04 November 2017 Written by 

పని చేసేవాళ్ళు వీళ్ళకు పనికిరారు

ramakrishnaఅధికారులు మూడు రకాలుగా వుంటారు. ఒకరు అధికారపార్టీ అడుగు లకు మడుగులొత్తుతుంటారు. వీళ్ళనే బూట్లు నాకేవాళ్ళు అని కూడా అంటుం టారు. ఇంకోరకం... అధికార పార్టీవాళ్లనే ఉచ్చపోయించే వాళ్ళు. వీళ్ళు మహా ముదుర్లు. ఇకపోతే మూడోరకం... చట్ట ప్రకారం, నిబంధన ప్రకారం పని చేసు కుంటూ పోయేవాళ్ళు. తమ బూట్లు నాకే వాళ్ళతో అధికారపార్టీ వాళ్ళకు ఇబ్బంది ఉండదు. లేదా తమకు పూర్తి వ్యతిరేకంగా పనిచేసే అధికారులతోనూ ఇబ్బంది ఉం డదు. ఎందుకంటే అలాంటివాళ్లను ముందుగానే గుర్తించి లూప్‌లైన్లలో తోస్తుం టారు. అధికారపార్టీ వాళ్ళకు అసలు సమస్యల్లా చట్ట ప్రకారం ముక్కుసూటిగా పనిచేసుకుపోయే వాళ్ళతోనే! ఇలాంటి వాళ్ళు ఎవరి మాటా వినరు. అధికారపార్టీ నాయకుల పనులన్నీ కూడా కొంతవరకు చట్ట విరుద్ధంగానే వుంటాయి. ఓవర్‌ లోడ్‌తో వెళుతున్న ఇసుకట్రాక్టర్‌ను పోలీ సులు పట్టుకుంటారు. ట్రాక్టర్‌ ఓనర్‌ వెళ్ళి... అధికారపార్టీ నాయకులకు... ట్రాక్టర్‌ నా జీవనాధారమని, దానిని విడి పించమని మొరపెట్టుకుంటాడు. ఇక్కడ అధికార పార్టీ నాయకుడికి అగ్ని పరీక్షే. నిబంధనలను అతిక్రమించిన ట్రాక్టర్‌ను వదలమని ఎస్పీకి చెప్పాలంటే భయం. అలాగని ట్రాక్టర్‌ను వదిలించకుంటే... నువ్వేమీ నాయకుడివని జనం నవ్విపోతా రని ఇంకో భయం.

ప్రస్తుతం ఇలాంటి స్థితిలోనే నెల్లూరు జిల్లా తెలుగుదేశం నాయకులున్నారు. జిల్లా ఎస్పీ రామకృష్ణ వారికి మింగుడుపడని జడపదార్ధంగా మారాడు. రామకృష్ణ వచ్చి నప్పటి నుండి బెట్టింగ్‌, ఎర్రచందనం, మైనింగ్‌ అక్రమ రవాణాపై ఉక్కుపాదం మోపాడు. మైనింగ్‌పై పూర్తిగా నిఘా పెట్టి అక్రమ రవాణాను అడ్డుకుంటుండడంతో అధికారపార్టీ నాయకులకు ఊపిరాడడం లేదు. ఈమధ్య ఇసుక ట్రాక్టర్లను పట్టు కోవడం ఎక్కువైంది. అలాగే నిబంధనలను ఉల్లంఘించి తిరుగుతున్న ఆటోలను కూడా పెద్దసంఖ్యలో సీజ్‌ చేస్తున్నారు. వీళ్ళంతా కూడా తెలుగుదేశం ఎమ్మెల్యేలు, ఇన్‌ ఛార్జ్‌లు, నాయకుల వద్దకు పరుగులు తీస్తున్నారు. వీళ్ళు ఎస్‌ఐలకు, సిఐలకు ఫోన్‌లు చేస్తున్నారు. వాళ్ళేమో మా చేతుల్లో ఏమీ లేదు, ఎస్పీకి చెప్పమంటున్నారు. ఎస్పీకి ఇలాంటి పనుల కోసం ఫోన్‌లు చేయలేకపోతున్నారు. వీటి కోసం ఫోన్‌ చేస్తే ఆయన నుండి ఎలాంటి సమాధానం వస్తుందో వీరికి తెలుసు. అందుకే క్రింది స్థాయిలో పనులు కాక, పైస్థాయి అధికారికి చెప్పే ధైర్యం లేక, అసలు ఎస్పీనే మారిస్తే పోలా అనే పరిస్థితికి వచ్చారు.

ఇటీవల నెల్లూరులో జరిగిన తెలుగు దేశం పార్టీ సమన్వయ కమిటి సమా వేశంలో ఎస్పీ అంశాన్నే ప్రధానంగా చర్చించినట్లు తెలుస్తోంది. జిల్లా మంత్రులు సోమిరెడ్డి చంద్రమోహన్‌రెడ్డి, పి.నారా యణ, జిల్లా ఇన్‌ఛార్జ్‌ మంత్రి అమర్‌నాథ్‌ రెడ్డిల సమక్షంలో అధికారపార్టీ ఎమ్మెల్యేలు తమ గోడు వెళ్లబోసుకున్నారు. ఎమ్మెల్యేలు కురుగొండ్ల రామకృష్ణ, పోలంరెడ్డి శ్రీని వాసులురెడ్డి, పాశం సునీల్‌కుమార్‌లు ఎస్పీ వ్యవహారశైలిపై గట్టిగా మాట్లాడారు. ఆయనను ఎస్పీగా కొనసాగిస్తే నియో జకవర్గాలలో తమకు ఓట్లు పడవన్న ట్లుగా వాపోయారు. ఎస్పీ అయినా మారాలని, లేదంటే ఎస్పీనైనా మార్చాలని, మంత్రులు ఆ పని చేయకుంటే ముఖ్య మంత్రి వద్దే దీనిపై పంచాయితీ పెడతా మని వార్నింగ్‌ ఇచ్చారు.

'విక్రమార్కుడు' సినిమాలో హీరో రవితేజ డైలాగ్‌... పోలీసోడు ట్రాన్స్‌ఫర్‌ అయితే పోలీసేస్టేషన్‌కే పోతాడు, రైల్వే స్టేషన్‌కు కాదు... ఇప్పుడు రామకృష్ణను బదిలీ చేసి ఇంకో జిల్లాలో వేసినా అక్కడ అధికార పార్టీ నాయకులదీ ఇదే పరిస్థితి. తమ మాట వినలేదని ట్రాన్స్‌ఫర్లు చేసు కుంటూ పోతే ప్రజల కోసం పనిచేసే అధికారులే మిగలరు. అధికార పార్టీ నాయకులు వారివైపు నుండి ఆలోచించడం మాని కొంచెం చట్టం వైపు నుండి కూడా ఆలోచించడం నేర్చుకోవాలి.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • మంత్రి పోటీలో లేకుంటే.. మేమే...
    నెల్లూరు నగరం నుండి మంత్రి నారాయణ పోటీ చేస్తే... గెలుపు ఆయనదే! నెల్లూరు నగర టీడీపీ నాయకుల స్టేట్‌మెంట్‌ ఇది. ఇది పైకి మాత్రమే! ఆయన పోటీ చేయకుంటే మాత్రం సీటు మాకే ఇవ్వాలి. ఇదీ నాయకుల మనసులోని మాట. సీటును…
  • ఆత్మకూరులో... సమన్వయం సాధ్యమేనా?
    2019 ఎన్నికల్లో ఆత్మకూరు నియో జకవర్గం నుండి తెలుగుదేశం పార్టీ అభ్యర్థిగా ఆనం రామనారాయణరెడ్డి వుంటాడు. నూటికి 99శాతం ఇది పక్కా. ఆ ఒక్క శాతం ఇంకేవైనా అనుకోని పరి ణామాలు జరిగితే మార్పుండొచ్చు. ఆనంకు సీటు ఇవ్వడం కోసమే ఇక్కడ…
  • ప్రాణాలను మింగుతున్న చెరువులు
    అన్నెంపున్నెం ఎరుగని, ఆడుతూపాడుతూ తిరిగే ముగ్గురు చిన్నారులను చెరువు మృత్యుకౌగిలిలోకి తీసుకెళ్లింది. ముగ్గురు చెరువులో మునిగి విగతజీవులుగా మారారు. తమ బిడ్డలు ఇక లేరని తెలియడంతో తల్లిదండ్రులు గుండెలవిసేలా రోధించారు. ఈ హృదయ విదారక ఘటన నెల్లూరుజిల్లా దొరవారిసత్రం మండలం వడ్డికండ్రిగ…
  • పోలవరం... ఇక కలవరం
    ఈ ప్రాజెక్ట్‌ నువ్వే చెయ్యాలి బాబూ అని వాళ్ళు అడగలేదు... ఆ ప్రాజెక్ట్‌ వాళ్ళ బాధ్యత... పూర్తి చేయాల్సింది వాళ్ళు... రాష్ట్ర విభజన చట్టంలో క్లియర్‌గా వుంది. ఈయన తగుదునమ్మా అంటూ వెళ్ళాడు... పోలవరం ప్రాజెక్ట్‌ నిర్మాణ బాధ్యత మేమే తీసుకుంటామన్నాడు.…
  • వీళ్ళు... సీతయ్యకు అన్నయ్యలు
    మోచేతి నీళ్ళు తాగే ఆఫీసర్లు ఉన్నంతవరకే ప్రజాప్రతినిధులు ఏ ఆటయినా ఆడగలరు. అధికారి అడ్డం తిరిగాడంటే ప్రజా ప్రతినిధి కాదు కదా ముఖ్యమంత్రి కూడా ఏమీ చేయలేడు. అది ఏ పార్టీ అయినా... ఏ ప్రభుత్వమైనా! అధికారులు కరెక్ట్‌గా వుంటే ప్రజాప్రతినిధులు…

Newsletter