20 October 2017 Written by 

సురక్షిత సేద్యమే శ్రీరామరక్ష

cultivationదేశవ్యాప్తంగా వ్యవసాయ రంగం గతంలో కంటే ఎంతోకొంత అభివృద్ధిని సాధిస్తున్నా, పెరుగు తున్న అవసరాలకు తగ్గట్టు ప్రజలకు మంచి పుష్టికరమైన ఆహారం మాత్రం కరువే అవుతోంది. వ్యవసాయంలో ఇబ్బడిముబ్బడిగా రకరకాల రసాయనాల వాడకం పెరిగిపోతుండడంతో..పంటలు ఏపుగా పెరుగుతున్నట్లు కనిపించినా, నాణ్యత మాత్రం తగ్గిపోయి.. అలాంటి ఆహారం తిన్నప్పటికీ నీరసమే మిగులుతోంది. ఇదొక సమస్య అయితే, పంటపొలాల్లో విచ్చలవిడిగా రసాయనాలు వాడుతున్నప్పుడు, అత్యంత విషపూరితమైన పురుగుమందులను పిచికారీ చేస్తున్న సందర్భాల్లో ఆ విషవాయువులు పీల్చి ఎంతోమంది రైతులు తమ ప్రాణాలమీదికి తెచ్చుకుంటున్నారు. ఇదింకా బాధాకరం. ఆహార ఉత్పత్తులను పెంచుకునేందుకు చేస్తున్న ప్రయత్నాలు విషపూరిత రసాయనాల వల్లనో, కాలుష్యం వల్లనో, ప్రమాదకరమైన పురుగుమందుల వల్లనో వికటించకుండా ఎవరైనా ఎంతకాలం కనిపెట్టుకుని ఉండగలరు. అందువల్ల వాటిని దూరంగానే ఉంచాలి. మరో దుస్థితి ఏమంటే, దేశవ్యాప్తంగా ఉన్న పురుగుమందుల్లో దాదాపూ సగం దాకా నకిలీవేనని మేధావుల అధ్యయనాలు వెల్లడిస్తున్నాయి. అవి ప్రమాదమంటూ ప్రపంచదేశాలు నిషేధించిన అనేక రకాల పురుగుమందులను కూడా మనదేశంలో నిర్భయంగా వాడేస్తుండడం, తెలిసో తెలియకో.. మరోదారి లేకో వినియోగిస్తున్న ఈ మందుల వల్ల అనారోగ్యాల పాలుకావడం రైతులకు సర్వసాధారణమైపోతోంది. అటు ఉత్పత్తుల్లో నాణ్యతను క్షీణింపజేయడమే కాక, రకరకాల అనా రోగ్యాలకు కూడా కారణమవుతున్న రసాయనాలు, కల్తీ పురుగుమందులను దేశంలో పూర్తిస్థాయిలో నివారించుకోలేకపోవడం..విచారకరం. అయితే, కేంద్రప్రభుత్వం ఇటీవల ఇలాంటి ప్రమాదాలను దృష్టిలో పెట్టుకుని, ఎప్పుడో పాతకాలం నుంచి ఉన్న రసాయనాలు పురుగుమందుల నియంత్రణకు సంబంధించిన నియమావళిని సరిదిద్దే ప్రయత్నం చేయడం హర్షదాయకమే అయినా, అదింకా ఆచర ణలో పూర్తిస్థాయిలో అమలుకు నోచుకోవడం లేదు. కల్తీవ్యాపారాల్లో.. ఇంకా పాతవాసనలు పూర్తిగా సమసిపోవడం లేదు. అయితే, క్రిమిసంహారక మందులను ఎవరిష్టం వచ్చినట్లు వారు వాడుకుంటూపోతే, గాలిలో కలిసిన ఆ మందుల వల్ల ఆరోగ్యాలకు నష్టం వాటిల్లుతుంది. పర్యావరణం కూడా క్షీణిస్తుంది. ఇప్పటికే రకరకాల కాలుష్యాలతో పర్యావరణం దెబ్బతింటోంది. విషతుల్యమైన పురుగు మందుల వినియోగం విపరీతంగా ఉండడం వల్ల అటు ప్రజలకు, ఇటు పర్యావరణానికి కూడా మరింత హాని కలుగుతోంది. అంతేకాదు, అత్యధిక రసాయనాల వాడకం వల్ల మన ఉత్పత్తులు విదేశాల నుంచి తిరుగు టపాలో తిరిగివస్తుండడాన్ని గుర్తుంచుకోవాలి. ఏటా దేశంలో వేలు, లక్షలాది టన్నుల క్రిమిసంహారక మందులు వాడుతూనే ఉన్నామంటే ఎంత భారీగా పురుగుమందులు, రసాయనాలు గాల్లో కలుస్తున్నాయో, తద్వారా మరెందరి ప్రాణాలు గాల్లో కలుపుకుంటున్నాయో ఊహించుకోవాల్పిందే. రసాయన ఎరువుల వాడకం వల్ల సాగయ్యే ఆహారపదార్ధాలు తమ సహజమైన రుచిని కూడా కోల్పోతున్నాయి. కల్తీ మందులతో, కల్తీ ఎరువు లతో సాగులోకి వచ్చే పంటలు.. ఆరోగ్యపరంగా రైతులను క్రుంగదీయడమే కాక, ప్రజలను కూడా అనారోగ్యానికి చేరువ చేస్తూనే ఉన్నాయి. మనదేశంలో నిత్యం ఎంతోమంది బాలలు తినే ఆహారంలో పౌష్టికాహారం లోపించిపోవడం వల్లనే వారు బలహీనంగా ఉంటున్నారని, దేశంలో సుమారు 47 శాతం మంది బాలలు ఉండాల్సిన బరువుకంటే తక్కువ బరువు కలిగివున్నారని, పౌష్టికాహార లోపమే దీనికి కారణమని, బాలల మరణాల్లో అత్యధికశాతం మరణాలు కూడా పౌష్టికాహార లోపం వల్లనేనని యునిసెఫ్‌ ఒక అధ్యయనంలో స్పష్టం చేస్తోంది.

ఇదిలావుంటే, మరోవైపు మనదేశంలో ప్రజల ఆహారపు అలవాట్లు కూడా రానురాను బాగా మారిపోతున్నాయి. గతంలో లేని ఎన్నో రకాల ఆహారపదార్ధాలు వంటల్లోకి వచ్చి చేరుతున్నాయి. పండ్లు, కూరగాయలు, ఆకుకూరలు, పుష్టికరమైన ఆహారంగా పేరున్న సజ్జలు, జొన్నలు, రాగులు వంటివన్నీ ముతకైపోయి, నైస్‌గా ఉండే న్యూడుల్స్‌, కేక్‌లు, పిజ్జాలు వంటివి మన శరీరంలోకి బాగా చేరిపోతు న్నాయి. తద్వారా వంట్లో బలవర్ధక పదార్ధాలు లేక పోగా, బలాన్ని కుంగదీసే పదార్ధాలనే ప్రీతిగా వాడుకోవడం వల రకరకాల అనారోగ్యాలు, స్థూల కాయం వంటి సమస్యలకు మన శరీరాలు పుట్టిళ్ళుగా మారుతున్నాయి.

అటు వ్యవసాయరంగంలోనే కాక, పారిశ్రామిక రంగంలోనూ పొంచివున్న అన్ని రకాల రసాయన విపత్తులపై ప్రభుత్వాలు దృష్టి సారించాల్సిన అవసరం ఎంతైనా ఉంది. ఇలాంటి విపత్తుల ముప్పు తప్పిం చేందుకు పటిష్టమైన ప్రణాళికలను అమలు చేయాలి. ముఖ్యంగా, అటు రైతుల జీవితాలకు రక్షణ లేక, ఇటు ప్రజల ఆరోగ్యానికీ భద్రత లేక, చేస్తున్న ఈ సేద్యమంతా దేనికోసమన్నది అందరూ ఆలోచించాలి. అన్నదాత జీవితాలు ఆనందమయం కావడానికి, దేశసౌభాగ్యానికీ అవసరమైన అత్యుత్తమమైన నూతన విధానాలను వ్యవసాయరంగంలో విరివిగా తీసుకువచ్చినప్పుడే ఇలాంటి ముప్పుల నుంచి..అనారోగ్య విపత్తుల నుంచి మనం బయటపడగలం.

ఇప్పటికైనా ప్రభుత్వాలు 'మంచి ఆహారం..మంచి ఆరోగ్యం' కనుక, పుష్టికరమైన ఆహారాన్ని అందరికీ చేరువయ్యేలా చూడాలి. రసాయనాల వాడకం పూర్తిగా తగ్గించి, కల్తీ ఎరువులు, కల్తీ పురుగుమందులను నివారించి, ఎవరికీ ఎలాంటి హానీ లేని సురక్షితమైన సేంద్రియ సేద్యాన్ని రైతాంగానికి అందుబాటులోకి తీసుకురావాలి. సురక్షిత సేద్యమే అందరికీ శ్రీరామరక్ష!.. కనుక, అటు రైతాంగం, ఇటు వ్యవసాయ శాస్త్రవేత్తలు... ప్రజలందరి సహకారంతో వ్యవసాయ రంగంలో వినూత్నమైన, విప్లవాత్మకమైన మంచి మార్పుకు ప్రభుత్వాలే నాంది పలకాలి. అప్పుడే అందరికీ అన్నం పెట్టే అన్నదాతకు, ఇటు ప్రజలకూ అన్నివిధాలా భద్రత ఉంటుంది. దేశ సౌభాగ్యానికి కూడా తద్వారా ఓ మంచి మార్గం వేసినట్లుంటుంది.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…

Newsletter