Friday, 13 October 2017 08:43

కోతల రాయుడి వాతలు

Written by 
Rate this item
(0 votes)

galpikaభేతాళకథ

పట్టువదలని హైటెక్‌ విక్రమా ర్కుడు ఎర్లీమార్నింగ్‌ ఎయిట్‌థర్టీకల్లా నిద్ర లేచాడు. పెద్దపెద్ద హోటళ్లలో టిఫిన్‌ తింటే తిన్న తిండి కంటే జిఎస్టీ బిల్లే ఎక్కువవుతుందని భయపడి మద్రాసుబస్టాండ్‌ వద్ద రోడ్డు మీదున్న టిఫిన్‌ బండి వద్దే పాతిక దోశలు, పాతిక బోండాలు తిన్నాడు. అప్పుడే అటుగా రాకెట్‌లా దూసుకొచ్చిన ఆటో ఎక్కి పెద్దాసుపత్రికి చేరుకున్నాడు. మార్చురీలోకి వెళ్లి డెంగ్యూ జ్వరంతో చనిపోయిన ఓ ఫ్రెష్‌ బాడీని భుజాన వేసుకుని బోడిగాడితోటలోని రోటరీ క్లబ్‌ శ్మశాన వాటిక వైపు నడవ సాగాడు. విక్రమార్కుడికి ఎం.జి.బి. మాల్‌కు సమీపంలోకి రాగానే ఎండ ధాటికి చెమటలు కారసాగాయి. ఎండ చుర్రుమనడంతో బాడీలోని భేతాళుడిలో కూడా చలనం వచ్చింది. అతను వుండి... విక్రమార్క... ఏ ఆటో ఎప్పుడు ఎటువైపు నుండి వచ్చి గుద్దుతుందో తెలియని ఈ నెల్లూరు నగరంలో, ఎప్పుడు ఏ కుక్క కరు స్తుందో తెలియని ఈ రోడ్లల్లో, ఏ క్షణమైనా డెంగ్యూ జ్వరాన్ని తగిలించ గల పవర్‌ వున్న ఐఆర్‌20-420 హైబ్రీడ్‌ దోమలున్న ఈ సిటీలో, చుట్టూ వర్షాలు పడుతున్నా మండు టెండలతో నిప్పుల కొలిమిలా వున్న ఈ సింహపురి సీమలో చెమటలు కక్కుతూ నువ్వు పడుతున్న కష్టాన్ని చూస్తుంటే నాకు జాలేస్తుంది. నీకు శ్రమ తెలియకుండా వుండేందుకు 'కోతలరాయుడు-వాతల రాయుడు' కథ చెబుతాను విను అంటూ రోడ్డు పక్కనేవున్న బెల్టు షాపులోకి తీసుకెళ్లి కూర్చోబెట్టి చెప్ప సాగాడు.

యూపిఏ పదేళ్ల పాలనలో రోజుకో కుంభకోణంతో నాటి కాం గ్రెస్‌ అవినీతి పాలన పట్ల విసుగెత్తి పోయిన ప్రజలకు బీజేపీ ప్రధాని అభ్యర్థిగా రంగంలోకి వచ్చిన నరేంద్ర మోడీ ఆశాదీపంలా కని పించాడు. దేవుడు పంపించిన దయామయుడిలా అనిపించాడు. అప్పట్లో దేశంలో ప్రజల పరిస్థితి చూసి నరేంద్ర మోడీ కన్నీళ్ల పర్యంత మయ్యాడు. కనీసం ఇంటికో కారు లేదని, పేద కుటుంబాలకు బంగ ళాలు లేవని, తినడానికి బిర్యానీ కూడా దొరకడం లేదని తెగ బాధ పడ్డాడు. అమెరికాలో వున్నోడు సూటూబూటూ వేసుకుని తిరుగు తుంటే మనం ఇంకా లుంగీలు, అంగీలు కట్టుకుని తిరగడమేంటని ఆవేదన చెందాడు. మన మీడియా కూడా మోడీ వస్తే 'దేశం' తలరాత మారుతుందని ప్రచారాన్ని దంచే సింది. 'మీ ఓటు... మీ బంగారు భవిష్యత్తుకు రూటు' అంటూ బీజేపీ నాయకులు తెగ ఊదరగొట్టేసారు. 2014 ఎన్నికల్లో మోడీ బంపర్‌ మెజార్టీతో గెలిచాడు. గుజరాత్‌లో సీఎంగా నరేంద్రమోడీ ఏం చేసా డన్నది కేరళలో వున్న రామ్‌ నాడార్‌కు, తమిళనాడులో వున్న పొన్నుస్వామికి, కర్నాటకలో వున్న నంజుగౌడకు, ఏపిలో వెంకట సుబ్బ య్యకు, యూపిలో వున్న సుందర యాదవ్‌కు, పశ్చిమ బెంగాల్‌లో వున్న చతుర్ముఖ ఛటర్జీకి... ఇలా ఎవరికీ తెలియదు. కాని, గుజ రాత్‌లో నరేంద్ర మోడీ ఏదో చేసా డని, ఆయన ప్రధాని అయితే దేశంలో అదే చేస్తాడని, మన తల రాతలు మారుతాయని భావించి అన్ని రాష్ట్రాల ప్రజలు ఓట్లేసారు. మోడీ ప్రధాని అయ్యాడు. ప్రజలందరూ సూటు, బూట్లకు ఆర్డర్‌ ఇచ్చారు. కార్ల షోరూమ్‌లకు పరుగెత్తారు. లగ్జరీ కార్లు బుక్‌ చేసారు. ఇక కొన్ని నెలలే... ఆరు దశాబ్దాల తమ దరిద్రం తీరబోతుందని, కొత్త జీవి తానికి తెర లేవబోతోందని, కొత్త ఉషస్సులు, ఉగాదులతో తమ బ్రతు కులలో కళాకాంతులు రాబోతున్నా యని ఆశపడ్డారు. అయితే, ప్రధా నిగా నరేంద్ర మోడీ తీసుకున్న నోట్ల రద్దుతో దేశ ప్రజల బ్రతుకులు అతలాకుతలమయ్యాయి. నోట్ల రద్దు పెద్ద ఫ్లాప్‌ షోగా మిగిలిపోగా ఆర్ధిక వ్యవస్థలు బాగా దెబ్బతిన్నాయి. అది చాలదన్నట్లు ఆర్ధిక సంస్కరణలంటూ తెచ్చిన జిఎస్టీతో సామాన్యుడికి పన్ను పోటు పెరిగింది. నరేంద్ర మోడీ వస్తే ఒంటి మీదకు సూటూ బూటూ వస్తుందనుకున్న జనానికి మోడీ ఒంటి మీద బనియన్‌ కూడా మిగల్చ కుండా చేసాడు. ప్రతిఒక్కరి మీద ఆర్ధిక భారం పడసాగింది. మోడీపై ప్రజలు పెట్టుకున్న అంచనాలన్నీ తలక్రిందులయ్యాయి. ఎన్నికల ముందు కోతలరాయుడు ఇప్పుడు వాతల రాయుడయ్యాడు... అని భేతాళుడు ముగించి... ఇప్పుడు చెప్పు... నేను అధికారంలోకి వస్తే ప్రజలకు స్వర్గం చూపిస్తానన్న మోడీ ఇప్పుడు నరకం ఎందుకు చూపిస్తు న్నాడు. కావాలనే చేస్తున్నాడా? తెలిసీ తెలియక చేస్తున్నాడా? ఈ ప్రశ్నకు సమాధానం తెలిసి కూడా చెప్పక పోయావో అమరావతి రాజధాని భవనాలకు ఇంజనీర్‌వై అష్టకష్టాలు పడతావని హెచ్చరించాడు.

అప్పుడు విక్రమార్కుడు... భేతాళ... ఇందులో చిన్న లాజిక్‌ ఉంది. 70ఏళ్ల పాటూ కాంగ్రెస్‌ వాళ్ళు అభివృద్ధి స్వర్గాన్ని చూపిస్తా మంటూ ప్రజలను ఒక మార్గంలో తీసుకెళ్లారు. ఈ మార్గంలో అవినీతి ముళ్ళు, అక్రమాల రాళ్ళు కూడా వున్నాయి. దీని మూలంగానే ప్రయాణం బాగా ఆలస్యం కాసా గింది. ఉదాహరణకు నెల్లూరు నుండి తిరుపతికి బయలుదేరాం. శ్రీకాళ హస్తి దాకా పోయాక ఈ మార్గం బాగా లేదని చెప్పి అక్కడిదాకా వెళ్లిన వాళ్లని వెనక్కి తీసుకొచ్చి ఈసారి పొదలకూరు, రాపూరు, వెంకట గిరిల మీదుగా తిరుపతికి తీసుకెళితే ఎలా వుంటుంది... అలసటకు అల సట... టైంకు టైమూ బొక్క... దీని బదులు కాళహస్తి నుండే పోయే దారిని కొంచెం బాగుచేసుకుని పోతుంటే తొందరగా తిరుపతికి చేరుకుంటారు. కాని, ఇప్పుడు మోడీ చేసిన పని ఇలానే వుంది. 70ఏళ్ల పాటూ నిలబెట్టుకున్న ఆర్ధిక వ్యవ స్థలో లోపాల్ని సరిదిద్ది సంస్కరణలు తేవాలేగాని ఆ ఆర్ధిక వ్యవస్థనే పూర్తిగా క్లోజ్‌ చేసి కొత్త ఆర్ధిక విధా నాలు తేవడంతోటే ప్రజలకు సూటు కోటు సంగతి ఎలాగున్నా ఒంటి మీద గోచీలు కూడా మిగలడం లేదని, పన్నులతో వాళ్ళ ఒంటిమీద వాతలు తేలుతున్నాయని చెప్పాడు. విక్రమార్కుడి సమాధానంతో సంతృప్తి చెందిన భేతాళుడు తాగిన బీర్‌ సీసాలకు బిల్‌ కట్టకుండా పక్కనేవున్న చెట్టుమీదకు చెక్కేసాడు.

Read 49 times
Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • కేడర్‌ని... కదనరంగంవైపు నడిపిస్తున్న జగన్‌
    నాయకుడంటే ఓ నమ్మకం... నాయకుడంటే ఓ భరోసా... నాయకు డంటే ఓ ధైర్యం. తన పార్టీలో లీడర్లకు, తన పార్టీ కేడర్‌కు అలాంటి నమ్మకాన్ని, అలాంటి ధైర్యాన్ని కల్పించడంలో విజయం సాధించాడు వైకాపా అధినేత వై.యస్‌.జగన్మోహన్‌రెడ్డి! నెల్లూరుజిల్లాలో వై.యస్‌.జగన్మో హన్‌రెడ్డి చేపట్టిన…
  • అజీజా... నిన్నొదలా...!
    నెల్లూరు మేయర్‌ అబ్దుల్‌ అజీజ్‌ వివాదా లతో సహజీవనం చేస్తున్నట్లుగా వుంది అది వ్యాపారంలోనైనా... ఇటు రాజకీయాలలోనైనా! అజీజ్‌ మేయర్‌ అయ్యింది మొదలు నెల్లూరు కార్పొరేషన్‌లో ఎన్నో వివాదాలు చూసాం. ఏ కమిషనర్‌తోనూ ఆయనకు పడేది కాదు. ఇలా పడకనే గత…
  • ఉదయగిరిలో... పాత పోరా? కొత్త నీరా?
    జిల్లాలోని పది అసెంబ్లీ నియోజకవర్గాలలో 9అసెంబ్లీలది ఒక దారి అయితే ఉదయగిరి అసెంబ్లీది మాత్రం ఇంకో దారి! మెట్టప్రాంతమైనప్పటికి ఇక్కడి ప్రజలు రాజకీయ చైతన్యవంతులు. పార్టీ ప్రభంజనాలు, నాయకుల పట్ల సానుభూతి వంటి వాటికంటే కూడా ఇక్కడ పోటీ చేసే అభ్యర్థుల…
  • సుధాకర్‌ బాబా(య్‌).. కొంప ముంచాడు బాబోయ్‌
    దయ చేసి వినండి... దయచేసి వినండి... మంత్రాలకు చింతకాయలు రాలవు... అని ఎందరు చెబుతున్నా వింటారా? వినరు? దయ చేసి బురిడీ బాబాలను నమ్మొద్దని మేధావులు మొత్తు కుంటుంటారు... అయినా వింటారా? వినరు! మోసం చేసేవాడికి మోసపోయే వాడెప్పుడూ లోకువే. మీరు…
  • చంద్రుడి డైరక్షన్ లో పవన్ యాక్షన్ థ్రిల్లర్ జె.ఏ.సి
    రాష్ట్ర రాజకీయాలలో చంద్ర బాబుకు అవసరమైనప్పుడు మాత్రమే తెరమీదకొస్తాడని పేరున్న పవర్‌స్టార్‌ పవన్‌ కళ్యాణ్‌ మరోసారి సరికొత్త యాక్షన్‌ థ్రిల్లర్‌ స్క్రీన్‌ప్లేతో తెరమీద కొచ్చాడు. దీనిపేరు జాయింట్‌ యాక్షన్‌ కమిటి! తెలంగాణ ఉద్యమ సమయంలో జేఏసీల పాత్రేమిటో చూసాం. తెలం గాణ…

Newsletter