04 November 2017 Written by 

మేఘం మెరిసెను... వర్షం కురిసెను

meghamఓ పక్క సోమశిల రిజర్వాయర్‌లో 50 టిఎంసీల నీళ్ళు రావడం, ఇంకోపక్క ఐఏబి సమావేశంలో జిల్లాలో రబీ సీజన్‌కు 5లక్షల ఎకరాల ఆయకట్టుకు నీళ్ళివ్వాలని నిర్ణయించడం, అదే సమయంలో జిల్లా వ్యాప్తంగా వర్షాలు కురుస్తుండడంతో రైతాంగం ఆనందంలో వుంది. గత ఏడాది రైతులపై పగబట్టినట్లుగా వున్న ప్రకృతి ఈ ఏడాది మాత్రం కరుణించింది. కడప, కర్నూలు జిల్లాల్లో కురిసిన వర్షాలతో పాటు శ్రీశైలం నుండి వదిలిన నీటితో సోమశిలలో 50టీఎంసీలు, కండ్లేరులో 10 టీఎంసీలు నీళ్ళు చేరాయి. గత ఏడాది జిల్లాలో వానలే లేకపోవడంతో ఈ ఏడాది రైతులు రెండో పంట వేయలేదు. తొలి పంటతోనే సరిపెట్టుకున్నారు. సోమశిలకు నీళ్ళు రాక, వర్షాలు పడకపోయివుంటే ఇప్పుడు పైరు కూడా అనుమానంగానే వుండేది. ఈశాన్య ఋతుపవనాల ఆగమనంతో ఇంకా భారీ వర్షాలు పడతాయనే నమ్మకం కూడా ఏర్పడింది. పరిస్థితులు అనుకూలించడంతో రైతులు నారుమళ్ళకు సిద్ధమవుతున్నారు. ఐఏబి సమావేశంలో 5లక్షల ఎకరాలకు నీళ్ళివ్వాలని నిర్ణయించినా, జిల్లా వ్యాప్తంగా పది లక్షల ఎకరాలలో వరిపైరు సాగుచేసే అవకాశముంది. అయితే డెల్టా రైతులు ఆనందంగానే వున్నా మెట్ట ప్రాంతాలైన ఉదయగిరి, వింజమూరు, మర్రిపాడు, వరికుంటపాడు, దుత్తలూరు, ఓజిలి, చిల్లకూరు, చిట్టమూరు, పెళ్ళకూరు తదితర మండలాల్లో మాత్రం ఇంకా సరిగా వానలు పడక, మెట్ట పైర్లు ధైర్యంగా వేయలేని స్థితిలో రైతులున్నారు.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…

Newsletter