01 December 2017 Written by 

కాంగ్రెస్‌ను కాపాడేనా?

rahul gandhiకాంగ్రెస్‌ ముక్త భారత్‌ నా లక్ష్యం అని ప్రధాని నరేంద్రమోడీ ఓ పక్క కంకణం కట్టుకుని పని చేస్తున్నాడు. దేశ రాజకీయ చరిత్రలో ఇంతవరకు తాముంటున్న పార్టీ అభివృద్ధి కోసం పాటుపడిన నాయకులను చూసాం, కాని తొలిసారిగా ఇంకో పార్టీ పతనం కోసం పని చేస్తున్న నాయకుడిగా నరేంద్ర మోడీని చూస్తున్నాం. ప్రధాని అయ్యాక ఆయన ప్రసంగాలు గమనిస్తే... తనను ప్రధానిని చేసిన భారతీయ జనతాపార్టీ పేరు కంటే ప్రతిపక్ష కాంగ్రెస్‌పార్టీ పేరునే ఆయన ఎక్కువసార్లు ఉచ్ఛరించి వుంటారు. ఆయన ఇంకోసారి బీజేపీని ఎలా అధికారంలోకి తీసుకురావాలా అని ఆలోచించడం లేదు. ఒక్కో రాష్ట్రం నుండి కాంగ్రెస్‌ను ఎలా వెళ్లగొట్టాలా అని మాత్రమే చూస్తున్నాడు.

అయితే ఇది కాంగ్రెస్‌కు ఓ రకంగా మంచి పరిణామం కూడా! తాను లేదా తన సంస్థ అభివృద్ధి చెందాలని ఏ వ్యక్తి అయినా కృషి చేస్తే దానికి తగ్గ ఫలితాలుంటాయి. తన వృద్ధి కోసం కాకుండా అవతలి వారి పతనం కోసం ఎక్కువ శ్రమ పడితే అది వృధా ప్రయాస కాక తప్పదని చరిత్రే ఋజువు చేస్తుంది. కాంగ్రెస్‌ పతనం కావాలంటే నరేంద్ర మోడీ అందుకు అధికార శక్తియుక్తులన్నింటిని ప్రయోగించాల్సిన అవసరం లేదు. ప్రధానంగా నరేంద్రమోడీ దేశ ప్రజలు మెచ్చేలా సత్ఫలితాలు చూపిస్తే, నోట్ల రద్దు, జిఎస్టీ వంటి బాదుడు కార్యక్రమాలు కాస్తా తగ్గిస్తే కాం గ్రెస్‌ను ఆయన నిర్వీర్యం చేయడం కాదు... దానం తట అదే నిర్వీర్యమవుతుంది. మూడున్నర దశాబ్దాల క్రితం దేశంలో కాంగ్రెస్‌ తప్ప ఇంకేమీ వుండేవి కావు. ఇప్పుడు కాంగ్రెస్‌పార్టీ శతకోటి లింగాలలో ఒక లింగమైపోయింది. కర్నాటకలో తప్ప ఏ ఒక్క పెద్ద రాష్ట్రం కూడా కాంగ్రెస్‌ చేతిలో లేదు. ఇండియా మ్యాప్‌ మొత్తం కాషాయం విస్తరిస్తోంది. అక్కడక్కడా కొన్ని ప్రాంతీయపార్టీలు గట్టిగా నిలబడ్డం వల్ల బీజేపీ విస్తరణకు ఆటంకం కలుగుతోంది.

దేశంలో బీజేపీ అత్యంత బలీయశక్తిగా తయారైన నేటి రాజకీయ పరిస్థితుల్లో మరి కాంగ్రెస్‌పార్టీ పరిస్థితి ఏంటి? ఆ పార్టీ బ్రతికి బట్టకడుతుందా? పూర్వవైభవం సంతరించుకుంటుందా? ఆ పార్టీకి జవసత్వాలు నింపేదెవరు? ఇలాంటి ప్రశ్నలెన్నో నేడు రాజకీయ వర్గాల్లో చర్చకు వస్తున్నాయి. కాంగ్రెస్‌కు ఉన్న ఒకే ఒక తురుపుమ్కు రాహుల్‌గాంధీ. సోనియాగాంధీ నాయకత్వం వహించే పరిస్థితి దాటిపోయింది. ఆమె నేతృత్వంలో కాంగ్రెస్‌ రెండుసార్లు అధికారంలోకి రాగలిగింది. యూపిఏ-2లో జరిగిన స్కాముల పాపాలకు 2014 ఎన్నికల్లో దేశ ప్రజలు కాంగ్రెస్‌ను చీదరించుకున్నారు. గత కొన్ని దశాబ్దాలలో ఒక్కో రాష్ట్రంలో ఒక్కో విధంగా కాంగ్రెస్‌ తన గోతిని తానే తీసుకుంటూ వచ్చింది. ఆంధ్రప్రదేశ్‌, తెలంగాణలో కాంగ్రెస్‌ సెల్ఫ్‌ సూసైడ్‌ను ప్రత్యక్షంగా చూసాం. ఏ రాష్ట్రంలోనూ కాంగ్రెస్‌ పునరుజ్జీవం పొందే సూచనలు లేవు. ఇలాంటి పరిస్థితుల్లో త్వరలోనే కాంగ్రెస్‌ సారధిగా రాహుల్‌గాంధీకి బాధ్యతలు కట్టబెట్టే ప్రయత్నాలు శరవేగంగా జరుగుతున్నాయి. బహుశా గుజరాత్‌ ఎన్నికలలోపే ఆ ముహూర్తం కూడా ఉండొచ్చు. గుజరాత్‌ ఎన్నికల్లో వచ్చే ఫలితాలు దేశ భవిష్యత్‌ రాజకీయాలపై తీవ్ర ప్రభావం చూపే అవకాశముంది. గుజరాత్‌లో గెలుపే లక్ష్యంగా అటు బీజేపీ ఇటు కాంగ్రెస్‌ పోరాడుతున్నాయి. ఇక్కడ బీజేపీ ఓడిపోవడం అంటూ జరిగితే మోడీ చాపక్రిందకు నీళ్ళు చేరడమే అవుతుంది. ఇక్కడ గెలిస్తే కొనఊపిరితో వున్న కాంగ్రెస్‌కు చివరి క్షణంలో శ్వాసను అందించి బ్రతికించినట్లే అవుతుంది. గుజరాత్‌లో బీజేపీ ఓడిపోవడం అంటూ జరిగితే అన్ని రాష్ట్రాల్లో కూడా ఆ పార్టీకి డౌన్‌ట్రెండ్‌ మొదలైనట్లే! అదే సమయంలో కాంగ్రెస్‌ పుంజు కోవడానికి అవకాశమిచ్చినట్లే! రాజకీయాలలో ఆత్మహత్యలు తప్ప హత్యలుండవు. ఇలాంటి పరిణామాలే కేంద్రప్రభుత్వంలో చోటు చేసుకుంటున్నాయి. ప్రధానిగా మోడీ దేశ ఆర్ధిక వ్యవస్థను పరుగులు తీయించేంతటి కార్యక్రమాలేవీ చేపట్టలేదు. వాజ్‌పేయి హయాంలో చేపట్టిన స్వర్ణచతుర్భుజి పథకంతోనే దేశంలో ఆర్ధిక వ్యవస్థ ఎంతో ప్రేరణపొందింది. అన్ని రంగాలలోనూ మంచి ఫలితాలు వచ్చాయి. ఈ మూడున్నరేళ్ళలో నరేంద్రమోడీ అలాంటి కార్యక్రమాన్ని ఒక్కటీ చేపట్టలేకపోయాడు, సరికదా నోట్ల రద్దు, జిఎస్టీలతో కొన్ని వర్గాల ప్రజల్లో వ్యతిరేకత వచ్చింది. అయితే ఆ వ్యతిరేకత ఓట్ల రూపంలోకి ఎంతవరకు మారుతుందన్నదే ప్రశ్న!

పార్టీ నాయకత్వం విషయంలోకి వస్తే నరేంద్ర మోడీ ముందు రాహుల్‌ చాలడం లేదు. మోడీ మాటల మాంత్రికుడు. ప్రపంచ దేశాలు తిరిగాడు. దౌత్య విజయాలు సాధించాడు. అన్నింటికి మించి ఈ మూడున్నరేళ్లలో ప్రభుత్వంపై ఒక్క అవినీతి ఆరోపణ గాని, ఒక్క కుంభకోణం గాని లేదు. ప్రభుత్వం నిజా యితీగా పనిచేస్తోంది. అయితే జిఎస్టీ, నోట్ల రద్దు పార్టీకి ప్రతికూలంగా మారిన వాతావరణం కనిపి స్తోంది. బీజేపీ వైఫల్యాల ఆధారంగానే ఇక దేశంలో కాంగ్రెస్‌ ఎదగాల్సి వుంటుంది. ఒకప్పుడు దేశంలో కాంగ్రెస్‌ వ్యతిరేక ఓటు మీద ప్రతిపక్ష పార్టీ ఆధారపడి ఉండేది. కాంగ్రెస్‌ను పడగొట్టడానికి దేశంలోని జాతీయ, ప్రాంతీయ పార్టీలన్నీ కలిసి కూటమి కట్టేవి. దేశ చరిత్రలో ఇప్పటికీ కేంద్రంలో సింగిల్‌ పార్టీ రూలింగ్‌ ఘనత కాంగ్రెస్‌దే! కాంగ్రెసేతర ప్రభు త్వాలన్నీ కూడా కలగూరగంప లాంటి పార్టీల కలయికతో ఏర్పడిన ప్రభుత్వాలే! దేశంలో ఒకప్పుడు కాంగ్రెస్‌ వున్న స్థానంలో ఇప్పుడు బీజేపీ వుంది. బీజేపీ వ్యతిరేక ఓటు మీదే కాంగ్రెస్‌, ఇతర వ్యతిరేక పార్టీల మనుగడ ఆధారపడి వుంది. గతంలో కాంగ్రెస్‌ వ్యతిరేక ఓట్లన్నీ వివిధ పార్టీల మధ్య చీలేవి. ఇప్పుడు బీజేపీ వ్యతిరేక ఓట్లను ఆయా పార్టీలు చీల్చుకుంటున్నాయి.

ఒకప్పుడు మైనార్టీలు మూకుమ్మడిగా కాంగ్రెస్‌కు ఓట్లేసే వాళ్ళు. ఇప్పుడు దేశంలో లౌకికవాదమని చెప్పుకునే పార్టీలు ఎక్కువయ్యాయి. ఆ పార్టీల మధ్య కాంగ్రెస్‌ ఓటు బ్యాంకు చీలిపోతూ వచ్చింది. కాంగ్రెస్‌ పతనావస్థకు ఇది కూడా ఒక కారణం.

కాంగ్రెస్‌ను నిలబెట్టాలంటే రాహుల్‌కు ముందు దేశం గురించి, దేశంలోని ఆయా రాష్ట్రాలలో కాంగ్రెస్‌ స్థితిగతుల గురించి తెలిసుండాలి. బీజేపీ వ్యతిరేక శక్తులను ఏకతాటిపైకి తెచ్చే తెలివితేటలుండాలి. బీజేపీ బలమైన శత్రువు... ఆ పార్టీని ఢీ కొట్టాలంటే రాహుల్‌ చాలడు. దేశంలో మరికొంతమంది రాజకీయ యోధులను సమీకరించి రేపటి ఎన్నికల యుద్ధానికి ఆయన సిద్ధం కావాల్సివుంది.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…

Newsletter