Friday, 06 October 2017 08:03

నెల్లూరుకు స్వచ్ఛ అవార్డు... నేతల పుణ్యమే!

Written by 
Rate this item
(0 votes)

galpika''ఈ నగరాలకు ఏమైంది... ఎటు చూసినా మసి... ఎవరిలో చూసినా కసి... మురికి పందులు... మురుగు సందులు... ఈ నగరాలను ఎవరూ బాగుచేయలేరా... ఈ నగరాన్ని చూసి నేర్చుకోండి... నెల్లూరు నగరం... స్వచ్ఛతకు కేరాఫ్‌ అడ్రస్‌... రాష్ట్రంలో ఏకైక దోమల ఫ్రీ నగరం నెల్లూరు... అందుకే ఈ ఏటి మేటి స్వచ్ఛ అవార్డుకు ఈ నగరం ఎంపికైంది.'' వెలగపూడిలోని సచివాలయంలో ఏర్పాటు చేసిన కార్యక్రమంలో వేదికపై వుంచిన సైడ్‌స్క్రీన్‌పై డాక్యుమెంటరీ షో ఇది.

అక్కడ జరుగుతున్న స్వచ్ఛ అవార్డుల ప్రదానోత్సవ సభకు భారత ఉపరాష్ట్రపతి యం.వెంకయ్యనాయుడు, ముఖ్యమంత్రి, హైటెక్‌రత్న నారా చంద్రబాబునాయుడు, మంత్రులు నైట్‌రైడర్‌ నారాయణ, సోమిరెడ్డి చంద్ర మోహన్‌రెడ్డి, పత్తిపాటి పుల్లారావు, దేవినేని ఉమ, నిమ్మకాయల చినరాజప్పలు హాజరైవున్నారు. మున్సిపల్‌ డైరెక్టర్‌ ఆఫ్‌ అడ్మినిస్ట్రేషన్‌ కన్నబాబు సభను నడిపిస్తూ... రాష్ట్రంలో అన్ని నగరాలను కాచి వడపోసి నెల్లూరును స్వచ్ఛనగరంగా ఎంపిక చేసినట్లు ప్రకటించారు. అందుకు గల కారణాలను వివరిస్తూ నెల్లూరు నగర అందాలను అందరూ తిలకించే రీతిలో పది నిముషాల నిడివిగల వీడియోను స్క్రీన్‌పై ప్రదర్శించారు. స్క్రీన్‌పై సీన్‌లు ముగిసాక నెల్లూరు నగర స్వచ్ఛ అవార్డును అందుకోవడానికి జిల్లా కలెక్టర్‌ ముత్యాలరాజును వేదికమీదకు పిలిచారు. ఆయన వేదికనెక్కి ఉపరాష్ట్రపతి వెంకయ్యనాయుడు చేతుల మీదుగా స్వచ్ఛ అవార్డును అందుకున్నారు. నెల్లూరు నగరం స్వచ్ఛ అవార్డుకు ఎంపిక కావడంపై నెల్లూరుజిల్లాకే చెందిన ఉపరాష్ట్రపతి వెంకయ్యనాయుడు, మంత్రి సోమిరెడ్డి చంద్రమోహన్‌రెడ్డి షాక్‌కు గురికాగా ముదురుదోమల మంత్రి పి.నారాయణ మాత్రం నింపాదిగా వున్నాడు. స్వచ్ఛ అవార్డుల ప్రదానోత్సవం ముగిసాక అందరూ వేదిక దిగారు. వెంకయ్య నాయుడు, సోమిరెడ్డి చంద్రమోహన్‌రెడ్డిని పిలిచాడు. సోమిరెడ్డి వెళ్లాడు... నెల్లూరుకు స్వచ్ఛ అవార్డు రావడమేమిటి నాకంతా కలగా వుంది... ఇరుకురోడ్లు, మురికి పందులు, ముదురుదోమలు... కంపుకొట్టించే డ్రైనేజీ... ఎటుచూసినా ఆక్రమణలు... నేను నెల్లూరువాడినని చెప్పి నా మెప్పు కోసం ఈ అవార్డు ఏమన్నా ఇచ్చారా? ఇలాంటివి నేను సహించను అని అన్నాడు. అందుకు సోమిరెడ్డి... ఇది చూసి నేనూ షాకయ్యాను, ఇలా ఎందుకు జరిగిందో నాకూ తెలియదు... విషయం కలెక్టర్‌నే అడుగుదామని చెప్పి కలెక్టర్‌ ముత్యాలరాజును పిలిచారు. వీళ్లిద్దరూ తమ సందేహం వెలి బుచ్చారు. పిలిస్తే వచ్చాను, ఇస్తే అవార్డు తీసుకున్నాను, అంతకు మించి నాకేమీ తెలియదని కలెక్టర్‌ చెప్పాడు. ఆ క్షణంలో వెనుక నుండి 'నాకు తెలుసు' అనే మాట వినిపించింది. వెంకయ్య, సోమిరెడ్డి, కలెక్టర్‌లు వెనక్కి తిరిగి చూసారు. అక్కడ నైట్‌రైడర్‌ నారాయణ వున్నాడు. నీకు ఏం తెలుసు అని వెంకయ్య ప్రశ్నించాడు. చెప్పను, చూడండి అంటూ నారాయణ వేళ్లతో ఎయిర్‌స్క్రీన్‌ గీసి సీన్స్‌ ప్లే చూపాడు.

-----

అది నెల్లూరు నగరపాలక సంస్థ సమావేశ మందిరం. మంత్రి నారాయణ, మేయర్‌ అజీజ్‌, కమిషనర్‌ ఢిల్లీరావు, మిగతా కార్పొరేటర్లతో సమావేశమై వున్నారు. ముందు నారాయణ మాట్లాడుతూ... త్వరలో ప్రభుత్వం రాష్ట్రంలో అత్యంత పరిశుభ్రంగా వున్న నగరాన్ని ఎంపిక చేసి స్వచ్ఛ నగరం అవార్డును ఇవ్వబోతుంది. నేను మున్సిపల్‌ మంత్రిగా వుండి నెల్లూరుకు స్వచ్ఛ నగరం అవార్డు రాకపోతే నా పరువు జాఫర్‌సాహెబ్‌ కాలువలో కలిసినట్లే! కాని, ఇక్కడ చూస్తే అంత సీన్‌ లేదు. పందులు తమ బిడ్డలతోనే కాదు మనుమళ్ళు, మునిమనుమరాళ్ళతో కూడా కలిసి రోడ్లపై రాజ్యమేలుతున్నాయి. నాసా వాళ్లు అంతరిక్షం నుండి తీసిన అంగారకుడి ఫోటో అని మొన్న ఒక ఫోటోను ఫేస్‌బుక్‌లో పోస్ట్‌ చేశారు. అంగారక గ్రహంపై అక్కడక్కడా కొండలు, జలపాతాలు వున్నట్లు ఆ పోస్ట్‌లో చెప్పారు. మన ఇస్రో వాళ్ళు దాని రహస్యాన్ని చేధించారు. ఆ ఫోటో అంతరిక్షం నుండి తీసిందే కాని, అంగారకుడిది కాదని, నెల్లూరు నగరందని, అందులో కనిపించేవి కొండలు, జలపాతాలు కావని, రోడ్లపై చెత్త దిబ్బలు, రొచ్చు గుంటలని తేల్చారు. ఇక ముదురుదోమల సంగతి సరే సరి... ఇలాంటి నగరానికి స్వచ్ఛ అవార్డ్‌ వస్తుందా? రాకుంటే నా పరువేంకావాలి అని వాపోయాడు. అప్పుడు అజీజ్‌... అవార్డ్‌ మనకే వస్తుంది సార్‌, మేం తెప్పిస్తాం అని అన్నాడు. ఎలా? అని నారాయణ ప్రశ్నించాడు. అప్పుడు అజీజ్‌... 50మంది విద్యార్థు లున్న క్లాసులో ఫస్ట్‌ ర్యాంక్‌ తెచ్చుకోవాలంటే ఏం చేయాలి సార్‌ అని అడిగాడు. బాగా చదవాలని నారాయణ సమాధానమిచ్చాడు. బాగా చదవకపోయినా ఫస్ట్‌ ర్యాంక్‌లో నిలబడలాంటే? అని అజీజ్‌ తిరిగి ప్రశ్నించాడు. దానికి నా వద్ద ఆన్సర్‌ లేదని నారాయణ బదులిచ్చాడు. అప్పుడు అజీజ్‌... బాగా చదివే వాళ్లను చెడగొట్టాలి సార్‌... వందకు వంద మార్కులు తెచ్చుకునేవాడు పాతిక మార్కులకు పడిపోతే 50మార్కులోడే క్లాసులో టాపర్‌ అవుతాడు. ఇక్కడ కూడా అంతే! రాష్ట్రంలో మన నెల్లూరుకి అత్యంత ఉత్తమ చెత్త నగరంగా పేరుంది. ఇప్పుడు రాష్ట్రంలో వున్న అన్ని నగరాలను చెత్తనగరాలుగా మారుద్దాం. మన పందులను, మన దోమలను అన్ని నగరాలలో వదులుదాం. అవి అనతికాలంలోనే వ్యాప్తిచెంది, ఆ నగరాలన్నింటిని మన నెల్లూరు కంటే అధ్వాన్న నగరాలుగా మారుస్తాయి. అప్పుడు వాటన్నింటికంటే మన నెల్లూరే బెటర్‌గా కనిపిస్తుంది. చచ్చినట్లు 'స్వచ్ఛ నగరం' అవార్డు మనకే వస్తుందని చెప్పడంతో మంత్రి నారాయణకు కళ్ళల్లో నీళ్ళు తిరిగాయి. నా శిష్యరికంలో ఈ మూడేళ్లలోనే ఎంత ఎదిగిపోయావు అజీజ్‌ అని ఆయన మేయర్‌ వైపు అభిమానంతో చూస్తుండగా... అప్పుడే కార్పొరేటర్‌ దొడ్డపనేని రాజానాయుడు సెల్‌ఫోన్‌ ''ఎంత ఎదిగిపోయావయ్యా ఓ బ్రహ్మయ్యా'' అనే పాట రింగ్‌టోన్‌తో మోగింది.

------

ఇక్కడితో సీన్‌లు అయిపోయాయి. నెల్లూరుకు స్వచ్ఛ నగరం రావడం వెనుక కథ ఇది అని నారాయణ ముగించాడు. అది విన్న వెంకయ్య నాయుడు... మీ తెలివి తగలెయ్యా... అవార్డులనేవి ఇతరులను మించి పోయి తెచ్చుకోవాలి గాని, ఇతరులను ముంచి కాదు అంటూ అక్కడ నుండి బయల్దేరాడు.

Read 116 times
Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…

Newsletter