Thursday, 28 September 2017 13:03

అమరావతిలో మహిష్మతి

Written by 
Rate this item
(0 votes)

galpikaఅది గన్నవరం ఎయిర్‌పోర్టు. హైటెక్‌రత్న, ముఖ్యమంత్రి చంద్ర బాబునాయుడు చేతిలో పూలబొకేతో లాంజ్‌లో వున్నాడు. ఆయనతో పాటు కేంద్రమంత్రులు అశోక్‌ గజ పతిరాజు, సుజనాచౌదరి, రాష్ట్రమం త్రులు కె.ఇ.కృష్ణమూర్తి, నారా లోకేష్‌, పత్తిపాటి పుల్లారావు, సోమి రెడ్డి చంద్రమోహన్‌రెడ్డి, పి.నారా యణ, దేవినేని ఉమామహేశ్వర రావులు ఉన్నారు. ఎయిర్‌పోర్టుకు రమ్మని చంద్రబాబే స్వయంగా ఫోన్‌ చేసి చెప్పడంతో అందరూ వచ్చారు. ఎవరికీ సబ్జెక్ట్‌ తెలియదు. చంద్రబాబే పూలబొకేతో ఎదురుచూస్తున్నాడంటే ఏ డోనాల్డ్‌ ట్రంప్‌నో, బిల్‌గేట్సో వస్తుంటాడని అనుకున్నారు. అంతలో గన్నవరం ఎయిర్‌పోర్టులో ఓ స్పెషల్‌ ఫ్లైట్‌ ల్యాండయ్యింది. చంద్రబాబు అలర్టయ్యాడు. ఆయనను చూసి మిగతావాళ్ళు కూడా టెన్షన్‌తోనే అటె న్షన్‌లో నిలబడ్డారు. ఫ్లైట్‌లో నుండి దర్శకుడు రాజమౌళి దిగాడు. మంత్రులందరూ వెనుక ఇంకెవరన్నా వరల్డ్‌ ఫేమస్‌ విఐపి వస్తున్నాడేమో ననుకుని చూస్తుంటే చంద్రబాబు మాత్రం రాజమౌళికి పూలబొకే ఇచ్చి స్వాగతం పలికాడు. రాజమౌళి కోస మేనా ఇంత బిల్డప్‌ ఇచ్చింది అని అందరూ నీరుగారిపోయారు. రాజ మౌళిని తీసుకుని అందరూ ఉండ వల్లిలోని సీఎం క్యాంప్‌ కార్యాల యంకు చేరుకున్నారు. అక్కడ రాజ ధానిపై చర్చ మొదలైంది. నన్ను పిలిపించిన కారణమేంటో చెప్పండని రాజమౌళి అడిగాడు. అమరావతి రాజధానిని అద్భుతంగా కట్టాలని చెప్పి నేను ప్రపంచంలో వున్న అన్ని దేశాలూ తిరిగాను. అఖరకు ఉగాండా, రుమాండాలకు కూడా వెళ్లాను, కానీ అవేవీ నా దృష్టిని ఆకర్షించలేదు. కాని, బాహుబలి సినిమాలోని మహిష్మతి సామ్రాజ్యం కోటలు నన్ను ఎంతగానో ఆకట్టుకున్నాయి. అమరా వతిలోనూ నాకు అలాంటి కోటలే కావాలి. ఇందుకు నీ సహకారం కావాలని చంద్రబాబు అడిగాడు. దానికి రాజమౌళి... సార్‌, బాహుబలి సినిమాలో చూపించినవి ఒరిజనల్‌ కోటలు కావు, అవన్నీ సెట్టింగ్స్‌... టెంపరవరీగా వుంటాయంతే అని చెప్పాడు. అప్పుడు ముదురుదోమల శాఖ మంత్రి నారాయణ జోక్యం చేసుకుని... మాకు కావాల్సింది కూడా సెట్టింగ్సే... ఒరిజినల్‌ కోటలు కాదు... లేకుంటే ఈ ఒకటిన్నర ఏడాదిలో కాంక్రీట్‌ భవనాలను కట్ట గలమా ఏంటి? ఈ మూడున్నరేళ్లలో కట్టని కోటను ఇంకో ఒకటిన్నరేడా దిలో ఎలా కట్టగలం... సెట్టింగ్స్‌ అయితేనే తొందరగా పనైపోతుంది. అమరావతిలో మహిష్మతి లాంటి రాజధానిని నిర్మించామని ప్రజలకు చూపించగలం. కాబట్టి అమరా వతిలో మీరు మాకు ఆ సెట్టింగ్స్‌ వేసిస్తే చాలు అని ప్రాధేయపడ్డాడు. ఆ సమయంలోనే నారా లోకేష్‌ సబ్జెక్ట్‌ లోకి ఎంటరయ్యాడు. తన తెలివి తేటలనన్నింటిని ఇక్కడ వాడాలనుకు న్నాడు. తన తెలివికి సినీ పరిజ్ఞానాన్ని కూడా జోడించాడు. రాజమౌళితో డిజైన్‌ చెప్పసాగాడు. అమరావతిలో పెద్దపెద్ద కోటలు సెట్టింగ్స్‌ వేయాలి, అమరావతి రాజ్యంలోకి కార్లు, ఇతర వాహనాలకు ప్రవేశం ఉండదు. ఎమ్మెల్యేలు, ఎమ్మెల్సీలు గుర్రాల మీద రావాలి. మంత్రులకు మాత్రం గుర్రపు రథాలు ఏర్పాటు చేస్తాం. ముఖ్యమంత్రికి గుర్రపు రథంతోనే కాన్వాయ్‌ ఉంటుంది. ముఖ్యమంత్రి ప్రయాణించే రథం మాత్రం బాహు బలి సినిమాలో బల్లాలదేవుడు ఉప యోగించే రథం మాదిరిగా ఉం డాలి. మంత్రులకు, ఎమ్మెల్యేలకు గన్‌మెన్‌ల స్థానంలో అంగరక్షకులుం టారు. వారి చేతుల్లో తుపాకులు బదులు కత్తులు, విల్లంబులు, గదలు వుంటాయి. అమరావతిలో అశ్వ దళాన్ని, గజ దళాన్ని ప్రత్యేకంగా ఏర్పాటు చేస్తామని చెప్పుకుపో సాగాడు. అప్పుడు చంద్రబాబు జోక్యం చేసుకుని... చూడబోతే నువ్వు నా చేత బల్లాలదేవుడు గెటప్‌ వేయిం చేటట్లున్నావ్‌, రాజమౌళిని పిలిపిం చింది ఓన్లీ డిజైన్‌ల కోసమే... అంతే గాని మనం వేషాలు మార్చుకుని తిరగడానికి కాదు అని అన్నాడు. అప్పుడు లోకేష్‌... మీరు అంటుంటే నాకో ఐడియా వచ్చింది నాన్న గారు... ఎలాగూ అమరావతిలో మహిష్మతి సెట్టింగ్‌ వేస్తాం కదా... ఇక్కడే సినిమాలు కూడా తీసుకో వచ్చని చెపితే... ఇటు రాజధానిగా ఉపయోగపడుతుంది, అటు షూటింగ్‌ లకు రెంటుకిచ్చి డబ్బులు సంపా దించుకోవచ్చు అని చెప్పాడు. అది విన్న మంత్రులు... బాబు ఐడియా భలే వుంది సార్‌ అని చంద్రబాబుతో అన్నారు. సరేలే ఆలోచిద్దాం అని చెప్పి చంద్రబాబు రాజమౌళిని యాంటీ రూమ్‌లోకి తీసుకెళ్లాడు. పది నిముషాలు రహస్యంగా మాట్లాడి బయటకు తీసుకొచ్చాడు. తర్వాత రాజమౌళిని సాగనంపి రండని మంత్రులను ఎయిర్‌పోర్టుకు పంపించాడు.

అందరూ వెళ్ళాక చంద్రబాబు, నారాయణలు మిగిలారు. నారా యణ వుండి... సార్‌, రాజధాని డిజైన్‌ల కోసమే రాజమౌళిని పిలి పించారా? మన రాష్ట్రంలో ఎంతో మంది ఆర్కిటెక్ట్స్‌ వుండగా అతనిని ప్రత్యేకంగా పిలవడం ఎందుకని అడిగాడు. దానికి చంద్రబాబు... రాజమౌళి ఒక సినిమా తీయాలం టేనే మూడేళ్ళు పడుతుంటుంది... అలాంటిది అతని డైరక్షన్‌లో ఒక రాజధాని కట్టాలంటే మూడేళ్ళు పట్టదా? మనం ఎలాగూ ఎన్నికల లోపు రాజధానిని కట్టలేం... కనీసం రాజధాని నిర్మాణాన్ని రాజమౌళికి అప్పగించామంటే... ఇదెలాగూ బాహుబలిలాగా మూడేళ్ళ ప్రాజెక్ట్‌లే అనుకుని జనం సర్దుకుపోతారు... రాజధాని విషయంలో మనపై వ్యతి రేకత రాదు అని చెప్పాడు. నీ వాడ కానికి ఆఖరకు రాజమౌళి కూడా బలయ్యాడా? అని నారాయణ మన సులో అనుకుంటూ అక్కడ నుండి లేచాడు.

Read 104 times
Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…

Newsletter