Friday, 06 October 2017 07:55

కార్పొరేషన్‌లో కోల్డ్‌వార్‌

Written by 
Rate this item
(0 votes)

cold warవివాదాలకు, విభేదాలకు నెల్లూరు కార్పొరేషన్‌ కేరాఫ్‌ అడ్రస్‌ లాంటిది. నెల్లూరు నగరంలో ఎన్ని రకాల సమస్యలుంటాయో నెల్లూరు కార్పొరేషన్‌ కార్యాలయంలో కూడా అంతకంటే ఎక్కువ సమస్యలే వుంటాయి. ముఖ్యంగా ఇక్కడ పనిచేసే పాలకవర్గం వుంటే అధికారులు సహకరించరు. చిత్తశుద్ధితో పనిచేసే అధికారులున్నప్పుడు పాలకవర్గం సహకరించదు. ఈ ఇద్దరి మధ్య సమన్వయలోపం నగరానికి శాపంగా మారుతూ వస్తోంది.

నెల్లూరు కార్పొరేషన్‌లో పాలకవర్గానికి, అధికారులకు మధ్య సమన్వయం కుదరకపోతుండడం వల్లే ఆరు నెలలకో కమిషనర్‌ మారుతూ వస్తున్నాడు. ప్రస్తుతం కార్పొరేషన్‌లో ఇదే పరిస్థితి నెలకొన్నట్లుగా తెలుస్తోంది. మేయర్‌ అజీజ్‌, కమిషనర్‌ ఢిల్లీరావుల మధ్య దూరం పెరిగినట్లు సమాచారం. కమిషనర్‌ రాజకీయ నాయ కుడు కాదు, ఆయనకు ఎవరితోనూ విబేధించాల్సిన అవసరం కూడా లేదు. కాకపోతే ఆయన తన పని తాను ముక్కుసూటిగా చేసుకుంటూ పోతే ఆటోమేటిక్‌గా పాలకవర్గంతో విభేదాలు పెరుగుతాయంతే! ఇప్పుడు నెల్లూరు నగరపాలక సంస్థలోనూ ఇదే జరుగుతోంది. కమిషనర్‌ ఢిల్లీరావుకు సమర్ధుడైన అధికారిగా పేరుంది. వచ్చినప్పటి నుండి కూడా ఆయన తన పనులు తాను చేసుకుపోతున్నాడు. ఎవరు సిఫారసు చేసినా ఆక్రమణ నిర్మాణాలను వదలడం లేదు. పట్టుబట్టి తొలగిస్తున్నాడు. మేయర్‌ సిఫార్సులను కూడా లెక్కచేయకుండా కొన్ని ఆక్రమణలను దగ్గరుండి తీయించిన సంఘటనలు కూడా వున్నాయి. ఇక గతంలో పెండింగ్‌లో వున్న బిల్లుల విషయంలో కూడా అభిప్రాయ భేదాలున్నట్లు తెలుస్తోంది. గతంలో పనికిమాలిన పనులు, పేర్లు చెప్పి బిల్లులు పెట్టి వున్నారు. గత కమిషనర్లే ఆ బిల్లులు చెల్లించలేదు. వాళ్లే చెల్లించని బిల్లులను తానెలా చెల్లించగలననే అభిప్రాయంతో కమిషనర్‌ వున్నాడు. ఇక కమిషనర్‌ ఢిల్లీరావు దాతల సహకారంతో నెల్లూరు నగరాన్ని పోస్టర్‌ ఫ్రీ నగరంగా మార్చే ప్రయత్నం చేస్తున్నారు. ఇప్పటికే నగరంలో పలుచోట్ల అందమైన పెయింటింగ్‌లను, డిజైన్‌లను వేయించారు. నెల్లూరును స్వచ్ఛ నెల్లూరుగా మారుస్తున్నారు. కమిషనర్‌ ఇలా పని చేస్తుంటే మేయర్‌ మాత్రం అనవసరమైన చోట్ల కాంక్రీట్‌ డివైడర్ల నిర్మాణానికి, నిరుపయోగమైన డివైడర్ల మధ్యలో మొక్కల పెంపకానికి లక్షలాది రూపాయలు ఖర్చు చేస్తూ అక్రమాలకు ఆస్కారమిస్తున్నారు. అయితే కమిషనర్‌కు మేయర్‌, అతని అనుచర కార్పొరేటర్లు సహకరించకపోయినా జిల్లాకు చెందిన మంత్రులిద్దరు పూర్తిస్థాయిలో సహకరిస్తుండడంతో ఆయన పని ఆయన చేసుకుపోతున్నాడు.

Read 388 times Last modified on Friday, 06 October 2017 08:32
Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • దండగ... పండగ...
    పర్యాటక అభివృద్ధి అంటే సంవత్సరంలో 365రోజులు జరగాల్సిన ప్రక్రియ. దానిని రెండుమూడు రోజులు జాతరగా మార్పు చేయడం సబబు కాదు. మూడురోజుల సంబడం కోసం మూడు కోట్లు తగలెయ్యడం కరెక్ట్‌ కాదు. ఆ నిధులనే పర్యాటక కేంద్రాల అభివృద్ధికి వెచ్చిస్తే సంవత్సరం…
  • చిలికి చిలికి... గాలివాన కానుందా?
    ఈ జిల్లాలో తెలుగుదేశం పార్టీకి పునాదులుగా వుండి, పార్టీ జెండాలు మోసి భుజాలు కాయలు కాసిన నాయకుల వల్ల పార్టీకి ఎప్పుడూ సమస్యలు ఎదురు కాలేదు. వారి వ్యక్తిగత ఆర్ధిక లావాదేవీల వల్ల పార్టీకి చెడ్డపేరొచ్చింది కూడా లేదు. కాని, ఇతర…
  • ఇసుకతో ఇక్కట్లు
    నెల్లూరు, జొన్నవాడ మధ్య సాఫీగా సాగిపోతున్న ప్రయాణంలో ఒక చిన్న ఆటంకం వస్తోంది. ప్రతి వాహనదారుడు ఇక్కడ ఇబ్బంది పడుతున్నాడు. ముఖ్యంగా ద్విచక్రవాహనదారులైతే అదుపు తప్పి పడిపోతున్నారు. ఇరు కళలమ్మ గుడి నుండి దొడ్ల డెయిరీ దాకా రోడ్డును నాలుగు లైన్లుగా…
  • సమన్వయ లోపం... వైకాపాకు శాపం!
    2014 ఎన్నికల ప్రచారంలో జగన్‌ సభలకు జనం జాతర మాది రిగా వచ్చారు. అంతకుముందు నిర్వహించిన ఓదార్పుయాత్రలకు పోటెత్తినట్లు వచ్చారు. అదే చంద్ర బాబు సభలకు లారీలు, బస్సులు పెట్టి తోలినా జనం రాలేదు. అయినా కూడా ఆ ఎన్నికల్లో చంద్రబాబు…
  • నెల్లూరుజిల్లా ప్రగతిలో... వై.యస్‌. మార్క్‌ తప్పితే... బాబు బ్రాండ్‌ ఏది?
    మొన్న కోడూరుపాటు జన్మభూమి గ్రామ సభలో ముఖ్యమంత్రి చంద్రబాబునాయుడు మాటలు కోటలు దాటాయి. గాల్లోనే మేడలు కట్టారు. 2019కల్లా దగదర్తి ఎయిర్‌పోర్టును పూర్తి చేస్తామన్నారు. కృష్ణపట్నంపోర్టులో సెజ్‌ను ఏర్పాటు చేసి పారిశ్రామికంగా అభివృద్ధి చేస్తామన్నారు. నెల్లూరు నుండి చెన్నై దాకా ఇండస్ట్రియల్‌…

Newsletter