01 December 2017 Written by 

ప్రాణాలను మింగుతున్న చెరువులు

cheruvuఅన్నెంపున్నెం ఎరుగని, ఆడుతూపాడుతూ తిరిగే ముగ్గురు చిన్నారులను చెరువు మృత్యుకౌగిలిలోకి తీసుకెళ్లింది. ముగ్గురు చెరువులో మునిగి విగతజీవులుగా మారారు. తమ బిడ్డలు ఇక లేరని తెలియడంతో తల్లిదండ్రులు గుండెలవిసేలా రోధించారు. ఈ హృదయ విదారక ఘటన నెల్లూరుజిల్లా దొరవారిసత్రం మండలం వడ్డికండ్రిగ గ్రామంలో గత నెల 26న చోటు చేసుకుంది. ఈ సంఘటనతో ఆనేగొట్టం, ఆనేపూడి గ్రామాల్లోని మూడు కుటుంబాల్లో విషాదం నింపింది. పోలీసుల కథనం మేరకు ఆనేగొట్టం గ్రామానికి చెందిన కార్నా రాకేష్‌(14), వంకా వెంకట్‌హేమంత్‌(12), హరీష్‌, ఆనేపూడి గ్రామానికి చెందిన చొప్పల జయకృష్ణ(14) కలసి వడ్డికండ్రిక గ్రామానికి చెందిన స్నేహితుడు రాజేష్‌ ఇంటికి వెళ్లారు. అక్కడ నుంచి సరదాగా అందరూ కలుసుకుని గ్రామ సమీపంలోని చెరువులోకి ఈతకు వెళ్లారు. చెరువు ఒడ్డున రాజేష్‌, హరీష్‌ ఉండగా మిగిలిన ముగ్గురు విద్యార్థులు చెరువులోకి ఈత కొట్టేందుకు దిగారు. చెరువులో గ్రావెల్‌ గుంతలు ఉండటంతో ఈతరాని ముగ్గురూ ఒక్కసారిగా మునిగిపోయారు. ఒడ్డున ఉన్న విద్యార్థులు దిక్కుతోచక భయంతో చూస్తూ ఉండిపోయారు. మధ్యాహ్నం 12గంటలకు దుస్తులు ఉతికేందుకు కొందరు మహిళలు రాగా వారికి విషయం తెలియడంతో గ్రామానికి వెళ్ళి విషయం చెప్పారు. హుటాహుటిన వడ్డికండ్రిగ గ్రామానికి చెందిన కొందరు యువకులు చెరువులోకి దిగి ముమ్మరంగా రెండు గంటల పాటు గాలించారు. తొలుత జయకృష్ణ మృతదేహం, అనంతరం రాకేష్‌, వెంకట్‌హేమంత్‌ మృతదేహాలను బయటకు తీసారు. అప్పటికి సంఘటనా స్థలానికి విద్యార్థుల తల్లి దండ్రులు, బంధువులు చేరుకున్నారు. విద్యార్థుల మృతదేహాలను చూసి బోరున విలపించారు. ముగ్గురు విద్యార్థులు జడ్పీ పాఠశాలలో చదువుకుంటున్నారు. తహశీల్దార్‌ వెంటేశ్వరరావు, ఎస్సై కోటిరెడ్డి, ఎంపిటిసి కిషోర్‌, సర్పంచ్‌ విజయ్‌నాయుడు మృత దేహాలకు నివాళులర్పించారు.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…

Newsletter