27 October 2017 Written by 

అసాధారణ నిర్ణయాలు

bharath malaప్రగతి రథం కదిలింది. ఎప్పుడెప్పుడా అని అందరూ ఎదురుచూస్తున్న ఆర్ధిక ప్రగతిరథానికి మరింత ఊపు తెచ్చేవిధంగా ప్రధాని మోడీ నేతృత్వంలోని కేంద్రప్రభుత్వం మున్నెన్నడూ లేనివిధంగా 'భారత్‌మాల' వంటి అసాధారణ నిర్ణయాలతో ముందుకు దూసుకువస్తోంది. దేశంలో ఇప్పటికే అధోగతిలో.. అద్వాన్న స్థితిలో ఉన్న రహదారులకు మోక్షం కల్గించేందుకు, తద్వారా దేశ ప్రగతిరథ చక్రాలకు ఇక ఎలాంటి ఆటంకం లేకుండా ఉండేందుకు కేంద్రం సత్వర చర్యలు తీసుకుంటోంది. ఎంతో ప్రతిష్టాత్మకమైన 'భారత్‌మాల' ప్రాజెక్టుకు, తదితర జాతీయ రహదారుల నిర్మాణం కోసం ఏకంగా అక్షరాలా ఏడు లక్షల కోట్ల రూపాయలను విడుదల చేసేందుకు కేంద్రప్రభుత్వం ఆమోదముద్ర వేసి దేశ ఆర్ధికవృద్ధికి మార్గం సుగమం చేసింది. ప్రధాని మోడీ అధ్యక్షత్వంలో ఇటీవల జరిగిన సమావేశంలో ఆర్ధిక వ్యవహారాల క్యాబినెట్‌ కమిటీ ఆ మేరకు ఈ భారీ ప్రాజెక్టులకు పచ్చజెండా ఊపడం ఎంతైనా హర్షదాయకం. ఇంతటి 'భారీ' నిర్ణయాలు ఎంతైనా సాహసమే. అయితే, దేశాభ్యున్నతికి ఎంతో అవసరమైన జాతీయ రహదారులను అభివృద్ధి చేయడం ఎంతైనా అవసరమే. దేశంలో 83వేల కిలోమీటర్ల మేర జాతీయ రహదారుల్ని అయిదు సంవత్సరాల్లో ఏడులక్షల కోట్ల రూపాయల వ్యయంతో అభివృద్ధి చెందించడానికి రూపొందించిన పథకమే 'భారత్‌మాల'. ఈ ప్రాజెక్టు ద్వారా దేశ సరిహద్దులతో పాటు దేశంలోని అనేక ప్రాంతాలను కలుపుతూ వేలాది కిలోమీటర్ల దాకా జాతీయ రహదారులను నిర్మించడానికి శ్రీకారం చుట్టడం దేశచరిత్రలో ఇదే ప్రధమం. జాతీయ రహదారులు ఎలాంటి అవరోధాలు లేకుండా శుభ్రంగా ఉంటే ప్రయాణం ఎంత వెసులుబాటుగా ఉంటుందో అంద రికీ తెలిసిందే. కార్గోలు వేగవంతంగా ప్రయాణిం చేందుకు వీలుగా ఈ రహదారుల నిర్మాణాలు ఉం టాయని, ఎకనమిక్‌ కారిడార్‌ల అభివృద్ధి కూడా దీనిలో జతకలసి ఉంటుంది కనుక, అనేక ప్రాంతాలకు దారులు తీసే ఈ జాతీయ రహదారులు అనేకప్రాంతాల ప్రజలకు అందుబాటులో ఉంటాయని ప్రభుత్వం స్పష్టం చేస్తోంది. ముంబై-కొచ్చిన్‌- కన్యాకుమారి, బెంగుళూరు-మంగుళూరు, హైదరాబాద్‌- పణజీ, సంబల్‌పూర్‌-రాంచీ వంటి దాదాపు నలభైదాకా ప్రాజెక్టులు ఈ ఎకనమిక్‌ కారిడార్‌లలో ఉండబోతున్నాయి. అదేవిధంగా, భారత్‌మాల ప్రాజెక్టుల్లో తొలిదశలో 20వేల కిలోమీటర్ల దాకా జాతీయ రహదారుల నిర్మాణాలను త్వరలోనే ప్రారంభించనుండడం ఎంతో సంతోషదాయకం. రహదారులు తదితర ప్రాజెక్టుల కోసం సుమారు పదిలక్షల కోట్ల రూపాయల దాకా వ్యయమవుతున్నదంటే ఇవెంత భారీ ప్రాజెక్టులో ఊహించుకోవచ్చు. 'భారత్‌మాల' వంటి ప్రాజెక్టుల ద్వారా సమర్ధవంతమైన రవాణా ఏర్పాట్లు జరుగుతాయని, సరుకుల సత్వర రవాణాకు ఇబ్బంది లేకుండా, రోడ్లపై ఉన్న అనేకానేక అవరోధాలను తొలగించి, రోడ్లపై ప్రయా ణాన్ని మరింత సులువుగా, సునాయాసంగా, వేగవంతంగా, ప్రమాదరహితంగా తీర్చిదిద్దేందుకు అన్ని ఏర్పాట్లు జరుగుతాయని భావించవచ్చు. దేశంలో ఇది అతిపెద్ద భారీ ప్రాజెక్టుగా అవతరించనుంది కూడా. ఇందులో సుమారు 9వేల కిలోమీటర్ల ఎకనమిక్‌ కారిడార్లు, 6వేల కిలోమిటర్ల ఇంటర్‌ కారిడార్‌లే కాక, 5 వేల కిలోమీటర్ల మేరకు జాతీయ కారిడార్‌ల సామర్ధాన్ని పెంచడం, మరో 2వేల కిలోమీటర్ల సరిహద్దు అనుసంధానం చేయడం, 8 వందల కిలోమీటర్ల ఎక్స్‌ప్రెస్‌ మార్గాలు, 10వేల కిలోమీటర్ల మేర జాతీయ రహదారుల అభివృద్ధి..ఇవన్నీ ఈ ప్రాజెక్టులో అంతర్భాగాలే. ఈ బృహత్తర ప్రాజెక్టు అమలుతో ఉపాధి అవకాశాలు కూడా బాగా మెరుగుపడతాయనడంలో సందేహం లేదు. ఈ భారీ ప్రాజెక్టుల నిర్మాణా లకు సగం డబ్బును మార్కెట్‌నుంచి, ప్రైవేట్‌ పెట్టుబడుల ద్వారా రాబడతారు. మిగిలిన సగం మొత్తాన్ని రహదారి బాండ్లు, సుంకాల ద్వారా సమీకరిస్తారు. హైవేలపై చేసే వ్యయంతో కలిపితే, ఈ మొత్తం వ్యయం సుమారు 14 లక్షల కోట్లకు చేరుకుంటుందని అంచనా. అటు పెద్దనోట్ల రద్దు, ఇటు జిఎస్టీలతో దేశ ఆర్ధికపరిస్థితి మసకబారుతోందని విమర్శలు వెల్లువెత్తుతున్న దశలో, దేశ ఆర్ధికవృద్ధిపై ఎలాంటి అనుమానాలకు తావు లేకుండా కేంద్రప్రభుత్వం ఇంతటి బృహత్తర ప్రాజెక్టులను ప్రకటించడం అందరికీ విస్మయం కలిగించేదే అయినప్పటికీ, ఈ భారీ ప్రాజెక్టుల నిర్మాణాల ద్వారా ఉపాధి అవకాశాలు కనీవినీ ఎరుగునంతగా పెరిగి ఆర్ధిక రంగానికి ఎలాంటి ఢోకా లేకుండా చేస్తుందని భావించవచ్చు. అంతేకాదు, మొండిబకాయిలతో కుదేలైపోయిన బ్యాంకింగ్‌ రంగానికి కూడా ఊతమిస్తూ సుమారు రెండులక్షల కోట్లకు పైగా మొత్తాన్ని బ్యాంకులకు మూలధనంగా ఇవ్వడానికి కేంద్రం నిర్ణయించడం కూడా అసాధారణ నిర్ణయమేననక తప్పదు. ఈ నేపథ్యంలో త్వరలో బ్యాంకింగ్‌ రంగంలో సంస్కర ణలు కూడా రానున్నాయి. గత ఏడాది నుంచి ద్రవ్యో ల్బణం క్రమేణా తగ్గుతూ వస్తోందని, జీడీపీ వృద్ధి చెందుతోందని, త్వరలోనే భారత్‌ 8 శాతం వృద్ధి రేటు సాధిస్తుందనే అంతర్జాతీయ ద్రవ్యనిధి అంచనాలు వాస్తవమే అవుతాయని ప్రభుత్వం గట్టిగా విశ్వసిస్తోంది. దేశ ఆర్ధికవృద్ధికి, ప్రజల ఉపాధి కల్పనకు కేంద్రం తీసుకుంటున్న ఈ నిర్ణయాలు, భారీ ప్రాజెక్టులు.. దేశ ప్రగతి రథచక్రాలకు ఎలాంటి అవరోధాలు లేకుండా పరుగులెత్తించేవేనని భావించవచ్చు. భారీప్రాజెక్టుల వల్ల సుమారు 14 కోట్ల పనిదినాలు ఉపా ధిగా లభ్యమవుతాయని అంచనా. జాతీయ రహదారులు, గృహనిర్మాణాలు, విద్యుత్‌, మౌలిక సదుపాయాలు, డిజిటల్‌ రంగాలు.. వంటి ప్రధానమైన రంగాల్లో భారీగా నిధులు వెచ్చించి అభివృద్ధి చేయడం వల్ల ప్రజలకు ఉపాధి అవకాశాలు మెరుగుపడడమే కాక, దేశ ఆర్ధికాభివృద్ధి కూడా క్రమంగా పుంజుకుంటుందని భావించవచ్చు. ఏదేమైనా, గతంలో ఎన్నడూ లేనివిధంగా, దేశంలో ఇంతటి భారీ ప్రాజెక్టులకు శ్రీకారం చుట్టడం వల్ల అటు ప్రజలకు ఉపాధి, ఇటు దేశానికి ఆర్థికవృద్ధి జమిలిగా కలిగి, దేశ ప్రగతికి ఈ నిర్ణయాలు మంచిదారులు వేస్తాయనే ఆశిద్దాం!



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…

Newsletter