓట్లేయరా... హైటెక్‌ సిటి నేనే కట్టించాను... హైదరాబాద్‌ను నేనే డెవలప్‌ చేసాను... కంప్యూటర్‌ కనిపెట్టింది నేనే... సత్య నాదెళ్లను మైక్రోసాఫ్ట్‌ సిఇఓను చేసింది నేనే'' అని…

Newsletter