Friday, 17 November 2017 06:29

ఇప్పుడన్నా ఇస్తారా?

Written by 
Rate this item
(0 votes)

tdp leadersతెలుగుదేశం అధికారంలోకి వచ్చింది... మరి పార్టీ ప్రతి పక్షంలో వున్న పదేళ్ళ పాటు పార్టీ జెండాలు మోసిన వారికి ఏమిచ్చింది... నెల్లూరుజిల్లా తెలుగుదేశం పార్టీ నాయకుల్లో నెలకొన్న అసంతృప్తి ఇది. పార్టీ అధికారంలోకి వచ్చినప్పటి కంటే ప్రతిపక్షంలో వున్నప్పుడే తమకు విలువ వుండిందని, పార్టీ అధికా రంలోకి వచ్చాక తమను వెనక్కు నెట్టేసి, కాంగ్రెస్‌, వైకాపాల నుండి వలసవచ్చిన వాళ్ళకు పెద్దపీట వేస్తున్నారంటూ జిల్లా టీడీపీ లోని సీనియర్‌ నాయకులు ఆవేదన చెందుతున్నారు.

ముఖ్యంగా నారాయణ మంత్రి అయ్యాక జిల్లాలో ఒరిజినల్‌ తెలుగుదేశం నాయకులకంటే వైకాపా, కాంగ్రెస్‌ల నుండి వచ్చినవాళ్ళకే పెద్దపీట వేశారు. తెలుగుదేశం అధికారంలోకి వచ్చాక జిల్లాలో ఇచ్చిన తొలి నామినేటెడ్‌ పదవి ప్రభుత్వాసుపత్రి అభివృద్ధి కమిటి ఛైర్మెన్‌గా కాంగ్రెస్‌ నుండి వచ్చిన చాట్ల నర శింహారావును నియమించడం. ఆయన పూర్తిగా నారా యణ మనిషి. పార్టీ జిల్లా మహిళా అధ్యక్షురాలిగా వైసిపి నుండి వచ్చిన ముప్పాళ్ళ విజేతను నియమిం చారు. అలాగే సూళ్ళూరుపేట చెంగాళమ్మ దేవస్థానం బోర్డు ఛైర్మెన్‌గా ముప్పాళ్ళ వెంకటేశ్వరరెడ్డిని నియ మించారు. ఈ నియామకాల పట్ల సూళ్ళూరుపేట నియోజకవర్గంలోని పార్టీ సీనియర్‌ నాయకులు తీవ్ర ఆగ్రహంతో వున్నారు. ఇక మొన్న పట్టభద్రుల ఎమ్మెల్సీ ఎన్నికల్లో కూడా రెండుసార్లు పోటీచేసి అన్ని విధాలా నష్టపోయిన దేశాయిశెట్టి హనుమంతురావును కాకుండా కాంగ్రెస్‌ నుండి తెలుగుదేశంలో చేరిన తన అనుచరుడు వేమిరెడ్డి పట్టాభిరామిరెడ్డిని పెట్టుకున్నాడు మంత్రి నారాయణ. పట్టాభి ఓడిపోవడం తెలిసిందే!

ఎన్నికలు వేగంగా తరుముకొస్తున్న నేపథ్యంలో నామినేటెడ్‌ పదవులను భర్తీ చేయడం అంటూ జరిగితే ఇప్పుడే జరగాలి. ఈమేరకు కసరత్తు కూడా చేస్తున్నట్లు తెలుస్తోంది. జిల్లాలో రెడ్ల ఆధిపత్యం ఎక్కువ కాబట్టి ఆ సామాజికవర్గంకు ఈసారి పెద్దపీట వేయొచ్చని భావిస్తున్నారు. ఇప్పటికే 'నుడా' ఛైర్మెన్‌గా కోటంరెడ్డి శ్రీనివాసులురెడ్డిని నియమించివున్నారు. ఇక ఆదాల ప్రభాకర్‌రెడ్డి, వేనాటి రామచంద్రారెడ్డి, కంభం విజయరామిరెడ్డి, టి.అనూరాధ లలో ఇద్దరిని నామినేటెడ్‌ పదవులు వరించే అవకాశాలున్నట్లు తెలుస్తోంది. అలాగే ఆనం రామనారాయణరెడ్డి రావడం వల్ల ఆత్మకూరు ఇన్‌ఛార్జ్‌ హోదాను కోల్పోయిన గూటూరు కన్నబాబును కూడా నామినేటెడ్‌ పదవికి ఎంపిక చేస్తారని సమాచారం. బలహీనవర్గాల నుండి డాక్టర్‌ జడ్‌.శివప్రసాద్‌, కాపు సామాజికవర్గం నుండి దేశాయి శెట్టి హనుమంతురావులకు ఖచ్చితంగా ఈసారి పదవులు ఇచ్చే అవకాశాలున్నాయి.

నామినేటెడ్‌ పదవులు ఇప్పటికే ఆలస్యమయ్యాయని తమ్ముళ్ళు అసంతృప్తితో వున్నారు. కనీసం ఇప్పుడన్నా పార్టీని నమ్ముకుని, పార్టీ జెండాలు మోసి, పార్టీ కోసం అన్ని విధాలా నష్టపోయినవాళ్ళకు పదవులు ఇస్తే గత అసంతృప్తిని కొంతన్నా మాయం చేసినవాళ్ళవుతారు.

Read 865 times
Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ఆత్మకూరు టీడీపీకి... దిక్కెవరు?
    ఈ నెల 8వ తేదీన నాయుడుపేటలో నిర్వ హించిన ముఖ్యమంత్రి చంద్రబాబునాయుడు నవనిర్మాణదీక్ష సభకు మాజీమంత్రి ఆనం రామ నారాయణరెడ్డి రానని చెప్పడంతోనే తెలుగుదేశం శ్రేణులకు ఆయన ఉద్దేశ్యం అర్ధమైపోయింది. ఆనం రామనారాయణరెడ్డిని తెలుగుదేశంలో నిలుపుకునేందుకు జిల్లా మంత్రి పి.నారాయణ నుండి…
  • తమ్ముడు తోడొచ్చేనా?
    మాజీమంత్రి ఆనం రామనారాయణరెడ్డి త్వరలో వైసిపిలో చేరనున్నట్లు తెలుస్తోంది. మరి ఆయనతో పాటు ఆయన కుటుంబసభ్యులు ఇంకెవరెవరు పార్టీలో చేరనున్నారన్నది ప్రశ్నగా మారింది. నాలుగో సోదరుడైన ఆనం విజయ కుమార్‌రెడ్డి ఆల్‌రెడీ వైసిపిలోనే వున్నాడు కాబట్టి ఆయనతో పనిలేదు. ఇక స్వర్గీయ…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • వైకాపాలో కుటుంబ రాజకీయం
    నెల్లూరు జిల్లాలో వైయస్సార్‌ కాంగ్రెస్‌పార్టీలో మొదటగా చేరింది, మొదటి నుండి జగన్‌కు అండగా నిలిచింది మేకపాటి కుటుంబం. పెద్ద రాజకీయ కుటుంబాలేవీ జగన్‌ వెంట రాకున్నా ఆయన పార్టీ పెట్టిన కొత్తల్లో కాంగ్రెస్‌పార్టీ ఎంపీగా వున్న మేకపాటి రాజమోహన్‌రెడ్డి, ఎమ్మెల్యేగా వున్న…

Newsletter