Thursday, 23 November 2017 17:20

విదేశాలలో ఉన్నా... మేయరేనా?

Written by 
Rate this item
(0 votes)

mayor mukkalaఒక జిల్లా కలెక్టర్‌ రెండు వారాల పాటు సెలవుపై వెళుతుంటే జాయింట్‌ కలెక్టర్‌కు ఇన్‌ఛార్జ్‌ కలెక్టర్‌ బాధ్యతలు అప్పగిస్తారు. ఒక డి.ఇ.ఓ 15రోజులకుపైగా సెలవుపెడితే డిప్యూటీ డిఇఓకు బాధ్యతలు ఇస్తారు. ఒక ముఖ్యమంత్రి ఆరోగ్యరీత్యానో, న్యాయ వివాదాల కారణంగానో ఆ కుర్చీకి దూరంగా ఉండాల్సి వస్తే ఉప ముఖ్యమంత్రికో లే ఎవరో ఒక మంత్రికి ఇన్‌ఛార్జ్‌ సీఎం పనులు అప్పజెబుతారు. మేయర్‌, డిప్యూటీ మేయర్‌లు కూడా ఇంతే.

నగరపాలక సంస్థలో డిప్యూటీ మేయర్‌కు ప్రత్యేక అధికారాలేమీ ఉండవు. అనుకోని పరిస్థితుల్లో మేయర్‌ ఎక్కువ రోజులు అందుబాటులో లేనప్పుడు, లేదా అతను ఇంకో పదవిలోకి పోయి మేయర్‌ పదవికి రాజీనామా చేసినప్పుడు డిప్యూటీ మేయరే ఇన్‌ఛార్జ్‌ మేయర్‌గా వ్యవహ రించాల్సి వుంటుంది. ఒక్క మాటలో చెప్పాలంటే డిప్యూటీ మేయర్‌ను రిజర్వ్‌ మేయర్‌ అనుకోవచ్చు.

నెల్లూరు నగరపాలక సంస్థలో ఆ పద్ధతులను తుంగలో తొక్కుతూ తన ఇష్టా రాజ్యంగా వ్యవహరిస్తున్నాడు మేయర్‌ అబ్దుల్‌ అజీజ్‌. జిహెచ్‌ఎంసి చట్టాల ప్రకారం మేయర్‌ 15రోజులకు పైగా విధులకు దూరంగా వుంటే డిప్యూటీ మేయర్‌కు మేయర్‌ అధికారాలు సంక్ర మిస్తాయి. డిప్యూటీ మేయరే కౌన్సిల్‌ సమావేశం ఏర్పాటు చేయొచ్చు. మేయర్‌ అబ్దుల్‌ అజీజ్‌ ఈనెల 1 నుండి నెల్లూరులో లేడు. వ్యాపారాల రీత్యా లండన్‌కు వెళ్ళినట్లు సమాచారం. అయితే తాను ఇన్నిరోజులు నెల్లూరులో ఉండనని అధికారికంగా ప్రకటించలేదు. అంటే మేయర్‌ కుర్చీలో తానున్నానన్నట్లే కవర్‌ చేస్తూ వచ్చాడు. అయితే మేయర్‌ 20రోజులకు పైగా అందుబాటులో లేకపోవడంతో డిప్యూటీ మేయర్‌ ముక్కాల ద్వారకానాథ్‌ జిఎంహెచ్‌సి చట్టాన్ని తెరమీదకు తెచ్చాడు. మేయర్‌ అందుబాటులో లేనందున తనకు అధికారాలు అప్పగించాలని కమిషనర్‌కు లేఖ వ్రాసారు. మేయర్‌ అజీజ్‌ తాను ఎక్కడకు పోతున్నదీ, ఎన్నిరోజులు కార్పొరేషన్‌ ఆఫీసుకు రాకుండా ఉండేది కమిషనర్‌కు చెప్పలేదు. దీనికితోడు మేయర్‌ అజీజ్‌ అమెరికాలో తన మిత్రులతో కలిసి వున్న ఫోటోలను డిప్యూటీ మేయర్‌ ద్వారకానాథ్‌ మనుషులే సోషల్‌ మీడియాలో పోస్ట్‌ చేయగా, సెల్‌ఫోన్‌లలో ఆ ఫోటోలు వైసిపి నాయకులకు వెదకబోయిన తీగ కాలికి తగిలినట్లయ్యింది. మేయర్‌ ఇండియాలో లేడన్న పక్కా సమాచారం అందడంతో, ఈ నెల 30న డిప్యూటీమేయర్‌ ద్వారకానాథ్‌ అధ్యక్షతన కౌన్సిల్‌ సమావేశం నిర్వహించేలా ప్రయత్నాలు జరుగుతున్నాయి. అయితే దీనికి అధికారపార్టీ ఎంతవరకు సహకరిస్తుందో చూడాలి. ఇరువర్గాల మధ్య పోరుతో కమిషనర్‌ ఇరకాటంలో పడ్డాడు. ఈ వివాదం పరిష్కారం కోసం ఆయన చట్టం, న్యాయం దారులు వెదుకుతున్నట్లు తెలుస్తోంది.

Read 660 times
Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ఇప్పుడిప్పుడే పుంజుకుంటున్న రియల్‌
    వై.యస్‌.రాజశేఖరరెడ్డి మరణం తర్వాత నెల్లూరుజిల్లాలో రియల్‌ మార్కెట్‌ పడిపోయింది. ఆ తర్వాత కూడా రియల్‌ రంగానికి అన్నీ ఎదురుదెబ్బలే! వై.యస్‌. మరణంతో జిల్లాలో పారిశ్రామికాభివృద్ధి కుంటుపడడం, ఆ తర్వాత వచ్చిన సీఎంల పాలనలో వేగం లేకపోవడంతో రియల్‌ మార్కెట్‌లో ప్రతిష్టంభన ఏర్పడింది.…
  • మేజర్‌లు... మున్సిపాల్టీలయ్యేనా?
    నెల్లూరుజిల్లాలో కొత్త మున్సిపాల్టీల ఏర్పాటులో కదలిక వచ్చినట్లుగా తెలు స్తోంది. రాష్ట్ర ప్రభుత్వం పట్టణీకరణలో భాగంగా పలు మేజర్‌ పంచాయితీలను మున్సిపాల్టీలుగా మార్పు చేయాలనుకుంది. ఈమేరకు మున్సిపాల్టీలుగా మార్చగల పంచాయితీ పేర్లను ప్రతిపాదించాలని కలెక్టర్లను ఆదేశించడం జరిగింది. నెల్లూరుజిల్లా కలెక్టర్‌ ఛైర్మెన్‌గా…
  • వెంకటగిరి... నా ఊపిరి!
    నెల్లూరుజిల్లా రాజకీయ చరిత్రలో గుర్తుండిపోయే నాయకుడు స్వర్గీయ నేదురుమల్లి జనార్ధన్‌రెడ్డి. ఒకే జెండాను, ఒకే అజెండాను, ఒకే సిద్ధాంతాన్ని, ఒకే రాజకీయ మార్గాన్ని ఎంచుకుంటే సామాన్యులు సైతం అత్యున్నత స్థానాలకు ఎదుగుతారనడానికి రెండు ఉదాహరణలు ఈ జిల్లా నుండే వున్నాయి. తొలినుండి…
  • కృష్ణ పోటెత్తింది
    కడప, కర్నూలు, అనంతపురం, చిత్తూరు, నెల్లూరు, ప్రకాశం, గుంటూరు జిల్లాల్లో వై.యస్‌.జగన్‌ ప్రజాసంకల్ప పాదయాత్రకు విశేషస్పందన లభించింది. ఇది పెద్ద విషయమేమీ కాదు. ఈ జిల్లాల్లో కొన్ని వైకాపాకు కంచుకోటలు కాగా, ఇంకో రెండు జిల్లాల్లోనూ బలంగానే వుంది. కాని, అసలు…
  • వేమాలశెట్టి బావిలో... వేలుపెట్టిన వేమిరెడ్డి పట్టాభి
    నెల్లూరు, దర్గామిట్టలో టీటీడీ కళ్యాణ మండపం ఎదురుగా వున్న వేమాలశెట్టి బావి సత్రం స్థలం మరోసారి వివాదంలో కెక్కింది. మంగళవారం రాత్రి ఈ స్థలంలో మున్సిపల్‌ మంత్రి పి.నారాయణ ముఖ్య అనుచరుడు వేమిరెడ్డి పట్టాభిరామిరెడ్డి ఆధ్వర్యంలో శనీశ్వరుని విగ్రహాన్ని ప్రతిష్టించడం వివాదానికి…

Newsletter