07 September 2017 Written by 

కలంపై పేలిన తూటా

gauriబెంగుళూరులోని ప్రముఖ మహిళా జర్నలిస్ట్‌ గౌరీ లంకేష్‌ ఈనెల 5వ తేది రాత్రి హత్యకు గురయ్యారు. రాత్రి 8 గంటల సమయంలో ఆమె ఇంటిబయట నిల్చుని ఉండగా ముగ్గురు గుర్తుతెలియని వ్యక్తులు మోటార్‌సైకిల్‌పై ఆమెకు అతి దగ్గరగా వచ్చి కాల్పులు జరపడంతో ఆమె అక్కడికక్కడే కుప్పకూలిపోయి దుర్మరణం పాలయ్యారు. ఈ హత్యోదంతం బెంగు ళూరులో సంచలనం సృష్టించింది. బెంగు ళూరు మహానగరంలో ఇలా ఒక మహిళా జర్నలిస్ట్‌ను అత్యంత దారుణంగా హత మార్చడం ఘోరం..దారుణం. జర్నలిస్టు లపై దాడులకు పాల్పడుతున్న వారిపట్ల ప్రభుత్వాలు కఠినంగా వ్యవహరించి, జర్న లిస్టులకు రక్షణ కల్పించాల్సిన అవసరం ఎంతైనా ఉంది. బెంగుళూరుకు చెందిన గౌరీలంకేష్‌ అభ్యుదయవాది. బెంగు ళూరులో బిఏ పూర్తిచేసి, ఢిల్లీలోని జెఎన్‌ యులో ఆమె మాస్‌ కమ్యూనికేషన్‌ పట్టా అందుకున్నారు. ఢిల్లీతో పాటు, ఫ్రాన్స్‌, అమెరికాల్లోని కొన్ని పత్రికల్లో పనిచేసి ఆ పత్రికలకు తన సేవలందించిన ఘనత ఆమెకుంది. ఆ తర్వాత ఆమె బెంగుళూ రుకు వచ్చి, తండ్రి అడుగుజాడల్లోనే లంకేష్‌ అనే వారపత్రికను నడిపేవారు. తాను నమ్మిన విశ్వాసాలకు అద్దంపట్టేలా ఆ పత్రికను కొనసాగించారు. సండే పత్రికకు, ఈటీవీ తెలుగుకు బెంగుళూరు బ్యూరో ప్రతినిధిగా గతంలో కొంతకాలం సేవలం దించిన ఆమెకు ఆంగ్లం, కన్నడ భాషల్లో మంచి భాషాపరిజ్ఞానం ఉంది. మావోయి స్టులకు సానుభూతిపరురాలైన ఆమె.. వారు జనజీవనస్రవంతిలో కలిసేందుకు కృషిచేశారు. మావోయిస్టులకు ప్రభుత్వా నికి మధ్య వారధిగా సేవలందించారు. బెంగుళూరులోని మతసామరస్య వేదిక ప్రతినిధిగా ఉంటూ పలు కార్యక్రమాలు నిర్వహించారు. మూఢనమ్మకాలను తీవ్రంగా వ్యతిరేకిస్తూ, దేవాలయాల్లో జరిగే మూఢనమ్మకాలను విమర్శిస్తూ అనేక కథనాలు రాసేవారు. విద్యార్థుల కోసం గైడ్‌ పేరిట మాసపత్రికను కూడా ప్రచు రిస్తున్నారు. రాష్ట్ర పత్రికా అకాడమీ, ప్రెస్‌ క్లబ్‌, సందేశ్‌ పాత్రికేయ పురస్కారాలను ఆమె అందుకున్నారు. ఆదివాసీలు, గిరి జనుల హక్కులపై క్రియాశీలకంగా పని చేస్తున్నారు. కాగా, గత ఏడాది నవం బరులో బిజెపి నేతలు వేసిన పరువునష్టం కేసులో ఆమెకి ఆరునెలల జైలుశిక్ష పడింది. అయితే బెయిల్‌పై ఆమె బయటే ఉన్నారు. అభ్యుదయవాదిగా పేరొందిన ఆమె హత్యకు గురికావడం పట్ల దేశ వ్యాప్తంగా ఎంతోమంది ప్రముఖులు, రాజ కీయవేత్తలు తమ విచారం ప్రకటించి ఆమె కుటుంబానికి సానుభూతి తెలిపారు. పాత్రికేయసంఘాలు, అనేకమంది సాహితీ వేత్తలు ఈ హత్యను తీవ్రంగా ఖండిస్తూ, దుండగులను వెంటనే పట్టుకుని శిక్షించా లని కోరుతున్నారు.

గౌరీలంకేష్‌ మృతి కలచివేసింది - సిఎం సిద్ధరామయ్య

ప్రముఖ జర్నలిస్ట్‌ గౌరీలంకేష్‌ మృతి తనను కలచివేసిందని ముఖ్యమంత్రి సిద్ధరామయ్య పేర్కొన్నారు. రెండేళ్ళ క్రితం సాహితీవేత్త ఎం.ఎం కలబురగి హత్యోదంతం నుంచి తేరుకునేలోగానే గౌరీలంకేష్‌ను దుండుగలు హత్యచేశారని విచారం వెలి బుచ్చారు. నిందితులను అరెస్ట్‌ చేసేందుకు పోలీసుబృందాలు రంగంలోకి దిగాయని ముఖ్యమంత్రి పేర్కొన్నారు. అదేవిధంగా మాజీప్రధాని దేవెగౌడ, మాజీ ముఖ్యమంత్రి జగదీశ్‌ శెట్టర్‌, కేంద్రమంత్రి సదానందగౌడ, బిజెపి కర్నాటక అధ్యక్షుడు యడ్యూరప్ప, ప్రముఖ న్యాయవాది ప్రశాంత్‌భూషణ్‌, కశ్మీర్‌ మాజీ ముఖ్యమంత్రి ఒమర్‌ అబ్దుల్లా, పలువురు ఆర్‌ఎస్‌ఎస్‌ నేతలు.. తదితర ముఖ్యులెందరో గౌరీలంకేష్‌ మృతి పట్ల విచారం వ్యక్తం చేస్తూ తమ సంతాపం తెలియజేశారు. ప్రత్యేకించి రాహుల్‌గాంధీ ఒక ప్రకటనలో 'నిజం ఎప్పుడూ నిశ్శబ్ధంగా ఉండదు. మన హృదయాల్లో ఆమె సుస్థిర స్థానం సంపాదించారు. ఆమె కుటుంబసభ్యులకు ప్రగాఢ సంతాపం సానుభూతిని తెలియజేస్తున్నా'నని పేర్కొంటూ ఆమె మృతికి విచారం ప్రకటించారు. ''ఇదొక అత్యంత కిరాతక చర్య. బెంగుళూరులో శాంతి భద్రతల పరిస్థితికి ఈ హత్యోదంతం అద్దం పడుతోంది. దుండగులు, నేరస్థులకు ఈ నగరం నెలవుగా మారిందంటూ''.. ప్రెస్‌క్లబ్‌ ఆఫ్‌ ఇండియా ఆందోళన వ్యక్తం చేసింది. ఇంకా పలు పాత్రికేయ సంఘాలు, పలువురు సాహితీవేత్తలు ఆమె హత్యను ఖండించాయి. మహిళా జర్నలిస్ట్‌ గౌరీ లంకేష్‌ను హత్యచేసిన దుండగులను వెంటనే అరెస్ట్‌ చేసి, వారిపై కఠినచర్యలు తీసుకోవాలని పాత్రికేయసంఘాలు విజ్ఞప్తిచేస్తున్నాయి.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…

Newsletter